- ਉਠ ਜਾਗ ਘੁਰਾੜੇ ਮਾਰ ਨਹੀਂ, ਇਹ ਸੌਣ ਤੇਰੇ ਦਰਕਾਰ ਨਹੀਂ।
- ਇਕ ਰੋਜ਼ ਜਹਾਨੋਂ ਜਾਣਾ ਏਂ, ਜਾ ਕਬਰੇ ਵਿਚ ਸਮਾਣਾ ਏਂ,
- ਤੇਰਾ ਗੋਸ਼ਤ ਕੀੜਿਆਂ ਖਾਣਾ ਏਂ, ਕਰ ਚੇਤਾ ਮਰਗ ਵਿਸਾਰ ਨਹੀਂ।
- ਤੇਰਾ ਸਾਹਾ ਨੇੜੇ ਆਇਆ ਏ, ਕੁਝ ਚੋਲੀ ਦਾਜ ਰੰਗਾਇਆ ਏ,
- ਕਿਉਂ ਆਪਣਾ ਆਪ ਵੰਝਾਇਆ ਏ, ਐ ਗ਼ਾਫ਼ਲ ਤੈਨੂੰ ਸਾਰ ਨਹੀਂ।
- ਤੂੰ ਸੁੱਤਿਆਂ ਉਮਰ ਵੰਝਾਈ ਏ, ਤੂੰ ਚਰਖੇ ਤੰਦ ਨਾ ਪਾਈ ਏ,
- ਕੀ ਕਰ ਸੈਂ ਦਾਜ ਤਿਆਰ ਨਹੀਂ, ਉਠ ਜਾਗ ਘੁਰਾੜੇ ਮਾਰ ਨਹੀਂ।
- ਜਿਸ ਦਿਨ ਜੋਬਨ ਮੱਤੀ ਸੈਂ, ਤੂੰ ਨਾਲ ਸਈਆਂ ਦੇ ਰੱਤੀ ਸੈਂ,
- ਹੋ ਗ਼ਾਫ਼ਲ ਗੱਲੀਂ ਵੱਤੀ ਸੈਂ, ਇਹ ਭੋਰਾ ਤੈਨੂੰ ਸਾਰ ਨਹੀਂ।
- ਤੂੰ ਮੁੱਢੋਂ ਬਹੁਤ ਕੁਚੱਜੀ ਸੈਂ, ਨਿਰਲੱਜਿਆਂ ਦੀ ਨਿਰਲੱਜੀ ਸੈਂ,
- ਤੂੰ ਖਾ ਖਾ ਖਾਣੇ ਰੱਜੀ ਸੈਂ, ਹੁਣ ਤਾਈਂ ਤੇਰਾ ਬਾਰ ਨਹੀਂ।
- ਅੱਜ ਕਲ ਤੇਰਾ ਮੁੱਕਲਾਵਾ ਏ, ਕਿਉਂ ਸੁੱਤੀ ਕਰ ਕਰ ਦਾਅਵਾ ਏ,
- ਅਣਡਿਠਿਆਂ ਨਾਲ ਮਿਲਾਵਾ ਏ, ਇਹ ਭਲਕੇ ਗਰਮ ਬਾਜ਼ਾਰ ਨਹੀਂ।
- ਏਸ ਜਹਾਨੋ ਜਾਏਂਗੀ, ਫਿਰ ਕਦਮ ਨਾ ਏਥੇ ਪਾਏਂਗੀ,
- ਇਹ ਜੋਬਨ ਰੂਪ ਵੰਝਾਏਂਗੀ, ਤੈਂ ਰਹਿਣਾ ਵਿਚ ਸੰਸਾਰ ਨਹੀਂ।
- ਮੰਜ਼ਲ ਤੇਰੀ ਦੂਰ ਦੁਰਾਡੀ, ਤੂੰ ਪੌਣਾਂ ਵਿਚੋਂ ਜੰਗਲ ਵਾਦੀ,
- ਔਖਾ ਪਹੁੰਚਣ ਪੈਰ ਪਿਆਦੀ ਹੈ, ਦਿਸਦੀ ਤੂੰ ਅਸਵਾਰ ਨਹੀਂ।
- ਇਕ ਇਕਲੀ ਤਨਹਾ ਚਲਸੇਂ, ਜੰਗਲ ਬਰਬਰ ਦੇ ਵਿਚ ਰੁਲਸ,
- ਲੈ ਲੈ ਤੋਸ਼ਾ ਏਥੋਂ ਘੱਲਸੈਂ, ਓਥੇ ਲੈਣ ਉਧਾਰ ਨਹੀਂ।
- ਉਹ ਖ਼ਾਲੀ ਏ ਸੁੰਞੀ ਹਵੇਲੀ, ਤੂੰ ਵਿਚ ਰਹਿਸੇਂ ਇਕ ਇਕੇਲੀ,
- ਹੋਸੀ ਹੋਰ ਨਾ ਬੇਲੀ, ਸਾਥ ਕਿਸੇ ਦਾ ਬਾਰ ਨਹੀਂ।
- ਜਿਹੜੇ ਸਨ ਦੇਸਾਂ ਦੇ ਰਾਜੇ, ਨਾਲ ਜਿਨ੍ਹਾਂ ਦੇ ਵੱਜਦੇ ਵਾਜੇ,
- ਗਏ ਹੋ ਕੇ ਬੇ-ਤਖ਼ਤੇ ਤਾਜੇ, ਕੋਈ ਦੁਨੀਆਂ ਦਾ ਇਤਬਾਰ ਨਹੀਂ।
- ਕਿੱਥੇ ਹੈ ਸੁਲਤਾਨ ਸਿਕੰਦਰ, ਮੌਤ ਨਾ ਛੱਡੇ ਪੀਰ ਪੈਗ਼ੰਬਰ,
- ਸੱਭੇ ਛੱਡ ਛੱਡ ਗਏ ਅਡੰਬਰ, ਕੋਈ ਏਥੇ ਪਾਇਦਾਰ ਨਹੀਂ।
- ਕਿੱਥੇ ਯੂਸਫ ਮਾਹਿ-ਕਨਿਆਨੀ, ਲਈ ਜ਼ੁਲੈਖਾ ਫੇਰ ਜਵਾਨੀ,
- ਕੀਤੀ ਮੌਤ ਨੇ ਓੜਕ ਫ਼ਾਨੀ, ਫੇਰ ਉਹ ਹਾਰ ਸ਼ਿੰਗਾਰ ਨਹੀਂ।
- ਕਿੱਥੇ ਤਖ਼ਤ ਸੁਲੇਮਾਨ ਵਾਲਾ, ਵਿਚ ਹਵਾ ਉਡਦਾ ਸੀ ਬਾਲਾ,
- ਉਹ ਭੀ ਕਾਦਰ ਆਪ ਸੰਭਾਲਾ, ਕੋਈ ਜ਼ਿੰਦਗੀ ਦਾ ਇਤਬਾਰ ਨਹੀਂ।
- ਕਿੱਥੇ ਮੀਰ ਮਲਕ ਸੁਲਤਾਨਾਂ ਸੱਭੇ ਛੱਡ ਛੱਡ ਗਏ ਟਿਕਾਣਾ,
- ਕੋਈ ਮਾਰ ਨਾ ਬੈਠੇ ਠਾਣਾ, ਲਸ਼ਕਰ ਦਾ ਜਿਨ੍ਹਾਂ ਸ਼ੁਮਾਰ ਨਹੀਂ।
- ਫੁੱਲਾਂ ਫੁੱਲ ਚੰਬੇਲੀ ਲਾਲਾ, ਸੋਸਨ ਸਿੰਬਲ ਸਰੂ ਨਿਰਾਲਾ,
- ਬਾਦਿ-ਖ਼ਿਜ਼ਾ ਕੀਤਾ ਬੁਰ ਹਾਲਾ, ਨਰਗਸ ਨਿਤ ਖ਼ੁਮਾਰ ਨਹੀਂ।
- ਜੋ ਕੁਝ ਕਰਸੇਂ ਸੋ ਕੁਝ ਪਾਸੇ, ਨਹੀਂ ਤੇ ਓੜਕ ਪਛੋਤਾਸੈਂ,
- ਸੁੰਞੀ ਕੂੰਜ ਵਾਂਙ ਕੁਰਲਾਸੇਂ, ਖੰਭਾਂ ਬਾਝ ਉਡਾਰ ਨਹੀਂ।
- ਡੇਰਾ ਕਰਸੇਂ ਉਹਨੀ ਜਾਈਂ, ਜਿਥੇ ਸ਼ੇਰ ਪਲੰਗ ਬਲਾਈ,
- ਖ਼ਾਲੀ ਰਹਿਸਣ ਮਹਿਲ ਸਰਾਈਂ, ਫਿਰ ਤੂੰ ਵਿਰਸੇਦਾਰ ਨਹੀਂ।
- ਅਸੀਂ ਆਜਜ਼ ਵਿਚ ਕੋਟ ਇਲਮ ਦੇ, ਓਸੇ ਆਂਦੇ ਵਿਚ ਕਲਮ ਦੇ,
- ਬਿਨ ਕਲਮੇ ਦੇ ਨਾਹੀਂ ਕੰਮ ਦੇ, ਬਾਝੋਂ ਕਲਮੇ ਪਾਰ ਨਹੀਂ।
- ਬੁਲ੍ਹਾ ਸ਼ਹੁ ਬਿਨ ਕੋਈ ਨਾਹੀਂ, ਏਥੇ ਓਥੇ ਦੋਹੀਂ ਸਰਾਈਂ,
- ਸੰਭਲ ਸੰਭਲ ਕੇ ਕਦਮ ਟਿਕਾਈ, ਫਿਰ ਆਵਣ ਦੂਜੀ ਵਾਰ ਨਹੀਂ।
1
- ਉਲਟੇ ਹੋਰ ਜ਼ਮਾਨੇ ਆਏ, ਤਾਂ ਮੈਂ ਭੇਦ ਸੱਜਣ ਦੇ ਪਾਏ। ਟੇਕ।
- ਕਾਂ ਲਗੜਾਂ ਨੂੰ ਮਾਰਨ ਲੱਗੇ, ਚਿੜੀਆਂ ਜੁੱਰ ਢਾਏ।
- ਘੋੜੇ ਚੁਗਣ ਅਰੂੜੀਆਂ ਤੇ, ਗੱਦੋਂ ਖਵੇਦ ਪਵਾਏ।
- ਆਪਣਿਆਂ ਵਿਚ ਉਲਫ਼ਤ ਨਾਹੀਂ, ਕਿਆ ਚਾਚੇ ਕਿਆ ਤਾਏ।
- ਪਿਉ ਪੁੱਤਰਾਂ ਇਤਫ਼ਾਕ ਨਾ ਕਾਈ, ਧੀਆਂ ਨਾਲ ਨਾ ਮਾਏ।
- ਸੱਚਿਆਂ ਨੂੰ ਪਏ ਮਿਲਦੇ ਧੱਕੇ, ਝੂਠੇ ਕੋਲ ਬਹਾਏ।
- ਅਗਲੇ ਹੋ ਕੰਗਾਲੇ ਬੈਠੇ, ਪਿਛਲਿਆਂ ਫ਼ਰਸ਼ ਵਿਛਾਏ।
- ਭੂਰੀਆਂ ਵਾਲੇ ਰਾਜੇ ਕੀਤੇ, ਰਾਜਿਆਂ ਭੀਖ ਮੰਗਾਏ।
- ਬੁਲ੍ਹਿਆ ਹੁਕਮ ਹਜ਼ੂਰੋਂ ਆਇਆਂ, ਤਿਸ ਨੂੰ ਕੌਣ ਹਟਾਏ।
- ਉਲਟੇ ਹੋਰ ਜ਼ਮਾਨੇ ਆਏ, ਤਾਂ ਮੈਂ ਭੇਦ ਸੱਜਣ ਦੇ ਪਾਏ।
2
- ਅੱਖਾਂ ਵਿਚ ਦਿਲ ਜਾਨੀ ਪਿਆਰਿਆ ਕੇਹਾ ਚੇਟਕ ਲਾਇਆ ਈ
- ਮੈਂ ਤੇਰੇ ਵਿਚ ਜ਼ਰਾ ਨਾ ਜੁਦਾਈ ਸਾਥੋਂ ਆਪ ਛੁਪਾਇਆ ਈ
- ਮਝੀ ਆਈਆਂ ਰਾਂਝਾ ਯਾਰ ਨਾ ਆਇਆ ਫੂਕ ਬਿਰਹੋਂ ਡੋਲਾਇਆ ਈ
- ਵਿਚ ਦਿਲ ਜਾਨੀ ਪਿਆਰਿਆ
- ਮੈਂ ਨੇੜੇ ਮੈਨੂੰ ਦੂਰ ਕਿਉਂ ਦਿਸਨਾ ਏਂ, ਸਾਥੋਂ ਆਪ ਛੁਪਾਇਆ ਈ
- ਅੱਖਾਂ ਵਿਚ ਦਿਲ ਜਾਨੀ ਪਿਆਰਿਆ
- ਵਿਚ ਮਿਸਰ ਦੇ ਵਾਂਗ ਜ਼ੁਲੈਖਾ, ਘੁੰਘਟ ਖੋਲ੍ਹ ਰੁਲਾਇਆ ਈ
- ਅੱਖਾਂ ਵਿਚ ਦਿਲ ਜਾਨੀ ਪਿਆਰਿਆ
- ਸ਼ੌਹ ਬੁਲ੍ਹੇ ਦੇ ਸਿਰ ਪਰ ਬੁਰਕਾ, ਤੇਰੇ ਇਸ਼ਕ ਨਚਾਇਆ ਈਂ
- ਅੱਖਾਂ ਵਿਚ ਦਿਲ ਜਾਨੀ ਪਿਆਰਿਆ ਕੇਹਾ ਚੇਟਕ ਲਾਇਆ ਈ
3
- ਅਬ ਹਮ ਗੁੰਮ ਹੂਏ, ਪ੍ਰੇਮ ਨਗਰ ਕੇ ਸ਼ਹਿਰ
- ਆਪਣੇ ਆਪ ਨੂੰ ਸੋਧ ਰਿਹਾ ਹੂੰ, ਨਾ ਸਿਰ ਹਾਥ ਨਾ ਪੈਰ
- ਖ਼ੁਦੀ ਖੋਈ ਅਪਨਾ ਪਦ ਚੀਤਾ, ਤਬ ਹੋਈ ਗੱਲ ਖ਼ੈਰ
- ਲੱਥੇ ਪਝੜੇ ਪਹਿਲੇ ਘਰ ਥੀਂ, ਕੌਣ ਕਰੇ ਨਿਰਵੈਰ
- ਬੁਲ੍ਹਾ ਸ਼ਹੁ ਹੈ ਦੋਹੀਂ ਜਹਾਨੀਂ, ਕੋਈ ਨਾ ਦਿਸਦਾ ਗ਼ੈਰ
4
- ਅਬ ਕਿਉਂ ਸਾਜਨ ਚਿਰ ਲਾਇਓ ਰੇ। ਟੇਕ।
- ਐਸੀ ਮਨ ਮੇਂ ਆਈ ਕਾ, ਦੁੱਖ ਸੁੱਖ ਸਭ ਵੰਝਾਇਓ ਰੇ।
- ਹਾਰ ਸ਼ਿੰਗਾਰ ਕੋ ਆਗ ਲਗਾਊਂ, ਘਟ ਪਰ ਢਾਂਡ ਮਚਾਇਓ ਰੇ।
- ਸੁਣ ਕੇ ਗਿਆਨ ਕੀ ਐਸੀ ਬਾਤਾਂ, ਨਾਮ ਨਿਸ਼ਾਨ ਸਭੀ ਅਣਘਾਤਾਂ।
- ਕੋਇਲ ਵਾਂਗੂੰ ਕੂਕਾਂ ਆਤਾਂ, ਤੈਂ ਅਜੇ ਵੀ ਤਰਸ ਨਾ ਆਇਓ ਰੇ।
- ਮੁੱਲਾਂ ਇਸ਼ਕ ਨੇ ਬਾਂਗ ਦਿਵਾਈ, ਉਠ ਦੌੜਨ ਗੱਲ ਵਾਜਬ ਆਈ,
- ਕਰ ਕਰ ਸੱਜਦੇ ਘਰ ਵਲ ਧਾਈ, ਮੱਥੇ ਮਹਿਰਾਬ ਟਿਕਾਇਓ ਰੇ।
- ਪ੍ਰੇਮ ਨਗਰ ਦੇ ਉਲਟੇ ਚਾਲੇ, ਖੂਨੀ ਨੈਣ ਹੋਏ ਖ਼ੁਸ਼ਹਾਲੇ,
- ਸਤੀ ਆਪੇ ਆਪ ਫਸੇ ਵਿਚ ਜਾਲੇ, ਫਸ ਫਸ ਆਪ ਕੁਹਾਇਓ ਰੇ।
- ਬੁਲ੍ਹਾ ਸ਼ਹੁ ਸੰਗ ਪ੍ਰੀਤ ਲਗਾਈ, ਸੋਹਣੀ ਬਣ ਤਣ ਸਭ ਕੋਈ ਆਈ।
- ਵੇਖ ਕੇ ਸ਼ਾਹ ਇਨਾਇਤ ਸਾਈ, ਜੀਅ ਮੇਰਾ ਭਰ ਆਇਓ ਰੇ।
5
- ਆ ਸਜਣ ਗਲ ਲੱਗ ਅਸਾਡੇ ਕੇਹਾ ਝੇੜਾ ਲਾਇਓ ਈ?
- ਸੁੱਤਿਆਂ ਬੈਠਿਆਂ ਕੁੱਝ ਨਾ ਡਿਠਾ ਜਾਗਦਿਆਂ ਸ਼ਹੁ ਪਾਇਓ ਈ।
- ਕੁੰਨ ਬਾਜ਼ਯਾਨੀ ਸ਼ਮਸ ਬੋਲੇ ਉਲਟਾ ਕਰ ਲਟਕਾਇਓ ਈ ।
- ਇਸ਼ਕਨ ਇਸ਼ਕਨ ਜੱਗ ਵਿਚ ਹੋਈਆਂ ਦੇ ਦਿਲਾਸ ਬਿਠਾਇਓ ਈ।
- ਮੈਂ ਤੈਂ ਕਾਈ ਨਹੀਂ ਜੁਦਾਈ ਫਿਰ ਕਿਉਂ ਆਪ ਛੁਪਾਇਓ ਈ।
- ਮਝੀਆਂ ਆਈਆਂ ਮਾਹੀ ਨਾ ਆਇਆ ਫੂਕ ਬ੍ਰਿਹੋਂ ਡੁਲਾਇਓ ਈ।
- ਏਸ ਇਸ਼ਕ ਦੇ ਵੇਖੇ ਕਾਰੇ ਯੂਸਫ ਖੂਹ ਪਵਾਇਓ ਈ।
6
- ਵਾਂਗ ਜ਼ੁਲੈਖਾ ਵਿਚ ਮਿਸਰ ਦੇ ਘੁੰਗਟ ਖੋਲ੍ਹ ਰੁਲਾਇਓ ਈ।
- ਰੱਬੇ-ਅਰਨੀ ਮੂਸਾ ਬੋਲੇ ਤਦ ਕੋਹ-ਤੂਰ ਜਲਾਇਓ ਈ।
- ਲਨਤਰਾਨੀ ਝਿੜਕਾਂ ਵਾਲਾ ਆਪੇ ਹੁਕਮ ਸੁਣਾਇਓ ਈ।
- ਇਸ਼ਕ ਦੀਵਾਨੇ ਕੀਤਾ ਫ਼ਾਨੀ ਦਿਲ ਯਤੀਮ ਬਨਾਇਓ ਈ।
- ਬੁਲ੍ਹਾ ਸ਼ੌਹ ਘਰ ਵੱਸਿਆ ਆ ਕੇ ਸ਼ਾਹ ਅਨਾਇਤ ਪਾਇਓ ਈ।
- ਆ ਸਜਣ ਗਲ ਲੱਗ ਅਸਾਡੇ ਕੇਹਾ ਝੇੜਾ ਲਾਇਓ ਈ।
7
- ਆ ਮਿਲ ਯਾਰ ਸਾਰ ਲੈ ਮੇਰੀ, ਮੇਰੀ ਜਾਨ ਦੁੱਖਾਂ ਨੇ ਘੇਰੀ।
- ਅੰਦਰ ਖ਼ਵਾਬ ਵਿਛੋੜਾ ਹੋਇਆ, ਖ਼ਬਰ ਨਾ ਪੈਂਦੀ ਤੇਰੀ।
- ਸੁੰਞੀ ਬਨ ਵਿਚ ਲੁੱਟੀ ਸਾਈਆਂ, ਚੋਰ ਸ਼ੰਗ ਨੇ ਘੇਰੀ।
- ਮੁੱਲਾਂ ਕਾਜ਼ੀ ਰਾਹ ਬਤਾਵਣ, ਦੇਣ ਧਰਮ ਦੇ ਫੇਰੇ।
- ਇਹ ਤਾਂ ਠੱਗ ਨੇ ਜੱਗ ਦੇ ਝੀਵਰ, ਲਾਵਣ ਜਾਲ ਚੁਫੇਰੇ।
- ਕਰਮ ਸ਼ਰ੍ਹਾ ਦੇ ਧਰਮ ਬਤਾਵਣ, ਸੰਗਲ ਪਾਵਣ ਪੈਰੀਂ।
- ਜ਼ਾਤ ਮਜ਼ਹਬ ਇਹ ਇਸ਼ਕ ਨਾ ਪੁੱਛਦਾ, ਇਸ਼ਕ ਸ਼ਰ੍ਹਾ ਦਾ ਵੈਰੀ।
- ਨਦੀਉਂ ਪਾਰ ਮੁਲਕ ਸੱਜਨ ਦਾ, ਲੋਭ ਲਹਿਰ ਨੇ ਘੇਰੀ।
- ਸਤਿਗੁਰ ਬੇੜੀ ਫੜੀ ਖਲੋਤੇ, ਤੈਂ ਕਿਉਂ ਲਾਈ ਏ ਦੇਰੀ।
- ਬੁਲ੍ਹਾ ਸ਼ਾਹ ਸ਼ਹੁ ਤੈਨੂੰ ਮਿਲਸੀ, ਦਿਲ ਨੂੰ ਦੇਹ ਦਲੇਰੀ।
- ਪ੍ਰੀਤਮ ਪਾਸ ਤੇ ਟੋਲਨਾ ਕਿਸ ਨੂੰ, ਭੁੱਲਿਓਂ ਸਿਖਰ ਦੁਪਹਿਰੀ।
- ਆ ਮਿਲ ਯਾਰ ਸਾਰ ਲੈ ਮੇਰੀ, ਮੇਰੀ ਜਾਨ ਦੁੱਖਾਂ ਨੇ ਘੇਰੀ।
8
- ਆਓ ਸਈਓ ਰਲ ਦਿਓ ਨੀ ਵਧਾਈ। ਮੈਂ ਬਰ ਪਾਇਆ ਰਾਂਝਾ ਮਾਹੀ। ਟੇਕ।
- ਅੱਜ ਤਾਂ ਰੋਜ਼ ਮੁਬਾਰਕ ਚੜ੍ਹਿਆ, ਰਾਂਝਾ ਸਾਡੇ ਵਿਹੜੇ ਵੜਿਆ।
- ਹੱਥ ਖੁੰਡੀ ਮੋਢੇ ਕੰਬਲ ਧਰਿਆ, ਚਾਕਾਂ ਵਾਲੀ ਸ਼ਕਲ ਬਣਾਈ।
- ਆਓ ਸਈਓ ਰਲ ਦਿਓ ਵਧਾਈ।
- ਮੁਕਟ ਗਊਆਂ ਦੇ ਵਿਚ ਰੁਲਦਾ, ਜੰਗਲ ਜੂਹਾਂ ਦੇ ਵਿਚ ਰੁਲਦਾ।
- ਹੈ ਕੋਈ ਅੱਲਾ ਦੇ ਵੱਲ ਭੁੱਲਦਾ ਹੈ, , ਅਸਲ ਹਕੀਕਤ ਖ਼ਬਰ ਨਾ ਕਾਈ।
- ਆਓ ਸਈਓ ਰਲ ਦਿਓ ਨੀ ਵਧਾਈ।
- ਬੁਲ੍ਹੇ ਸ਼ਾਹ ਇਕ ਸੌਦਾ ਕੀਤਾ, ਪੀਤਾ ਜ਼ਹਿਰ ਪਿਆਲਾ ਪੀਤਾ,
- ਨਾ ਕੁਝ ਲਾਹਾ ਟੋਟਾ ਲੀਤਾ, ਦਰਦ ਦੁੱਖਾਂ ਦੀ ਗਠੜੀ ਚਾਈ।
- ਆਓ ਸਈਓ ਰਲ ਦਿਓ ਨੀ ਵਧਾਈ।
9
- ਆਪਣਾ ਦੱਸ ਟਿਕਾਣਾ, ਕਿਧਰੋਂ ਆਇਆ, ਕਿਧਰ ਜਾਣਾ।
- ਜਿਸ ਠਾਣੇ ਦਾ ਮਾਣ ਕਰੇਂ ਤੂੰ, ਉਹਨੇ ਤੇਰੇ ਨਾਲ ਨਾ ਜਾਣਾ।
- ਜ਼ੁਲਮ ਕਰੇਂ ਤੇ ਲੋਕ ਸਤਾਵੇਂ, ਕਸਬ ਫੜਿਉ ਲੁਟ ਖਾਣਾ।
- ਕਰ ਲੈ ਚਾਵੜ ਚਾਰ ਦਿਹਾੜੇ, ਓੜਕ ਤੂੰ ਉਠ ਜਾਣਾ।
- ਸ਼ਹਿਰੇ-ਖ਼ਮੋਸ਼ਾਂ ਦੇ ਚੱਲ ਵੱਸੀਏ, ਜਿੱਥੇ ਮੁਲਕ ਸਮਾਣਾ।
- ਭਰ ਭਰ ਪੂਰ ਲੰਘਾਵੇ ਡਾਢਾ, ਮਲਕ-ਉਲ-ਮੌਤ ਮੁਹਾਣਾ।
- ਇਨ੍ਹਾਂ ਸਭਨਾਂ ਥੀਂ ਏ ਬੁਲ੍ਹਾ, ਔਗੁਣਹਾਰ ਪੁਰਾਣਾ।
- ਤੂੰ ਕਿਧਰੋਂ ਆਇਆ ਕਿਧਰ ਜਾਣਾ, ਆਪਣਾ ਦੱਸ ਟਿਕਾਣਾ।
10
- ਆਪਣੇ ਸੰਗ ਰਲਾਈਂ ਪਿਆਰੇ, ਆਪਣੇ ਸੰਗ ਰਲਾਈਂ।
- ਪਹਿਲੋਂ ਨੇਹੁੰ ਲਗਾਇਆ ਸੀ ਤੈਂ, ਆਪੇ ਚਾਈਂ ਚਾਈਂ।
- ਮੈਂ ਪਾਇਆ ਏ ਕਿ ਤੁੱਧ ਲਾਇਆ, ਆਪਣੀ ਓੜ ਨਿਭਾਈ।
- ਰਾਹ ਪਵਾਂ ਤਾਂ ਧਾੜੇ ਬੇਲੇ, ਜੰਗਲ ਲੱਖ ਬਲਾਈਂ।
- ਭੌਂਕਣ ਚੀਤੇ ਤੇ ਚਿਤਮਚਿੱਤੇ, ਭੌਂਕਣ ਕਰਨ ਅਦਾਈਂ।
- ਪਾਰ ਤੇਰੇ ਜਗਾਤਰ ਚੜ੍ਹਿਆ, ਕੰਢੇ ਲੱਖ ਬਲਾਈਂ।
- ਹੌਲ ਦਿਲੀ ਦਾ ਥਰ ਥਰ ਕੰਬਦਾ, ਬੇੜਾ ਪਾਰ ਲੰਘਾਈਂ
- ਕਰ ਲਈ ਬੰਦਗੀ ਰੱਬ ਸਚੇ ਦੀ, ਪਵਣ ਕਬੂਲ ਦੁਆਈਂ।
- ਬੁਲ੍ਹੇ ਸ਼ਾਹ ਤੇ ਸ਼ਾਹਾਂ ਦਾ ਮੁੱਖੜਾ, ਘੁੰਗਟ ਖੋਲ੍ਹ ਵਿਖਾਈਂ।
- ਆਪਣੇ ਸੰਗ ਰਲਾਈਂ ਪਿਆਰੇ, ਆਪਣੇ ਸੰਗ ਰਲਾਈਂ।
11
- ਐਸਾ ਜਗਿਆ ਗਿਆਨ ਪਲੀਤਾ। ਟੇਕ।
- ਨਾ ਹਮ ਹਿੰਦੂ ਨਾ ਤੁਰਕ ਜ਼ਰੂਰੀ, ਨਾਮ ਇਸ਼ਕ ਦੀ ਹੈ ਮਨਜ਼ੂਰੀ।
- ਆਸ਼ਕ ਨੇ ਹਰਿ ਜੀਤਾ, ਐਸਾ ਜਗਿਆ ਗਿਆਨ ਪਲੀਤਾ।
- ਵੇਖੋ ਠੱਗਾਂ ਸ਼ੋਰ ਮਚਾਇਆ, ਜੰਮਣਾ ਮਰਨਾ ਚਾ ਬਣਾਇਆ।
- ਮੂਰਖ ਭੁੱਲੇ ਰੌਲਾ ਪਾਇਆ, ਜਿਸ ਨੂੰ ਆਸ਼ਕ ਜ਼ਾਹਰ ਕੀਤਾ।
- ਐਸਾ ਜਗਿਆ ਗਿਆਨ ਪਲੀਤਾ।
- ਬੁਲ੍ਹਾ ਆਸ਼ਕ ਦੀ ਬਾਤ ਨਿਆਰੀ, ਪ੍ਰੇਮ ਵਾਲਿਆਂ ਬੜੀ ਕਰਾਰੀ।
- ਮੂਰਖ ਦੀ ਮੱਤ ਐਵੇਂ ਮਾਰੀ, ਵਾਕ ਸੁਖ਼ਨ ਚੁੱਪ ਕੀਤਾ।
- ਐਸਾ ਜਗਿਆ ਗਿਆਨ ਪਲੀਤਾ।
12
- ਤੱਐਸੀ ਮਨ ਮੇਂ ਆਇਓ ਰੇ ਦੁੱਖ ਸੁਖ ਸਭ ਵੰਞਾਇਉ ਰੇ।
- ਹਾਰ ਸ਼ਿੰਗਾਰ ਕੋ ਆਗ ਲਗਾਊਂ ਤਨ ਪਰ ਢਾਂਡ ਮਚਾਇਉ ਰੇ।
- ਸੁਣ ਕੇ ਗਿਆਨ ਕੀਆਂ ਐਸੀ ਬਾਤਾਂ, ਨਾਮ ਨਿਸ਼ਾਂ ਤਭੀ ਅਣਘਾਤਾਂ ਹੈ।
- ਕੋਇਲ ਵਾਂਙ ਮੈਂ ਕੂਕਾਂ ਰਾਤਾਂ, ਤੈਂ ਅਜੇ ਭੀ ਤਰਸ ਨਾ ਆਇਉ ਰੇ।
- ਗਲ ਮਿਰਗਾਨੀ ਹੱਥ ਖਪੱਰੀਆ, ਦਰਸ਼ਨ ਕੀ ਭੀਖ ਮੰਗਣ ਚੜ੍ਹਿਆ।
- ਜੋਗਨ ਨਾਮ ਬਹੂਲਤ ਧਰਿਆ, ਅੰਗ ਭਿਬੂਤ ਰੁਮਾਇਉ ਰੇ ।
- ਇਸ਼ਕ ਮੁੱਲਾਂ ਨੇ ਬਾਂਗ ਸੁਣਾਈ, ਇਹ ਗੱਲ ਸੁਣਨੀ ਵਾਜਬ ਆਈ।
- ਕਰ ਕਰ ਸਿਦਕ ਸਿਜਦੇ ਵੱਲ ਧਾਈ, ਮੂੰਹ ਮਹਿਰਾਬ ਟਿਕਾਇਉ ਰੇ।
- ਪ੍ਰੇਮ ਨਗਰ ਵਾਲੇ ਉਲਟੇ ਚਾਲੇ, ਮੈਂ ਮੋਈ ਭਰ ਖ਼ੁਸ਼ੀਆਂ ਨਾਲੇ।
- ਆਣ ਫਸੀ ਆਪੇ ਵਿਚ ਜਾਲੇ, ਹੱਸ ਹੱਸ ਆਪ ਕੁਹਾਇਉ ਰੇ।
- ਬੁਲ੍ਹਾ ਸ਼ੌਹ ਸੰਗ ਪ੍ਰੀਤ ਲਗਾਈ, ਜੀਅ ਜਾਮੇ ਦੀ ਦਿੱਤੀ ਸਾਈ।
- ਮੁਰਸ਼ਦ ਸ਼ਾਹ ਅਨਾਇਤ ਸਾਈਂ, ਜਿਸ ਨੇ ਦਿਲ ਭਰਮਾਇਉ ਰੇ।
13
- ਅੰਮਾਂ ਬਾਬੇ ਦੀ ਭਲਿਆਈ, ਉਹ ਹੁਣ ਕੰਮ ਅਸਾਡੇ ਆਈ।
- ਅੰਮਾਂ ਬਾਬਾ ਚੋਰ ਧੁਰਾਂ ਦੇ, ਪੁੱਤਰ ਦੀ ਵਡਿਆਈ।
- ਦਾਣੇ ਉੱਤੋਂ ਗੁੱਤ ਬਿਗੁੱਤੀ, ਘਰ ਘਰ ਪਈ ਲੜਾਈ।
- ਅਸਾਂ ਕਜੀਏ ਤਦਾਂਹੀ ਜਾਲੇ, ਜਦਾਂ ਕਣਕ ਉਨ੍ਹਾਂ ਟਰਕਾਈ।
- ਖਾਏ ਖੈਰਾ ਤੇ ਫਾਟੀਏ ਜੁੰਮਾਂ, ਉਲਟੀ ਦਸਤਕ ਲਾਈ। ਨੂੰ ਸਤੀ
- ਬੁਲ੍ਹਾ ਤੋਤੇ ਮਾਰ ਬਾਗਾਂ ਥੀਂ ਕੱਢੇ, ਉੱਲੂ ਰਹਿਣ ਉਸ ਜਾਈ।
- ਅੰਮਾਂ ਬਾਬੇ ਦੀ ਭਲਿਆਈ, ਉਹ ਹੁਣ ਕੰਮ ਅਸਾਡੇ ਆਈ।
14
- ਇਸ ਨੇਹੁੰ ਦੀ ਉਲਟੀ ਚਾਲ।
- ਸਾਬਰ ਨੇ ਜਦ ਨੇਹੁੰ ਲਗਇਆ, ਦੇਖ ਪੀਆ ਨੇ ਕੀ ਦਿਖਲਾਇਆ।
- ਰਗ ਰਗ ਅੰਦਰ ਕਿਰਮ ਚਲਾਇਆ, ਜ਼ੋਰਾਵਰ ਦੀ ਗੱਲ ਮੁਹਾਲ।
- ਇਸ ਨੇਹੁੰ ਦੀ ਉਲਟੀ ਚਾਲ।
- ਜ਼ਿਕਰੀਆ ਨੇ ਜਦ ਪਾਇਆ ਕਹਾਰਾ, ਜਿਸ ਦਮ ਵਜਿਆ ਇਸ਼ਕ ਨੱਕਾਰਾ।
- ਧਰਿਆ ਸਿਰ ਤੇ ਤਿੱਖਾ ਆਰਾ, ਕੀਤਾ ਐਡ ਜ਼ਵਾਲ ।
- ਇਸ ਨੇਹੁੰ ਦੀ ਉਲਟੀ ਚਾਲ।
- ਯਹੀਯੇ ਨੇ ਪਾਈ ਝਾਤੀ, ਰਮਜ਼ ਇਸ਼ਕ ਦੀ ਲਾਈ ਕੀਤੀ।
- ਜਲਵਾ ਦਿੱਤਾ ਆਪਣਾ ਜ਼ਾਤੀ, ਤਨ ਖੰਜਰ ਕੀਤਾ ਲਾਲ।
- ਇਸ ਨੇਹੁੰ ਦੀ ਉਲਟੀ ਚਾਲ।
- ਆਪ ਇਸ਼ਾਰਾ ਅੱਖ ਦਾ ਕੀਤਾ, ਤਾਂ ਮਧੂਵਾ ਮਨਸੂਰ ਨੇ ਪੀਤਾ।
- ਸੂਲੀ ਚੜ੍ਹ ਕੇ ਦਰਸ਼ਨ ਲੀਤਾ, ਹੋਇਆ ਇਸ਼ਕ ਕਮਾਲ।
- ਇਸ ਨੇਹੁੰ ਦੀ ਉਲਟੀ ਚਾਲ।
- ਸੁਲੇਮਾਨ ਨੂੰ ਇਸ਼ਕ ਜੋ ਆਇਆ, ਮੁੰਦਰਾ ਹੱਥੋਂ ਚਾ ਗਵਾਇਆ।
- ਤਖਤ ਨਾ ਪਰੀਆਂ ਦਾ ਫਿਰ ਆਇਆ, ਭੱਠ ਝੋਕੇ ਪਿਆ ਬੇਹਾਲ। ਇਸ ਨੇਹੁੰ ਦੀ ਉਲਟੀ ਚਾਲ।
- ਬੁਲ੍ਹੇ ਸ਼ਾਹ ਹੁਣ ਚੁੱਪ ਚੰਗੇਰੀ, ਨਾ ਕਰ ਏਥੇ ਐਡ ਦਲੇਰੀ।
- ਗੱਲ ਨਾ ਬਣਦੀ ਤੇਰੀ ਮੇਰੀ, ਛੱਡ ਦੇ ਸਾਰੇ ਵਹਿਮ ਖਿਆਲ।
- ਇਸ ਨੇਹੁੰ ਦੀ ਉਲਟੀ ਚਾਲ।
15
- ਇਹ ਅਚਰਜ ਸਾਧੋ ਕੌਣ ਲਖਾਵੇ, ਛਿਨ ਛਿਨ ਰੂਪ ਕਿਤੇ ਬਣ ਆਵੇ।
- ਮੱਕਾ ਲੰਕਾ ਸਹਿਦੇਵ ਕੇ, ਭੇਤ ਦੋਊ ਕੋ ਏਕ ਬਤਾਵੇ।
- ਜਬ ਜੋਗੀ ਤੁਮ ਵਸਲ ਕਰੋਗੇ, ਬਾਂਗ ਕਹੋ ਭਾਵੇਂ ਨਾਦ ਵਜਾਵੇ।
- ਭਗਤੀ ਭਗਤ ਨਤਾਰੋ ਨਾਹੀਂ, ਭਗਤ ਸੋਈ ਜਿਹੜਾ ਮਨ ਭਾਵੇ।
- ਹਰ ਪਰਗਟ ਪਰਗਟ ਹੀ ਦੇਖੋ, ਕਿਆ ਪੰਡਤ ਫਿਰ ਬੇਦ ਸੁਨਾਵੇ।
- ਧਿਆਨ ਧਰੋ ਇਹ ਕਾਫ਼ਰ ਨਾਹੀਂ, ਕਿਆ ਹਿੰਦੂ ਕਿਆ ਤੁਰਕ ਕਹਾਵੇ।
- ਜਬ ਦੇਖਾ ਤਬ ਓਹੀ ਓਹੀ, ਬੁਲ੍ਹਾ ਸ਼ਹੁ ਹਰ ਰੰਗ ਸਮਾਵੇ।
- ਇਹ ਅਚਰਜ ਸਾਧੋ ਕੌਣ ਕਹਾਵੇ, ਛਿਨ ਛਿਨ ਰੂਪ ਕਿਤੇ ਬਣ ਆਵੇ।
16
- ਇਹ ਦੁੱਖ ਜਾ ਕਹੂੰ ਕਿਸ ਆਗੇ, ਰੂਮ ਰੂਮ ਘਾ ਪ੍ਰੇਮ ਕੇ ਲਾਗੇ। ਟੇਕ।
- ਸਿਕਤ ਸਿਕਤ ਹੈ ਰੈਣ ਵਿਹਾਣੀ, ਹਮਰੇ ਪੀਆ ਨੇ ਪੀੜ ਨ ਜਾਣੀ।
- ਬਿਲਕਤ ਬਿਲਕਤ ਰੈਣ ਵਿਹਾਸੀ, ਹਾਸੇ ਦੀ ਗਲ ਪੈ ਗਈ ਫਾਸੀ।
- ਇਕ ਮਰਨਾ ਦੂਜਾ ਜਗ ਦੀ ਹਾਂਸੀ, ਕਰਤ ਫਿਰਤ ਨਿੱਤ ਮੋਹੀ ਰੇ ਮੋਹੀ।
- ਕੌਣ ਕਰਕੇ ਮੋਹੇ ਸੇ ਦਿਲਜੋਈ, ਸ਼ਾਮ ਪੀਆ ਮੈਂ ਦੇਤੀ ਤੂੰ ਧਰੋਈ।
- ਦੁੱਖ ਜਗ ਕੇ ਮੋਹੇ ਪੂਛਣ ਆਏ, ਜਿਨ ਕੇ ਪੀਆ ਪਰਦੇਸ ਸਿਧਾਏ।
- ਨਾ ਪੀਆ ਆਏ ਨਾ ਪੀਆ ਆਏ, ਇਹ ਦੁੱਖ ਜਾ ਕਹੂੰ ਕਿਸ ਜਾਏ।
- ਬੁਲ੍ਹਾ ਸ਼ਾਹ ਘਰ ਆ ਪਿਆਰਿਆ, ਇਕ ਘੜੀ ਕੇ ਕਰਨ ਗੁਜ਼ਾਰਿਆ।
- ਇਹ ਦੁੱਖ ਜਾ ਕਹੂੰ ਕਿਸ ਆਗੇ, ਰੁਮ ਰੁਮ ਘਾ ਪ੍ਰੇਮ ਕੇ ਲਾਗੇ।
17
- ਇਕ ਅਲਫ਼ ਪੜ੍ਹੋ ਛੁਟਕਾਰਾ ਏ। ਟੇਕ।
- ਇਕ ਅਲਫ਼ ਦੋ ਤਿੰਨ ਚਾਰ ਹੋਏ, ਫਿਰ ਲੱਖ ਕਰੋੜ ਹਜ਼ਾਰ ਹੋਏ।
- ਫਿਰ ਓਥੋਂ ਬਾਝ ਸ਼ੁਮਾਰ ਹੋਏ, ਹਿਕ ਅਲਫ਼ ਦਾ ਨੁਕਤਾ ਨਿਆਰਾ ਏ।
- ਕਿਉਂ ਪੜ੍ਹਨਾ ਏਂ ਗੱਡ ਕਿਤਾਬਾਂ ਦੀ, ਸਿਰ ਚਾਨਾ ਏਂ ਪੰਡ ਅਜ਼ਾਬਾਂ ਦੀ ।
- ਹੁਣ ਹੋਇਉ ਸ਼ਕਲ ਜਲਾਦਾਂ ਦੀ, ਅੱਗੇ ਪੈਂਡਾ ਮੁਸ਼ਕਲ ਭਾਰਾ ਏ।
- ਬਣ ਹਾਫ਼ਜ਼ ਹਿਫ਼ਜ਼ ਕੁਰਾਨ ਕਰੇਂ, ਪੜ੍ਹ ਪੜ੍ਹ ਕੇ ਸਾਫ਼ ਜ਼ਬਾਨ ਕਰੇਂ।
- ਫਿਰ ਨਿਅਮਤ ਵਿਚ ਧਿਆਨ ਕਰੇਂ, ਮਨ ਫਿਰਦਾ ਜਿਉਂ ਹਲਕਾਰਾ ਏ।
- ਬੁਲ੍ਹਾ ਬੀ ਬੁਹੜ ਦਾ ਬੋਇਆ ਸੀ, ਉਹ ਬਿਰਛ ਵੱਡਾ ਜਾਂ ਹੋਇਆ ਸੀ।
- ਜਦ ਬਿਰਛ ਉਹ ਫ਼ਾਨੀ ਹੋਇਆ ਸੀ, ਫਿਰ ਰਹਿ ਗਿਆ ਬੀ ਅਕਾਰਾ ਏ।
- ਇਕ ਅਲਫ ਪੜ੍ਹੋ ਛੁਟਕਾਰਾ ਏ।
18
- ਇਕ ਟੂਣਾ ਅਚੰਭਾ ਗਾਵਾਂਗੀ, ਮੈਂ ਰੁੱਠਾ ਯਾਰ ਮਨਾਵਾਂਗੀ।
- ਇਹ ਟੂਣਾ ਮੈਂ ਪੜ੍ਹ ਪੜ੍ਹ ਫੂਕਾਂ, ਸੂਰਜ ਅਗਨ ਜਲਾਵਾਂਗੀ।
- ਅੱਖੀਂ ਕਾਜਲ ਕਾਲੇ ਬਾਦਲ, ਭਵਾਂ ਸੇ ਆਂਧੀ ਲਿਆਵਾਂਗੀ।
- ਸਤ ਸਮੁੰਦਰ ਦਿਲ ਦੇ ਅੰਦਰ, ਦਿਲ ਸੇ ਲਹਿਰ ਉਠਾਵਾਂਗੀ।
- ਬਿਜਲੀ ਹੋ ਕਰ ਚਮਕ ਡਰਾਵਾਂ, ਬਾਦਲ ਹੋ ਗਿਰ ਜਾਵਾਂਗੀ।
- ਇਸ਼ਕ ਅੰਗੀਠੀ ਹਰਮਲ ਤਾਰੇ, ਚੰਦ ਸੇ ਕਫ਼ਨ ਬਨਾਵਾਂਗੀ।
- ਲਾ ਮਕਾਨ ਦੀ ਪਟੜੀ ਉਪਰ, ਬਹਿ ਕੇ ਨਾਦ ਵਜਾਵਾਂਗੀ।
- ਲਾਏ ਸੋ ਆਨ ਮੈਂ ਸ਼ਹੁ ਗਲ ਆਪਨੇ, ਤਦ ਮੈਂ ਨਾਰ ਕਹਾਵਾਂਗੀ।
- ਇਕ ਟੂਣਾ ਅਚੰਭਾ ਗਾਵਾਂਗੀ।
19
- ਇਕ ਨੁਕਤਾ ਯਾਰ ਪੜ੍ਹਾਇਆ ਏ।
- ਇਕ ਨੁਕਤਾ ਯਾਰ ਪੜ੍ਹਾਇਆ ਏ । ਟੇਕ।
- ਐਨ ਗੈਨ ਦੀ ਇਕਾ ਸੂਰਤ, ਇਕ ਨੁਕਤੇ ਸ਼ੋਰ ਮਚਾਇਆ ਏ।
- ਇਕ ਨੁਕਤਾ ਯਾਰ ਪੜ੍ਹਾਇਆ ਏ ।
- ਸੱਸੀ ਦਾ ਦਿਲ ਲੁਟਣ ਕਾਰਨ, ਹੋਤ ਪੁੰਨੂੰ ਬਣ ਆਇਆ ਏ।
- ਇਕ ਨੁਕਤਾ ਯਾਰ ਪੜ੍ਹਾਇਆ ਏ।
- ਬੁਲ੍ਹਾ ਸ਼ਹੁ ਦੀ ਜ਼ਾਤ ਨਾ ਕਾਈ, ਮੈਂ ਸ਼ਹੁ ਇਨਾਇਤ ਪਾਇਆ ਏ।
- ਇਕ ਨੁਕਤਾ ਯਾਰ ਪੜ੍ਹਾਇਆ ਏ ।
20
- ਇਕ ਨੁਕਤੇ ਵਿਚ ਗੱਲ ਮੁੱਕਦੀ ਏ। ਟੇਕ।
- ਫੜ ਨੁਕਤਾ ਛੋੜ ਹਿਸਾਬਾਂ ਨੂੰ, ਕਰ ਦੂਰ ਕੁਫ਼ਰ ਦਿਆਂ ਬਾਬਾਂ ਨੂੰ ।
- ਲਾਹ ਦੋਜ਼ਖ ਗੋਰ ਅਜ਼ਾਬਾਂ ਨੂੰ, ਕਰ ਸਾਫ਼ ਦਿਲੇ ਦਿਆਂ ਖ਼ਵਾਬਾਂ ਨੂੰ।
- ਗੱਲ ਏਸੇ ਘਰ ਵਿਚ ਢੁਕਦੀ ਏ, ਇਕ ਨੁਕਤੇ ਵਿਚ ਗੱਲ ਮੁੱਕਦੀ ਏ।
- ਐਵੇਂ ਮੱਥਾ ਜ਼ਿਮੀਂ ਘਸਾਈਦਾ, ਲੰਮਾ ਪਾ ਮਹਿਰਾਬ ਦਿਖਾਈਦਾ।
- ਪੜ੍ਹ ਕਲਮਾ ਲੋਕ ਹਸਾਈ ਦਾ, ਦਿਲ ਅੰਦਰ ਸਮਝ ਨਾ ਲਿਆਈਦਾ।
- ਕਦੀ ਬਾਤ ਸੱਚੀ ਵੀ ਲੁੱਕਦੀ ਏ, ਇਕ ਨੁਕਤੇ ਵਿਚ ਗੱਲ ਮੁੱਕਦੀ ਏ।
- ਕਈ ਹਾਜੀ ਬਣ ਬਣ ਆਏ ਜੀ, ਗਲ ਨੀਲੇ ਜਾਮੇ ਪਾਏ ਜੀ।
- ਹੱਜ ਵੇਚ ਟਕੇ ਲੈ ਖਾਏ ਜੀ, ਭਲਾ ਇਹ ਗੱਲ ਕੀਹਨੂੰ ਭਾਏ ਜੀ।
- ਕਦੀ ਬਾਤ ਸੱਚੀ ਵੀ ਲੁਕਦੀ ਏ, ਇਕ ਨੁਕਤੇ ਵਿਚ ਗੱਲ ਮੁੱਕਦੀ ਏ।
- ਇਕ ਜੰਗਲ ਬਹਿਰੀਂ ਜਾਂਦੇ ਨੀਂ, ਇਕ ਦਾਣਾ ਰੋਜ਼ ਲੈ ਖਾਂਦੇ ਨੀ।
- ਬੇਸਮਝ ਵਜੂਦ ਥਕਾਂਦੇ ਨੀ, ਘਰ ਆਵਣ ਹੋ ਕੇ ਮਾਂਦੇ ਨੀ।
- ਐਵੇਂ ਚਿੱਲ੍ਹਿਆਂ ਵਿਚ ਜਿੰਦ ਸਕਦੀ ਏ, ਇਕ ਨੁਕਤੇ ਵਿਚ ਗੱਲ ਮੁੱਕਦੀ ਏ।
- ਫੜ ਮੁਰਸ਼ਦ ਆਬਦ ਖ਼ੁਦਾਈ ਹੋ, ਵਿਚ ਮਸਤੀ ਬੇਪਰਵਾਹੀ ਹੋ।
- ਬੇਖ਼ਾਹਸ਼ ਬੇਨਵਾਈ ਹੋ, ਵਿਚ ਦਿਲ ਦੇ ਖ਼ੂਬ ਸਫ਼ਾਈ ਹੋ।
- ਬੁਲ੍ਹਾ ਬਾਤ ਸੱਚੀ ਕਦੋਂ ਰੁੱਕਦੀ ਏ, ਇਕ ਨੁਕਤੇ ਵਿਚ ਗੱਲ ਮੁੱਕਦੀ ਏ।
21
- ਇਕ ਰਾਂਝਾ ਮੈਨੂੰ ਲੋੜੀਦਾ।
- ਕੁਨ ਫ਼ਯਕੂਨੋਂ ਅੱਗੇ ਦੀਆਂ ਲਗੀਆਂ, ਨੇਹੁੰ ਨਾ ਲਗੜਾ ਚੋਰੀ ਦਾ।
- ਆਪ ਛਿੜ ਜਾਂਦਾ ਨਾਲ ਮੱਝੀ ਦੇ, ਸਾਨੂੰ ਕਿਉਂ ਬੇਲਿਉਂ ਮੋੜੀਦਾ।
- ਇਕ ਰਾਂਝਾ ਮੈਨੂੰ ਲੋੜੀਦਾ।
- ਰਾਂਝੇ ਜਿਹਾ ਮੈਨੂੰ ਹੋਰ ਨਾ ਕੋਈ, ਮਿੰਨਤਾਂ ਕਰ ਕਰ ਮੋੜੀਦਾ।
- ਮਾਨ ਵਾਲੀਆਂ ਦੇ ਨੈਣ ਸਲੋਨੇ, ਸੂਹਾ ਦੁਪੱਟਾ ਗੋਰੀ ਦਾ।
- ਇਕ ਰਾਂਝਾ ਮੈਨੂੰ ਲੋੜੀਦਾ।
- ਅਹਿਦ ਅਹਿਮਦ ਵਿਚ ਫ਼ਰਕ ਨਾ ਬੁਲ੍ਹਿਆ, ਇਕ ਰੱਤੀ ਭੇਤ ਮਰੋੜੀ ਦਾ।
- ਇਕ ਰਾਂਝਾ ਮੈਨੂੰ ਲੋੜੀਦਾ।
22
- ਇਲਮੋਂ ਬੱਸ ਕਰੀਂ ਓ ਯਾਰ। ਟੇਕ।
- ਇਲਮ ਨਾ ਆਵੇ ਵਿਚ ਸ਼ੁਮਾਰ, ਇਕੋ ਅਲਫ਼ ਤੇਰੇ ਦਰਕਾਰ।
- ਜਾਂਦੀ ਉਮਰ ਨਹੀਂ ਇਤਬਾਰ, ਇਲਮੋਂ ਬੱਸ ਕਰੀ ਓ ਯਾਰ।
- ਪੜ੍ਹ ਪੜ੍ਹ ਇਲਮ ਲਗਾਵੇਂ ਢੇਰ, ਕੁਰਾਨ ਕਿਤਾਬਾਂ ਚਾਰ ਚੁਫੇਰ।
- ਗਿਰਦੇ ਚਾਨਣ ਵਿਚ ਅਨ੍ਹੇਰ, ਬਾਝੋਂ ਰਾਹਬਰ ਖ਼ਬਰ ਨਾ ਸਾਰ।
- ਪੜ੍ਹ ਪੜ੍ਹ ਸ਼ੇਖ ਮਸ਼ਾਇਖ਼ ਹੋਇਆ, ਭਰ ਭਰ ਪੇਟ ਨੀਂਦਰ ਭਰ ਸੋਇਆ।
- ਜਾਂਦੀ ਵਾਰੀ ਨੈਣ ਭਰ ਰੋਇਆ, ਡੁੱਬਾ ਵਿਚ ਉਰਾਰ ਨਾ ਪਾਰ।
- ਪੜ੍ਹ ਪੜ੍ਹ ਇਲਮ ਹੋਇਆ ਬੌਰਾਨਾ, ਬੇ ਇਲਮਾਂ ਨੂੰ ਲੁੱਟ ਲੁੱਟ ਖਾਣਾ।
- ਏਹ ਕੀ ਕੀਤਾ ਯਾਰ ਬਹਾਨਾ, ਕਰੇਂ ਨਾਹੀਂ ਕਦੇ ਇਨਕਾਰ।
- ਪੜ੍ਹ ਪੜ੍ਹ ਨਫ਼ਲ ਨਮਾਜ਼ ਗੁਜ਼ਾਰੇਂ, ਉੱਚੀਆਂ ਬਾਂਗਾਂ ਚਾਂਘਾ ਮਾਰੇ।
- ਮੰਬਰ ਚੜ੍ਹ ਕੇ ਵਾਅਜ਼ ਪੁਕਾਰੇਂ, ਤੈਨੂੰ ਕੀਤਾ ਹਿਰਸ ਖੁਆਰ।
- ਪੜ੍ਹ ਪੜ੍ਹ ਮੁੱਲਾਂ ਹੋਇ ਕਾਜ਼ੀ, ਅੱਲਾਹ ਇਲਮਾਂ ਬਾਝੋਂ ਰਾਜ਼ੀ।
- ਹੋਵੇ ਹਿਰਸ ਦਿਨੋਂ ਦਿਨ ਤਾਜੀ, ਨਫ਼ਾ ਨੀਅਤ ਵਿਚ ਗੁਜ਼ਾਰ।
- ਪੜ੍ਹ ਪੜ੍ਹ ਮਸਲੇ ਰੋਜ਼ ਸੁਣਾਵੇਂ ਖਾਣਾ ਸ਼ਕ ਸ਼ੁਬਹ ਦਾ ਖਾਵੇਂ।
- ਦੱਸੇ ਹੋਰ ਤੇ ਹੋਰ ਕਮਾਵੇਂ, ਅੰਦਰ ਖੋਟ ਬਾਹਰ ਸੱਚਿਆਰ।
- ਪੜ੍ਹ ਪੜ੍ਹ ਇਲਮ ਨਜੂਮ ਬਿਚਾਰੇਂ, ਗਿਣਦਾ ਰਾਸਾਂ ਬੁਰਜ ਸਤਾਰੇ।
- ਪੜ੍ਹੇ ਅਜ਼ੀਮਤਾਂ ਮੰਤਰ ਝਾੜੇ, ਅਬਜਦ ਗਿਣੇ ਤਾਅਵੀਜ਼ ਸ਼ੁਮਾਰ।
- ਇਲਮੋਂ ਪਏ ਕਜ਼ੀਏ ਹੋਰ, ਅੱਖੀਂ ਵਾਲੇ ਅੰਨ੍ਹੇ ਕੋਰ ਫੜੇ ਸਾਧ ਤੇ ਛੱਡੇ ਚੋਰ, ਦੋਹੀਂ ਜਹਾਨੀਂ ਹੋਇਆ ਖੁਆਰ।
- ਇਲਮੋਂ ਪਏ ਹਜ਼ਾਰ ਫਸਤੇ, ਰਾਹੀ ਅਟਕ ਰਹੇ ਵਿਚ ਰਸਤੇ।
- ਮਾਰਿਆ ਹਿਜਰ ਹੋਏ ਦਿਲ ਖਸਤੇ, ਪਿਆ ਵਿਛੋੜੇ ਦਾ ਸਿਰ ਭਾਰ।
- ਇਲਮੇਂ ਮੀਆਂ ਜੀ ਕਹਾਵੇਂ, ਤੰਬਾ ਚੁੱਕ ਚੁੱਕ ਮੰਡੀ ਜਾਵੇ।
- ਧੇਲਾ ਲੈ ਕੇ ਛੁਰੀ ਚਲਾਵੇਂ, ਨਾਲ ਕਸਾਈਆਂ ਬਹੁਤ ਪਿਆਰ ।
- ਬਹੁਤਾ ਇਲਮ ਅਜ਼ਾਜ਼ੀਲ ਨੇ ਪੜ੍ਹਿਆ, ਝੁੱਗਾ ਝਾਹਾ ਓਸੇ ਦਾ ਸੜਿਆ।
- ਗਲ ਵਿਚ ਤੱਕ ਲਾਅਨਤ ਦਾ ਪੜਿਆ, ਆਖਿਰ ਗਿਆ ਉਹ ਬਾਜ਼ੀ ਹਾਰ।
- ਜਦ ਮੈਂ ਸਬਕ ਇਸ਼ਕ ਦਾ ਪੜ੍ਹਿਆ, ਦਰਿਆ ਵੇਖ ਵਹਦਤ ਦਾ ਵੜਿਆ।
- ਘੁੰਮਣ ਘੇਰਾਂ ਦੇ ਵਿਚ ਅੜਿਆ, ਸ਼ਾਹ ਇਨਾਇਤ ਲਾਇਆ ਪਾਰ।
- ਬੁੱਲ੍ਹਾ ਨਾ ਰਾਫ਼ਜ਼ੀ ਹੈ ਨਾ ਸੁੰਨੀ, ਆਲਮ ਫਾਜ਼ਲ ਨਾ ਆਲਮ ਜੁੰਨੀ ।
- ਇਕੋ ਪੜ੍ਹਿਆ ਇਲਮ ਲਦੁੱਨੀ, ਵਾਹਦ ਅਲਫ਼ ਮੀਮ ਦਰਕਾਰ ।
23
- ਇਸ਼ਕ ਅਸਾਂ ਨਾਲ ਕੇਹੀ ਕੀਤੀ, ਲੋਕ ਮਰੇਂਦੇ ਤਾਅਨੇ। ਟੇਕ।
- ਦਿਲ ਦੀ ਵੇਦਨ ਕੋਈ ਨਾ ਜਾਣੇ, ਅੰਦਰ ਦੇਸ ਬਗਾਨੇ।
- ਜਿਸ ਨੂੰ ਚਾਟ ਅਮਰ ਦੀ ਹੋਵੇ, ਸੋਈ ਅਮਰ ਪਛਾਣੇ।
- ਏਸ ਇਸ਼ਕ ਦੀ ਔਖੀ ਘਾਟੀ, ਜੋ ਚੜਿਆ ਸੋ ਜਾਣੇ ।
- ਆਤਸ਼ ਇਸ਼ਕ ਫਰਾਕ ਤੇਰੇ ਨੇ, ਪਲ ਵਿਚ ਸਾੜ ਵਿਖਾਈਆਂ।
- ਏਸ ਇਸ਼ਕ ਦੇ ਸਾੜੇ ਕੋਲੋਂ ਜੱਗ ਵਿਚ ਦਿਆਂ ਦੁਹਾਈਆਂ।
- ਜਿਸ ਤਨ ਲੱਗੇ ਸੋ ਤਨ ਜਾਣੇ, ਦੂਜਾ ਕੋਈ ਨਾ ਜਾਣੇ।
- ਮੈਂ ਅਣਜਾਣੀ ਨੇਹੁੰ ਕੀ ਜਾਣਾ, ਜਾਣੇ ਸੁੱਘੜ ਸਿਆਣੀ।
- ਏਸ ਮਾਹੀ ਦੇ ਸਦਕੇ ਜਾਵਾਂ, ਜਿਸ ਦਾ ਕੋਈ ਨਾ ਸਾਨੀ।ਲਮੀ
- ਰੂਪ ਸਰੂਪ ਅਨੂਪ ਹੈ ਉਸਦਾ, ਸ਼ਾਲਾ ਜੁਆਨੀ ਮਾਣੇ ।
- ਮਨ ਓਉ ਲੱਸਮੁ ਹਿਜਰ ਤੇਰੇ ਨੇ ਝੱਲੀ ਕਰਕੇ, ਕਮਲੀ ਨਾਮ ਧਰਾਇਆ।
- ਸੁਮੁਨ ਬੁਕਮੁਨ ਉਮਯੁਨ ਹੋ ਕੇ, ਆਪਣਾ ਵਕਤ ਲੰਘਾਇਆ।
- ਕਰ ਹੁਣ ਨਜ਼ਰ ਕਰਮ ਦੀ ਸਾਈਆਂ, ਨ ਕਰ ਜ਼ੋਰ ਧਙਾਣੇ।
- ਹੱਸ ਬੁਲਾਉਣਾ ਤੇਰਾ ਜਾਨੀ, ਯਾਦ ਕਰਾਂ ਹਰ ਵੇਲੇ।
- ਪੱਲ ਪੱਲ ਦੇ ਵਿਚ ਹਿਜਰ ਦੀ ਪੀੜੋਂ, ਇਸ਼ਕ ਮਰੇਂਦਾ ਧੇਲੇ।
- ਰੋ ਰੋ ਯਾਦ ਕਰਾਂ ਦਿਨ ਰਾਤੀਂ, ਪਿਛਲੇ ਵਕਤ ਵਿਹਾਣੇ। ਹੋਣ
- ਇਸ਼ਕ ਤੇਰਾ ਦਰਕਾਰ ਅਸਾਨੂੰ, ਹਰ ਵੇਲੇ ਹਰ ਹੀਲੇ।
- ਪਾਕ ਰਸੂਲ ਮੁਹੰਮਦ ਸਰਬਰ, ਮੇਰੇ ਖ਼ਾਸ ਵਸੀਲੇ।
- ਬੁਲ੍ਹੇ ਸ਼ਾਹ ਜੇ ਮਿਲੇ ਪਿਆਰਾ, ਲੱਖ ਕਰਾਂ ਸ਼ੁਕਰਾਨੇ।
- ਇਸ਼ਕ ਅਸਾਂ ਨਾਲ ਕੇਹੀ ਕੀਤੀ, ਲੋਕ ਮਰੇਂਦੇ ਤਾਅਨੇ।
24
- ਇਸ਼ਕ ਦੀ ਨਵੀਉਂ ਨਵੀਂ ਬਹਾਰ।
- ਜਾਂ ਮੈਂ ਸਬਕ ਇਸ਼ਕ ਦਾ ਪੜ੍ਹਿਆ, ਮਸਜਦ ਕੋਲੋਂ ਜੀਉੜਾ ਡਰਿਆ।
- ਡੇਰੇ ਜਾ ਠਾਕਰ ਦੇ ਵੜਿਆ, ਜਿੱਥੇ ਵੱਜਦੇ ਨਾਦ ਹਜ਼ਾਰ।
- ਜਾਂ ਮੈਂ ਰਮਜ਼ ਇਸ਼ਕ ਦੀ ਪਾਈ. ਮੈਨਾ ਤੋਤਾ ਮਾਰ ਗਵਾਈ।
- ਅੰਦਰ ਬਾਹਰ ਹੋਈ ਸਫ਼ਾਈ, ਜਿੱਤ ਵਲ ਵੇਖਾਂ ਯਾਰੋ ਯਾਰ।
- ਹੀਰ ਰਾਂਝੇ ਦੇ ਹੋ ਗਏ ਮੇਲੇ, ਭੁੱਲੀ ਹੀਰ ਢੂੰਡੇਂਦੀ ਬੇਲੇ।
- ਰਾਂਝਾ ਯਾਰ ਬੁੱਕਲ ਵਿਚ ਖੇਲੇ, ਮੈਨੂੰ ਸੁੱਧ ਰਹੀ ਨਾ ਸਾਰ।
- ਬੇਦ ਕੁਰਾਨਾਂ ਪੜ੍ਹ ਪੜ੍ਹ ਥੱਕੇ, ਸੱਜਦੇ ਕਰਦਿਆਂ ਘਸ ਗਏ ਮੱਥੇ।
- ਨਾ ਰੱਬ ਤੀਰਥ ਨਾ ਰੱਬ ਮੱਕੇ, ਜਿਸ ਪਾਯਾ ਤਿਸ ਨੂਰ ਅਨਵਾਰ।
- ਫੂਕ ਮੁਸੱਲਾ ਭੰਨ ਸੁੱਟ ਲੋਟਾ, ਨਾ ਫੜ ਤਸਬੀ ਕਾਸਾ ਸੋਟਾ।
- ਆਸ਼ਕ ਕਹਿੰਦੇ ਦੇ ਦੇ ਹੋਕਾ, ਤਰਕ ਹਲਾਲੋਂ ਖਾਹ ਮੁਰਦਾਰ ।
- ਉਮਰ ਗਵਾਈ ਵਿਚ ਮਸੀਤੀ, ਅੰਦਰ ਭਰਿਆ ਨਾਲ ਪਲੀਤੀ।
- ਕਦੇ ਨਮਾਜ਼ ਤੌਹੀਦ ਨਾ ਕੀਤੀ, ਹੁਣ ਕੀ ਕਰਨਾ ਏਂ ਸ਼ੋਰ ਪੁਕਾਰ।
- ਇਸ਼ਕ ਭੁਲਾਇਆ ਸਜਦਾ ਤੇਰਾ, ਹੁਣ ਕਿਉਂ ਐਵੇਂ ਪਾਵੇਂ ਝੇੜਾ।
- ਬੁਲ੍ਹਾ ਹੁੰਦਾ ਚੁੱਪ ਬਥੇਰਾ, ਇਸ਼ਕ ਕਰੇਂਦਾ ਮਾਰੋ ਮਾਰ।
- ਇਸ਼ਕ ਦੀ ਨਵੀਉਂ ਨਵੀਂ ਬਹਾਰ।…..
25
- ਸੱਜਣਾਂ ਦੇ ਵਿਛੋੜੇ ਕੋਲੋਂ ਤਨ ਦਾ ਲਹੂ ਛਾਣੀਦਾ।
- ਦੁੱਖਾਂ ਸੂਲਾਂ ਕੀਤਾ ਏਕਾ, ਨਾ ਕੋਈ ਸਹੁਰਾ ਨਾ ਕੋਈ ਪੇਕਾ।
- ਦਰਦ ਵਿਹਾਣੀ ਪਈ ਦਰ ਤੇਰੇ, ਤੂੰ ਹੈਂ ਦਰਦ ਰੰਝਾਣੀ ਦਾ।
- ਸੱਜਣਾਂ ਦੇ ਵਿਛੋੜੇ ਕੋਲੋਂ ਤਨ ਦਾ ਲਹੂ ਛਾਣੀਦਾ।
- ਕਢ ਕਲੇਜਾ ਕਰਨੀ ਆਂ ਬੇਰੇ, ਇਹ ਭੀ ਨਹੀਂ ਹੈ ਲਾਇਕ ਤੇਰੇ।
- ਹੋਰ ਤੌਫੀਕ ਨਹੀਂ ਵਿਚ ਮੇਰੇ, ਪੀਉ ਕਟੋਰਾ ਪਾਣੀ ਦਾ
- ਸੱਜਣਾਂ ਦੇ ਵਿਛੋੜੇ ਕੋਲੋਂ ਤਨ ਦਾ ਲਹੂ ਛਾਣੀਦਾ।
- ਹੁਣ ਕਿਉਂ ਰੋਂਦੇ ਨੈਣ ਨਿਰਾਸੇ, ਆਪੇ ਓੜਕ ਫਾਹੀ ਫਾਸੇ।
- ਹੁਣ ਤਾਂ ਛੁੱਟਣ ਔਖਾ ਹੋਇਆ, ਚਾਰਾ ਨਹੀਂ ਨਿਮਾਣੀ ਦਾ।
- ਸੱਜਣਾਂ ਦੇ ਵਿਛੋੜੇ ਕੋਲੋਂ ਤਨ ਦਾ ਲਹੂ ਛਾਣੀਦਾ।
- ਬੁਲ੍ਹਾ ਸ਼ੌਹ ਪੀਆ ਹੁਣ ਗੱਜੇ, ਇਸ਼ਕ ਦਮਾਮੇ ਸਿਰ ਤੇ ਵੱਜੇ।
- ਚਾਰ ਦਿਹਾੜੇ ਕੋਇਲ ਵਾਸਾ, ਓੜਕ ਕੂਚ ਨੱਕਾਰੇ ਦਾ।
- ਸੱਜਣਾਂ ਦੇ ਵਿਛੋੜੇ ਕੋਲੋਂ ਤਨ ਦਾ ਲਹੂ ਛਾਣੀਦਾ।
26
- ਸਦਾ ਮੈਂ ਸਾਹਵਰਿਆਂ ਘਰ ਜਾਣਾ ਨੀ ਮਿਲ ਲਓ ਸਹੇਲੜੀਓ।
- ਤੁਸਾਂ ਵੀ ਹੋਸੀ ਅੱਲਾ ਭਾਣਾ ਨੀ ਮਿਲ ਲਓ ਸਹੇਲੜੀਓ।
- ਰੰਗ ਬਰੰਗੀ ਸੁਲ ਉਪੱਠੇ ਚੰਬੜ ਜਾਵਣ ਮੈਨੂੰ।
- ਦੁੱਖ ਅਗਲੇ ਮੈਂ ਨਾਲ ਲੈ ਜਾਵਾਂ ਪਿਛਲੇ ਸੌਂਪਾਂ ਕਿਹਨੂੰ ।
- ਇਕ ਵਿਛੋੜਾ ਸਈਆਂ ਦਾ ਜਿਉਂ ਡਾਰੋਂ ਕੂੰਜ ਵਿਛੁੰਨੀ।
- ਮਾਪਿਆਂ ਮੈਨੂੰ ਇਹ ਕੁਝ ਦਿੱਤਾ ਇਕ ਚੋਲੀ ਇਕ ਚੁੰਨੀ।
- ਦਾਜ ਇਨ੍ਹਾਂ ਦਾ ਵੇਖ ਕੇ ਹੁਣ ਮੈਂ ਹੰਝੂ ਭਰ ਭਰ ਰੁੰਨੀ।
- ਸੱਸ ਨਨਾਣਾਂ ਦੇਵਣ ਤਾਹਨੇ ਮੁਸ਼ਕਲ ਭਾਰੀ ਪੁੰਨੀ।
- ਬੁਲ੍ਹਾ ਸ਼ੌਹ ਸੱਤਾਰ ਸੁਣੀਂਦਾ ਇਕ ਵੇਲਾ ਟਲ ਜਾਵੇ।
- ਅਦਲ ਕਰੇ ਤਾਂ ਜਾ ਨਾ ਕਾਈ ਫਜ਼ਲੋਂ ਬਖਰਾ ਪਾਵੇ ।
- ਸਦਾ ਮੈਂ ਸਾਹਵਰਿਆਂ ਘਰ ਜਾਣਾ ਨੀ ਮਿਲ ਲਉ ਸਹੇਲੜੀਓ।
- ਤੁਸਾਂ ਭੀ ਹੋਸੀ ਅੱਲਾ ਭਾਣਾ ਨੀ ਮਿਲ ਲਓ ਸਹੇਲੜੀਓ।
27
- ਸਭ ਇੱਕੋ ਰੰਗ ਕਪਾਹੀਂ ਦਾ। ਟੇਕ।
- ਤਾਣੀ ਤਾਣਾ ਪੇਟਾ ਨਲੀਆਂ, ਪੀਠ ਨੜਾ ਤੇ ਛੱਬਾਂ ਛੱਲੀਆਂ।
- ਆਪੋ ਆਪਣੇ ਨਾਮ ਜਤਾਵਣ, ਵੱਖੋ ਵੱਖੀ ਜਾਹੀਂ ਦਾ।
- ਚੌਂਸੀ ਪੈਂਸੀ ਖੱਦਰ ਧੋਤਰ, ਮਲਮਲ ਖਾਸ਼ਾ ਇਕਾ ਸੂਤਰ ॥
- ਪੂਣੀ ਵਿਚੋਂ ਬਾਹਰ ਆਵੇ, ਭਗਵਾ ਭੇਸ ਗੋਸਾਈਂ ਦਾ ।
- ਕੁੜੀਆਂ ਹੱਥੀਂ ਛਾਪਾਂ ਛੱਲੇ, ਆਪੋ ਆਪਣੇ ਨਾਮ ਸਵੱਲੇ ।
- ਸੱਭਾ ਹਿੱਕਾ ਚਾਂਦੀ ਆਖੋ, ਕਣ-ਕਣ ਚੂੜਾ ਬਾਹੀਂ ਦਾ।
- ਭੇਡਾਂ ਬੱਕਰੀਆਂ ਚਾਰਨ ਵਾਲਾ, ਊਠ ਮੱਝੀਆਂ ਦਾ ਕਰੇ ਸੰਭਾਲਾ ।
- ਰੂੜੀ ਉਤੇ ਗੱਦੋਂ ਚਾਰੇ, ਉਹ ਭੀ ਵਾਗੀ ਗਾਈਂ ਦਾ।
- ਬੁਲ੍ਹਾ ਸ਼ਹੁ ਦੀ ਜ਼ਾਤ ਕੀ ਪੁੱਛਨੈਂ, ਸ਼ਾਕਰ ਹੋ ਰਜ਼ਾਈਂ ਦਾ।
- ਜੇ ਤੂੰ ਲੋੜੇਂ ਬਾਗ਼ ਬਹਾਰਾਂ, ਚਾਕਰ ਰਹੁ ਅਰਾਈਂ ਦਾ ।
28
- ਸਾਈਂ ਛਪ ਤਮਾਸ਼ੇ ਨੂੰ ਆਇਆ।
- ਤੁਸੀਂ ਰਲ ਮਿਲ ਨਾਮ ਧਿਆਓ। ਟੇਕ।
- ਲਟਕ ਸੱਜਣ ਦੀ ਨਾਹੀਂ ਛਪਦੀ, ਸਾਰੀ ਖ਼ਲਕਤ ਸਿੱਕਦੀ ਤੱਪਦੀ।
- ਤੁਸੀਂ ਦੂਰ ਨਾ ਢੂੰਡਨ ਜਾਓ, ਤੁਸੀਂ ਰਲ ਮਿਲ ਨਾਮ ਧਿਆਓ।
- ਰਲ ਮਿਲ ਸਈਓ ਆਤਣ ਪਾਓ, ਇਕ ਬੰਨੇ ਵਿਚ ਜਾ ਸਮਾਓ।
- ਨਾਲੇ ਗੀਤ ਸੱਜਣ ਦਾ ਗਾਓ, ਤੁਸੀਂ ਰਲ ਮਿਲ ਨਾਮ ਧਿਆਓ।
- ਬੁਲ੍ਹਾ ਬਾਤ ਅਨੋਖੀ ਏਹਾ, ਨੱਚਣ ਲੱਗੀ ਤਾਂ ਘੁੰਗਟ ਕੇਹਾ।
- ਤੁਸੀਂ ਪਰਦਾ ਅੱਖੀਂ ਥੀਂ ਲਾਹੋ, ਤੁਸੀਂ ਰਲ ਮਿਲ ਨਾਮ ਧਿਆਓ।
29
- ਸਾਡੇ ਵਲ ਮੁੱਖੜਾ ਮੋੜ ਵੇ ਪਿਆਰਿਆ, ਸਾਡੇ ਵੱਲ ਮੁੱਖੜਾ ਮੋੜ। ਟੇਕ।
- ਆਪੇ ਪਾਈਆਂ ਕੁੰਡੀਆਂ ਤੈਂ, ਤੇ ਆਪ ਖਿੱਚਦਾ ਹੈਂ ਡੋਰ।
- ਸਾਡੇ ਵਲ ਮੁੱਖੜਾ ਮੋੜ ਵੇ ਪਿਆਰਿਆ, ਸਾਡੇ ਵਲ ਮੁੱਖੜਾ ਮੋੜ।
- ਅਰਸ਼ ਕੁਰਸੀ ਤੇ ਬਾਂਗਾਂ ਮਿਲੀਆਂ, ਮੱਕੇ ਪੈ ਗਿਆ ਸ਼ੋਰ।
- ਸਾਡੇ ਵਲ ਮੁੱਖੜਾ ਮੋੜ ਵੇ ਪਿਆਰਿਆ, ਸਾਡੇ ਵਲ ਮੁੱਖੜਾ ਮੋੜ।
- ਬੁਲ੍ਹਾ ਸ਼ਹੁ ਅਸਾਂ ਮਰਨਾ ਨਾਹੀਂ, ਮਰ ਜਾਵੇ ਕੋਈ ਹੋਰ |
- ਸਾਡੇ ਵਲ ਮੁੱਖੜਾ ਮੋੜ ਵੇ ਪਿਆਰਿਆ, ਸਾਡੇ ਵਲ ਮੁੱਖੜਾ ਮੋੜ।
30
- ਸਾਨੂੰ ਆ ਮਿਲ ਯਾਰ ਪਿਆਰਿਆ। ਟੇਕ।
- ਦੂਰ ਦੂਰ ਅਸਾਥੋਂ ਗਿਉਂ, ਅਸਲਾਤੇ ਆ ਕੇ ਬਹਿ ਰਹਿਉਂ।
- ਕੀ ਕਸਰ ਕਸੂਰ ਵਿਸਾਰਿਆ, ਸਾਨੂੰ ਆ ਮਿਲ ਯਾਰ ਪਿਆਰਿਆ।
- ਮੇਰਾ ਇਕ ਅਨੋਖਾ ਯਾਰ ਹੈ, ਮੇਰਾ ਉਸੇ ਨਾਲ ਪਿਆਰ ਹੈ।
- ਕਦੇ ਸਮਝੇਂ ਵਡ ਪਰਵਾਰਿਆ, ਸਾਨੂੰ ਆ ਮਿਲ ਯਾਰ ਪਿਆਰਿਆ।
- ਜਦੋਂ ਆਪਣੀ ਆਪਣੀ ਪੈ ਗਈ, ਧੀ ਮਾਂ ਨੂੰ ਲੁੱਟ ਕੇ ਲੈ ਗਈ।
- ਮੂੰਹ ਬਾਹਰਵੀਂ ਸਦੀ ਪਸਾਰਿਆ, ਸਾਨੂੰ ਆ ਮਿਲ ਯਾਰ ਪਿਆਰਿਆ।
- ਦਰ ਖੁੱਲ੍ਹਾ ਹਸ਼ਰ-ਅਜ਼ਾਬ ਦਾ, ਬੁਰਾ ਹਾਲ ਹੋਇਆ ਪੰਜਾਬ ਦਾ।
- ਡਰ ਹਾਵੀਏ ਦੋਜ਼ਖ ਮਾਰਿਆ, ਸਾਨੂੰ ਆ ਮਿਲ ਯਾਰ ਪਿਆਰਿਆ।
- ਬੁਲ੍ਹਾ ਸ਼ੌਹ ਮੇਰੇ ਘਰ ਆਵਸੀ, ਮੇਰੀ ਬਲਦੀ ਭਾ ਬੁਝਾਵਸੀ ।
- ਇਨਾਇਤ ਦਮ ਦਮ ਨਾਲ ਚਿਤਾਰਿਆ, ਸਾਨੂੰ ਆ ਮਿਲ……।
31
- ਸੁਨੋ ਤੁਮ ਇਸ਼ਕ ਕੀ ਬਾਜ਼ੀ, ਮਲਾਇਕ ਹੋਂ ਕਹਾਂ ਰਾਜ਼ੀ।
- ਯਹਾਂ ਬਿਰਹੋਂ ਪਰ ਹੋਗਾ ਜੀ, ਵੇਖਾਂ ਫਿਰ ਕੌਣ ਹਾਰੇਗਾ।
- ਸਾਜਨ ਕੀ ਭਾਲ ਹੁਣ ਹੋਈ, ਮੈਂ ਲਹੂ ਨੈਣ ਭਰ ਰੋਈ।
- ਨੱਚੇ ਹਮ ਲਾਹ ਕਰ ਲੋਈ, ਹੈਰਤ ਕੇ ਪੱਥਰ ਮਾਰੇਗਾ ॥
- ਮਹੂਰਤ ਪੂਛ ਕਰ ਜਾਊਂ, ਸਾਜਨ ਕੋ ਦੇਖਨੇ ਪਾਊ।
- ਉਸੇ ਮੈਂ ਲੇ ਗਲੇ ਲਾਉਂ, ਨਹੀਂ ਫਿਰ ਖ਼ੁਦ ਗੁਜ਼ਾਰੇਗਾ।
- ਇਸ਼ਕ ਕੀ ਤੇਗ਼ ਸੇ ਮੂਈ, ਨਹੀਂ ਵੋਹ ਜ਼ਾਤ ਕੀ ਦੂਈ।
- ਔਰ ਪੀਆ ਪੀਆ ਕਰ ਮੂਈ, ਮੋਇਆਂ ਫਿਰ ਰੂਹ ਚਿਤਾਰੇਗਾ।
- ਸਾਜਨ ਕੀ ਭਾਰ ਸਰ ਦੀਆ, ਲਹੂ ਮਧ ਆਪਨਾ ਪੀਆ।
- ਕੱਫਨ ਬਾਹੋਂ ਸੇ ਸੀ ਲੀਆ, ਲਹਦ ਮੇਂ ਪਾ ਉਤਾਰੇਗਾ।
- ਬੁਲ੍ਹਾ ਸ਼ਹੁ ਇਸ਼ਕ ਹੈ ਤੇਰਾ, ਉਸੀ ਨੇ ਜੀ ਲੀਆ ਮੇਰਾ।
- ਮੇਰੇ ਘਰ-ਬਾਰ ਕਰ ਫੇਰਾ, ਵੇਖਾਂ ਸਿਰ ਕੌਣ ਵਾਰੇਗਾ।
32
- ਸੇ ਵਣਜਾਰੇ ਆਏ ਨੀ ਮਾਏ, ਸੇ ਵਣਜਾਰੇ ਆਏ।
- ਲਾਲਾਂ ਦਾ ਉਹ ਵਣਜ ਕਰੇਂਦੇ, ਹੋਕਾ ਆਖ ਸੁਣਾਏ।
- ਲਾਲ ਨੇ ਗਹਿਣੇ ਸੋਨੇ ਸਾਥੀ, ਮਾਏ ਨਾਲ ਲੈ ਜਾਵਾਂ।
- ਸੁਣਿਆ ਹੋਕਾ ਮੈਂ ਦਿਲ ਗੁਜ਼ਰੀ, ਮੈਂ ਭੀ ਲਾਲ ਲਿਆਵਾਂ।
- ਇਕ ਨਾ ਇਕ ਕੰਨਾਂ ਵਿਚ ਪਾ ਕੇ, ਲੋਕਾਂ ਨੂੰ ਦਿਖਲਾਵਾਂ।
- ਲੋਕ ਜਾਨਣ ਇਹ ਲਾਲਾਂ ਵਾਲੀ, ਲਈਆਂ ਮੈਂ ਭਰਮਾਏ।
- ਓੜਕ ਜਾ ਖਲੋਤੀ ਉਹਨਾਂ ਤੇ, ਮੈਂ ਮਨੋਂ ਸੱਧਰਾਈਆਂ।
- ਭਾਈ ਵੇ ਲਾਲਾਂ ਵਾਲਿਓ ਮੈਂ ਵੀ, ਲਾਲ ਲੈਵਣ ਨੂੰ ਆਈਆਂ।
- ਉਹਨਾਂ ਭਰੇ ਸੰਦੂਕ ਵਿਖਾਲੇ, ਮੈਨੂੰ ਰੀਝਾਂ ਆਈਆਂ।
- ਵੇਖੋ ਲਾਲ ਸੁਹਾਨੇ ਸਾਰੇ, ਇਕ ਤੋਂ ਇਕ ਸਵਾਏ।
- ਭਾਈ ਵੇ ਲਾਲਾਂ ਵਾਲਿਆ ਵੀਰਾ, ਇਨ੍ਹਾਂ ਦਾ ਮੁੱਲ ਦਸਾਈਂ
- ਜੇ ਤੂੰ ਆਈ ਹੈਂ ਲਾਲ ਖ਼ਰੀਦਣ, ਧੜ ਤੋਂ ਸੀਸ ਲੁਹਾਈਂ।
- ਡੰਮ੍ਹ ਕਦੀ ਸੂਈ ਦਾ ਨਾ ਸਹਿਆ, ਸਿਰ ਕਿੱਥੋਂ ਦਿੱਤਾ ਜਾਈ।
- ਨਦਾਮੀ ਹੋ ਕੇ ਮੁੜ ਘਰ ਆਈ, ਪੁੱਛਣ ਗਵਾਂਢੀ ਆਏ।
- ਤੂੰ ਜੁ ਗਈ ਸੈਂ ਲਾਲ ਖ਼ਰੀਦਣ, ਉੱਚੀ ਅੱਡੀ ਚਾਈ ਨੀਂ ।
- ਕਿਹੜੀ ਮੁਹਰ ਓਥੋਂ ਰੰਨੇ ਤੂੰ, ਲੈ ਕੇ ਘਰ ਆਈ ਨੀਂ।
- ਲਾਲ ਸੀ ਭਾਰੇ ਮੈਂ ਸਾਂ ਹਲਕੀ ਖ਼ਾਲੀ ਕੰਨੀ ਸਾਈ ਨੀਂ।
- ਭਾਰਾ ਲਾਲ ਅਨਮੁੱਲਾ ਓਥੋਂ, ਮੈਥੇ ਚੁੱਕਿਆ ਨਾ ਜਾਏ।
- ਕੱਚੀ ਕੱਚ ਵਿਹਾਝਣ ਜਾਣਾ, ਲਾਲ ਵਿਹਾਝਣ ਚੱਲੀ।
- ਪੱਲੇ ਖ਼ਰਚ ਨਾ ਸਾਖ ਨਾ ਕਾਈ, ਹੱਥੋਂ ਹਾਰਨ ਚੱਲੀ।
- ਮੈਂ ਮੋਟੀ ਮੁਸ਼ਟੰਡੀ ਦਿੱਸਾਂ, ਲਾਲ ਨੂੰ ਚਾਰਨ ਚੱਲੀ।
- ਜਿਸ ਸ਼ਾਹ ਨੇ ਮੁੱਲ ਦੇ ਕੇ ਦੇਣਾ, ਸੋ ਸ਼ਾਹ ਮੂੰਹ ਨਾ ਲਾਏ।
- ਗਲੀਆਂ ਦੇ ਵਿਚ ਫਿਰੇਂ ਦੀਵਾਨੀ, ਨੀ ਕੁੜੀਏ ਮੁਟਿਆਰੇ।
- ਲਾਲ ਚੁਗੇਂਦੀ ਨਾਜ਼ਕ ਹੋਈ, ਇਹ ਗੱਲ ਕੌਣ ਨਿਤਾਰੇ।
- ਜਾਂ ਮੈਂ ਮੁੱਲ ਉਨ੍ਹਾਂ ਨੂੰ ਪੁੱਛਿਆ, ਮੁੱਲ ਕਰਨ ਉਹ ਭਾਰੇ।
- ਡੰਮ੍ਹ ਸੂਈ ਦਾ ਕਦੇ ਨਾ ਖਾਧਾ, ਉਹ ਆਖਣ ਸਿਰ ਵਾਰੇ ।ਕਾ
- ਜਿਹੜੀਆਂ ਗਈਆਂ ਲਾਲ ਵਿਹਾਝਣ, ਉਹਨਾਂ ਸੀਸ ਲੁਹਾਏ।
- ਸੇ ਵਣਜਾਰੇ ਆਏ ਨੀ ਮਾਏ, ਸੇ ਵਣਜਾਰੇ ਆਏ।
33
- ਹਜਾਬ ਕਰੇਂ ਦਰਵੇਸ਼ੀ ਕੋਲੋਂ, ਕਦ ਤਕ ਹੁਕਮ ਚਲਾਵੇਂਗਾ।
- ਗਲ ਅਲਫ਼ੀ ਸਿਰ ਪਾ ਬਰਹਨਾ ਭਲਕੇ ਰੂਪ ਵਟਾਵੇਂਗਾ।
- ਇਸ ਲਾਲਚ ਨਫ਼ਸਾਨੀ ਕੋਲੋਂ, ਓੜਕ ਮੂਨ ਮਨਾਵੇਂਗਾ।
- ਘਾਟ ਜ਼ਕਾਤ ਮੰਗਣਗੇ ਪਿਆਦੇ, ਕਹੁ ਕੀ ਅਮਲ ਵਿਖਾਵੇਂਗਾ।
- ਆਣ ਬਣੀ ਸਿਰ ਪਰ ਭਾਰੀ, ਅੱਗੋਂ ਕੀ ਬਤਲਾਵੇਂਗਾ।
- ਹੱਕ ਪਰਾਇਆ ਜਾਤੋ ਨਾਹੀਂ, ਖਾ ਕਰ ਭਾਰ ਉਠਾਵੇਂਗਾ।
- ਫੇਰ ਨਾ ਆ ਕਰ ਬਦਲਾ ਦੇਸੇਂ, ਲਾਖੀ ਖੇਤ ਲੁਟਾਵੇਂਗਾ।
- ਦਾਅ ਲਾ ਕੇ ਵਿਚ ਜਗ ਦੇ ਜੂਏ, ਜਿੱਤੇ ਦਮ ਹਰਾਵੇਂਗਾ।
- ਜੈਸੀ ਕਰਨੀ ਵੈਸੀ ਭਰਨੀ, ਪਰੇਮ ਨਗਰ ਵਰਤਾਰਾ ਏ।
- ਏਥੇ ਦੋਜ਼ਖ ਕੱਟ ਤੂੰ ਦਿਲਬਰ, ਅੱਗੇ ਖੁੱਲ੍ਹ ਬਹਾਰਾਂ ਏ।
- ਕੇਸਰ ਬੀਜ ਜੋ ਕੇਸਰ ਜੰਮੇਂ, ਲਸਣ ਬੀਜ ਠਗਾਵੇਂਗਾ।
- ਕਰੋ ਕਮਾਈ ਮੇਰੇ ਭਾਈ, ਇਹੋ ਵਕਤ ਕਮਾਵਣ ਦਾ।
- ਪੌਂ ਸਤਾਰਾਂ ਪੈਂਦੇ ਨੇ ਹੁਣ, ਦਾਅ ਨਾ ਬਾਜ਼ੀ ਹਾਰਣ ਦਾ।
- ਉੱਜੜੀ ਖੇਡ ਛਪਣਗੀਆਂ ਨਰਦਾਂ, ਝਾੜੂ ਕਾਨ ਉਠਾਵੇਂਗਾ।
- ਖਾਵੇਂ ਮਾਸ ਚਬਾਵੇਂ ਬੀੜੇ, ਅੰਗ ਪੁਸ਼ਾਕ ਲਗਾਈਆ ਈ।
- ਟੇਡੀ ਪਗੜੀ ਆਕੜ ਚੱਲੋਂ, ਜੁੱਤੀ ਪੈਰ ਅੜਾਈਆ ਈ।
- ਪਲਦਾ ਹੈਂ ਤੂੰ ਜਮ ਦਾ ਬੱਕਰਾ, ਆਪਣਾ ਆਪ ਕੁਹਾਵੇਂਗਾ।
- ਪਲ ਦਾ ਵਾਸਾ ਵੱਸਣ ਏਥੇ, ਰਹਿਣ ਨੂੰ ਅੱਗੇ ਡੇਰਾ ਏ।
- ਲੈ ਲੈ ਤੋਹਫ਼ੇ ਘਰ ਨੂੰ ਘੱਲੀਂ, ਇਹੋ ਵੇਲਾ ਤੇਰਾ ਏ।
- ਓਥੇ ਹੱਥ ਨਾ ਲਗਦਾ ਕੁੱਝ ਵੀ, ਏਥੋਂ ਹੀ ਲੈ ਜਾਵੇਂਗਾ।
- ਪੜ੍ਹ ਸਬਕ ਮੁਹੱਬਤ ਓਸੇ ਦਾ, ਤੂੰ ਬੇਮੂਜਬ ਕਿਉਂ ਡੁਬਨਾ ਏਂ।
- ਪੜ੍ਹ ਪੜ੍ਹ ਕਿੱਸੇ ਮਗ਼ਜ਼ ਖਪਾਵੇਂ, ਕਿਉਂ ਖੁੱਭਣ ਵਿਚ ਖੁਭਨਾ ਏਂ।
- ਹਰਫ਼ ਇਸ਼ਕ ਦਾ ਇਕੋ ਨੁੱਕਤਾ, ਕਾਹ ਕੋ ਊਠ ਲਦਾਵੇਂਗਾ।
- ਭੁੱਖ ਮਰੇਂਦਿਆਂ ਨਾਮ ਅੱਲ੍ਹਾ ਦਾ, ਇਹੋ ਬਾਤ ਚੰਗੇਰੀ ਏ।
- ਦੋਵੇਂ ਥੋਕ ਪੱਥਰ ਥੀਂ ਭਾਰੇ, ਔਖੀ ਜਿਹੀ ਇਹ ਫੇਰੀ ਏ।
- ਜੇ ਸੜਸੇਂ ਤੂੰ ਇਸ ਜੱਗ ਅੰਦਰ ਅੱਗੇ ਸਰਦੀ ਪਾਵੇਂਗਾ।
- ਅੰਮਾਂ ਬਾਬਾ ਬੇਟੀ ਬੇਟਾ, ਪੁੱਛ ਵੇਖਾਂ ਕਿਉਂ ਰੋਂਦੇ ਨੀ।
- ਰੰਨਾਂ ਕੰਜਕਾਂ ਭੈਣਾਂ ਭਾਈ, ਵਾਰਸ ਆਣ ਖਲੋਂਦੇ ਨੀ।
- ਇਹ ਜੋ ਲੁੱਟਦੇ ਤੂੰ ਨਹੀਂ ਲੁੱਟਦਾ, ਕਰ ਕੇ ਆਪ ਲੁਟਾਵੇਂਗਾ।
- ਇਕ ਇਕੱਲਿਆਂ ਜਾਣਾ ਈ ਤੈਂ, ਨਾਲ ਨਾ ਕੋਈ ਜਾਵੇਗਾ।
- ਸ਼ਹਿਰੋਂ ਬਾਹਰ ਜੰਗਲ ਵਿਚ ਵਾਸਾ, ਓਥੇ ਡੇਰਾ ਪਾਵੇਂਗਾ।
- ਖ਼ਵੇਸ਼ ਕਬੀਲਾ ਰੋਂਦਾ ਪਿੱਟਦਾ, ਰਾਹੋਂ ਹੀ ਮੁੜ ਆਵੇਗਾ।
- ਕਰਾਂ ਨਸੀਹਤ ਵੱਡੀ ਜੇ ਕੋਈ, ਸੁਣ ਕਰ ਦਿਲ ਤੇ ਲਾਵੇਂਗਾ।
- ਮੋਏ ਤਾਂ ਰੋਜ਼-ਹਸ਼ਰ ਨੂੰ ਉੱਠਣ, ਆਸ਼ਕ ਨਾ ਮਰ ਜਾਵੇਗਾ।
- ਜੇ ਤੂੰ ਮਰੇਂ ਮਰਨ ਤੋਂ ਅੱਗੇ, ਮਰਨੇ ਦਾ ਮੁੱਲ ਪਾਵੇਂਗਾ।
- ਜਾਂ ਰਾਹ ਸ਼ਰਾ ਦਾ ਪਕੜੇਂਗਾ, ਤਾਂ ਓਟ ਮੁਹੰਮਦੀ ਹੋਵੇਗੀ।
- ਕਹਿੰਦੀ ਹੈ ਪਰ ਕਰਦੀ ਨਾਹੀ, ਇਹੋ ਖ਼ਲਕਤ ਰੋਵੇਗੀ।
- ਹੁਣ ਸੁੱਤਿਆਂ ਤੈਨੂੰ ਕੌਣ ਜਗਾਏ, ਜਾਗਦਿਆਂ ਪਛਤਾਵੇਂਗਾ।
- ਜੇ ਤੂੰ ਸਾਡੇ ਆਖੇ ਲੱਗੇ, ਤੈਨੂੰ ਤਖ਼ਤ ਬਹਾਵਾਂਗੇ।
- ਜਿਸ ਨੂੰ ਸਾਰਾ ਆਲਮ ਢੂੰਡੇ, ਤੈਨੂੰ ਆਣ ਮਿਲਾਵਾਂਗੇ ।
- ਜੁਹਦੀ ਹੋ ਕੇ ਹਦ ਕਮਾਵੇਂ, ਲੈ ਪੀਆ ਗਲ ਲਾਵੇਂਗਾ।
- ਐਵੈਂ ਉਮਰ ਗਵਾਈਆ ਔਗਤ, ਆਕਬਤ ਚਾ ਰੁੜ੍ਹਾਈਆ ਈ।
- ਲਾਲਚ ਕਰ ਕਰ ਦੁਨੀਆ ਉੱਤੇ, ਮੁੱਖ ਸਫ਼ੈਦੀ ਆਈਆਂ ਈ।
- ਅਜੇ ਵੀ ਸੁਣ ਜੇ ਤਾਇਬ ਹੋਵੇਂ, ਤਾਂ ਆਸ਼ਨਾ ਸਦਾਵੇਂਗਾ।
- ਬੁਲ੍ਹਾ ਸ਼ਹੁ ਦੇ ਚਲਨਾ ਏਂ ਤਾਂ ਚੱਲ, ਕਿਹਾ ਚਿਰ ਲਾਇਆ ਈ।
- ਜੱਕੋ ਤੱਕੋ ਕੀ ਕਰਨੇ, ਜਾਂ ਵਤਨੋਂ ਦਫ਼ਤਰ ਆਇਆ ਈ।
- ਵਾਚਦਿਆਂ ਖਤ ਅਕਲ ਗਈਉ ਈ, ਰੋ ਰੋ ਹਾਲ ਵੰਞਾਵੇਂਗਾ।
- ਹਜਾਬ ਕਰੇਂ ਦਰਵੇਸ਼ੀ ਕੋਲੋਂ, ਕਦ ਤਕ ਹੁਕਮ ਚਲਾਵੇਂਗਾ।
34
- ਹਾਜੀ ਲੋਕ ਮੱਕੇ ਨੂੰ ਜਾਂਦੇ, ਮੇਰਾ ਰਾਂਝਾ ਮਾਹੀ ਮੱਕਾ ।
- ਨੀ ਮੈਂ ਕਮਲੀ ਹਾਂ।
- ਮੈਂ ਤੇ ਮੰਗ ਰਾਂਝੇ ਦੀ ਹੋਈਆਂ, ਮੇਰਾ ਬਾਬਲ ਕਰਦਾ ਧੱਕਾ।
- ਨੀ ਮੈਂ ਕਮਲੀ ਹਾਂ।
- ਹਾਜੀ ਲੋਕ ਮੱਕੇ ਨੂੰ ਜਾਂਦੇ, ਮੇਰੇ ਘਰ ਵਿਚ ਨੌਸ਼ੌਹ ਮੱਕਾ ।
- ਨੀ ਮੈਂ ਕਮਲੀ ਹਾਂ।
- ਵਿੱਚੇ ਹਾਜੀ ਵਿੱਚੇ ਗ਼ਾਜ਼ੀ, ਵਿੱਚੇ ਚੋਰ ਉਚੱਕਾ।
- ਨੀ ਮੈਂ ਕਮਲੀ ਹਾਂ।
- ਹਾਜੀ ਲੋਕ ਮੱਕੇ ਨੂੰ ਜਾਂਦੇ, ਅਸਾਂ ਜਾਣਾ ਤਖ਼ਤ-ਹਜ਼ਾਰੇ।
- ਨੀ ਮੈਂ ਕਮਲੀ ਹਾਂ।
- ਜਿਤ ਵੱਲ ਯਾਰ ਉਤੇ ਵੱਲ ਕਾਅਬਾ, ਭਾਵੇਂ ਫੋਲ ਕਿਤਾਬਾਂ ਚਾਰੇ ।
- ਨੀ ਮੈਂ ਕਮਲੀ ਹਾਂ।
35
- ਹਿੰਦੂ ਨਹੀਂ ਨਾ ਮੁਸਲਮਾਨ, ਬਹੀਏ ਤ੍ਰਿੰਜਣ ਤਜ ਅਭਿਮਾਨ । ਟੇਕ।
- ਸੁੰਨੀ- ਨਾ ਨਹੀਂ ਹਮ ਸ਼ਯੀਆ, ਸੁਲ੍ਹਾ ਕੁਲ ਕਾ ਮਾਰਗ ਲੀਆ।
- ਭੁੱਖੇ ਨਾ ਨਹੀਂ ਹਮ ਰੱਜੇ, ਨੰਗੇ ਨਾ ਨਹੀਂ ਹਮ ਕੱਜੇ।
- ਰੋਂਦੇ ਨਾ ਨਹੀਂ ਹਮ ਹੱਸਦੇ, ਉੱਜੜੇ ਨਾ ਨਹੀਂ ਹਮ ਵੱਸਦੇ।
- ਪਾਪੀ ਨਾ ਸੁਧਰਮੀ ਨਾ, ਪਾਪ ਪੁੰਨ ਕੀ ਰਾਹ ਨਾ ਜਾਂ ।
- ਬੁਲ੍ਹੇ ਸ਼ਾਹ ਜੋ ਹਰਿ ਚਿਤ ਲਾਗੇ, ਹਿੰਦੂ ਤੁਰਕ ਦੂਜਨ ਤਿਆਗੇ ।
36
- ਹੁਣ ਕਿਸ ਥੀਂ ਆਪ ਛੁਪਾਈਦਾ। ਟੇਕ।
- ਕਿਤੇ ਮੁੱਲਾਂ ਹੋ ਬੁਲੇਂਦੇ ਹੋ, ਕਿਤੇ ਸੁੰਨਤ ਫ਼ਰਜ਼ ਦੱਸਦੇ ਹੋ।
- ਕਿਤੇ ਰਾਮ ਦੁਹਾਈ ਦੇਂਦੇ ਹੋ, ਕਿਤੇ ਮੱਥੇ ਤਿਲਕ ਲਗਾਈਦਾ।
- ਮੈਂ ਮੇਰੀ ਹੈ ਕਿ ਤੇਰੀ ਹੈ, ਇਹ ਅੰਤ ਭਸਮ ਦੀ ਢੇਰੀ ਹੈ।
- ਇਹ ਢੇਰੀ ਪੀਆ ਨੇ ਘੇਰੀ ਹੈ, ਢੇਰੀ ਨੂੰ ਨਾਚ ਨਚਾਈਦਾ ।
- ਕਿਤੇ ਬੇਸਿਰ ਚੂੜਾ ਪਾਓਗੇ, ਕਿਤੇ ਜੋੜਾ ਸ਼ਾਨ ਹੰਢਾਓਗੇ।
- ਕਿਤੇ ਆਦਮ ਹੱਵਾ ਬਣ ਆਓਗੇ, ਕਦੀ ਮੈਥੋਂ ਵੀ ਭੁੱਲ ਜਾਈਦਾ।
- ਬਾਹਰ ਜ਼ਾਹਰ ਡੇਰਾ ਪਾਇਉ, ਆਪੇ ਡੌ ਡੌ ਢੋਲ ਬਜਾਇਉ।
- ਜਗ ਤੇ ਆਪਣਾ ਆਪ ਜਤਾਯੋ, ਫਿਰ ਅਬਦੁੱਲਾ ਦੇ ਘਰ ਧਾਈਦਾ।
- ਜੋ ਭਾਲ ਤੁਸਾਡੀ ਕਰਦਾ ਹੈ, ਮੋਇਆਂ ਤੋਂ ਅੱਗੇ ਮਰਦਾ ਹੈ।
- ਉਹ ਮੋਇਆਂ ਵੀ ਤੈਥੋਂ ਡਰਦਾ ਹੈ, ਮਤ ਮੋਇਆਂ ਨੂੰ ਮਾਰ ਕੁਹਾਈਦਾ।
- ਬਿੰਦਰਾਬਨ ਮੇਂ ਗਊਆਂ ਚਰਾਵੇਂ, ਲੰਕਾ ਚੜ੍ਹ ਕੇ ਨਾਦ ਵਜਾਵੇਂ।
- ਮੌਕੇ ਦਾ ਬਣ ਹਾਜੀ ਆਵੇਂ, ਵਾਹ ਵਾਹ ਰੰਗ ਵਟਾਈਦਾ।
- ਮਨਸੂਰ ਤੁਸਾਂ ਤੇ ਆਇਆ ਏ, ਤੁਸਾਂ ਸੂਲੀ ਪਕੜ ਚੜ੍ਹਾਇਆ ਏ।
- ਮੇਰਾ ਭਾਈ ਬਾਬਲ ਜਾਇਆ ਏ, ਦਿਓ ਖੂਨ ਤੁਸੀਂ ਮੇਰੇ ਭਾਈ ਦਾ।
- ਤੁਸੀਂ ਸਭਨੀ ਭੇਸੀਂ ਥੀਂਦੇ ਹੋ, ਆਪੇ ਮਧ ਹੋ ਆਪੇ ਪੀਂਦੇ ਹੋ।
- ਮੈਨੂੰ ਹਰ ਜਾ ਤੁਸੀਂ ਦਸੀਂਦੇ ਹੋ, ਆਪੇ ਆਪ ਕੋ ਆਪ ਚੁਕਾਈਦਾ।
- ਹੁਣ ਪਾਸ ਤੁਸਾਡੇ ਵੱਸਾਂਗੀ, ਨਾ ਬੇਦਿਲ ਹੋ ਕੇ ਨੱਸਾਂਗੀ।
- ਸਭ ਭੇਤ ਤੁਸਾਡੇ ਦੱਸਾਂਗੀ, ਕਿਉਂ ਮੈਨੂੰ ਅੰਗ ਨਾ ਲਾਈਦਾ ।
- ਵਾਹ ਜਿਸ ਪਰ ਕਰਮ ਅਵੇਹਾ ਹੈ, ਤਸਦੀਕ ਉਹ ਵੀ ਤੈਂ ਜੇਹਾ ਹੈ।
- ਸੱਚ ਸਹੀ ਰਵਾਇਤ ਏਹਾ ਹੈ, ਤੇਰੀ ਨਜ਼ਰ ਮਿਹਰ ਤਰ ਜਾਈਦਾ।
- ਵਿੱਚ ਭਾਂਬੜ ਬਾਗ਼ ਲਵਾਈਦਾ, ਜਿਹੜਾ ਵਿੱਚੋਂ ਆਪ ਖਵਾਈਦਾ।
- ਜਾਂ ਅਲਫੋਂ ਅਹਦ ਬਣਾਈਦਾ, ਤਾਂ ਬਾਤਨ ਕਿਆ ਬਤਲਾਈਦਾ।
- ਬੇਲੀ ਅੱਲਾ ਵਾਲੀ ਮਾਲਕ ਹੋ, ਤੁਸੀਂ ਆਪਣੇ ਆਪ ਸਾਲਕ ਹੋ।
- ਆਪੇ ਖ਼ਲਕਤ ਆਪੇ ਖ਼ਾਲਿਕ ਹੋ, ਆਪੇ ਅਮਰ ਮਅਰੂਫ਼ ਕਰਾਈਦਾ।
- ਕਿਧਰੇ ਚੋਰ ਤੇ ਕਿਧਰੇ ਕਾਜ਼ੀ ਹੋ, ਕਿਤੇ ਮੰਬਰ ਤੇ ਬਹਿ ਵਾਅਜ਼ੀ ਹੋ।
- ਕਿਤੇ ਤੇਗ਼ ਬਹਾਦਰ ਗਾਜ਼ੀ ਹੋ, ਆਪੇ ਆਪਣਾ ਕਟਕ ਚੜ੍ਹਾਈਦਾ।
- ਆਪੇ ਯੂਸਫ਼ ਕੈਦ ਕਰਾਇਓ, ਯੂਨਸ ਮਛਲੀ ਤੋਂ ਨਿਗਲਾਇਓ।
- ਸਾਬਰ ਕੀੜੇ ਘਟ ਬਹਾਇਓ, ਫੇਰ ਓਹਨਾਂ ਤਖ਼ਤ ਚੜ੍ਹਾਈਦਾ।
- ਬੁਲ੍ਹਾ ਸ਼ਹੁ ਹੁਣ ਸਹੀ ਸੰਞਾਤੇ ਹੋ, ਹਰ ਸੂਰਤ ਨਾਲ ਪਛਾਤੇ ਹੋ।
- ਕਿਤੇ ਆਤੇ ਹੋ ਕਿਤੇ ਜਾਤੇ ਹੋ, ਹੁਣ ਮੈਥੋਂ ਭੁੱਲ ਨਾ ਜਾਈਦਾ।
37
- ਹੁਣ ਮੈਨੂੰ ਕੌਣ ਪਛਾਣੇ, ਹੁਣ ਮੈਂ ਹੋ ਗਈ ਨੀ ਕੁਝ ਹੋਰ। ਟੇਕ।
- ਹਾਦੀ ਮੈਨੂੰ ਸਬਕ ਪੜ੍ਹਾਇਆ, ਓਥੇ ਗ਼ੈਰ ਨਾ ਆਇਆ ਜਾਇਆ।
- ਮੁਤਲਕ ਜ਼ਾਤ ਜਮਾਲ ਵਿਖਾਇਆ, ਵਹਦਤ ਪਾਇਆ ਨੀ ਸ਼ੋਰ।
- ਹੁਣ ਮੈਨੂੰ ਕੌਣ ਪਛਾਣੇ, ਹੁਣ ਮੈਂ ਹੋ ਗਈ ਨੀ ਕੁਝ ਹੋਰ।
- ਅੱਵਲ ਹੋ ਕੇ ਲਾਮਕਾਨੀ, ਜ਼ਾਹਰ ਬਾਤਨ ਦਿਸਦਾ ਜਾਨੀ ।
- ਰਿਹਾ ਨਾ ਮੇਰਾ ਨਾਮ ਨਿਸ਼ਾਨੀ, ਮਿਟ ਗਿਆ ਝਗੜਾ ਸ਼ੋਰ ।
- ਹੁਣ ਮੈਨੂੰ ਕੌਣ ਪਛਾਣੇ, ਹੁਣ ਮੈਂ ਹੋ ਗਈ ਨੀ ਕੁਝ ਹੋਰ।
- ਪਿਆਰਾ ਆਪ ਜਮਾਲ ਵਿਖਾਲੇ, ਮਸਤ ਕਲੰਦਰ ਹੋਣ ਮਤਵਾਲੇ।
- ਹੰਸਾਂ ਦੇ ਹੁਣ ਵੇਖ ਲੈ ਚਾਲੇ, ਬੁਲ੍ਹਾ ਕਾਗਾਂ ਦੀ ਭੁੱਲ ਗਈ ਟੋਰ।
- ਹੁਣ ਮੈਨੂੰ ਕੌਣ ਪਛਾਣੇ, ਹੁਣ ਮੈਂ ਹੋ ਗਈ ਨੀ ਕੁਝ ਹੋਰ।
38
- ਹੁਣ ਮੈਂ ਲੱਖਿਆ ਸੋਹਣਾ ਯਾਰ, ਜਿਸ ਦੇ ਹੁਸਨ ਦਾ ਗਰਮ ਬਜ਼ਾਰ। ਟੇਕ।
- ਜਦ, ਅਹਿਦ ਇਕ ਇਕੱਲਾ ਸੀ, ਨਾ ਜ਼ਾਹਰ ਕੋਈ ਤਜੱਲਾ ਸੀ।
- ਨਾ ਰੱਬ ਰਸੂਲ ਨਾ ਅੱਲਾ ਸੀ, ਨਾ ਜੱਬਾਰ ਤੇ ਨਾ ਕਹਾਰ।
- ਬੇਚੂਨ ਵ ਬੇਚੂਗੁਨਾ ਸੀ, ਬੇਸ਼ਬੀਯਾ ਬੇਨਮੂਨਾ ਸੀ।
- ਨਾ ਕੋਈ ਰੰਗ ਨਮੂਨਾ ਸੀ, ਹੁਣ ਗੁਨਾਂ-ਗੂੰ ਹਜ਼ਾਰ।
- ਪਿਆਰਾ ਪਹਿਨ ਪੋਸ਼ਾਕਾਂ ਆਇਆ, ਆਦਮ ਆਪਣਾ ਨਾਮ ਧਰਾਇਆ।
- ਅਹਿਦ ਤੇ ਬਣ ਅਹਿਮਦ ਆਇਆ, ਨਬੀਆਂ ਦਾ ਸਰਦਾਰ।
- ਕੁਨ ਕਿਹਾ ਫਯੀਕੁਨ ਕਹਾਇਆ, ਬੇਚੂਨੀ ਸੇ ਚੂਨ ਬਣਾਇਆ।
- ਅਹਿਦ ਦੇ ਵਿਚ ਮੀਮ ਰਲਾਇਆ, ਤਾਂ ਕੀਤਾ ਐਡ ਪਸਾਰ।
- ਤਜੂੰ ਮਸੀਤ, ਤਜੂੰ ਬੁਤਖ਼ਾਨਾ, ਬਰਤੀ ਰਹਾਂ ਨਾ ਰੋਜ਼ਾ ਜਾਨਾ।
- ਭੁੱਲ ਗਿਆ ਵੁਜ਼ੂ ਨਮਾਜ਼ ਦੁਗਾਨਾ, ਤੈਂ ਪਰ ਜਾਨ ਕਰਾਂ ਬਲਿਹਾਰ।
- ਪੀਰ ਪੈਗ਼ੰਬਰ ਇਸ ਦੇ ਬਰਦੇ, ਇਨਸ ਮਲਾਇਕ ਸਜਦੇ ਕਰਦੇ।
- ਸਰ ਕਦਮਾਂ ਦੇ ਉਤੇ ਧਰਦੇ, ਸਭ ਤੋਂ ਵੱਡੀ ਉਹ ਸਰਕਾਰ।
- ਜੋ ਕੋਈ ਉਸ ਨੂੰ ਲਖਿਆ ਚਾਹੇ, ਬਾਝ ਵਸੀਲੇ ਲਖਿਆ ਨ ਜਾਏ।
- ਸ਼ਾਹ ਇਨਾਇਤ ਭੇਤ ਬਤਾਏ, ਤਾਂ ਖੁੱਲ੍ਹੇ ਸਭ ਅਸਰਾਰ।
39
- ਕੱਤ ਕੁੜੇ ਨਾ ਵੱਤ ਕੁੜੇ, ਛੱਲੀ ਲਾਹ ਭੜੋਲੇ ਘੱਤ ਕੁੜੇ। ਟੇਕ।
- ਜੇ ਪੂਣੀ ਪੂਣੀ ਕੱਤੇਂਗੀ, ਤਾਂ ਨੰਗੀ ਮੂਲ ਨਾ ਵੱਤੇਂਗੀ ।
- ਸੋਹਰਿਆਂ ਦੇ ਜੇ ਕੱਤੇਂਗੀ, ਤਾਂ ਕਾਗ ਮਾਰੇਗਾ ਝੁੱਟ ਕੁੜੇ।
- ਵਿਚ ਗ਼ਫਲਤ ਜੇ ਤੈਂ ਦਿਨ ਜਾਲੇ, ਕੱਤ ਕੇ ਕੁਝ ਨਾ ਲਿਉ ਸੰਭਾਲੇ।
- ਬਾਝੋਂ ਗੁਣ ਸ਼ਹੁ ਆਪਣੇ ਨਾਲੇ, ਤੇਰੀ ਕਿਉਂਕਰ ਹੋਸੀ ਗੱਤ ਕੁੜੇ।
- ਮਾਂ ਪਿਓ ਤੇਰੇ ਗੰਢੀਂ ਪਾਈਆਂ, ਅਜੇ ਨਾ ਤੈਨੂੰ ਸੁਰਤਾਂ ਆਈਆਂ।
- ਦਿਨ ਥੋੜੇ ਤੇ ਚਾਅ ਮੁਕਾਈਆਂ, ਨਾ ਆਸੇਂ ਪੇਕੇ ਵੱਤ ਕੁੜੇ।
- ਜੇ ਦਾਜ ਵਿਹੂਣੀ ਜਾਵੇਂਗੀ, ਤਾਂ ਕਿਸੇ ਭਲੀ ਨਾ ਭਾਵੇਂਗੀ।
- ਓਥੇ ਸ਼ਹੁ ਨੂੰ ਕਿਵੇਂ ਰੀਝਾਵੇਂਗੀ, ਕੁਝ ਲੈ ਫ਼ਕਰਾਂ ਦੀ ਮੱਤ ਕੁੜੇ।
- ਤੇਰੇ ਨਾਲ ਦੀਆਂ ਦਾਜ ਰੰਗਾਏ ਨੀ, ਓਹਨਾਂ ਸੂਹੇ ਸਾਲੂ ਪਾਏ ਨੀ ।
- ਤੂੰ ਪੈਰ ਉਲਟੇ ਕਿਉਂ ਚਾਏ ਨੀ, ਜਾ ਓਥੇ ਲੱਗੀ ਤੱਤ ਕੁੜੇ।
- ਬੁਲ੍ਹਾ ਸ਼ਹੁ ਘਰ ਆਪਣੇ ਆਵੇ, ਚੂੜਾ ਬੀੜਾ ਸਭ ਸੁਹਾਵੇ।
- ਗੁਣ ਹੋਸੀ ਤਾਂ ਗਲੇ ਲਗਾਵੇ, ਨਹੀਂ ਰੋਸੇ ਨੈਣੀਂ ਰੱਤ ਕੁੜੇ।
40
- ਕਦੀ ਆ ਮਿਲ ਯਾਰ ਪਿਆਰਿਆ, ਤੇਰੀਆਂ ਵਾਟਾਂ ਤੋਂ ਸਿਰ ਵਾਰਿਆ। ਟੇਕ।
- ਚੜ੍ਹ ਬਾਗ਼ੀ ਕੋਇਲ ਕੂਕਦੀ, ਨਿਤ ਸੋਜ਼-ਅਲਮ ਦੇ ਫੂਕਦੀ,
- ਮੈਨੂੰ ਤੱਤੜੀ ਕੋ ਸ਼ਾਮ ਵਿਸਾਰਿਆ, ਕਦੀ ਆ ਮਿਲ ਯਾਰ ਪਿਆਰਿਆ।
- ਬੁਲ੍ਹਾ ਸ਼ਹੁ ਕਦੀ ਘਰ ਆਵਸੀ, ਮੇਰੀ ਬਲਦੀ ਭਾ ਬੁਝਾਵਸੀ ।
- ਉਹਦੀ ਵਾਟਾਂ ਤੋਂ ਸਿਰ ਵਾਰਿਆ, ਕਦੀ ਆ ਮਿਲ ਯਾਰ ਪਿਆਰਿਆ।
- ਤੇਰੀਆਂ ਵਾਟਾਂ ਤੋਂ ਸਿਰ ਵਾਰਿਆ, ਕਦੀ ਆ ਮਿਲ ਯਾਰ ਪਿਆਰਿਆ।
41
- ਕਦੀ ਆ ਮਿਲ ਬਿਰਹੋਂ ਸਤਾਈ ਨੂੰ । ਟੇਕ।
- ਇਸ਼ਕ ਲੱਗੇ ਤਾਂ ਹੈ ਹੈ ਕੂਕੇਂ, ਤੂੰ ਕੀ ਜਾਣੇ ਪੀੜ ਪਰਾਈ ਨੂੰ ।
- ਕਦੀ ਆ ਮਿਲ ਬਿਰਹੋਂ ਸਤਾਈ ਨੂੰ।
- ਜੇ ਕੋਈ ਇਸ਼ਕ ਵਿਹਾਝਿਆ ਲੋੜੇ, ਸਿਰ ਦੇਵੇ ਪਹਿਲੇ ਸਾਈਂ ਨੂੰ ।
- ਕਦੀ ਆ ਮਿਲ ਬਿਰਹੋਂ ਸਤਾਈ ਨੂੰ ।
- ਅਮਲਾਂ ਵਾਲੀਆਂ ਲੰਘ ਲੰਘ ਗਈਆਂ, ਸਾਡੀਆਂ ਲੱਜਾਂ ਮਾਹੀ ਨੂੰ ।
- ਕਦੀ ਆ ਮਿਲ ਬਿਰਹੋਂ ਸਤਾਈ ਨੂੰ।
- ਗ਼ਮ ਦੇ ਵਹਿਣ ਸਿਤ ਦੀਆਂ ਕਾਂਗਾਂ, ਕਿਸੇ ਕਹਿਰ ਕੱਪਰ ਵਿਚ ਪਾਈ ਨੂੰ।
- ਕਦੀ ਆ ਮਿਲ ਬਿਰਹੋਂ ਸਤਾਈ ਨੂੰ ।
- ਮਾਂ ਪਿਓ ਛੱਡ ਸਈਆਂ ਮੈਂ ਭੁੱਲੀ ਆਂ, ਬਲਿਹਾਰੀ ਰਾਮ ਦੁਹਾਈ ਨੂੰ ।
- ਕਦੀ ਆ ਮਿਲ ਬਿਰਹੋਂ ਸਤਾਈ ਨੂੰ ।
42
- ਕਦੀ ਆਪਣੀ ਆਖ ਬੁਲਾਉਗੇ।
- ਬੇਗੁਣ ਕਿਆ ਗੁਣ ਕੀਆ ਹੈ, ਤਨ ਪੀਆ ਹੈ ਮਨ ਪੀਆ ਹੈ।
- ਉਹ ਪੀਆ ਸੁ ਮੋਰਾ ਜੀਆ ਹੈ, ਪੀਆ ਪੀਆ ਸੇ ਰਲ ਮਿਲ ਜਾਉਗੇ।
- ਕਦੀ ਆਪਣੀ ਆਖ ਬੁਲਾਉਗੇ।
- ਮੈਂ ਫ਼ਾਨੀ ਆਪ ਕੋ ਦੂਰ ਕਰਾਂ, ਤੈਂ ਬਾਕੀ ਆਪ ਹਜ਼ੂਰ ਕਰਾਂ।
- ਜੇ ਅਜ਼ਹਰ ਵਾਂਙ ਮਨਸੂਰ ਕਰਾਂ, ਖੜ ਸੂਲੀ ਪਕੜ ਚੜ੍ਹਾਉਗੇ ।
- ਕਦੀ ਆਪਣੀ ਆਖ ਬੁਲਾਉਗੇ ।
- ਮੈਂ ਜਾਗੀ ਸਭ ਜਗ ਸੋਇਆ ਹੈ, ਖੁਲ੍ਹੀ ਪਲਕ ਤੇ ਉਠ ਕੇ ਰੋਇਆ ਹੈ।
- ਜੁਜ਼ ਮਸਤੀ ਕਾਮ ਨਾ ਹੋਇਆ ਹੈ, ਕਦੀ ਮਸਤ ਅਲੱਸਤ ਬਣਾਉਗੇ।
- ਕਦੀ ਆਪਣੀ ਆਖ ਬੁਲਾਉਗੇ ।
- ਜਦੋਂ ਅਨਹਦ ਬਣ ਦੋ ਨੈਣ ਧਰੇ, ਅੱਗੇ ਸਿਰ ਬਣ ਧੜ ਕੇ ਲਾਖ ਪੜੇ।
- ਉੱਛਲ ਰੰਗਣ ਦੇ ਦਰਿਆ ਚੜ੍ਹੇ, ਮੇਰੇ ਲਹੂ ਦੀ ਨਦੀ ਵਗਾਉਗੇ।
- ਕਦੀ ਆਪਣੀ ਆਖ ਬੁਲਾਉਗੇ। ਕਿਸੇ ਆਸ਼ਕ ਨਾ ਸੁੱਖ ਸੋਣਾ ਏ,
- ਅਸਾਂ ਰੋ ਰੋ ਕੇ ਮੁੱਖ ਧੋਣਾ ਏ। ਇਹ ਜਾਦੂ ਹੈ ਕਿ ਟੂਣਾ ਏ,
- ਇਸ ਰੋਗ ਦਾ ਭੋਗ ਬਣਾਉਗੇ।
- ਕਦੀ ਆਪਣੀ ਆਖ ਬੁਲਾਉਗੇ।
- ਕਹੋ ਕਿਆ ਸਿਰ ਇਸ਼ਕ ਬਿਚਾਰੇਗਾ, ਫਿਰ ਕਿਆ ਥੀਸੀ ਨਿਰਵਾਰੇਗਾ।
- ਜਬ ਦਾਰ ਉੱਪਰ ਸਿਰ ਵਾਰੇਗਾ, ਤਬ ਪਿੱਛੇ ਢੋਲ ਵਜਾਉਗੇ।
- ਕਦੀ ਆਪਣੀ ਆਖ ਬੁਲਾਉਗੇ।
- ਮੈਂ ਆਪਣਾ ਮਨ ਕਬਾਬ ਕੀਆ, ਆਂਖੋਂ ਕਾ ਅਰਕ ਸ਼ਰਾਬ ਕੀਆ।
- ਰੰਗ ਤਾਰਾਂ ਹੱਡ ਰੁਬਾਬ ਕੀਆ, ਕਿਆ ਮਤਿ ਕਾ ਨਾਮ ਬੁਲਾਉਗੇ ।
- ਕਦੀ ਆਪਣੀ ਆਖ ਬੁਲਾਉਗੇ।
- ਸ਼ਕਰੰਜੀ ਕੋ ਕਿਆ ਕੀਜੀਏਗਾ, ਮਨ ਭਾਣਾ ਸੌਦਾ ਲੀਜੀਏਗਾ।
- ਇਹ ਦੀਨ ਦੁਨੀ ਕਿਸ ਦੀਜੀਏਗਾ, ਮੁਝੇ ਅਪਨਾ ਦਰਸ ਬਤਾਉਗੇ ।
- ਕਦੀ ਆਪਣੀ ਆਖ ਬੁਲਾਉਗੇ।
- ਮੈਨੂੰ ਆਣ ਨਜ਼ਾਰੇ ਤਾਇਆ ਹੈ, ਦੋ ਨੈਣਾਂ ਬਰਖਾ ਲਾਇਆ ਹੈ।
- ਬਣ ਰੋਜ਼ ਅਨਾਇਤ ਆਇਆ ਹੈ, ਐਵੇਂ ਆਪਣਾ ਆਪ ਜਿਤਾਉਗੇ।
- ਕਦੀ ਆਪਣੀ ਆਖ ਬੁਲਾਉਗੇ।
- ਬੁਲ੍ਹਾ ਸ਼ਹੁ ਨੂੰ ਵੇਖਣ ਜਾਉਗੇ, ਇਨ੍ਹਾਂ ਅੱਖੀਆਂ ਨੂੰ ਸਮਾਝਉਗੇ।
- ਦੀਦਾਰ ਤਦਾਂਹੀ ਪਾਉਗੇ, ਬਣ ਸ਼ਾਹ ਅਨਾਇਤ ਘਰ ਆਉਗੇ।
- ਕਦੀ ਆਪਣੀ ਆਖ ਬੁਲਾਉਗੇ।
43
- ਕਦੀ ਮੋੜ ਮੁਹਾਰਾਂ ਢੋਲਿਆ ਤੇਰੀਆਂ ਵਾਟਾਂ ਤੋਂ ਸਿਰ ਘੋਲਿਆ
- ਮੈਂ ਨ੍ਹਾਤੀ ਧੋਤੀ ਰਹਿ ਗਈ, ਕੋਈ ਗੰਢ ਸੱਜਨ ਦਿਲ ਬਹਿ ਗਈ
- ਕੋਈ ਸੁਖ਼ਨ ਅਵੱਲਾ ਬੋਲਿਆ, ਕਦੀ ਮੋੜ ਮੁਹਾਰਾਂ ਢੋਲਿਆ
- ਬੁਲ੍ਹਾ ਸ਼ਹੁ ਕਦੀ ਘਰ ਆਵਸੀ, ਮੇਰੀ ਬਲਦੀ ਭਾ ਬੁਝਾਵਸੀ
- ਜੀਹਦੇ ਦੁੱਖਾਂ ਨੇ ਮੂੰਹ ਖੋਲ੍ਹਿਆ, ਕਦੀ ਮੋੜ ਮੁਹਾਰਾਂ ਢੋਲਿਆ
44
- ਕਰ ਕੱਤਣ ਵੱਲ ਧਿਆਨ ਕੁੜੇ। ਟੇਕ।
- ਨਿਤ ਮੱਤੀਂ ਦੇਂਦੀ ਮਾਂ ਧੀਆ, ਕਿਉਂ ਫਿਰਨੀ ਏਂ ਐਵੇਂ ਆ ਧੀਆ।
- ਨੀ ਸ਼ਰਮ ਹਯਾ ਨਾ ਗਵਾ ਧੀਆ, ਤੂੰ ਕਦੀ ਤਾਂ ਸਮਝ ਨਦਾਨ ਕੁੜੇ।
- ਨਹੀਉਂ ਕਦਰ ਮਿਹਨਤ ਦਾ ਪਾਇਆ, ਜਦ ਹੋਇਆ ਕੰਮ ਅਸਾਨ ਕੁੜੇ।
- ਚਰਖ਼ਾ ਮੁਫ਼ਤ ਤੇਰੇ ਹੱਥ ਆਇਆ, ਪੱਲਿਉਂ ਨਹੀਉਂ ਕੁਝ ਗਵਾਇਆ।
- ਚਰਖ਼ਾ ਬਣਿਆ ਖ਼ਾਤਰ ਤੇਰੀ, ਖੇਡਣ ਦੀ ਕਰ ਹਿਰਸ ਥੁਰੇੜੀ।
- ਹੋਣਾ ਨਹੀਉਂ ਹੋਰ ਵਡੇਰੀ, ਮਤ ਕਰ ਕੋਈ ਅਗਿਆਨ ਕੁੜੇ।
- ਚਰਖ਼ਾ ਤੇਰਾ ਰੰਗ ਰੰਗੀਲਾ, ਰੀਸ ਕਰੇਂਦਾ ਸਭ ਕਬੀਲਾ।
- ਚਲਦੇ ਚਾਰੇ ਕਰ ਲੈ ਹੀਲਾ, ਹੋ ਘਰ ਦੇ ਵਿਚ ਅਵਾਦਾਨ ਕੁੜੇ।
- ਇਸ ਚਰਖ਼ੇ ਦੀ ਕੀਮਤ ਭਾਰੀ, ਤੂੰ ਕੀ ਜਾਣੇਂ ਕਦਰ ਗਵਾਰੀ।
- ਉੱਚੀ ਨਜ਼ਰ ਫਿਰੇਂ ਹੰਕਾਰੀ, ਵਿਚ ਆਪਣੀ ਸ਼ਾਨ ਗੁਮਾਨ ਕੁੜੇ।
- ਮੈਂ ਕੂਕਾਂ ਕਰ ਖਲੀਆਂ ਬਾਹੀਂ, ਨਾ ਹੋ ਗ਼ਾਫ਼ਲ ਸਮਝ ਕਦਾਈਂ।
- ਐਸਾ ਚਰਖ਼ਾ ਘੜਨਾ ਨਾਹੀਂ, ਫੇਰ ਕਿਸੇ ਤਰਖਾਣ ਕੁੜੇ।
- ਇਹ ਚਰਖ਼ਾ ਤੂੰ ਕਿਉਂ ਗਵਾਇਆ, ਕਿਉਂ ਤੂੰ ਖੇਹ ਦੇ ਵਿਚ ਰੁਲਾਇਆ।
- ਜਦ ਦਾ ਹੱਥ ਤੇਰੇ ਇਹ ਆਇਆ, ਤੂੰ ਕਦੇ ਨਾ ਡਾਹਿਆ ਆਣ ਕੁੜੇ।
- ਨਿੱਤ ਮੱਤੀਂ ਦਿਆਂ ਵਲੱਲੀ ਨੂੰ, ਇਸ ਭੋਲੀ ਕਮਲੀ ਝੱਲੀ ਨੂੰ ।
- ਜਦ ਪਵੇਗਾ ਵਖ਼ਤ ਇਕੱਲੀ ਨੂੰ, ਤਦ ਹਾਏ ਹਾਏ ਕਰਸੀ ਜਾਨ ਕੁੜੇ।
- ਮੁਢੋਂ ਦੀ ਤੂੰ ਰਿਜ਼ਕ ਵਿਹੂਣੀ, ਗੋਹੜਿਓਂ ਨਾ ਤੂੰ ਕੱਤੀ ਪੂਣੀ।
- ਹੁਣ ਕਿਉਂ ਫਿਰਨੀ ਏਂ ਨਿੰਮੋਝੂਣੀ, ਕਿਸ ਦਾ ਕਰੇਂ ਗੁਮਾਨ ਕੁੜੇ।
- ਘੜੀ ਮੁੜੀ ਕਿਉਂ ਚਰਖ਼ਾ ਚਾਵੇਂ ਤੂੰ, ਕਰਨੀ ਏਂ ਆਪਣਾ ਜ਼ਿਆਨ ਕੁੜੇ।
- ਨਾ ਤੱਕਲਾ ਰਾਸ ਕਰਾਵੇਂ ਤੂੰ, ਨਾ ਬਾਇੜ ਮਾਲ੍ਹ ਪਵਾਵੇਂ ਤੂੰ ।
- ਡਿੰਗਾ ਤੱਕਲਾ ਰਾਸ ਕਰਾ ਲੈ, ਨਾਲ ਸ਼ਤਾਬੀ ਬਾਇੜ ਪਵਾ ਲੈ।
- ਜਿਉਂ ਕਰ ਵਗੇ ਤਿਵੇਂ ਵਗਾ ਲੈ, ਮਤ ਕਰ ਕੋਈ ਅਗਿਆਨ ਕੁੜੇ।
- ਅੱਜ ਘਰ ਵਿਚ ਨਵੀਂ ਕਪਾਹ ਕੁੜੇ, ਤੂੰ ਝੰਬ ਝੰਬ ਵੇਲਣਾ ਡਾਹ ਕੁੜੇ।
- ਰੂੰ ਵੇਲ ਪੰਜਾਵਣ ਜਾਹ ਕੁੜੇ, ਮੁੜ ਕਲ੍ਹ ਨਾ ਤੇਰਾ ਜਾਣ ਕੁੜੇ।
- ਜਦ ਰੂੰ ਪੰਜਾ ਲਿਆਵੇਂਗੀ, ਸਈਆਂ ਵਿਚ ਪੂਣੀਆਂ ਪਾਵੇਂਗੀ।
- ਮੁੜ ਆਪੇ ਹੀ ਪਈ ਭਾਵੇਂਗੀ, ਵਿਚ ਸਾਰੇ ਜੱਗ ਜਹਾਨ ਕੁੜੇ।
- ਤੇਰੇ ਨਾਲ ਦੀਆਂ ਸਭ ਸਈਆਂ ਨੀ, ਕੱਤ ਪੂਣੀਆਂ ਸਭਨਾਂ ਲਈਆਂ ਨੀ।
- ਤੈਨੂੰ ਬੈਠੀ ਨੂੰ ਪਿੱਛੇ ਪਈਆਂ ਨੀ, ਕਿਉਂ ਬੈਠੀ ਹੁਣ ਹੈਰਾਨ ਕੁੜੇ।
- ਦੀਵਾ ਆਪਣੇ ਪਾਸ ਜਗਾਵੀਂ, ਕੱਤ ਕੱਤ ਸੂਤ ਭੜੋਲੀ ਪਾਵੀਂ।
- ਅੱਖੀਂ ਵਿੱਚੋਂ ਰਾਤ ਲੰਘਾਵੀਂ, ਔਖੀ ਕਰਕੇ ਜਾਨ ਕੁੜੇ ।
- ਰਾਜ ਪੇਕਾ ਦਿਨ ਚਾਰ ਕੁੜੇ, ਨਾ ਖੇਡੋ ਖੇਡ ਗੁਜ਼ਾਰ ਕੁੜੇ।
- ਨਾ ਹੋ ਵਿਹਲੀ ਕਰ ਕਾਰ ਕੁੜੇ, ਘਰ ਬਾਰ ਨਾ ਕਰ ਵੀਰਾਨ ਕੁੜੇ।
- ਤੂੰ ਸੁੱਤਿਆਂ ਰੈਣ ਗੁਜ਼ਾਰ ਨਹੀਂ, ਮੁੜ ਆਉਣਾ ਦੂਜੀ ਵਾਰ ਨਹੀਂ।
- ਕਾ ਫਿਰ ਬਹਿਣਾ ਏਸ ਭੰਡਾਰ ਨਹੀਂ, ਵਿਚ ਇੱਕੋ ਜੇਡੇ ਹਾਣ ਕੁੜੇ ।
- ਤੂੰ ਸਦਾ ਨਾ ਪੇਕੇ ਰਹਿਣਾ ਏਂ, ਨਾ ਪਾਸ ਅੰਬੜੀ ਦੇ ਬਹਿਣਾ ਏ।ਬਹੁ
- ਕੱਤ ਲੈ ਨੀ ਕੁਝ ਕਤਾ ਲੈ ਨੀ, ਹੁਣ ਤਾਣੀ ਤੰਦ ਉਣਾ ਲੈ ਨੀ ।
- ਤੂੰ ਆਪਣਾ ਦਾਜ ਰੰਗਾ ਲੈ ਨੀ, ਤੂੰ ਤਦ ਹੋਵੇਂ ਪਰਧਾਨ ਕੁੜੇ।
- ਜਦ ਘਰ ਬੇਗਾਨੇ ਜਾਵੇਂਗੀ, ਮੁੜ ਵੱਤ ਨਾ ਓਥੋਂ ਆਵੇਂਗੀ।
- ਓਥੇ ਜਾ ਕੇ ਪਛੋਤਾਵੇਂਗੀ, ਕੁਝ ਅਗਦੋਂ ਕਰ ਸਮਿਆਨ ਕੁੜੇ।
- ਭਾ ਅੰਤ ਵਿਛੋੜਾ ਸਹਿਣਾ ਏ, ਵੱਸ ਪਏਂਗੀ ਸੱਸ ਨਨਾਣ ਕੁੜੇ।
- ਅਜੇ ਐਡਾ ਤੇਰਾ ਕੰਮ ਕੁੜੇ, ਕਿਉਂ ਹੋਈ ਏਂ ਬੇ-ਗ਼ਮ ਕੁੜੇ।
- ਕੀ ਕਰ ਲੈਣਾ ਉਸ ਦਮ ਕੁੜੇ, ਜਦ ਘਰ ਆਏ ਮਹਿਮਾਨ ਕੁੜੇ।
- ਜਦ ਸਭ ਸਈਆਂ ਟੁਰ ਜਾਉਣਗੀਆਂ, ਫਿਰ ਓਥੋਂ ਮੂਲ ਨਾ ਆਉਣਗੀਆਂ।
- ਆ ਚਰਖ਼ੇ ਮੂਲ ਨਾ ਡਾਹੁਣਗੀਆਂ, ਤੇਰਾ ਤ੍ਰਿੰਵਣ ਪਿਆ ਵੀਰਾਨ ਕੁੜੇ।
- ਕਰ ਮਾਣ ਨਾ ਹੁਸਨ ਜਵਾਨੀ ਦਾ, ਪਰਦੇਸ ਨਾ ਰਹਿਣ ਸੀਲਾਨੀ ਦਾ।
- ਕੋਈ ਦੁਨੀਆ ਝੂਠੀ ਫ਼ਾਨੀ ਦਾ, ਨਾ ਰਹਿਸੀ ਨਾਮ ਨਿਸ਼ਾਨ ਕੁੜੇ।
- ਇਕ ਔਖਾ ਵੇਲਾ ਆਵੇਗਾ, ਸਭ ਸਾਕ ਸੈਣ ਭੱਜ ਜਾਵੇਗਾ।
- ਕਰ ਮੱਦਤ ਪਾਰ ਲੰਘਾਵੇਗਾ, ਉਹ ਬੁੱਲ੍ਹੇ ਦਾ ਸੁਲਤਾਨ ਕੁੜੇ।
45
- ਕਿਉਂ ਓਹਲੇ ਬਹਿ ਬਹਿ ਝਾਕੀਦਾ, ਇਹ ਪਰਦਾ ਕਿਸ ਤੋਂ ਰਾਖੀਦਾ।
- ਕਾਰਨ ਪ੍ਰੀਤ ਮੀਤ ਬਣ ਆਇਆ, ਮੀਮ ਦਾ ਘੁੰਘਟ ਮੁੱਖ ਪਰ ਪਾਇਆ।
- ਅਹਿਦ ਤੇ ਅਹਿਮਦ ਨਾਮ ਧਰਾਇਆ, ਸਿਰ ਛਤਰ ਝੁੱਲੇ ਲੌਲਾਕੀ ਦਾ।
- ਤੁਸੀਂ ਆਪੇ ਆਪ ਹੀ ਸਾਰੇ ਹੋ, ਕਿਉਂ ਕਹਿੰਦੇ ਤੁਸੀਂ ਨਿਆਰੇ ਹੋ।
- ਆਏ ਆਪਣੇ ਆਪ ਨਜ਼ਾਰੇ ਹੋ, ਵਿਚ ਬਰਜ਼ਖ਼ ਰੱਖਿਆ ਖ਼ਾਕੀ ਦਾ।
- ਤੁੱਧ ਬਾਝੋਂ ਦੂਸਰਾ ਕਿਹੜਾ ਹੈ, ਕਿਉਂ ਪਾਇਆ ਉਲਟਾ ਝੇੜਾ ਹੈ।
- ਇਹ ਡਿਠਾ ਬੜਾ ਅੰਧੇਰਾ ਹੈ, ਹੁਣ ਆਪ ਨੂੰ ਆਪੇ ਆਖੀ ਦਾ।
- ਕਿਤੇ ਰੂਮੀ ਹੋ ਕਿਤੇ ਸ਼ਾਮੀ ਹੋ, ਕਿਤੇ ਸਾਹਿਬ ਕਿਤੇ ਗੁਲਾਮੀ ਹੋ।
- ਤੁਸੀਂ ਆਪੇ ਆਪ ਸਮਾਮੀ ਹੋ, ਕਹੂੰ ਖੋਟਾ ਖਰਾ ਸ ਲਾਖੀ ਦਾ।
- ਜਿਸ ਤਨ ਵਿਚ ਇਸ਼ਕ ਦਾ ਸੋਜ਼ ਹੋਇਆ, ਉਹ ਬੇਖ਼ੁਦ ਬੇਹੋਸ਼ ਹੋਇਆ।
- ਉਹ ਕਿਉਂਕਰ ਰਹੇਂ ਖ਼ਾਮੋਸ਼ ਹੋਇਆ, ਜਿਸ ਪਿਆਲਾ ਪੀਤਾ ਸਾਕੀ ਦਾ।
- ਤੁਸੀਂ ਆਪ ਅਸਾਂ ਨੂੰ ਧਾਏ ਜੀ, ਕਦ ਰਹਿੰਦੇ ਛਪੇ ਛਪਾਏ ਜੀ।
- ਤੁਸੀਂ ਸ਼ਾਹ ਇਨਾਇਤ ਬਣ ਆਏ ਜੀ, ਹੁਣ ਲਾ ਲਾ ਨੈਣ ਝਮਾਕੀ ਦਾ।
- ਬੁਲ੍ਹਾ ਸ਼ਾਹ ਤਨ ਭਾ ਦੀ ਭੱਠੀ ਕਰ, ਅੱਗ ਬਾਲ ਹੱਡਾਂ ਤਨ ਮਾਟੀ ਕਰ।
- ਇਹ ਸ਼ੌਕ ਮੁਹੱਬਤ ਬਾਕੀ ਕਰ, ਇਹ ਮਧੂਵਾ ਇਸ ਬਿਧ ਚਾਖੀਦਾ।
46
- ਕਿਉਂ ਇਸ਼ਕ ਅਸਾਂ ਤੇ ਆਇਆ ਏ।
- ਤੂੰ ਆਇਆ ਹੈ ਮੈਂ ਪਾਇਆ ਏ।
- ਇਬਰਾਹੀਮ ਚਾ ਚਿਖਾ ਸੁਟਾਇਉ, ਜ਼ਿਕਰੀਏ ਸਿਰ ਕਲਵੱਤਰ ਧਰਾਇਉ।
- ਯੂਸਫ਼ ਹੱਟੋ ਹੱਟ ਵਿਕਾਇਓ, ਕਹੁ ਸਾਨੂੰ ਕੀ ਲਿਆਇਆ ਏ।
- ਕਿਉਂ ਇਸ਼ਕ ਅਸਾਂ ਤੇ ਆਇਆ ਏ।
- ਸ਼ੈਖ ਸੁਨਆਨੋਂ ਖ਼ੂਕ ਚਰਾਇਉ, ਸ਼ਮਸ ਦੀ ਖੱਲ ਉਲਟ ਲੁਹਾਇਉ।
- ਕਿਉਂ ਇਸ਼ਕ ਅਸਾਂ ਤੇ ਆਇਆ ਏ।
- ਸੂਲੀ ਤੇ ਮਨਸੂਰ ਚੜ੍ਹਾਇਉ, ਕਰ ਹੱਥ ਹੁਣ ਮੈਂ ਵੱਲ ਧਾਇਆ ਏ।
- ਜਿਸ ਘਰ ਵਿਚ ਤੇਰਾ ਫੇਰ ਹੋਇਆ, ਸੋ ਜਲ ਬਲ ਕੋਇਲਾ ਢੇਰ ਹੋਇਆ।
- ਜਦ ਰਾਖ ਉੱਡੀ ਤਦ ਸੇਰ ਹੋਇਆ,
- ਕਹੁ ਕਿਸ ਗੱਲ ਦਾ ਸਧਰਾਇਆ ਏ।
- ਕਿਉਂ ਇਸ਼ਕ ਅਸਾਂ ਤੇ ਆਇਆ ਏ।
- ਬੁਲ੍ਹਾ ਸ਼ਹੁ ਦੇ ਕਾਰਨ ਕਰੀਏ, ਤਨ ਭੱਠੀ ਮਨ ਅਹਿਰਣ ਕਰੀਏ।
- ਪਰੇਮ ਹਥੋੜਾ ਮਾਰਨ ਕਰੀਏ, ਦਿਲ ਲੋਹਾ ਅੱਗ ਪੰਘਾਇਆ ਏ।
- ਕਿਉਂ ਇਸ਼ਕ ਅਸਾਂ ਤੇ ਆਇਆ ਏ।
- ਤੂੰ ਆਇਆ ਹੈ ਮੈਂ ਪਾਇਆ ਏ…..
47
- ਕੀਹਨੂੰ ਲਾ-ਮਕਾਨੀ ਦੱਸਦੇ ਹੋ, ਤੁਸੀਂ ਹਰ ਰੰਗ ਦੇ ਵਿਚ ਵੱਸਦੇ ਹੋ।
- ਕੁਨਫ਼ਯੀਕੁਨ ਤੈਂ ਆਪ ਕਹਾਇਆ, ਤੈਂ ਬਾਝੋਂ ਹੋਰ ਕਿਹੜਾ ਆਇਆ।
- ਇਸ਼ਕੋਂ ਸਭ ਜ਼ਹੂਰ ਬਣਾਇਆ, ਆਸ਼ਕ ਹੋ ਕੇ ਵੱਸਦੇ ਹੋ।
- ਪੁੱਛੋ ਆਦਮ ਕਿਸ ਨੇ ਲਾਹਜਾ ਏ, ਓਥੇ ਖਾ ਦਾਣਾ ਉੱਠ ਨੱਸਦੇ ਹੋ।
- ਓਥੇ ਕਿਸ ਦਾ ਤੈਨੂੰ ਆਂਦਾ ਏ, ਕਿਥੋਂ ਆਇਆ ਕਿੱਥੇ ਜਾਂਦਾ ਏਂ।
- ਆਪੇ ਸੁਣੇ ਤੇ ਆਪ ਸੁਣਾਵੇਂ, ਆਪੇ ਗਾਵੇਂ ਆਪ ਬਜਾਵੇਂ।
- ਹਥੋਂ ਕੋਲ ਸਰੋਦ ਸੁਣਾਵੇਂ, ਕਿਤੇ ਜਾਹਲ ਹੋ ਕੇ ਨੱਸਦੇ ਹੋ।
- ਜੋ ਤੇਰੀ ਵਹਦਤ ਤੁਏਂ ਪੁਚਾਵੇਂ, ਅਨਲਹੱਕ ਦੀ ਤਾਰ ਹਿਲਾਵੇਂ।
- ਸੂਲੀ ਤੇ ਮਨਸੂਰ ਚੜ੍ਹਾਵੇਂ, ਓਥੇ ਕੋਲ ਖਲੋ ਕੇ ਹੱਸਦੇ ਹੋ।
- ਜਿਵੇਂ ਸਿਕੰਦਰ ਤਰਫ਼ ਨੌਸ਼ਾਬਾਂ, ਹੋ ਰਸੂਲ ਲੈ ਆਇਆ ਕਿਤਾਬਾਂ।
- ਯੂਸਫ਼ ਹੋ ਕੇ ਅੰਦਰ ਖੁਆਬਾਂ, ਜ਼ੁਲੈਖਾ, ਦਾ ਦਿਲ ਖੱਸਦੇ ਹੋ।
- ਕਿਤੇ ਰੂਮੀ ਹੋ ਕਿਤੇ ਜੰਗੀ ਹੋ, ਕਿਤੇ ਟੋਪੀ-ਪੋਸ਼ ਫਰੰਗੀ ਹੋ।
- ਕਿਤੇ ਮੈ-ਖ਼ਾਨੇ ਵਿਚ ਭੰਗੀ ਹੋ, ਕਿਤੇ ਮਿਹਰ ਮਹਿਰੀ ਬਣ ਵੱਸਦੇ ਹੋ।
- ਬੁਲ੍ਹਾ ਸ਼ਹੁ ਇਨਾਇਤ ਆਰਫ਼ ਹੈ, ਉਹ ਦਿਲ ਮੇਰੇ ਦਾ ਵਾਰਸ ਹੈ।
- ਮੈਂ ਲੋਹਾ ਤੇ ਉਹ ਪਾਰਸ ਹੈ, ਤੁਸੀਂ ਓਸੇ ਦੇ ਸੰਗ ਘੱਸਦੇ ਹੋ।
48
- ਕੀ ਕਰਦਾ ਨੀ ਕੀ ਕਰਦਾ ਨੀ, ਕੋਈ ਪੁੱਛੋ ਖਾਂ ਦਿਲਬਰ ਕੀ ਕਰਦਾ। ਟੇਕ।
- ਇਕਸੇ ਘਰ ਵਿਚ ਵੱਸਦਿਆਂ ਰੱਸਦਿਆਂ, ਨਹੀਂ ਹੁੰਦਾ ਵਿਚ ਪਰਦਾ।
- ਵਿਚ ਮਸੀਤ ਨਮਾਜ਼ ਗੁਜ਼ਾਰੇ, ਬੁੱਤਖ਼ਾਨੇ ਜਾ ਵੜਦਾ।
- ਕੋਈ ਪੁੱਛੋ ਖਾਂ ਦਿਲਬਰ ਕੀ ਕਰਦਾ।
- ਆਪ ਇੱਕੋ ਕਈ ਲਖ ਘਰਾਂ ਦੇ, ਮਾਲਕ ਸਭ ਘਰ ਘਰ ਦਾ।
- ਜਿਤ ਵਲ ਵੇਖਾਂ ਉੱਤ ਵਲ ਓਹੋ, ਹਰ ਦੀ ਸੰਗਤ ਕਰਦਾ।
- ਕੋਈ ਪੁੱਛ ਖਾਂ ਦਿਲਬਰ ਕੀ ਕਰਦਾ।
- ਮੂਸਾ ਤੇ ਫ਼ਰਔਨ ਬਣਾ ਕੇ, ਦੋ ਹੋ ਕੇ ਕਿਉਂ ਲੜਦਾ।
- ਹਾਜ਼ਰ ਨਾਜ਼ਰ ਉਹੋ ਹਰ ਥਾਂ, ਚੂਚਕ ਕਿਸ ਨੂੰ ਖੜਦਾ ।
- ਕੋਈ ਪੁੱਛ ਖਾਂ ਦਿਲਬਰ ਕੀ ਕਰਦਾ।
- ਐਸੀ ਨਾਜ਼ੁਕ ਬਾਤ ਕਿਉਂ ਕਹਿੰਦਾ, ਨਾ ਕਹਿ ਸਕਦਾ ਨਾ ਜਰਦਾ।
- ਬੁੱਲ੍ਹਾ ਸ਼ਹੁ ਦਾ ਇਸ਼ਕ ਬਘੇਲਾ, ਰੱਤ ਪੀਂਦਾ ਗੋਸ਼ਤ ਚਰਦਾ ।
- ਕੋਈ ਪੁੱਛੋ ਖਾਂ ਦਿਲਬਰ ਕੀ ਕਰਦਾ।
- ਕੀ ਕਰਦਾ ਬੇਪਰਵਾਹੀ ਜੇ, ਕੀ ਕਰਦਾ ਬੇਪਰਵਾਹੀ ਜੇ ।
- ਕੁੰਨ ਕਿਹਾ ਫਯੀਕੁਨ ਕਹਾਇਆ, ਬਾਤਨ ਜ਼ਾਹਰ ਦੇ ਵਲ ਆਇਆ।
- ਬੇਚੂਨੀ ਦਾ ਚੂਨ ਬਣਾਇਆ, ਬਿਖੜੀ ਖੇਡ ਮਚਾਈ ਜੇ।
- ਕੀ ਕਰਦਾ ਬੇਪਰਵਾਹੀ ਜੇ ।
- ਸਿੱਰੇ ਮੁਖ਼ਫ਼ੀ ਦਾ ਜਿਸ ਦੰਮ ਬੋਲਾ, ਘੁੰਘਟ ਅਪਨੇ ਮੂੰਹ ਸੇ ਖੋਲਾ।
- ਹੁਣ ਕਿਉਂ ਕਰਦਾ ਸਾਥੋਂ ਓਹਲਾ, ਸਭ ਵਿਚ ਹਕੀਕਤ ਆਈ ਜੇ।
- ਕੀ ਕਰਦਾ ਬੇਪਰਵਾਹੀ ਜੇ ।
- ਕਰਮੰਨਾ ਬਨੀ ਆਦਮ ਕਿਹਾ, ਕੋਈ ਨਾ ਕੀਤਾ ਤੇਰੇ ਜਿਹਾ।
- ਸ਼ਾਨ ਬਜ਼ੁਰਗੀ ਦੇ ਸੰਗ ਇਹਾ, ਡਫੜੀ ਖੂਬ ਵਜਾਈ ਜੇ।
- ਕੀ ਕਰਦਾ ਬੇਪਰਵਾਹੀ ਜੇ ।
- ਆਪੇ ਬੇਪਰਵਾਹੀਆਂ ਕਰਦੇ, ਆਪਣੇ ਆਪ ਸੇ ਆਪੇ ਡਰਦੇ।
- ਰਿਹਾ ਸਮਾ ਵਿਚ ਹਰ ਹਰ ਘਰ ਦੇ, ਭੁੱਲੀ ਫਿਰੇ ਲੋਕਾਈ ਜੇ ।
- ਕੀ ਕਰਦਾ ਬੇਪਰਵਾਹੀ ਜੇ ।
- ਚੇਟਕ ਲਾ ਦੀਵਾਨਾ ਹੋਇਆ, ਲੈਲਾ ਬਣ ਕੇ ਮਜਨੂੰ ਮੋਹਿਆ।
- ਆਪੇ ਰੋਇਆ ਆਪੇ ਧੋਇਆ, ਕੇਹੀ ਕੀਤੀ ਅਸ਼ਨਾਈ ਜੇ।
- ਕੀ ਕਰਦਾ ਬੇਪਰਵਾਹੀ ਜੇ ।
- ਆਪੇ ਹੈਂ ਤੂੰ ਸਾਜਨ ਸਈਆਂ, ਅਕਲ ਦਲੀਲਾਂ ਸਭ ਉਠ ਗਈਆਂ।
- ਬੁਲ੍ਹਾ ਸ਼ਾਹ ਨੇ ਖੁਸ਼ੀਆਂ ਲਈਆਂ, ਹੁਣ ਕਰਦਾ ਕਿਉਂ ਜੁਦਾਈ ਜੇ ।
- ਕੀ ਕਰਦਾ ਬੇਪਰਵਾਹੀ ਜੇ ।
49
- ਕੀ ਜਾਣਾਂ ਮੈਂ ਕੋਈ ਵੇ ਅੜਿਆ, ਕੀ ਜਾਣਾਂ ਮੈਂ ਕੋਈ। ਟੇਕ।
- ਜੋ ਕੋਈ ਅੰਦਰ ਬੋਲੇ ਚਾਲੇ, ਜ਼ਾਤ ਅਸਾਡੀ ਸੋਈ। ਜਿਸ ਦੇ ਨਾਲ ਮੈਂ ਨੇਹੁੰ ਲਗਾਇਆ, ਓਹੋ ਜਿਹੀ ਹੋਈ।
- ਚਿੱਟੀ ਚਾਦਰ ਲਾਹ ਸੁੱਟ ਕੁੜੀਏ, ਪਹਿਨ ਫ਼ਕੀਰਾਂ ਦੀ ਲੋਈ। ਚਿੱਟੀ ਚਾਦਰ ਨੂੰ ਦਾਗ਼ ਲੱਗੇਗਾ, ਲੋਈ ਨੂੰ ਦਾਗ਼ ਨਾ ਕੋਈ।
- ਅਲਫ਼ ਪਛਾਤਾ ਬੇ ਪਛਾਤੀ, ਤੇ ਤਲਾਵਤ ਹੋਈ।
- ਸੀਨ ਪਛਾਤਾ ਸ਼ੀਨ ਪਛਾਤਾ, ਸਾਦਕ ਸਾਬਰ ਹੋਈ।
- ਕੂ ਕੂ ਕਰਦੀ ਕੁਮਰੀ ਆਹੀ, ਗਲ ਵਿਚ ਤੌਕ ਪਿਓਈ।
- ਬੱਸ ਨਾ ਕਰਦੀ ਕੂ ਕੂ ਕੋਲੋਂ, ਕੂ ਕੂ ਅੰਦਰ ਮੋਈ।
- ਜੋ ਕੁਝ ਕਰਸੀ ਅੱਲ੍ਹਾ ਭਾਣਾ, ਕਿਉਂ ਕੁਝ ਕਰਸੀ ਕੋਈ।
- ਜੋ ਕੁਝ ਲੇਖ ਮੱਥੇ ਦਾ ਲਿਖਿਆ, ਮੈਂ ਉਸ ਤੇ ਸ਼ਾਕਰ ਹੋਈ।
- ਆਸ਼ਕ ਬੱਕਰੀ ਮਾਸ਼ੂਕ ਕਸਾਈ, ਮੈਂ ਮੈਂ ਕਰਦੀ ਕੋਹੀ।
- ਜਿਉਂ ਜਿਉਂ ਮੈਂ ਮੈਂ ਬਹੁਤਾ ਕਰਦੀ, ਤਿਉਂ ਤਿਉਂ ਮੋਈ ਮੋਈ।
- ਬੁਲ੍ਹਾ ਸ਼ਾਹ ਇਨਾਇਤ ਕਰਕੇ, ਸ਼ੌਕ ਸ਼ਰਾਬ ਦਿੱਤੋਈ।
- ਭਲਾ ਹੋਇਆ ਅਸੀਂ ਦੂਰੋਂ ਛੁੱਟੇ, ਨੇੜੇ ਆਣ ਲੱਧੋਈ।
50
- ਕੀ ਬੇਦਰਦਾਂ ਸੰਗ ਯਾਰੀ, ਰੋਵਣ ਅੱਖੀਆਂ ਜ਼ਾਰੋ ਜ਼ਾਰੀ।
- ਸਾਨੂੰ ਗਏ ਬੇਦਰਦੀ ਛੱਡ ਕੇ, ਹਿਜਰੇ ਸਾਂਗ ਸੀਨੇ ਵਿਚ ਗੱਡ ਕੇ।
- ਜਿਸਮੋਂ ਜਿੰਦ ਨੂੰ ਲੈ ਗਏ ਕੱਢ ਕੇ, ਇਹ ਗਲ ਕਰ ਗਏ ਹੈਂਸਿਆਰੀ।
- ਬੇਦਰਦਾਂ ਦਾ ਕੀ ਭਰਵਾਸਾ, ਖ਼ੌਫ਼ ਨਹੀਂ ਦਿਲ ਅੰਦਰ ਮਾਸਾ।
- ਚਿੜੀਆਂ ਮੌਤ ਗਵਾਰਾਂ ਹਾਸਾ, ਮਗਰੋਂ ਹੱਸ ਹੱਸ ਤਾੜੀ ਮਾਰੀ।
- ਆਵਣ ਕਹਿ ਗਏ ਫੇਰ ਨਾ ਆਏ, ਆਵਣ ਤੇ ਸਭ ਕੌਲ ਭੁਲਾਏ।
- ਮੈਂ ਭੁੱਲੀ ਭੁੱਲ ਨੈਣ ਲਗਾਏ, ਕੇਹੇ ਮਿਲੇ ਸਾਨੂੰ ਠੱਗ ਬਪਾਰੀ ।
- ਬੁਲ੍ਹੇ ਸ਼ਾਹ ਇਕ ਸੌਦਾ ਕੀਤਾ, ਕੀਤਾ ਜ਼ਹਿਰ ਪਿਆਲਾ ਪੀਤਾ।
- ਨਾ ਕੁਝ ਨਫ਼ਾ ਨਾ ਟੋਟਾ ਲੀਤਾ, ਦਰਦ ਦੁੱਖਾਂ ਦੀ ਗਠੜੀ ਭਾਰੀ।
- ਕੀ ਬੇਦਰਦਾਂ ਸੰਗ ਯਾਰੀ, ਰੋਵਣ ਅੱਖੀਆਂ ਜ਼ਾਰੋ ਜ਼ਾਰੀ।
51
- ਕੇਹੇ ਲਾਰੇ ਦੇਨਾ ਏਂ ਸਾਨੂੰ, ਦੋ ਘੜੀਆਂ ਮਿਲ ਜਾਈਂ। ਟੇਕ।
- ਨੇੜੇ ਵੱਸੇਂ ਥਾਂ ਨਾ ਦੱਸੇ, ਢੂੰਡਾਂ ਕਿਤ ਵਲ ਜਾਹੀਂ।
- ਆਪੇ ਝਾਤੀ ਪਾਈ ਅਹਿਮਦ, ਵੇਖਾਂ ਤਾਂ ਮੁੜ ਨਾਹੀਂ।
- ਆਖ ਗਿਓਂ ਮੁੜ ਆਇਉਂ ਨਾਹੀਂ, ਸੀਨੇ ਦੇ ਵਿਚ ਭੜਕਣ ਭਾਈਂ।
- ਇਕਸੇ ਘਰ ਵਿਚ ਵੱਸਦਿਆਂ ਰਸਦਿਆਂ, ਕਿਤ ਵਲ ਕੂਕ ਸੁਣਾਈ।
- ਪਾਂਧੀ ਜਾ ਮੇਰਾ ਦੇਹ ਸੁਨੇਹਾ, ਦਿਲ ਦੇ ਉਹਲੇ ਲੁਕਦਾ ਕੇਹਾ।
- ਨਾਮ ਅੱਲਾ ਦੇ ਨਾ ਹੋ ਵੈਰੀ, ਮੁੱਖ ਵੇਖਣ ਨੂੰ ਨਾ ਤਰਸਾਈਂ।
- ਬੁਲ੍ਹਾ ਸ਼ਹੁ ਕੀ ਲਾਇਆ ਮੈਨੂੰ, ਰਾਤ ਅੱਧੀ ਹੈ ਤੇਰੀ ਮਹਿਮਾ।
- ਔਝੜ ਬੇਲੇ ਸਭ ਕੋਈ ਡਰਦਾ, ਸੋ ਢੂੰਡਾਂ ਮੈਂ ਚਾਈਂ ਚਾਈਂ।
- ਕੇਹੇ ਲਾਰੇ ਦੇਨਾ ਏਂ ਸਾਨੂੰ, ਦੋ ਘੜੀਆਂ ਮਿਲ ਜਾਈਂ।
52
- ਕੌਣ ਆਇਆ ਪਹਿਨ ਲਿਬਾਸ ਕੁੜੇ। ਤੁਸੀਂ ਪੁੱਛੋ ਨਾਲ ਇਖਲਾਸ ਕੁੜੇ।
- ਹੱਥ ਖੂੰਡੀ ਮੋਢੇ ਕੰਬਲ ਕਾਲਾ, ਅੱਖੀਆਂ ਦੇ ਵਿਚ ਵੱਸੇ ਉਜਾਲਾ ।
- ਚਾਕ ਨਹੀਂ ਕੋਈ ਹੈ ਮਤਵਾਲਾ, ਪੁੱਛੋ ਬਿਠਾ ਕੇ ਪਾਸ ਕੁੜੇ।
- ਕੌਣ ਆਇਆ ਪਹਿਨ ਲਿਬਾਸ ਕੁੜੇ।
- ਚਾਕਰ ਚਾਕ ਨਾ ਇਸ ਨੂੰ ਆਖੋ, ਇਹ ਨ ਖਾਲੀ ਗੱਝੜੀ ਘਾਤੋਂ।
- ਵਿਛੜਿਆਂ ਹੋਇਆਂ ਪਹਿਲੀ ਰਾਤੋਂ, ਆਇਆ ਕਰਨ ਤਲਾਸ਼ ਕੁੜੇ ।
- ਕੌਣ ਆਇਆ ਪਹਿਨ ਲਿਬਾਸ ਕੁੜੇ।
- ਨਾ ਇਹ ਚਾਕਰ ਚਾਕ ਕਹੀ ਦਾ, ਨਾ ਇਸ ਜ਼ੱਰਾ ਸ਼ੌਕ ਮਹੀ ਦਾ ।
- ਨਾ ਮੁਸ਼ਤਾਕ ਹੈ ਦੁੱਧ ਦਹੀਂ ਦਾ, ਨਾ ਉਸ ਭੁੱਖ ਪਿਆਸ ਕੁੜੇ।
- ਕੌਣ ਆਇਆ ਪਹਿਨ ਲਿਬਾਸ ਕੁੜੇ।
- ਬੁਲ੍ਹਾ ਸ਼ਹੁ ਲੁਕ ਬੈਠਾ ਓਹਲੇ, ਦੱਸੇ ਭੇਤ ਨਾ ਮੁੱਖ ਸੇ ਬੋਲੇ।
- ਬਾਬਲ ਵਰ ਖੇੜਿਆਂ ਤੋਂ ਟੋਲੇ, ਵਰ ਮਾਹਢਾ ਮਾਹਢੇ ਪਾਸ ਕੁੜੇ।
- ਕੌਣ ਆਇਆ ਪਹਿਨ ਲਿਬਾਸ ਕੁੜੇ।
- ਤੁਸੀਂ ਪੁੱਛੋ ਬਿਠਾ ਕੇ ਪਾਸ ਕੁੜੇ ।
53
- ਖ਼ਾਕੀ ਖ਼ਾਕ ਨੂੰ ਰਲ ਜਾਣਾ ਕੁਛ ਨਹੀਂ ਜ਼ੋਰ ਧਝਾਣਾ।
- ਗਏ ਸੋ ਗਏ ਫੇਰ ਨਹੀਂ ਆਏ ਮੇਰੇ ਜਾਨੀ ਮੀਤ ਪਿਆਰੇ ।
- ਮੇਰੇ ਬਾਝੋਂ ਰਹਿੰਦੇ ਨਾਹੀਂ ਹੁਣ ਕਿਉਂ ਅਸਾਂ ਵਿਸਾਰੇ।
- ਖ਼ਾਕੀ ਖ਼ਾਕ ਸੂੰ ਰਲ ਜਾਣਾ।
- ਚਿਤ ਪਿਆਰ ਨਾ ਜਾਏ ਸਾਥੋਂ ਉੱਭੇ ਸਾਹ ਨਾ ਰਹਿੰਦੇ।
- ਅਸੀਂ ਮੋਇਆਂ ਦੇ ਪਰਲੇ ਪਾਰ ਜਿਉਂਦਿਆਂ ਦੇ ਵਿਚ ਬਹਿੰਦੇ।
- ਖ਼ਾਕੀ ਖ਼ਾਕ ਨੂੰ ਰਲ ਜਾਣਾ।
- ਓਥੇ ਮਗਰ ਪਿਆਦੇ ਲਗੇ ਤਾਂ ਅਸੀਂ ਏਥੇ ਆਏ।
- ਏਥੇ ਸਾਨੂੰ ਰਹਿਣ ਨਾ ਮਿਲਦਾ ਅੱਗੇ ਕਿਤ ਵਲ ਧਾਏ।
- ਖ਼ਾਕੀ ਖ਼ਾਕ ਸੂੰ ਰਲ ਜਾਣਾ।
- ਬੁਲ੍ਹਾ ਏਥੇ ਰਹਿਣ ਨਾ ਮਿਲਦਾ ਰੋਂਦੇ ਪਿਟਦੇ ਚੱਲੇ ।
- ਇਕੋ ਨਾਮ ਓਸੇ ਦਾ ਖ਼ਰਚੀ ਪੈਸਾ ਹੋਰ ਨਾ ਪੱਲੇ।
- ਖ਼ਾਕੀ ਖ਼ਾਕ ਸੂੰ ਰਲ ਜਾਣਾ।
- ਨਾ ਕਰ ਜ਼ੋਰ ਧਙਾਣਾ।
54
- ਖੇਡ ਲੈ ਵਿਚ ਵਿਹੜੇ ਘੁੰਮੀ-ਘੁੰਮ।
- ਏਸ ਵਿਹੜੇ ਵਿਚ ਆਲਾ ਸੋਂਹਦਾ ਆਲੇ ਦੇ ਵਿਚ ਤਾਕੀ।
- ਤਾਕੀ ਦੇ ਵਿਚ ਛੇਜ ਵਿਛਾਵਾਂ ਨਾਲ ਪੀਆ ਸੰਗ ਰਾਤੀ।
- ਏਸ ਵਿਹੜੇ ਦੇ ਨੌ ਦਰਵਾਜ਼ੇ ਦਸਵਾਂ ਗੁਪਤ ਰਖਾਤੀ।
- ਓਸ ਗਲੀ ਦੀ ਮੈਂ ਸਾਰ ਨਾ ਜਾਣਾਂ ਜਹਾਂ ਆਵੇ ਪੀਆ ਜਾਤੀ।
- ਏਸ ਵਿਹੜੇ ਵਿਚ ਚਰਖ਼ਾ ਸੋਂਹਦਾ ਆਲੇ ਦੇ ਵਿਚ ਤਾਕੀ।
- ਆਪਣੇ ਪੀਆ ਨੂੰ ਯਾਦ ਕਰੇਸਾਂ ਚਰਖ਼ੇ ਦੇ ਹਰ ਫੇਰੇ।
- ਏਸ ਵਿਹੜੇ ਵਿਚ ਮਕਨਾ ਹਾਥੀ ਸੰਗਲ ਨਾਲ ਕਹੇੜੇ।
- ਬੁਲ੍ਹੇ ਸ਼ਾਹ ਫ਼ਕੀਰ ਸਾਈਂ ਦਾ ਜਾਗਦਿਆਂ ਤੋਂ ਛੇੜੇ।
- ਖੇਡ ਲੈ ਵਿਚ ਵਿਹੜੇ ਘੁੰਮੀ-ਘੁੰਮ।
55
- ਗੁਰ ਜੋ ਚਾਹੇ ਸੋ ਕਰਦਾ ਏ। ਟੇਕ।
- ਮੇਰੇ ਘਰ ਵਿਚ ਚੋਰੀ ਹੋਈ, ਸੁੱਤੀ ਰਹੀ ਨਾ ਜਾਗਿਆ ਕੋਈ।
- ਮੈਂ ਗੁਰ ਫੜ ਸੋਝੀ ਹੋਈ, ਜੋ ਮਾਲ ਗਿਆ ਸੋ ਤਰਦਾ ਏ।
- ਪਹਿਲੇ ਮਖ਼ਫੀ ਆਪ ਖ਼ਜ਼ਾਨਾ ਸੀ, ਓਥੇ ਹੈਰਤ ਹੈਰਤਖ਼ਾਨਾ ਸੀ।
- ਵਹਦਤ ਦੇ ਵਿਚ ਆਣਾ ਸੀ, ਕੁਲ ਜੁਜ਼ ਦਾ ਮੁਜ਼ਮਿਲ ਪਰਦਾ ਏ।
- ਕੁਨਫ਼ਯੀਕੂਨ ਆਵਾਜ਼ਾ ਦੇਂਦਾ, ਵਹਦਤ ਵਿੱਚੋਂ ਕਸਰਤ ਲੈਂਦਾ ।
- ਪਹਿਨ ਲਿਬਾਸ ਬੰਦਾ ਬਣ ਬਹਿੰਦਾ, ਕਰ ਬੰਦਗੀ ਮਸਜਦ ਵੜਦਾ ਏ।
- ਰੋਜ਼ਮੀਸਾਕ ਅਲੱਸਤ ਸੁਣਾਵੇ, ਕਾਲੂਬਲਾ ਅਸ਼ਹਦ ਨਾ ਚਾਹਵੇ।
- ਫਿਰ ਕੁਝ ਆਪਣਾ ਆਪ ਛੁਪਾਵੇ, ਉਹ ਗਿਣ ਗਿਣ ਵਸਤਾਂ ਧਰਦਾ ਏ।
- ਗੁਰ ਅੱਲ੍ਹਾ ਆਪ ਕਹੇਂਦਾ ਏ, ਗੁਰ ਵਲੀ ਨਬੀ ਹੋ ਬਹਿੰਦਾ ਏ।
- ਘਰ ਹਰ ਦੇ ਦਿਲ ਵਿਚ ਰਹਿੰਦਾ ਏ, ਉਹ ਖ਼ਾਲੀ ਭਾਂਡੇ ਭਰਦਾ ਏ।
- ਬੁਲ੍ਹਾ ਸ਼ਹੁ ਨੂੰ ਘਰ ਵਿਚ ਪਾਇਆ, ਜਿਸ ਸਾਂਗੀ ਸਾਂਗ ਬਣਾਇਆ।
- ਲੋਕਾਂ ਕੋਲੋਂ ਭੇਦ ਛੁਪਾਇਆ, ਉਹ ਦਰਸ ਪਿਰਮ ਦਾ ਪੜ੍ਹਦਾ ਏ।
56
- ਘਰ ਮੇਂ ਗੰਗਾ ਆਈ ਸੰਤੋ, ਘਰ ਮੇਂ ਗੰਗਾ ਆਈ।
- ਆਪੇ ਮੁਰਲੀ ਆਪੇ ਘਨਈਆ ਆਪੇ ਜਾਦੂ ਰਾਈ।
- ਆਪ ਗੋਬਰੀਆ ਆਪ ਗਡਰੀਆ ਆਪੇ ਦੇਤ ਦਿਖਾਈ।
- ਅਨਹਦ ਦ੍ਵਾਰ ਕਾ ਆਇਆ ਗਵਰੀਆ ਕੰਙਣ ਦਸਤ ਚੜ੍ਹਾਈ।
- ਮੂੰਡ ਮੁੰਡਾ ਮੋਹੇ ਪ੍ਰੀਤੀ ਕੋ ਰੇਨ ਕੰਨਾਂ ਮੇਂ ਪਾਈ।
- ਅੰਮ੍ਰਿਤ ਫਲ ਖਾ ਲਿਓ ਰੇ ਗੋਸਾਈਂ ਥੋੜ੍ਹੀ ਕਰੋ ਬਢਾਈ।
- ਘਰ ਮੇਂ ਗੰਗਾ ਆਈ ਸੰਤੋ ਘਰ ਮੇਂ ਗੰਗਾ ਆਈ।
- ਘੜਿਆਲੀ ਦਿਓ ਨਿਕਾਲ ਨੀ, ਅੱਜ ਪੀ ਘਰ ਆਇਆ ਲਾਲ ਨੀ। ਟੇਕ।
- ਘੜੀ ਘੜੀ ਘੜਿਆਲ ਬਜਾਵੇ, ਰੈਣ ਵਸਲ ਦੀ ਪਿਆ ਘਟਾਵੇ।
- ਮੇਰੇ ਮਨ ਦੀ ਬਾਤ ਜੇ ਪਾਵੇ, ਹੱਥੋਂ ਚਾ ਸੁੱਟੇ ਘੜਿਆਲ ਨੀ।
- ਅਨਹਦ ਵਾਜਾ ਵੱਜੇ ਸੁਹਾਨਾ, ਮੁਤਰਿਬ ਸੁੱਘੜਾਂ ਤਾਨ ਤਰਾਨਾ।
- ਨਮਾਜ਼ ਰੋਜ਼ਾ ਭੁੱਲ ਗਿਆ ਦੁਗਾਨਾ, ਮੱਧ ਪਿਆਲਾ ਦੇਣ ਕਲਾਲ ਨੀ।
- ਮੁੱਖ ਵੇਖਣ ਦਾ ਅਜਬ ਨਜ਼ਾਰਾ, ਦੁੱਖ ਦਿਲੇ ਦਾ ਉੱਠ ਗਿਆ ਸਾਰਾ।
- ਰੈਣ ਵਧੇ ਕੁਝ ਕਰੋ ਪਸਾਰਾ, ਦਿਨ ਅੱਗੇ ਧਰੋ ਦੀਵਾਲ ਨੀ।
- ਮੈਨੂੰ ਆਪਣੀ ਖ਼ਬਰ ਨਾ ਕਾਈ, ਕਿਆ ਜਾਣਾ ਮੈਂ ਕਿਤ ਵਿਆਹੀ।
- ਇਹ ਗੱਲ ਕਿਉਂਕਰ ਛਪੇ ਛਪਾਈ, ਹੁਣ ਹੋਇਆ ਫ਼ਜ਼ਲ ਕਮਾਲ ਨੀ।
- ਟੂਣੇ ਕਾਮਣ ਕਰੇ ਬਥੇਰੇ, ਸਿਹਰੇ ਆਏ ਵੱਡ ਵਡੇਰੇ।
- ਹੁਣ ਘਰ ਆਇਆ ਜਾਨੀ ਮੇਰੇ, ਰਹਾਂ ਲੱਖ ਵਰ੍ਹੇ ਇਹਦੇ ਨਾਲ ਨੀ।
- ਬੁਲ੍ਹਾ ਸ਼ਹੁ ਦੀ ਸੇਜ ਪਿਆਰੀ, ਨੀ ਮੈਂ ਤਾਰਨਹਾਰੇ ਤਾਰੀ।
- ਕਿਵੇਂ ਕਿਵੇਂ ਹੁਣ ਆਈ ਵਾਰੀ, ਹੁਣ ਵਿਛੜਨ ਹੋਇਆ ਮੁਹਾਲ ਨੀ।
57
- ਘੁੰਘਟ ਓਹਲੇ ਨਾ ਲੁਕ ਸੋਹਣਿਆਂ। ਮੈਂ ਮੁਸ਼ਤਾਕ ਦੀਦਾਰ ਦੀ ਹਾਂ।
- ਜਾਨੀ ਬਾਝ ਦੀਵਾਨੀ ਹੋਈ, ਟੋਕਾਂ ਕਰਦੇ ਲੋਕ ਸਭੋਈ।
- ਜੇ ਕਰ ਯਾਰ ਕਰੇ ਦਿਲਜੋਈ, ਮੈਂ ਤਾਂ ਫ਼ਰਿਆਦ ਪੁਕਾਰਦੀ ਹਾਂ।
- ਮੈਂ ਮੁਸ਼ਤਾਕ ਦੀਦਾਰ ਦੀ ਹਾਂ।
- ਮੁਫ਼ਤ ਵਿਕਾਂਦੀ ਜਾਂਦੀ ਬਾਂਦੀ, ਮਿਲ ਮਾਹੀਆ ਜਿੰਦ ਐਵੇਂ ਜਾਂਦੀ।
- ਇਕਦਮ ਹਿਜਰ ਨਹੀਂ ਮੈਂ ਸਹਿੰਦੀ, ਮੈਂ ਬੁਲਬੁਲ ਇਸ ਗੁਲਜ਼ਾਰ ਦੀ ਹਾਂ।
- ਮੈਂ ਮੁਸ਼ਤਾਕ ਦੀਦਾਰ ਦੀ ਹਾਂ।
58
- ਘੁੰਘਟ ਚੁੱਕ ਓ ਸੱਜਣਾ, ਹੁਣ ਸ਼ਰਮਾਂ ਕਾਹਨੂੰ ਰੱਖੀਆਂ ਵੇ। ਟੇਕ।
- ਜ਼ੁਲਫ਼ ਕੁੰਡਲ ਦਾ ਘੇਰਾ ਪਾਇਆ, ਬਿਸੀਅਰ ਹੋ ਕੇ ਡੰਗ ਚਲਾਇਆ।
- ਵੇਖ ਅਸਾਂ ਵਲ ਤਰਸ ਨਾ ਆਇਆ, ਕਰ ਕੇ ਖੂਨੀ ਅੱਖੀਆਂ ਵੇ।
- ਘੁੰਘਟ ਚੁੱਕ ਓ ਸੱਜਣਾ, ਹੁਣ ਸ਼ਰਮਾਂ ਕਾਹਨੂੰ ਰੱਖੀਆਂ ਵੇ।
- ਦੋ ਨੈਣਾਂ ਦਾ ਤੀਰ ਚਲਾਇਆ, ਮੈਂ ਆਜਜ਼ ਦੇ ਸੀਨੇ ਲਾਇਆ।
- ਘਾਇਲ ਕਰਕੇ ਮੁੱਖ ਛੁਪਾਇਆ, ਚੋਰੀਆਂ ਇਹ ਕਿਨ ਦੱਸੀਆਂ ਵੇ।
- ਘੁੰਘਟ ਚੁੱਕ ਓ ਸੱਜਣਾ, ਹੁਣ ਸ਼ਰਮਾਂ ਕਾਹਨੂੰ ਰੱਖੀਆਂ ਵੇ
- ਬਿਰਹੋਂ ਕਟਾਰੀ ਤੂੰ ਕੱਸ ਕੇ ਮਾਰੀ, ਤਦ ਮੈਂ ਹੋਈ ਬੇਦਿਲ ਭਾਰੀ।
- ਮੁੜ ਨਾ ਲਈ ਤੈਂ ਸਾਰ ਹਮਾਰੀ, ਪੱਤੀਆਂ ਤੇਰੀਆਂ ਕੱਚੀਆਂ ਵੇ।
- ਘੁੰਘਟ ਚੁੱਕ ਓ ਸੱਜਣਾ, ਹੁਣ ਸ਼ਰਮਾਂ ਕਾਹਨੂੰ ਰੱਖੀਆਂ ਵੇ।
- ਨੇਹੁੰ ਲਗਾ ਕੇ ਮਨ ਹਰ ਲੀਤਾ, ਫੇਰ ਨਾ ਆਪਣਾ ਦਰਸ਼ਨ ਦੀਤਾ।
- ਜ਼ਹਿਰ ਪਿਆਲਾ ਮੈਂ ਆਪੇ ਪੀਤਾ, ਅਕਲੋਂ ਸੀ ਮੈਂ ਕੱਚੀਆਂ ਵੇ।
- ਘੁੰਘਟ ਚੁਕ ਓ ਸੱਜਣਾ, ਹੁਣ ਸ਼ਰਮਾਂ ਕਾਹਨੂੰ ਰੱਖੀਆਂ ਵੇ।
- ਸ਼ਾਹ ਇਨਾਇਤ ਮੁੱਖ ਨਾ ਬੋਲਾਂ, ਸੂਰਤ ਤੇਰੀ ਹਰ ਦਿਲ ਟੋਲਾਂ।
- ਸਾਬਤ ਹੋ ਕੇ ਫੇਰ ਕਿਉਂ ਡੋਲਾਂ, ਅੱਜ ਕੋਲੋਂ ਮੈਂ ਸੱਚੀਆਂ ਵੇ।
- ਘੁੰਘਟ ਚੁਕ ਓ ਸੱਜਣਾ, ਹੁਣ ਸ਼ਰਮਾਂ ਕਾਹਨੂੰ ਰੱਖੀਆਂ ਵੇ।
59
- ਚੱਲੋ ਦੇਖੀਏ ਉਸ ਮਸਤਾਨੜੇ ਨੂੰ, ਜਿਦ੍ਹੀ ਤ੍ਰਿੰਞਣਾਂ ਦੇ ਵਿਚ ਪਈ ਏ ਧੁੰਮ। ਟੇਕ।
- ਉਹ ਤੇ ਮੈ ਵਹਦਤ ਵਿਚ ਰੰਗਦਾ ਏ, ਨਹੀਂ ਪੁੱਛਦਾ ਜ਼ਾਤ ਦੇ ਕੀ ਹੋ ਤੁਮ।
- ਜੀਦ੍ਰਾ ਸ਼ੋਰ ਚੁਫ਼ੇਰੇ ਪੈਂਦਾ ਏ, ਉਹ ਕੋਲ ਤੇਰੇ ਨਿਤ ਰਹਿੰਦਾ ਏ।
- ਨਾਲੇ ਨਾਹਨ ਅਕਰਬ ਕਹਿੰਦਾ ਏ, ਨਾਲੇ ਆਖੇ ਵਫ਼ੀਆ-ਨਫ਼ੋਸਾ-ਕੁਮ।
- ਛੱਡ ਝੂਠ ਭਰਮ ਦੀ ਬਸਤੀ ਨੂੰ, ਕਰ ਇਸ਼ਕ ਦੀ ਕਾਇਮ ਮਸਤੀ ਨੂੰ ।
- ਗਏ ਪਹੁੰਚ ਸਜਣ ਦੀ ਹਸਤੀ ਨੂੰ, ਜਿਹੜੇ ਹੋ ਗਏ ਸੁਮਨ ਬੁਕਮੁਨ ਉਮ।
- ਨਾ ਤੇਰਾ ਏ ਨਾ ਮੇਰਾ ਏ, ਜਗ ਫ਼ਾਨੀ ਝਗੜਾ ਝੇੜਾ ਏ।
- ਬਿਨਾ ਮੁਰਸ਼ਦ ਰਹਿਬਰ ਕਿਹੜਾ ਏ, ਪੜ੍ਹ ਫਾਜ਼-ਕਰੂਨੀ-ਅਜ਼-ਕੂਰ-ਕੁਮ।
- ਬੁਲ੍ਹੇ ਸ਼ਾਹ ਇਹ ਬਾਤ ਇਸ਼ਾਰੇ ਦੀ, ਜਿਨ੍ਹਾਂ ਲਗ ਗਈ ਤਾਂਘ ਨਜ਼ਾਰੇ ਦੀ।
- ਦੱਸ ਪੈਂਦੀ ਘਰ ਵਣਜਾਰੇ ਦੀ, ਹੈ ਯਦਉੱਲਾ-ਫ਼ੋਕਾ-ਐਦੀ-ਕੁਮ।
60
- ਚੀਨਾ ਈਂ ਛੜੀਂਦਾ ਯਾਰ, ਚੀਨਾਂ ਈਂ…….
- ਵੱਜੇ ਅੱਲਾ ਵਾਲੀ ਤਾਰ । ਵੱਜੇ ਮੁਰਸ਼ਦ ਵਾਲੀ ਤਾਰ।
- ਵੱਜੇ ਸਾਈਆਂ ਵਾਲੀ ਤਾਰ, ਚੀਨਾਂ ਈਂ……
- ਕੁਨ ਫ਼ਯਕੂਨ ਫ਼ਰਮਾਇਆ ਜਦਾਂ, ਅਸਾਂ ਕੋਲ ਤੁਹਾਡੇ ਹਾਸੇ।
- ਨਫ਼ਸ ਪਲੀਤ ਪਲੀਤ ਕੀਤਾ, ਅਸਾਂ ਅਸਲ ਪਲੀਤ ਨ ਹਾਸੇ।
- ਫੁਰਕਤ ਖ਼ੈਰ ਖ਼ਰਾਬ ਕੀਤਾ, ਨਾ ਤਾਂ ਜ਼ਾਤੀ ਹਾਸੇ ਖ਼ਾਸੇ।
- ਚੀਨਾ ਈਂ ਛੜੀਂਦਾ ਯਾਰ। ਵੱਜੇ…..
- ਪਹਿਲੇ ਉਖਲੀ ਸਾਫ਼ ਕਰਾਈਂ, ਰੋੜਾ, ਮਿੱਟੀ, ਧੂੜ ਹਟਾਈਂ।
- ਫਿਰ ਉਖਲੀ ਵਿਚ ਚੀਨਾ ਪਾਈਂ, ਛੱਜ ਸਬਰ ਦਾ ਰੱਖੀਂ ਤਿਆਰ।
- ਚੀਨਾਂ ਈਂ ਛੜੀਂਦਾ ਯਾਰ। ਵੱਜੇ…..
- ਕਾਂ ਹਰਾਮੀ ਛੜਨ ਨ ਦਿੰਦਾ, ਉਡਦਾ ਪਿੱਛਾਂ ਝਾਟ ਮਰੇਂਦਾ।
- ਕੀਤਾ ਕੰਮ ਖਰਾਬ ਕਰੇਂਦਾ, ਉਡ ਜਾ ਕਾਵਾਂ ਵਿਚ ਪਲਕਾਰ।
- ਚੀਨਾਂ ਈਂ ਛੜੀਂਦਾ ਯਾਰ। ਵੱਜੇ…..
- ਉਂਗਲੀਆਂ ਦੇ ਵਿਚ ਚੁੱਭਣ ਛੱਲੇ, ਭਾਰੀ ਮੋਹਲੀ ਮੂਲ ਨ ਹੱਲੇ।
- ਜੇ ਨ ਛੜਸੇਂ ਲਗਸਣ ਖੱਲੇ, ਉਹ ਨਾ ਰੱਖਦਾ ਮੂਲ ਉਧਾਰ।
- ਚੀਨਾਂ ਈਂ ਛੜੀਂਦਾ ਯਾਰ। ਵੱਜੇ…
- ਇਕ ਹਜ਼ੂਰੋਂ ਦੂਰ ਥਏ, ਕਈ ਦੂਰੋਂ ਰਹਿਣ ਹਜੂਰੇ।
- ਤਾਂਘ ਲੱਗੀ ਦਿਲ ਸਾਂਗ ਮਿਸਲ, ਦਿਲ ਭਾਲੇ ਉਹ ਨਿੱਤ ਜ਼ਰੂਰੇ।
- ਜੋ ਦਿਲ ਭਾਲੇ ਤਿਸ ਦਾ ਮਾਹੀ, ਉਹ ਨਹੀਂ ਅਖੀਆਂ ਤੋਂ ਦੂਰੇ।
- ਸਿਕਦੇ ਖ਼ੈਰ ਕੂੰ ਖ਼ੈਰ ਮਿਲਿਆ, ਫਿਰ ਖ਼ੁਦ ਖ਼ੈਰ ਮਾਰੀ ਉਹ ਨੂਰੇ।
- ਚੀਨਾ ਈਂ ਛੜੀਂਦਾ ਯਾਰ । ਵੱਜੇ……
- ਆਸ਼ਕ ਇਸ਼ਕ ਨਮਾਜ਼ ਹਮੇਸ਼ਾ, ਲਾ ਹਰਫ਼ੋਂ ਕਰਨ ਅਦਾਈਂ।
- ਸੁੰਨਤ ਨਫ਼ਲ ਫ਼ਰਜ਼ ਵਾਜਬ, ਉਨ੍ਹਾਂ ਸਮਝ ਗਿੱਧੀ ਯੁਕਤਾਈ।
- ਚਰਾਗ਼ ਸਕੂਤ ਤੇ ਸਜਦਾ ਖ਼ੁਫ਼ੀਆ, ਇਹੋ ਖ਼ੁਫ਼ਤਾ ਖਾਣਾ ਚਾਹੀ।
- ਖ਼ਬਰ ਇਸ਼ਕ ਦੀ ਖ਼ੈਰ ਮਿਲੀ, ਵਲ ਵਲ ਦੀ ਖ਼ਬਰ ਨ ਕਾਈ।
- ਚੀਨਾ ਈਂ ਛੜੀਂਦਾ ਯਾਰ । ਵੱਜੇ….
- ਤੁਸੀਂ ਵੀ ਉੱਚੇ ਤੁਹਾਡੀ ਜ਼ਾਤ ਵੀ ਉੱਚੀ, ਤੁਸੀਂ ਵਿਚ ਉੱਚ ਦੇ ਰਹਿੰਦੇ।
- ਅਸੀਂ ਕਸੂਰੀ ਸਾਡੀ ਜ਼ਾਤ ਕਸੂਰੀ, ਅਸੀਂ ਵਿਚ ਕਸੂਰ ਦੇ ਰਹਿੰਦੇ।
- ਬੁਲ੍ਹਾ ਸ਼ਾਹ ਤਾਂ ਸੱਚ…..
- ਚੀਨਾ ਈਂ ਛੜੀਂਦਾ ਯਾਰ । ਵੱਜੇ……
61
- ਜਿਸ ਤਨ ਲਗਿਆ ਇਸ਼ਕ ਕਮਾਲ, ਨਾਚੇ ਬੇਸੁਰ ਤੇ ਬੇਤਾਲ। ਟੇਕ।
- ਦਰਦਮੰਦਾਂ ਨੂੰ ਕੋਈ ਨਾ ਛੇੜੇ, ਜਿਸਨੇ ਆਪੇ ਦੁੱਖ ਸਹੇੜੇ।
- ਜੰਮਣਾ ਜੀਊਣਾ ਮੂਲ ਉਖੇੜੇ, ਬੂਝੇ ਆਪਣਾ ਆਪ ਖ਼ਿਆਲ।
- ਜਿਸ ਤਨ ਲਗਿਆ ਇਸ਼ਕ ਕਮਾਲ, ਨਾਚੇ ਬੇਸੁਰ ਤੇ ਬੇਤਾਲ।
- ਜਿਸ ਨੇ ਵੇਸ ਇਸ਼ਕ ਦਾ ਕੀਤਾ, ਧੁਰ ਦਰਬਾਰੋਂ ਫ਼ਤਵਾ ਲੀਤਾ।
- ਜਦੋਂ ਹਜ਼ੂਰੋਂ ਪਿਆਲਾ ਪੀਤਾ, ਕੁਝ ਨਾ ਰਿਹਾ ਜਵਾਬ ਸਵਾਲ।
- ਜਿਸ ਤਨ ਲਗਿਆ ਇਸ਼ਕ ਕਮਾਲ, ਨਾਚੇ ਬੇਸੁਰ ਤੇ ਬੇਤਾਲ।
- ਜਿਸਦੇ ਅੰਦਰ ਵੱਸਿਆ ਯਾਰ, ਉੱਠਿਆ ਯਾਰੋ ਯਾਰ ਪੁਕਾਰ।
- ਨਾ ਉਹ ਚਾਹੇ ਰਾਗ ਨਾ ਤਾਰ, ਐਵੇਂ ਬੈਠਾ ਖੇਡੇ ਹਾਲ।
- ਜਿਸ ਤਨ ਲਗਿਆ ਇਸ਼ਕ ਕਮਾਲ, ਨਾਚੇ ਬੇਸੁਰ ਤੇ ਬੇਤਾਲ।
- ਬੁਲ੍ਹਿਆ ਸ਼ੌਹ ਨਗਰ ਸਚ ਪਾਇਆ, ਝੂਠਾ ਰੌਲਾ ਸਭ ਮੁਕਾਇਆ।
- ਸੱਚਿਆਂ ਕਾਰਨ ਸੱਚ ਸੁਣਾਇਆ, ਪਾਇਆ ਉਸਦਾ ਪਾਕ ਜਮਾਲ।
- ਜਿਸ ਤਨ ਲਗਿਆ ਇਸ਼ਕ ਕਮਾਲ, ਨਾਚੇ ਬੇਸੁਰ ਤੇ ਬੇਤਾਲ।
62
- ਜਿਚਰ ਨਾ ਇਸ਼ਕ-ਮਜਾਜ਼ੀ ਲਾਗੇ, ਸੂਈ ਸੀਵੇ ਨਾ ਬਿਨ ਧਾਗੇ।
- ਇਸ਼ਕ ਮਜਾਜ਼ੀ ਦਾਤਾ ਹੈ, ਜਿਸ ਪਿੱਛੇ ਮਸਤ ਹੋ ਜਾਤਾ ਹੈ।
- ਇਸ਼ਕ ਜਿਨ੍ਹਾਂ ਦੀ ਹੱਡੀ ਪੈਂਦਾ, ਸੋਈ ਨਰ ਜੀਵਤ ਮਰ ਜਾਂਦਾ।
- ਇਸ਼ਕ ਪਿਤਾ ਤੇ ਮਾਤਾ ਏ, ਜਿਸ ਪਿੱਛੇ ਮਸਤ ਹੋ ਜਾਤਾ ਹੈ।
- ਆਸ਼ਕ ਦਾ ਤਨ ਸੁੱਕਦਾ ਜਾਏ, ਮੈਂ ਖੜੀ ਚੰਦ ਪਿਰ ਕੇ ਸਾਏ ।
- ਵੇਖ ਮਾਸ਼ੂਕਾਂ ਖਿੜ ਖਿੜ ਹਾਸੇ, ਇਸ਼ਕ ਬੇਤਾਲ ਪੜ੍ਹਾਤਾ ਹੈ।
- ਜਿਸ ਤੇ ਇਸ਼ਕ ਇਹ ਆਇਆ ਹੈ, ਉਹ ਬੇਬਸ ਕਰ ਦਿਖਲਾਇਆ ਹੈ।
- ਨਸ਼ਾ ਰੋਮ ਰੋਮ ਮੇਂ ਆਇਆ ਹੈ, ਇਸ ਵਿੱਚ ਨਾ ਰੱਤੀ ਓਹਲਾ ਹੈ।
- ਹਰ ਤਰਫ਼ ਦਸੇਂਦਾ ਮੌਲਾ ਹੈ, ਬੁਲ੍ਹਾ ਆਸ਼ਕ ਵੀ ਹੁਣ ਤਰਦਾ ਹੈ।
- ਜਿਸ ਫ਼ਿਕਰ ਪੀਆ ਦੇ ਘਰ ਦਾ ਹੈ, ਰੱਬ ਮਿਲਦਾ ਵੇਖ ਉਧਰਦਾ ਹੈ।
- ਮਨ ਅੰਦਰ ਹੋਇਆ ਝਾਤਾ ਹੈ, ਜਿਸ ਪਿਛੇ ਮਸਤ ਹੋ ਜਾਤਾ ਹੈ।
63
- ਜਿੰਦ ਕੁੜਿੱਕੀ ਦੇ ਮੂੰਹ ਆਈ।
- ਆਪੇ ਹੈਂ ਤੂੰ ਲਹਿਮਕ ਲਹਿਮੀ ਆਪੇ ਹੈਂ ਤੂੰ ਨਿਆਰਾ।
- ਗੱਲਾਂ ਸੁਣ ਸੁਣ ਤੇਰੀਆਂ ਮੇਰਾ ਅਕਲ ਗਿਆ ਉੱਡ ਸਾਰਾ।
- ਸ਼ਰੀਅਤ ਤੋਂ ਬੇਸ਼ਰੀਅਤ ਕਰਕੇ ਭਲੀ ਖੁੱਭਣ ਵਿਚ ਪਾਈ। ਜਿੰਦ ਕੁੜਿੱਕੀ ਦੇ ਮੂੰਹ ਆਈ।
- ਜ਼ੱਰਾ ਇਸ਼ਕ ਤੁਸਾਡਾ ਦਿਸਦਾ ਪਰਬਤ ਕੋਲੋਂ ਭਾਰਾ। ਇਕ ਘੜੀ ਦੇ ਵੇਖਣ ਕਾਰਨ ਚੁੱਕ ਲਿਆ ਜੱਗ ਸਾਰਾ।
- ਕੀਤੀ ਮਿਹਨਤ ਮਿਲਦੀ ਨਾਹੀਂ ਹੁਣ ਕੀ ਕਰੇ ਲੁਕਾਈ। ਜਿੰਦ ਕੁੜਿੱਕੀ ਦੇ ਮੂੰਹ ਆਈ।
- ਵਾ ਵੇਲਾ ਕੀ ਕਰਨਾ ਜਿੰਦ ਜੁ ਸਾੜੇ ਸੁ ਸਾੜੇ । ਸੁੱਖਾਂ ਦਾ ਇਕ ਪੂਲਾ ਨਾਹੀਂ ਦੁੱਖਾਂ ਦੇ ਖਲਵਾੜੇ।
- ਹੋਣੀ ਸੀ ਜੁ ਉਸ ਦਿਨ ਹੋਈ ਹੁਣ ਕੀ ਕਰੀਏ ਭਾਈ।
- ਜਿੰਦ ਕੁੜਿੱਕੀ ਦੇ ਮੂੰਹ ਆਈ।
- ਸਲਾਹ ਨਾ ਮੰਨਦਾ ਵਾਤ ਨਾ ਪੁੱਛਦਾ ਆਖ ਵੇਖਾਂ ਕੀ ਕਰਦਾ।
- ਕਲ ਮੈਂ ਕਮਲੀ ਤੇ ਉਹ ਕਮਲਾ ਹੁਣ ਕਿਉਂ ਮੈਥੋਂ ਡਰਦਾ।
- ਉਹਲੇ ਬਹਿ ਕੇ ਰਮਜ਼ ਚਲਾਈ ਦਿਲ ਨੂੰ ਚੋਟ ਲਗਾਈ।
- ਜਿੰਦ ਕੁੜਿੱਕੀ ਦੇ ਮੂੰਹ ਆਈ।
- ਸੀਨੇ ਬਾਣ ਧੰਦਾਲਾਂ ਗਲ ਵਿਚ ਇਸ ਹਾਲਤ ਵਿਚ ਜਾਲਾਂ।
- ਚਾ ਚਾ ਸਿਰ ਭੋਏਂ ਤੇ ਮਾਰਾਂ ਰੋ ਰੋ ਯਾਰ ਸੰਭਾਲਾਂ।
- ਅੱਗੇ ਵੀ ਸਈਆਂ ਨੇ ਨੇਹੁੰ ਲਗਾਇਆ ਕਿ ਮੈਂ ਹੀ ਪ੍ਰੀਤ ਲਗਾਈ।
- ਜਿੰਦ ਕੁੜਿੱਕੀ ਦੇ ਮੂੰਹ ਆਈ।
- ਜੱਗ ਵਿਚ ਰੋਸ਼ਨ ਨਾਂ ਤੁਸਾਡਾ ਆਸ਼ਕ ਤੋਂ ਕਿਉਂ ਨਸਦੇ ਹੋ।
- ਵੱਸੋ ਰੱਸੋ ਵਿੱਚ ਬੁੱਕਲ ਦੇ ਆਪਣਾ ਭੇਤ ਨਾ ਦਸਦੇ ਹੋ।
- ਵਿਚੋਂਕੜੇ ਵਿਚਕਾਰੋਂ ਫੜਕੇ ਮੈਂ ਕਰ ਉਲਟੀ ਲਟਕਾਈ।
- ਜਿੰਦ ਕੁੜਿੱਕੀ ਦੇ ਮੂੰਹ ਆਈ।
- ਅੰਦਰ ਵਾਲਿਆ ਬਾਹਰ ਆਵੀਂ ਬਾਹੋਂ ਪਕੜ ਖਲੋਵਾਂ।
- ਜ਼ਾਹਰਾ ਮੈਥੋਂ ਲੁੱਕਣ ਛਿਪਣ ਬਾਤਨ ਕੋਲੇ ਹੋਵਾਂ।
- ਐਸੇ ਬਾਤਨ ਫਟੀ ਜੁਲੈਖਾਂ ਮੈਂ ਬਾਤਨ ਬਰਲਾਈ।
- ਜਿੰਦ ਕੁੜਿੱਕੀ ਦੇ ਮੂੰਹ ਆਈ।
- ਆਖਣੀਆਂ ਸੀ ਆਖ ਸੁਣਾਈਆਂ ਮਚਲਾ ਸੁਣਦਾ ਨਾਹੀਂ।
- ਹੱਥ ਮਰੋੜਾਂ ਫਾਟਾਂ ਤਲੀਆਂ ਰੋਵਾਂ ਢਾਹੀਂ ਢਾਹੀਂ।
- ਲੈਣੇ ਥੀਂ ਮੁੜ ਦੇਣਾ ਆਇਆ ਇਹ ਤੇਰੀ ਭਲਿਆਈ।
- ਜਿੰਦ ਕੁੜਿੱਕੀ ਦੇ ਮੂੰਹ ਆਈ।
- ਇਕ ਇਕ ਲਹਿਰ ਅਜਿਹੀ ਆਵੇ ਨਹੀਂ ਦਸਣੀਆਂ ਸੋ ਦੱਸਾਂ।
- ਸੱਚ ਆਖਾਂ ਤਾਂ ਸੂਲੀ ਫਾਹਾ ਝੂਠ ਕਹਾਂ ਤਾਂ ਵੱਸਾਂ।
- ਐਸੀ ਨਾਜ਼ਕ ਬਾਤ ਕਿਉਂ ਆਖਾਂ ਕਹਿੰਦਿਆਂ ਹੋਵੇ ਪਰਾਈ।
- ਜਿੰਦ ਕੁੜਿੱਕੀ ਦੇ ਮੂੰਹ ਆਈ।
- ਵਹੀ ਵਸੀਲਾ ਪਾਕਾਂ ਦਾ ਤੁਸੀਂ ਆਪੇ ਸਾਡੇ ਹੋਵੇ।
- ਜਾਗਦਿਆਂ ਸੰਗ ਸਾਡੇ ਜਾਗੋ ਸਵਾਂ ਤਾਂ ਨਾਲੇ ਸੋਵੇ।
- ਜਿਸ ਨੇ ਤੈਂ ਸੰਗ ਪਰੀਤ ਲਗਾਈ ਕਿਹੜੇ ਸੁੱਖ ਸੁਵਾਈ।
- ਜਿੰਦ ਕੁੜਿੱਕੀ ਦੇ ਮੂੰਹ ਆਈ।
- ਐਸੀਆਂ ਲੀਕਾਂ ਲਾਈਆਂ ਮੈਨੂੰ ਹੋਰ ਕਈ ਘਰ ਗਾਲੇ।
- ਉਪਰਵਾਰੋਂ ਪਾਵੇਂ ਝਾਤੀ ਵਤੀਂ ਫਿਰੇਂ ਦੁਆਲੇ ।
- ਲੁੱਕਣ ਛਿਪਣ ਤੇ ਛਲ ਜਾਵਣ ਇਹ ਤੇਰੀ ਵਡਿਆਈ।
- ਜਿੰਦ ਕੁੜਿੱਕੀ ਦੇ ਮੂੰਹ ਆਈ।
- ਤੇਰਾ ਮੇਰਾ ਨਿਆਉਂ ਨਬੇੜੇ ਰੂਮੋਂ ਕਾਜ਼ੀ ਆਵੇ।
- ਖੋਲ੍ਹ ਕਿਤਾਬਾਂ ਕਰੇ ਤਸੱਲੀ ਦੋਹਾਂ ਇਕ ਬਤਾਵੇ।
- ਭਰਮਿਆ ਕਾਜ਼ੀ ਮੇਰੇ ਉਤੇ ਮੈਂ ਕਾਜ਼ੀ ਭਰਮਾਈ।
- ਜਿੰਦ ਕੁੜਿੱਕੀ ਦੇ ਮੂੰਹ ਆਈ।
- ਬੁਲ੍ਹਾ ਸ਼ੋਹ ਤੂੰ ਕੇਹਾ ਜੇਹਾ ਹੁਣ ਤੂੰ ਕਿਹਾ ਮੈਂ ਕਹੀ।
- ਤੈਨੂੰ ਜੋ ਮੈਂ ਢੂੰਡਣ ਲੱਗੀ ਮੈਂ ਭੀ ਆਪ ਨਾ ਰਹੀ।
- ਪਾਇਆ ਜ਼ਾਹਰ ਬਾਤਨ ਤੈਨੂੰ ਬਾਹਰ ਅੰਦਰ ਰੁਸ਼ਨਾਈ।
- ਜਿੰਦ ਕੁੜਿੱਕੀ ਦੇ ਮੂੰਹ ਆਈ।
64
- ਜੋ ਰੰਗ ਰੰਗਿਆ ਗੂੜਾ ਰੰਗਿਆ, ਮੁਰਸ਼ਦ ਵਾਲੀ ਲਾਲੀ ਓ ਯਾਰ।
- ਅਹਦ ਵਿਚੋਂ ਅਹਿਮਦ ਹੋਇਆ, ਵਿਚੋਂ ਮੀਮ ਨਿਕਾਲੀ ਓ ਯਾਰ।
- ਦੂਰ ਮੁਆਨੀ ਦੀ ਧੂਮ ਮਚੀ ਹੈ, ਨੈਣਾਂ ਤੋਂ ਘੁੰਡ ਉਠਾਲੀ ਓ ਯਾਰ।
- ਸੂਰਾਹ ਯਾਸੀਨ ਮੁਜ਼ਮਲ ਵਾਲਾ, ਬੱਦਲਾਂ ਗਰਜ ਸੰਭਾਲੀ ਓ ਯਾਰ।
- ਜ਼ੁਲਫ਼ ਸਿਆਹ ਦੇ ਵਿਚ ਯਦ-ਬੈਜ਼ਾ, ਦੇ ਚਮਕਾਰ ਵਿਖਾਲੀ ਓ ਯਾਰ।
- ਮੂਤੂ ਕਬਲ ਅਨਤ ਮੂਤੂ ਹੋਇਆ, ਮੋਇਆਂ ਨੂੰ ਮਾਰ ਜਵਾਲੀ ਓ ਯਾਰ।
- ਬੁਲ੍ਹਾ ਸ਼ਹੁ ਮੇਰੇ ਘਰ ਆਇਆ,
- ਕਰ ਕਰ ਨਾਚ ਵਖਾਲੀ ਓ ਯਾਰ।
65
- ਟੁਕ ਬੂਝ ਕੌਣ ਛਪ ਆਇਆ ਏ, ਕਿਸੇ ਭੇਖੀ ਭੇਖ ਵਟਾਇਆ ਏ। ਟੇਕ।
- ਜਿਸ ਨਾ ਦਰਦ ਦੀ ਬਾਤ ਕਹੀ, ਉਸ ਪਰੇਮ ਨਗਰ ਨਾ ਝਾਤ ਪਈ।
- ਉਹ ਡੁੱਬ ਮੋਈ ਸਭ ਘਾਤ ਗਈ, ਉਸ ਕਿਉਂ ਚੰਦਰੀ ਨੇ ਜਾਇਆ ਏ।
- ਟੁਕ ਬੂਝ ਕੌਣ ਛਪ ਆਇਆ ਏ।
- ਮਾਨਿੰਦ ਪਲਾਸ ਬਣਾਇਉ ਈ, ਮੇਰੀ ਸੂਰਤ ਚਾ ਲਖਾਇਉ ਈ।
- ਮੁਖ ਕਾਲਾ ਕਰ ਦਿਖਲਾਇਉ ਈ, ਕਿਆ ਸਿਆਹੀ ਰੰਗ ਲਖਾਇਆ ਏ।
- ਟੁਕ ਬੂਝ ਕੌਣ ਛਪ ਆਇਆ ਏ।
- ਇਕ ਰੱਬ ਦਾ ਨਾਂ ਖ਼ਜ਼ਾਨਾ ਏ, ਸੰਗ ਚੋਰਾਂ ਯਾਰਾਂ ਦਾਨਾਂ ਏ।
- ਉਹ ਰਹਿਮਤ ਦਾ ਖਸਮਾਨਾ ਏ, ਸੰਗ ਖ਼ੌਫ਼ ਰਕੀਬ ਬਣਾਇਆ ਏ।
- ਟੁਕ ਬੂਝ ਕੌਣ ਛਪ ਆਇਆ ਏ।
- ਦੁਈ ਦੂਰ ਕਰੋ ਕੋਈ ਸ਼ੋਰ ਨਹੀਂ, ਇਹ ਤੁਰਕ ਹਿੰਦੂ ਕੋਈ ਹੋਰ ਨਹੀਂ।
- ਸਭ ਸਾਧ ਕਹੋ ਕੋਈ ਚੋਰ ਨਹੀਂ, ਹਰ ਘਟ ਵਿਚ ਆਪ ਸਮਾਇਆ ਏ।
- ਟੁਕ ਬੂਝ ਕੌਣ ਛਪ ਆਇਆ ਏ।
- ਐਵੇਂ ਕਿੱਸੇ ਕਾਹਨੂੰ ਘੜਨਾ ਏਂ, ਤੇ ਗੁਲਸਤਾਂ, ਬੋਸਤਾਂ ਪੜ੍ਹਨਾ ਏਂ ।
- ਐਵੇਂ ਬੇਮੂਜਬ ਕਿਉਂ ਲੜਨਾ ਏਂ, ਕਿਸ ਉਲਟਾ ਵੇਦ ਪੜ੍ਹਾਇਆ ਏ।
- ਟੁਕ ਬੂਝ ਕੌਣ ਛਪ ਆਇਆ ਏ।
- ਸ਼ਰੀਅਤ ਸਾਡੀ ਦਾਈ ਏ, ਤਰੀਕਤ ਸਾਡੀ ਮਾਈ ਏ।
- ਅੱਗੋਂ ਹੱਕ ਹਕੀਕਤ ਆਈ ਏ, ਅਤੇ ਮਾਰਫ਼ਤੋਂ ਕੁਝ ਪਾਇਆ ਏ।
- ਟੁਕ ਬੂਝ ਕੌਣ ਛਪ ਆਇਆ ਏ।
- ਹੈ ਵਿਰਲੀ ਬਾਤ ਬਤਾਵਣ ਦੀ, ਤੁਸੀਂ ਸਮਝੋ ਦਿਲ ਤੇ ਲਾਵਣ ਦੀ।
- ਕੋਈ ਗੱਤ ਦੱਸੋ ਇਸ ਬਾਵਣ ਦੀ, ਇਹ ਕਾਹਨੂੰ ਭੇਤ ਬਣਾਇਆ ਏ।
- ਟੁਕ ਬੂਝ ਕੌਣ ਛਪ ਆਇਆ ਏ।
- ਇਹ ਪੜ੍ਹਨਾ ਇਲਮ ਜ਼ਰੂਰ ਹੋਇਆ, ਪਰ ਦੱਸਣਾ ਨਾ ਮੰਜੂਰ ਹੋਇਆ।
- ਜਿਸ ਦੱਸਿਆ ਸੋ ਮਨਸੂਰ ਹੋਇਆ, ਉਸ ਸੂਲੀ ਪਕੜ ਚੜ੍ਹਾਇਆ ਏ।
- ਟੁਕ ਬੂਝ ਕੌਣ ਛਪ ਆਇਆ ਏ।
- ਮੈਂ ਨਾ ਕਸਬ ਨਾ ਫ਼ਿਕਰ ਤਮੀਜ਼ ਕੀਤਾ, ਦੁੱਖ ਤਨ ਆਰਫ਼ ਬਾਯਜ਼ੀਦ ਕੀਤਾ।
- ਕਰ ਜ਼ੁਹਦ ਕਿਤਾਬ ਮਜੀਦ ਕੀਤਾ, ਕਿਸੇ ਬੇ-ਮਿਹਨਤ ਨਹੀਂ ਪਾਇਆ ਏ।
- ਟੁਕ ਬੂਝ ਕੌਣ ਛਪ ਆਇਆ ਏ।
- ਇਸ ਦੁੱਖ ਸੇ ਕਿਚਰਕ ਭਾਗੇਂਗਾ, ਰਹੇਂ ਸੁਤਾ ਕਦ ਤੂੰ ਜਾਗੇਂਗਾ।
- ਫੇਰ ਉਠਦਾ ਰੋਵਣ ਲਾਗੇਂਗਾ, ਕਿਸੇ ਗ਼ਫ਼ਲਤ ਮਾਰ ਸੁਲਾਇਆ ਏ।
- ਟੁਕ ਬੂਝ ਕੌਣ ਛਪ ਆਇਆ ਏ।
- ਗੈਨ ਐਨ ਦੀ ਸੂਰਤ ਠਹਿਰਾ, ਇਕ ਨੁਕਤੇ ਦਾ ਹੈ ਫ਼ਰਕ ਪੜਾ।
- ਜੋ ਨੁਕਤਾ ਦਿਲ ਥੀਂ ਦੂਰ ਕਰਾ, ਫਿਰ ਗ਼ੈਨ ਵਾ ਐਨ ਜਤਾਇਆ ਏ।
- ਟੁਕ ਬੂਝ ਕੌਣ ਛਪ ਆਇਆ ਏ।
- ਜਿਹੜਾ ਮਨ ਵਿਚ ਲੱਗਾ ਦੁਆ ਰੇ, ਇਹ ਕੌਣ ਕਹੇ ਮੈਂ ਮੂਆ ਰੇ।
- ਤਨ ਸਭ ਇਨਾਇਤ ਹੂਆ ਰੇ, ਫਿਰ ਬੁਲ੍ਹਾ ਨਾਮ ਧਰਾਇਆ ਏ।
- ਟੁਕ ਬੂਝ ਕੌਣ ਛਪ ਆਇਆ ਏ।
66
- ਢਿਲਕ ਗਈ ਮੇਰੇ ਚਰਖੇ ਦੀ ਹੱਥੀ, ਕੱਤਿਆ ਮੂਲ ਨਾ ਜਾਵੇ।
- ਤੱਕਲੇ ਨੂੰ ਵਲ ਪੈ ਪੈ ਜਾਂਦੇ, ਕੌਣ ਲੁਹਾਰ ਲਿਆਵੇ।
- ਤੱਕਲੇ ਤੋਂ ਵਲ ਲਾਹੀਂ ਲੁਹਾਰਾ, ਤੰਦੀ ਟੁੱਟ ਟੁੱਟ ਜਾਵੇ।
- ਘੜੀ ਘੜੀ ਇਹ ਝੋਲੇ ਖਾਂਦਾ, ਛੱਲੀ ਇਕ ਨਾ ਲਾਹਵੇ।
- ਫੀਤਾਨਹੀਂ ਜੋ ਬੀੜੀ ਬੰਨ੍ਹਾਂ, ਬਾਇੜ ਹੱਤ ਨਾ ਆਵੇ।
- ਚਮੜਿਆਂ ਉੱਤੇ ਚੋਪੜ ਨਾਹੀਂ, ਮਾਲ੍ਹ ਪਈ ਬਰੜਾਵੇ।
- ਦਿਨ ਚੜਿਆ ਕਦ ਗੁਜ਼ਰੇ, ਮੈਨੂੰ ਪਿਆਰਾ ਮੁੱਖ ਦਿਖਲਾਵੇ।
- ਮਾਹੀ ਛਿੜ ਗਿਆ ਨਾਲ ਮਹੀਂ ਦੇ, ਹੁਣ ਕੱਤਣ ਕਿਸ ਨੂੰ ਭਾਵੇ।
- ਜਿੱਤ ਵੱਲ ਯਾਰ ਉਤੇ ਵੱਲ ਅੱਖੀਆਂ, ਮੇਰਾ ਦਿਲ ਬੇਲੇ ਵਲ ਧਾਵੇ।
- ਤ੍ਰਿੰਜਣ ਕੱਤਣ ਸੱਦਣ ਸਈਆਂ, ਬਿਰਹੋਂ ਢੋਲ ਬਜਾਵੇ।
- ਅਰਜ਼ ਇਹੋ ਮੈਨੂੰ ਆਣ ਮਿਲੇ ਹੁਣ, ਕੌਣ ਵਸੀਲਾ ਜਾਵੇ।
- ਸੈ ਮਣਾਂ ਦਾ ਕੱਤ ਲਿਆ ਬੁਲ੍ਹਾ, ਮੈਨੂੰ ਸ਼ਹੁ ਗਲ ਲਾਵੇ ।
67
- ਢੋਲਾ ਆਦਮੀ ਬਣ ਆਇਆ। ਟੇਕ।
- ਆਪੇ ਆਹੂ ਆਪੇ ਚੀਤਾ ਆਪੇ ਮਾਰਨ ਧਾਇਆ।
- ਆਪੇ ਸਾਹਿਬ ਆਪੇ ਬਰਦਾ ਆਪੇ ਮੁੱਲ ਵਿਕਾਇਆ।
- ਢੋਲਾ ਆਦਮੀ ਬਣ ਆਇਆ।
- ਕਦੀ ਹਾਥੀ ਤੇ ਅਸਵਾਰ ਹੋਇਆ, ਕਦੀ ਠੂਠਾ ਡਾਂਗ ਭਵਾਇਆ।
- ਕਦੀ ਰਾਵਲ ਜੋਗੀ ਭੋਗੀ ਹੋ ਕੇ, ਸਾਂਗੀ ਸਾਂਗ ਬਣਾਇਆ।
- ਢੋਲਾ ਆਦਮੀ ਬਣ ਆਇਆ।
- ਬਾਜ਼ੀਗਰ ਕਿਆ ਬਾਜ਼ੀ ਖੇਲੀ, ਮੈਨੂੰ ਪੁਤਲੀ ਵਾਂਙ ਨਚਾਇਆ।
- ਮੈਂ ਉਸ ਪੜਤਾਲੀ ਨੱਚਨਾ ਹਾਂ, ਜਿਸ ਗਤ ਮਿਤ ਯਾਰ ਲਖਾਇਆ।
- ਢੋਲਾ ਆਦਮੀ ਬਣ ਆਇਆ।
- ਹਾਬੀਲ ਕਾਬੀਲ ਆਦਮ ਦੇ ਜਾਏ, ਆਦਮ ਕਿਸ ਦਾ ਜਾਇਆ।
- ਬੁਲ੍ਹਾ ਉਨ੍ਹਾਂ ਤੋਂ ਵੀ ਅੱਗੋਂ ਆਹਾ, ਦਾਦਾ ਗੋਦ ਖਿਡਾਇਆ।
- ਢੋਲਾ ਆਦਮੀ ਬਣ ਆਇਆ।
68
- ਤਾਂਘ ਮਾਹੀ ਦੀ ਜਲੀਆਂ। ਨਿੱਤ ਕਾਗ ਉਡਾਵਾਂ ਖਲੀਆਂ।
- ਕਉਡੀ ਦਮੜੀ ਪੱਲੇ ਨਾ ਕਾਈ ਪਾਰ ਵੰਞਣ ਨੂੰ ਮੈਂ ਸਧਰਾਈ।
- ਨਾਲ ਮਲਾਹਾਂ ਦੇ ਨਹੀਂ ਆਸ਼ਨਾਈ, ਝੇੜਾ ਕਰਾਂ ਵਲੱਲੀਆਂ।
- ਤਾਂਘ ਮਾਹੀ ਦੀ ਜਲੀਆਂ।
- ਨੈ ਚੰਦਲ ਦੇ ਸ਼ੋਰ ਕਿਨਾਰੇ, ਘੁੰਮਣ ਘੇਰ ਵਿਚ ਠਾਠਾਂ ਮਾਰੇ।
- ਡੁੱਬ ਡੁੱਬ ਮੋਏ ਤਾਰੂ ਭਾਰੇ, ਜੇ ਸ਼ੋਰ ਕਰਾਂ ਤਾਂ ਝੱਲੀ ਆਂ।
- ਤਾਂਘ ਮਾਹੀ ਦੀ ਜਲੀਆਂ ।
- ਨੈ ਚੰਦਲ ਦੇ ਡੂੰਘੇ ਪਾਹੇ, ਤਾਰੂ ਗੋਤੇ ਖਾਂਦੇ ਆਹੇ।
- ਮਾਹੀ ਮੁੰਡੇ ਪਾਰ ਸਿਧਾਏ, ਮੈਂ ਕੇਵਲ ਰਹੀਆਂ ਕੱਲੀਆਂ।
- ਤਾਂਘ ਮਾਹੀ ਦੀ ਜਲੀਆਂ।
- ਨੈ ਚੰਦਲ ਦੀਆਂ ਤਾਰੂ ਫਾਟਾਂ, ਖਲੀ ਉਡੀਕਾਂ ਮਾਹੀ ਦੀਆਂ ਵਾਟਾਂ।
- ਇਸ਼ਕ ਮਾਹੀ ਦੇ ਲਾਈਆਂ ਚਾਟਾਂ, ਜੇ ਕੂਕਾਂ ਤਾਂ ਮੈਂ ਗਲੀਆਂ ।
- ਤਾਂਘ ਮਾਹੀ ਦੀ ਜਲੀਆਂ।
- ਪਾਰ ਝਨਾਓਂ ਜੰਗਲ ਬੇਲੇ, ਓਥੇ ਖੂਨੀ ਸ਼ੇਰ ਬਘੇਲੇ।
- ਝਬ ਰੱਬ ਮੈਨੂੰ ਮਾਹੀ ਮੇਲੇ, ਮੈਂ ਏਸ ਫਿਕਰ ਵਿਚ ਗਲੀਆਂ।
- ਤਾਂਘ ਮਾਹੀ ਦੀ ਜਲੀਆਂ।
- ਅੱਧੀ ਰਾਤ ਲਟਕਦੇ ਤਾਰੇ, ਇਕ ਲਟਕੇ ਇਕ ਲਟਕਣਹਾਰੇ।
- ਮੈਂ ਉੱਠ ਆਈ ਨਦੀ ਕਿਨਾਰੇ, ਹੁਣ ਪਾਰ ਲੰਘਣ ਨੂੰ ਖਲੀਆਂ ।
- ਤਾਂਘ ਮਾਹੀ ਦੀ ਜਲੀਆਂ।
- ਮੈਂ ਅਨ-ਤਾਰੂ ਸਾਰ ਕੀ ਜਾਣਾਂ, ਵੰਝ ਚੱਪਾ ਨਾ ਤੁਲ੍ਹਾ ਪੁਰਾਣਾ ।
- ਘੁੰਮਣ ਘੇਰ ਨਾ ਟਾਂਗ ਟਿਕਾਣਾ, ਰੋ ਰੋ ਫਾਟਾਂ ਤਲੀਆਂ।
- ਤਾਂਘ ਮਾਹੀ ਦੀ ਜਲੀਆਂ।
- ਬੁਲ੍ਹਾ ਸ਼ੌਹ ਘਰ ਮੇਰੇ ਆਵੇ, ਹਾਰ ਸਿੰਗਾਰ ਮੇਰੇ ਮਨ ਭਾਵੇ।
- ਮੂੰਹ ਮੁਕਟ ਮੱਥੇ ਤਿਲਕ ਲਗਾਵੇ, ਜੇ ਵੇਖੇ ਤਾਂ ਮੈਂ ਭਲੀਆਂ।
- ਤਾਂਘ ਮਾਹੀ ਦੀ ਜਲੀਆਂ।
- ਨਿੱਤ ਕਾਗ ਉਡਾਵਾਂ ਖਲੀਆਂ।
69
- ਤੁਸੀਂ ਆਓ ਮਿਲੋ ਮੇਰੀ ਪਿਆਰੀ।
- ਮੇਰੇ ਟੁਰਨੇ ਦੀ ਹੋਈ ਤਿਆਰੀ।
- ਸੱਭੇ ਰਲ ਕੇ ਟੋਰਨ ਆਈਆਂ, ਆਈਆਂ ਫੁੱਫੀਆਂ ਚਾਚੀਆਂ ਤਾਈਆਂ।
- ਸੱਭੇ ਰੋਂਦੀਆਂ ਜ਼ਾਰੋ ਜ਼ਾਰੀ, ਮੇਰੇ ਟੁਰਨੇ ਦੀ ਹੋਈ ਤਿਆਰੀ।
- ਸੱਭੇ ਆਖਣ ਇਹ ਗੱਲ ਜਾਣੀ ਰਵੀਂ ਤੂੰ ਹਰ ਦਮ ਹੋ ਨਿਮਾਣੀ।
- ਤਾਹੀਂ ਲੱਗੇਂਗੀ ਓਥੇ ਪਿਆਰੀ, ਮੇਰੇ ਟੁਰਨੇ ਦੀ ਹੋਈ ਤਿਆਰੀ।
- ਸੱਭੇ ਟੋਰ ਘਰਾਂ ਨੂੰ ਮੁੜੀਆਂ, ਮੈਂ ਹੋ ਇਕ ਇਕੱਲੜੀ ਟੁਰੀਆਂ।
- ਹੋਈ ਆਂ ਡਾਰੋਂ ਮੈਂ ਕੂੰਜ ਨਿਆਰੀ, ਮੇਰੇ ਟੁਰਨੇ ਦੀ ਹੋਈ ਤਿਆਰੀ।
- ਬੁਲ੍ਹਾ ਸ਼ੌਹ ਮੇਰੇ ਘਰ ਆਵੇ, ਮੈਂ ਕੁਚੱਜੀ ਨੂੰ ਲੈ ਗਲ ਲਾਵੇ।
- ਇਕੋ ਸ਼ੌਹ ਦੀ ਏ ਬਾਤ ਨਿਆਰੀ, ਮੇਰੇ ਟੁਰਨੇ ਦੀ ਹੋਈ ਤਿਆਰੀ।
70
- ਤੁਸੀਂ ਕਰੋ ਅਸਾਡੀ ਕਾਰੀ।
- ਕੇਹੀ ਹੋ ਗਈ ਵੇਦਨ ਭਾਰੀ।
- ਉਹ ਘਰ ਮੇਰੇ ਵਿਚ ਆਇਆ, ਉਸ ਆ ਮੈਨੂੰ ਭਰਮਾਇਆ।
- ਪੁੱਛ ਜਾਦੂ ਹੈ ਕਿ ਸਾਇਆ, ਉਸ ਤੋਂ ਲੈ ਹਕੀਕਤ ਸਾਰੀ।
- ਤੁਸੀਂ ਕਰੋ ਅਸਾਡੀ ਕਾਰੀ।
- ਓਹੋ ਦਿਲ ਮੇਰੇ ਵਿੱਚ ਵੱਸਦਾ, ਬੈਠਾ ਨਾਲ ਅਸਾਡੇ ਹੱਸਦਾ।
- ਪੁੱਛਾਂ ਬਾਤਾਂ ਤੇ ਉੱਠ ਨੱਸਦਾ, ਲੈ ਬਾਜ਼ਾਂ ਵਾਂਙ ਉਡਾਰੀ।
- ਤੁਸੀਂ ਕਰੋ ਅਸਾਡੀ ਕਾਰੀ।
- ਮੈਂ ਸ਼ੌਹ ਦਰਿਆਵਾਂ ਪਈ ਆਂ, ਠਾਠਾਂ ਲਹਿਰਾਂ ਦੇ ਮੂੰਹ ਗਈ ਆਂ।
- ਫੜ ਕੇ ਘੁੰਮਣ ਘੇਰ ਭਵਈ ਹਾਂ, ਪੁਰ ਬਰਖਾ ਰੈਣ ਅੰਧਆਰੀ।
- ਤੁਸੀਂ ਕਰੋ ਅਸਾਡੀ ਕਾਰੀ।
- ਸਈਆਂ ਐਡ ਛਨਿਛਰ ਚਾਏ, ਤਾਰੇ ਖਾਰਿਆਂ ਹੇਠ ਛੁਪਾਏ।
- ਮੁੰਜ ਦੀਆਂ ਰੱਸੀਆਂ ਨਾਗ ਬਣਾਏ, ਇਹਨਾਂ ਸਿਹਰਾਂ ਤੋਂ ਬਲਿਹਾਰੀ ।
- ਤੁਸੀਂ ਕਰੋ ਅਸਾਡੀ ਕਾਰੀ ।
- ਇਹ ਜੋ ਮੁਰਲੀ ਕਾਨ੍ਹ ਵਜਾਈ, ਦਿਲ ਮੇਰੇ ਨੂੰ ਚੋਟ ਲਗਾਈ।
- ਤੁਸੀਂ ਕਰੋ ਅਸਾਡੀ ਕਾਰੀ ।
- ਆਹ ਦੇ ਨਾਅਰੇ ਕਰਦੀ ਆਹੀ, ਮੈਂ ਰੋਵਾਂ ਜ਼ਾਰੋ ਜ਼ਾਰੀ।
- ਇਸ਼ਕ ਦੀਵਾਨੇ ਲੀਕਾਂ ਲਾਈਆਂ, ਡਾਢੀਆਂ ਘਣੀਆਂ ਸੱਥਾਂ ਪਾਈਆਂ।
- ਹਾਂ ਮੈਂ ਬਕਰੀ ਕੋਲ ਕਸਾਈਆਂ, ਰਹਿੰਦਾ ਸਹਿਮ ਹਮੇਸ਼ਾ ਭਾਰੀ।
- ਤੁਸੀਂ ਕਰੋ ਅਸਾਡੀ ਕਾਰੀ ।
- ਇਸ਼ਕ ਰੁਹੇਲਾ ਨਾਹੀਂ ਛੱਪਦਾ, ਅੰਦਰ ਧਰਿਆ ਬੰਨੀਂ ਨੱਚਦਾ।
- ਮੈਨੂੰ ਦਿਉ ਸੁਨੇਹੜਾ ਸੱਚ ਦਾ, ਮੇਰੀ ਕਰੋ ਕੋਈ ਗ਼ਮਖਾਰੀ।
- ਤੁਸੀਂ ਕਰੋ ਅਸਾਡੀ ਕਾਰੀ।
- ਮੈਂ ਕੀ ਮਿਹਰ ਮੁਹੱਬਤ ਜਾਣਾਂ, ਸਈਆਂ ਕਰਦੀਆਂ ਜ਼ੋਰ ਧਿਙਾਣਾ।
- ਗਲ ਗਲ ਮੇਵਾ ਕੀ ਹਦਵਾਣਾ, ਕੀ ਕੋਈ ਵੈਦ ਪਸਾਰੀ।
- ਤੁਸੀਂ ਕਰੋ ਅਸਾਡੀ ਕਾਰੀ।
- ਨੌ ਸ਼ੋਹ ਜਿਸ ਦਾ ਬਾਂਸ ਬਰੇਲੀ, ਟੁੱਟੀ ਡਾਲੋਂ ਰਹੀ ਇਕੇਲੀ।
- ਕੂਕੇ ਬੇਲੀ ਬੇਲੀ ਬੇਲੀ, ਉਹਦੀ ਕਰੇ ਕੋਈ ਦਿਲਦਾਰੀ।
- ਤੁਸੀਂ ਕਰੋ ਅਸਾਡੀ ਕਾਰੀ ।
- ਬੁਲ੍ਹਾ ਸ਼ੌਹ ਦੇ ਜੇ ਮੈਂ ਜਾਵਾਂ, ਆਪਣਾ ਸਿਰ ਧੜ ਫੇਰ ਨਾ ਪਾਵਾਂ।
- ਓਥੇ ਜਾਵਾਂ ਫੇਰ ਨਾ ਆਵਾਂ, ਏਥੇ ਐਵੈਂ ਉਮਰ ਗੁਜ਼ਾਰੀ।
- ਤੁਸੀਂ ਕਰੋ ਅਸਾਡੀ ਕਾਰੀ।
- ਕੇਹੀ ਹੋ ਗਈ ਵੇਦਨ ਭਾਰੀ।
71
- ਤੂਹੀਉਂ ਹੈਂ, ਮੈਂ ਨਾਹੀਂ ਵੇ ਸੱਜਣਾ, ਤੂਹੀਉਂ ਹੈਂ, ਮੈਂ ਨਾਹੀਂ।
- ਖੂਹੇ ਦੇ ਪਰਛਾਵੇਂ ਵਾਂਙੂ, ਘੁਮ ਰਿਹਾ ਮਨ ਮਾਹੀਂ।
- ਜਾਂ ਬੋਲਾਂ ਤੂੰ ਨਾਲੇ ਬੋਲੇਂ, ਚੁੱਪ ਰਹਵਾਂ ਮਨ ਮਾਹੀਂ।
- ਜੇ ਸੌਵਾਂ ਤੇ ਨਾਲੇ ਸੌਵੇਂ, ਜੇ ਤੁਰਾਂ ਤੂੰ ਰਾਹੀਂ।
- ਬੁਲ੍ਹਾ ਸ਼ਹੁ ਘਰ ਆਇਆ ਮੇਰੇ, ਜਿੰਦੜੀ ਘੋਲ ਘੁਮਾਈ।
- ਤੂਹੀਉਂ ਹੈਂ ਮੈਂ ਨਾਹੀਂ ਵੇ ਸੱਜਣਾਂ, ਤੂਹੀਉਂ ਹੈਂ ਮੈਂ ਨਾਹੀਂ।
72
- ਤੇਰੇ ਇਸ਼ਕ ਨਚਾਈਆ ਕਰ ਥਈਆ ਥਈਆ। ਟੇਕ।
- ਤੇਰੇ ਇਸ਼ਕ ਨੇ ਡੇਰਾ ਮੇਰੇ ਅੰਦਰ ਕੀਤਾ।
- ਭਰ ਕੇ ਜ਼ਹਿਰ ਪਿਆਲਾ ਮੈਂ ਤਾਂ ਆਪੇ ਪੀਤਾ।
- ਝਬਦੇ ਬਹੁੜੀਂ ਵੇ ਤਬੀਬਾ ਨਹੀਂ ਤੇ ਮੈਂ ਮਰ ਗਈਆਂ।
- ਤੇਰੇ ਇਸ਼ਕ ਨਚਾਈਆ ਕਰ ਥਈਆ ਥਈਆ।
- ਛੁਪ ਗਿਆ ਵੇ ਸੂਰਜ ਬਾਹਰ ਰਹਿ ਗਈ ਆ ਲਾਲੀ ।
- ਵੇ ਮੈਂ ਸਦਕੇ ਹੋਵਾਂ ਦੇਵੇਂ ਮੁੜ ਜੇ ਵਖਾਲੀ।
- ਪੀਰਾ ਮੈਂ ਭੁੱਲ ਗਈਆਂ ਤੇਰੇ ਨਾਲ ਨਾ ਗਈਆ।
- ਤੇਰੇ ਇਸ਼ਕ ਨਚਾਈਆ ਕਰ ਥਈਆ ਥਈਆ।
- ਏਸ ਇਸ਼ਕੇ ਦੇ ਕੋਲੋਂ ਮੈਨੂੰ ਹਟਕ ਨਾ ਮਾਏ।
- ਲਾਹੂ ਜਾਂਦੜੇ ਬੇੜੇ ਕਿਹੜਾ ਮੋੜ ਲਿਆਵੇ।
- ਮੇਰੀ ਅਕਲ ਜੋ ਭੁੱਲੀ ਨਾਲ ਮੁਹਾਣਿਆ ਦੇ ਗਈਆ॥
- ਤੇਰੇ ਇਸ਼ਕ ਨਚਾਈਆ ਕਰ ਥਈਆ ਥਈਆ।
- ਏਸੇ ਇਸ਼ਕੇ ਦੀ ਝੁੱਗੀ ਵਿਚ ਮੋਰ ਬੁਲੇਂਦਾ।
- ਸਾਨੂੰ ਕਿਬਲਾ ਤੇ ਕਾਅਬਾ ਸੋਹਣਾ ਯਾਰ ਦਖੇਂਦਾ।
- ਸਾਨੂੰ ਘਾਇਲ ਕਰਕੇ ਫਿਰ ਖ਼ਬਰ ਨਾ ਲਈਆ।
- ਤੇਰੇ ਇਸ਼ਕ ਨਚਾਈਆ ਕਰ ਥਈਆ ਥਈਆ।
- ਬੁਲ੍ਹਾ ਸ਼ਹੁ ਨੇ ਆਂਦਾ ਮੈਨੂੰ, ਇਨਾਇਤ ਦੇ ਬੂਹੇ।
- ਜਿਸ ਨੇ ਮੈਨੂੰ ਪਵਾਏ ਚੋਲੇ ਸਾਵੇ ਤੇ ਸੂਹੇ ।
- ਜਾਂ ਮੈਂ ਮਾਰੀ ਹੈ ਅੱਡੀ ਮਿਲ ਪਿਆ ਹੈ ਵਹੀਆ।
- ਤੇਰੇ ਇਸ਼ਕ ਨਚਾਈਆ ਕਰ ਥਈਆ ਥਈਆ।
73
- ਦਿਲ ਲੋਚੇ ਮਾਹੀ ਯਾਰ ਨੂੰ
- ਇਕ ਹੱਸ ਹੱਸ ਗੱਲਾਂ ਕਰਦੀਆਂ, ਇਕ ਰੋਂਦੀਆਂ ਹੋਂਦੀਆਂ ਮਰਦੀਆਂ।
- ਕਰੋ ਫੁੱਲੀ ਬਸੰਤ ਬਹਾਰ ਨੂੰ, ਦਿਲ ਲੋਚੇ ਮਾਹੀ ਯਾਰ ਨੂੰ।
- ਮੈਂ ਨ੍ਹਾਤੀ ਧੋਤੀ ਰਹਿ ਗਈ, ਇਕ ਗੰਢ ਮਾਹੀ ਦਿਲ ਬਹਿ ਗਈ।
- ਭਾਹ ਲਾਈਏ ਹਾਰ ਸ਼ਿੰਗਾਰ ਨੂੰ, ਦਿਲ ਲੋਚੇ ਮਾਹੀ ਯਾਰ ਨੂੰ ।
- ਮੈਂ ਕਮਲੀ ਕੀਤੀ ਦੂਤੀਆਂ, ਦੁਖ ਘੇਰ ਚੁਫੇਰੋਂ ਲੀਤੀਆਂ।
- ਘਰ ਆ ਮਾਹੀ ਦੀਦਾਰ ਨੂੰ, ਦਿਲ ਲੋਚੇ ਮਾਹੀ ਯਾਰ ਨੂੰ।
- ਬੁਲ੍ਹਾ ਸ਼ਹੁ ਮੇਰੇ ਘਰ ਆਇਆ, ਮੈਨੂੰ ਘੁੱਟ ਰਾਂਝਣ ਗਲ ਲਾਇਆ।
- ਦੁੱਖ ਗਏ ਸਮੁੰਦਰ ਪਾਰ ਨੂੰ, ਦਿਲ ਲੋਚੇ ਮਾਹੀ ਯਾਰ ਨੂੰ।
74
- ਨਾ ਜੀਵਾਂ ਮਹਾਰਾਜ, ਮੈਂ ਤੇਰੇ ਬਿਨ ਨਾ ਜੀਵਾਂ।
- ਇਹਨਾਂ ਸੁੱਕਿਆਂ ਫੁੱਲਾਂ ਵਿੱਚ ਬਾਸ ਨਹੀਂ।
- ਪਰਦੇਸ ਗਿਆਂ ਦੀ ਕੋਈ ਆਸ ਨਹੀਂ।
- ਜਿਹੜੇ ਸਾਈਂ ਸਾਜਣ ਸਾਡੇ ਪਾਸ ਨਹੀਂ।
- ਨਾ ਜੀਵਾਂ ਮਹਾਰਾਜ….
- ਤੂੰ ਕੀ ਸੁੱਤਾਂ ਏ ਚਾਦਰ ਤਾਣ ਕੇ।
- ਸਿਰ ਮੌਤ ਖਲੋਤੀ ਤੇਰੇ ਆਣ ਕੇ। ਕੋਈ ਅਮਲ ਨਾ ਕੀਤਾ ਜਾਣ ਕੇ।
- ਨਾ ਜੀਵਾਂ ਮਹਾਰਾਜ…
- ਕੀ ਮੈਂ ਖੱਟਿਆ ਤੇਰੀ ਹੋ ਕੇ। ਦੋਵੇਂ ਨੈਣ ਗਵਾਇ ਆ ਰੋ ਕੇ।
- ਤੇਰਾ ਨਾਮ ਲਈਏ ਮੁੱਖ ਧੋ ਕੇ। ਨਾ ਜੀਵਾਂ ਮਹਾਰਾਜ…
- ਬੁਲ੍ਹੇ ਸ਼ਹੁ ਬਦੇਸ਼ੋਂ ਆਉਂਦਾ। ਹੱਥ ਕੰਗਣਾ ਤੇ ਬਾਹੀਂ ਲਟਕਾਉਂਦਾ।
- ਸਿਰ ਸਦਕਾ ਤੇਰੇ ਨਾਉਂ ਦਾ। ਨਾ ਜੀਵਾਂ ਮਹਾਰਾਜ…
75
- ਨੀ ਸਈਓ ਮੈਂ ਗਈ ਗਵਾਚੀ।
- ਖੋਲ ਘੁੰਘਟ ਮੁੱਖ ਨਾਚੀ ।
- ਜਿਤ ਵੱਲ ਵੱਖਾਂ ਉੱਤ ਵੱਲ ਓਹੀ, ਕਸਮ ਓਸੇ ਦੀ ਹੋਰ ਨਾ ਕੋਈ।
- ਫ਼ਹਿਵ ਮੁਅਉਮਰ ਫਿਰ ਗਈ ਧੋਈ, ਜਬ ਪੱਤਰੀ ਮੇਰੀ ਬਾਚੀ।
- ਨੀ ਸਈਓ ਮੈਂ ਗਈ ਗਵਾਚੀ।
- ਨਾਮ ਨਿਸ਼ਾਨ ਨਾ ਮੇਰਾ ਸਈਓ, ਜੋ ਆਖਾਂ ਤੁਸੀਂ ਚੁੱਪ ਕਰ ਰਹੀਓ।
- ਇਹ ਗੱਲ ਮੂਲ ਕਿਸੇ ਨਾ ਕਹੀਓ, ਬੁਲ੍ਹਾ ਖ਼ੂਬ ਹਕੀਕਤ ਜਾਚੀ।
- ਨੀ ਸਈਓ ਮੈਂ ਗਈ ਗਵਾਚੀ ।
- ਖੋਲ ਘੁੰਘਟ ਮੁੱਖ ਨਾਚੀ।
76
- ਨੀ ਕੁਟੀਚਲ ਮੇਰਾ ਨਾਂ। ਟੇਕ।
- ਮੁੱਲਾਂ ਮੈਨੂੰ ਸਬਕ ਪੜ੍ਹਾਇਆ, ਅਲਫ਼ੋਂ ਅੱਗੇ ਕੁਝ ਨਾ ਆਇਆ।
- ਉਸ ਦੀਆਂ ਜੁੱਤੀਆਂ ਖਾਂਦਾ ਸਾਂ, ਨੀ ਕੁਟੀਚਲ ਮੇਰਾ ਨਾਂ।
- ਕਿਵੇਂ ਕਿਵੇਂ ਦੇ ਅੱਖੀਆਂ ਲਾਈਆਂ, ਰਲ ਕੇ ਸਈਆਂ ਮਾਰਨ ਆਈਆਂ।
- ਨਾਲੇ ਮਾਰੇ ਬਾਬਲ ਮਾਂ, ਨੀ ਕੁਟੀਚਲ ਮੇਰਾ ਨਾਂ।
- ਸਾਹਵਰੇ ਸਾਨੂੰ ਵੜਨ ਨਾ ਦੇਂਦੇ, ਨਾਨਕ ਦਾਦਕ ਘਰੋਂ ਕਢਦੇ।
- ਮੇਰਾ ਪੇਕੇ ਨਹੀਉਂ ਥਾਂ, ਨੀ ਕੁਟੀਚਲ ਮੇਰਾ ਨਾਂ ।
- ਪੜ੍ਹਨ ਸੇਤੀ ਸਭ ਮਾਰਨ ਆਹੀਂ, ਬਿਨ ਪੜ੍ਹਿਆਂ ਹੁਣ ਛੱਡਦਾ ਨਹੀਂ।
- ਨੀ ਮੈਂ ਮੁੜ ਕੇ ਕਿਤ ਵਲ ਜਾਂ, ਨੀ ਕੁਟੀਚਲ ਮੇਰਾ ਨਾਂ।
- ਬੁਲ੍ਹਾ ਸ਼ਹੁ ਕੀ ਲਾਈ ਮੈਨੂੰ, ਮੱਤ ਕੁਝ ਲੱਗੇ ਉਹ ਹੀ ਤੈਨੂੰ ।
- ਤਦ ਕਰੇਂਗਾ ਤੂੰ ਨਿਆਂ, ਨੀ ਕੁਟੀਚਲ ਮੇਰਾ ਨਾਂ।
77
- ਪੱਤੀਆਂ ਲਿਖਾਂ ਮੈਂ ਸ਼ਾਮ ਨੂੰ, ਮੈਨੂੰ ਪੀਆ ਨਜ਼ਰ ਨਾ ਆਵੇ। ਟੇਕ।
- ਆਂਗਣ ਬਣਾ ਡਰਾਉਣਾ, ਕਿਤ ਬਿਧਿ ਰੈਣ ਵਿਹਾਵੇ।
- ਕਾਗ਼ਜ਼ ਕਰੂੰ ਲਿਖ ਦਾਮਨੇ, ਨੈਣ ਆਂਸੂ ਲਾਉਂ।
- ਬਿਰਹੋਂ ਜਾਰੀ ਹਉਂ ਜਰੀ, ਦਲਿ ਫੂਕ ਜਲਾਊਂ।
- ਪਾਂਧੇ ਪੰਡਤ ਜਗਤ ਕੇ, ਮੈਂ ਪੂਛ ਰਹੀ ਆਂ ਸਾਰੇ।
- ਪੋਥੀ ਬੇਦ ਕਿਆ ਦੋਸ ਹੈ, ਜੋ ਉਲਟੇ ਭਾਗ ਹਮਾਰੇ।
- ਭਾਈਆ ਵੇ ਜੋਤਸ਼ੀਆ, ਇਕ ਸੱਚੀ ਬਾਤ ਭੀ ਕਹੀਓ।
- ਜੇ ਮੈਂ ਹੀਣੀ ਭਾਗ ਦੀ, ਤੁਮ ਚੁੱਪ ਨਾ ਰਹੀਓ।
- ਭੱਜ ਸਕਾਂ ਤੇ ਭੱਜ ਜਾਵਾਂ, ਸਬ ਤਜ ਕੇ ਕਰਾਂ ਫ਼ਕੀਰੀ।
- ਪਰ ਦੁਲੜੀ, ਤੁਲੜੀ, ਚੌਲੜੀ ਹੈ ਗਲ ਵਿਚ ਪ੍ਰੇਮ ਜ਼ੰਜੀਰੀ।
- ਨੀਂਦ ਗਈ ਕਿਤ ਦੇਸ਼ ਨੂੰ, ਉਹ ਭੀ ਵੈਰਨ ਮੇਰੀ।
- ਮਤ ਸੁਫ਼ਨੇ ਵਿਚ ਮੈਂ ਆਣ ਮਿਲੇ, ਉਹ ਨੀਂਦਰ ਕਿਹੜੀ।
- ਰੋ ਰੋ ਜੀਉ ਵਲਾਉਂਦੀਆਂ, ਗ਼ਮ ਕਰਨੀਆਂ ਦੂਣਾ।
- ਨੈਣੋਂ ਨੀਰ ਭੀ ਨਾ ਚੱਲਣ, ਕਿਸੇ ਕੀਤਾ ਟੂਣਾ।
- ਸਾਜਨ ਤੁਮਾਰੀ ਪ੍ਰੀਤ ਸੇ, ਮੁਝ ਕੋ ਹਾਥ ਕੀ ਆਇਆ।
- ਛਤਰ ਸੂਲਾਂ ਸਿਰ ਲਾਇਆ, ਪਰ ਤੇਰਾ ਪੰਥ ਨਾ ਪਾਇਆ।
- ਪ੍ਰੇਮ ਨਗਰ ਚੱਲ ਵੱਸੀਏ, ਜਿੱਥੇ ਵੱਸੇ ਕੰਤ ਹਮਾਰਾ।
- ਬੁਲ੍ਹਿਆ ਸ਼ਹੁ ਤੋਂ ਮੰਗਣੀ ਹਾਂ, ਜੇ ਦਏ ਨਜ਼ਾਰਾ।
78
- ਪਰਦਾ ਕਿਸ ਤੋਂ ਰਾਖੀ ਦਾ।
- ਕਿਉਂ ਓਹਲੇ ਬਹਿ ਬਹਿ ਝਾਕੀਦਾ।
- ਪਹਿਲੋਂ ਆਪੇ ਸਾਜਨ ਸਾਜੇ ਦਾ, ਹੁਣ ਦਸਨਾ ਏਂ ਸਬਕ ਨਮਾਜ਼ੇ ਦਾ।
- ਹੁਣ ਆਇਆ ਆਪ ਨਜ਼ਾਰੇ ਨੂੰ, ਵਿਚ ਲੈਲਾ ਬਣ ਬਣ ਝਾਕੀ ਦਾ।
- ਪਰਦਾ ਕਿਸ ਤੋਂ ਰਾਖੀ ਦਾ।
- ਸ਼ਾਹ ਸ਼ਮੱਸ ਦੀ ਖੱਲ ਲੁਹਾਇਓ, ਮਨਸੂਰ ਨੂੰ ਚਾ ਸੂਲੀ ਦਵਾਇਓ।
- ਜ਼ਕਰੀਏ ਸਿਰ ਕਲਵੱਤਰ ਧਰਾਇਉ, ਕੀ ਲੇਖਾ ਰਿਹਾ ਬਾਕੀ ਦਾ।
- ਪਰਦਾ ਕਿਸ ਤੋਂ ਰਾਖੀ ਦਾ।
- ਕੁੰਨ ਕਿਹਾ ਫ਼ਯਕੂਨ ਕਹਾਇਆ, ਬੇ-ਚੂਨੀ ਦਾ ਚੂਨ ਬਣਾਇਆ।
- ਖਾਤਰ ਤੇਰੀ ਜਗਤ ਬਣਾਇਆ, ਸਿਰ ਪਰ ਛਤਰ ਲੌਲਾਕੀ ਦਾ।
- ਪਰਦਾ ਕਿਸ ਤੋਂ ਰਾਖੀ ਦਾ।
- ਹੁਣ ਸਾਡੇ ਵਲ ਧਾਇਆ ਏ, ਨਾ ਰਹਿੰਦਾ ਛੁਪਾ ਛੁਪਾਇਆ ਏ।
- ਕਿਤੇ ਬੁਲ੍ਹਾ ਨਾਮ ਧਰਾਇਆ ਏ, ਵਿਚ ਓਹਲਾ ਰਖਿਆ ਖ਼ਾਕੀ ਦਾ।
- ਪਰਦਾ ਕਿਸ ਤੋਂ ਰਾਖੀ ਦਾ।
- ਕਿਉਂ ਓਹਲੇ ਬਹਿ ਬਹਿ ਝਾਕੀ ਦਾ।
79
- ਪੜਤਾਲਿਉ ਹੁਣ ਆਸ਼ਕ ਕਿਹੜੇ
- ਨੇਹੁੰ ਲੱਗਾ ਮਤ ਗਈ ਗਵਾਤੀ, ਨਾਹੁਨੋ-ਅਕਰਬ ਜ਼ਾਤ ਪਛਾਤੀ
- ਸਾਈਂ ਭੀ ਸ਼ਾਹ ਰੰਗ ਤੋਂ ਨੇੜੇ, ਪੜਤਾਲਿਉ ਹੁਣ ਆਸ਼ਕ ਕਿਹੜੇ
- ਹੀਰ ਹੋ ਮੁੜ ਰਾਂਝਾ ਹੋਈ, ਇਹ ਗੱਲ ਵਿਰਲਾ ਜਾਣੇ ਕੋਈ
- ਚੁੱਕ ਪਏ ਸਭ ਝਗੜੇ ਝੇੜੇ, ਪੜਤਾਲਿਉ
- ਲੈ ਬਰਾਤਾਂ ਰਾਤੀਂ ਜਾਗਣ, ਨੂਰ ਨਬੀ ਦੇ ਬਰਸਣ ਲਾਗਣ
- ਉਹੋ ਵੇਖ ਅਸਾਡੇ ਝੇੜੇ, ਪੜਤਾਲਿਉ
- ਅਨੁਲਹੱਕ ਆਪ ਕਹਾਇਆ ਲੋਕਾ, ਮਨਸੂਰ ਨਾ ਦੇਂਦਾ ਆਪੇ ਹੋਕਾ
- ਮੁੱਲਾਂ ਬਣ ਬਣ ਆਵਣ ਨੇੜੇ, ਪੜਤਾਲਿਉ
- ਬੁਲ੍ਹਾ ਸ਼ਾਹ ਸ਼ਰੀਅਤ ਕਾਜ਼ੀ ਹੈ, ਹਕੀਕਤ ਪਰ ਭੀ ਰਾਜ਼ੀ ਹੈ
- ਸਾਈਂ ਘਰ ਘਰ ਨਿਆਉਂ ਨਬੇੜੇ, ਪੜਤਾਲਿਉ
80
- ਪਾਇਆ ਹੈ ਕੁਛ ਪਾਇਆ ਹੈ, ਸਤਗੁਰ ਨੇ ਅਲਖ ਲਖਾਇਆ ਹੈ। ਟੇਕ।
- ਕਹੂੰ ਵੈਰ ਪੜਾ ਕਹੂੰ ਬੇਲੀ ਹੈ, ਕਹੂੰ ਮਜਨੂੰ ਹੈ ਕਹੂੰ ਲੇਲੀ ਹੈ।
- ਕਹੂੰ ਆਪ ਗੁਰੂ ਕਹੂੰ ਚੇਲੀ ਹੈ, ਸਭ ਆਪਣਾ ਰਾਹ ਦਿਖਾਇਆ ਹੈ।
- ਕਹੂੰ ਤੇਗ ਬਹਾਦਰ ਗ਼ਾਜ਼ੀ ਹੈ, ਕਹੂੰ ਆਪਣਾ ਪੰਥ ਬਤਾਇਆ ਹੈ।
- ਕਹੂੰ ਚੋਰ ਬਣਾ ਕਹੂੰ ਸਾਹ ਜੀ ਹੈ, ਕਹੂੰ ਮੰਬਰ ਤੇ ਬਹਿ ਵਾਅਜ਼ੀ ਹੈ।
- ਕਹੂੰ ਮਸਜਦ ਦਾ ਵਰਤਾਰਾ ਹੈ, ਕਹੂੰ ਬਣਿਆ ਠਾਕੁਰ ਦੁਆਰਾ ਹੈ।
- ਕਹੂੰ ਬੈਰਾਗੀ ਜਪ ਧਾਰਾ ਹੈ, ਕਹੂੰ ਸ਼ੇਖ਼ਨ ਬਣ ਬਣ ਆਇਆ ਹੈ।
- ਕਹੂੰ ਤੁਰਕ ਕਿਤਾਬਾਂ ਪੜ੍ਹਤੇ ਹੋ, ਕਹੂੰ ਭਗਤ ਹਿੰਦੂ ਜਪ ਕਰਤੇ ਹੋ।
- ਕਹੂੰ ਘੋਰ ਗੁਫਾ ਮੇਂ ਪੜਤੇ ਹੋ, ਹਰ ਘਰ ਘਰ ਲਾਡ ਲਡਾਇਆ ਹੈ।
- ਬੁਲ੍ਹਾ ਸ਼ਹੁ ਕਾ ਮੈਂ ਮੁਹਤਾਜ ਹੋਆ, ਮਹਾਰਾਜ ਮਿਲੇ ਮੇਰਾ ਕਾਜ ਹੋਆ।
- ਦਰਸ਼ਨ ਪੀਆ ਦਾ ਮੇਰਾ ਇਵਾਜ ਹੋਆ, ਲੱਗਾ ਇਸ਼ਕ ਤਾਂ ਏਹ ਗੁਣ ਗਾਇਆ ਹੈ।
81
- ਪਾਣੀ ਭਰ ਭਰ ਗਈਆਂ ਸੱਭੇ ਆਪੋ ਆਪਣੀ ਵਾਰ।
- ਇਕ ਭਰ ਆਈਆਂ ਇਕ ਭਰ ਚਲੀਆਂ ਇਕ ਖਲੀਆਂ ਬਾਂਹ ਪਸਾਰ।
- ਹਾਰ ਹਮੇਲਾਂ ਪਾਈਆਂ ਗਲ ਵਿੱਚ ਬਾਹੀਂ ਛਣਕੇ ਚੂੜਾ।
- ਕੰਨੀਂ ਬੁੱਕ ਬੁੱਕ ਮਛਰੀਆਲੇ ਸਭ ਅਡੰਬਰ ਕੂੜ।
- ਅਗੇ ਸ਼ੌਹ ਨੇ ਝਾਤ ਨਾ ਪਾਈ ਐਵੇਂ ਗਿਆ ਸਿੰਗਾਰ।
- ਪਾਣੀ ਭਰ ਭਰ ਗਈਆਂ ਸੱਭੇ ਆਪੋ ਆਪਣੀ ਵਾਰ।
- ਹੱਥੀ ਮਹਿੰਦੀ ਪੈਰੀਂ ਮਹਿੰਦੀ ਸਿਰ ਤੇ ਧੜੀ ਗੁੰਦਾਈ।
- ਤੇਲ ਫੁਲੇਲ ਪਾਨਾਂ ਦਾ ਬੀੜਾ, ਦੰਦੀ ਮਿੱਸੀ ਲਾਈ।
- ਕੋਈ ਜੂ ਸਦ ਪਈਓ ਨੇ ਡਾਢੀ ਵਿੱਸਰਿਆ ਘਰ ਬਾਰ।
- ਪਾਣੀ ਭਰ ਭਰ ਗਈਆਂ ਸੱਭੇ ਆਪੋ ਆਪਣੀ ਵਾਰ।
- ਬੁਲ੍ਹਾ ਸ਼ੌਹ ਦੇ ਪੰਧ ਪਵੇਂ ਜੇ, ਤਾਂ ਤੂੰ ਰਾਹ ਪਛਾਣੇਂ।
- ਪਉ ਸਤਾਰਾਂ ਪਾਸਿਉਂ ਮੰਗਦਾ ਦਾਅ ਪਿਆ ਤ੍ਰੈ ਕਾਣੇ।
- ਗੁੰਗੀ ਡੌਰੀ ਕਮਲੀ ਹੋਈ ਜਾਨ ਦੀ ਬਾਜ਼ੀ ਹਾਰ।
- ਪਾਣੀ ਭਰ ਭਰ ਗਈਆਂ ਸੱਭੇ ਆਪੋ ਆਪਣੀ ਵਾਰ।
82
- ਪਿਆਰਿਆ ਸੰਭਲ ਕੇ ਨੇਹੁੰ ਲਾ, ਪਿਛੋਂ ਪਛਤਾਵੇਂਗਾ। ਟੇਕ।
- ਜਾਂਦਾ ਜਾਹ ਨਾ ਆਵੀਂ ਫੇਰ, ਓਥੇ ਬੇਪਰਵਾਹੀਆਂ ਢੇਰ।
- ਓਥੇ ਡਹਿਲ ਖਲੋਂਦੇ ਸ਼ੇਰ, ਤੂੰ ਵੀ ਫੰਧਿਆ ਜਾਵੇਂਗਾ।
- ਪਿਆਰਿਆ ਸੰਭਲ ਕੇ ਨੇਹੁੰ ਲਾ…
- ਖੂਹ ਵਿਚ ਯੂਸਫ਼ ਪਾਇਓ ਨੇ, ਫੜ ਵਿਚ ਬਾਜ਼ਾਰ ਵਿਕਾਇਓ ਨੇ।
- ਇਕ ਅੱਟੀ ਮੁੱਲ ਪਵਾਇਓ ਨੇ, ਤੂੰ ਕੌਡੀ ਮੁੱਲ ਪਵਾਵੇਂਗਾ।
- ਪਿਆਰਿਆ ਸੰਭਲ ਕੇ ਨੇਹੁੰ ਲਾ
- ਨੇਹੁੰ ਲਾ ਵੇਖ ਜੁਲੈਖਾ ਲਏ, ਓਥੇ ਆਸ਼ਕ ਤੜਫਣ ਪਏ।
- ਮਜਨੂੰ ਕਰਦਾ ਹੈ ਹੈ ਹੈ, ਤੂੰ ਓਥੋਂ ਕੀ ਲਿਆਵੇਂਗਾ।
- ਪਿਆਰਿਆ ਸੰਭਲ ਕੇ ਨੇਹੁੰ ਲਾ….
- ਓਥੇ ਇਕਨਾ ਦੇ ਪੋਸਤ ਲੁਹਾਈਦੇ, ਇਕ ਆਰਿਆਂ ਨਾਲ ਚਿਰਾਈਦੇ।
- ਇਕ ਸੂਲੀ ਪਕੜ ਚੜ੍ਹਾਈਦੇ, ਓਥੇ ਤੂੰ ਵੀ ਸੀਸ ਕਟਾਵੇਂਗਾ।
- ਪਿਆਰਿਆ ਸੰਭਲ ਕੇ ਨੇਹੁੰ ਲਾ
- ਘਰ ਕਲਾਲਾਂ ਦਾ ਤੇਰੇ ਪਾਸੇ, ਓਥੇ ਆਵਣ ਮਸਤ ਪਿਆਸੇ।
- ਭਰ ਭਰ ਪੀਵਣ ਪਿਆਲੇ ਕਾਸੇ, ਤੂੰ ਵੀ ਜੀਅ ਲਲਚਾਵੇਂਗਾ।
- ਪਿਆਰਿਆ ਸੰਭਲ ਕੇ ਨੇਹੁੰ ਲਾ……
- ਦਿਲਬਰ ਹੁਣ ਗਿਉਂ ਕਿਤ ਲੌ, ਭਲਕੇ ਕੀ ਜਾਣਾ ਕੀ ਹੈ।
- ਮਸਤਾਂ ਦੇ ਨਾਲ ਨਾਲ ਖਲੋ, ਤੂੰ ਵੀ ਮਸਤ ਸਦਾਵੇਂਗਾ।
- ਪਿਆਰਿਆ ਸੰਭਲ ਕੇ ਨੇਹੁੰ ਲਾ…..
- ਬੁਲ੍ਹਿਆ ਗੈਰ ਸ਼ਰ੍ਹਾ ਨਾ ਹੋ, ਸੁੱਖ ਦੀ ਨੀਂਦਰ ਭਰ ਕੇ ਸੌਂ ।
- ਮੂੰਹੋਂ ਨਾ ਅਨਲਹੱਕ ਬਗੋ, ਚੜ੍ਹ ਸੂਲੀ ਢੋਲੇ ਗਾਵੇਂਗਾ।
- ਪਿਆਰਿਆ ਸੰਭਲ ਕੇ ਨੇਹੁੰ ਲਾ……
83
- ਪਿਆਰਿਆ ਸਾਨੂੰ ਮਿੱਠੜਾ ਨਾ ਲਗਦਾ ਸ਼ੋਰ, ਹੁਣ ਮੈਂ ਤੇ ਰਾਜ਼ੀ ਰਹਿਨਾਂ।
- ਪਿਆਰਿਆ ਸਾਨੂੰ ਮਿੱਠੜਾ ਨਾ ਲਗਦਾ ਸ਼ੋਰ, ਮੈਂ ਘਰ ਖਿਲਾ ਸ਼ਗੁਫਾ ਹੋਰ ਵੇਖੀਆਂ ਬਾਗ ਬਹਾਰਾ ਹੋਰ।
- ਹੁਣ ਮੈਨੂੰ ਕੁਝ ਨਾ ਕਹਿਣਾ।
- ਪਿਆਰਿਆ ਸਾਨੂੰ ਮਿੱਠੜਾ ਨਾ ਲਗਦਾ ਸ਼ੋਰ…
- ਹੁਣ ਮੈਂ ਮੋਈ ਨੀ ਮੇਰੀਏ ਮਾਂ,
- ਪੂਣੀ ਮੇਰੀ ਲੈ ਗਿਆ ਕਾਂ।
- ਡੋਂ ਡੋਂ ਕਰਦੀ ਮਗਰੇ ਜਾਂ
- ਪੂਣੀ ਦੇ ਦਈਂ ਸਾਈਂ ਦੇ ਨਾਂ।
- ਪਿਆਰਿਆ ਸਾਨੂੰ ਮਿੱਠੜਾ ਨਾ ਲਗਦਾ ਸ਼ੋਰ…
- ਬੁਲ੍ਹਾ ਸਾਈਂ ਦੇ ਨਾਲ ਪਿਆਰ, ਮਿਹਰ ਅਨਾਇਤ ਕਰੇ ਹਜ਼ਾਰ।
- ਇਹੋ ਕੌਲ ਤੇ ਇਹੋ ਕਰਾਰ, ਦਿਲਬਰ ਦੇ ਵਿਚ ਰਹਿਨਾਂ।
- ਪਿਆਰਿਆ ਸਾਨੂੰ ਮਿੱਠੜਾ ਨਾ ਲਗਦਾ ਸ਼ੋਰ…
84
- ਪਿਆਰੇ ਬਿਨ ਮਸਲ੍ਹਤ ਉੱਠ ਜਾਣਾ, ਤੂੰ ਕਦੀ ਤੇ ਹੋ ਸਿਆਣਾ। ਟੇਕ।
- ਕਰ ਲੈ ਚਾਵੜ ਚਾਰ ਦਿਹਾੜੇ, ਥੀਸੇਂ ਅੰਤ ਨਿਮਾਣਾ।
- ਜ਼ੁਲਮ ਕਰੇਂ ਤੇ ਲੋਕ ਸਤਾਵੇਂ, ਛੱਡ ਦੇ ਲੋਕ ਸਤਾਣਾ।
- ਜਿਸ ਜਿਸ ਦਾ ਵੀ ਮਾਣ ਕਰੇਂ ਤੂੰ, ਸੋ ਵੀ ਸਾਥ ਨਾ ਜਾਣਾ।
- ਸ਼ਹਿਰ-ਖ਼ਾਮੋਸ਼ਾਂ ਵੇਖ ਹਮੇਸ਼ਾ, ਜਿਸ ਵਿਚ ਜਗ ਸਮਾਣਾ।
- ਭਰ ਭਰ ਪੂਰ ਲੰਘਾਵੇ ਡਾਢਾ, ਮਲਕੁਲ-ਮੌਤ ਮੁਹਾਣਾ।
- ਐਥੇ ਹੈਨ ਤਨਤੇ ਸਭ, ਮੈਂ ਅਵਗੁਣਹਾਰ ਨਿਮਾਣਾ।
- ਬੁਲ੍ਹਾ ਦੁਸ਼ਮਨ ਨਾਲ ਬਰੇ ਵਿਚ, ਹੈ ਦੁਸ਼ਮਣ ਬਲ ਢਾਣਾ।
- ਮਹਿਬੂਬ-ਰਬਾਨੀ ਕਰੇ ਰਸਾਈ, ਖ਼ੌਫ਼ ਜਾਏ ਮਲਕਾਨਾ ।
85
- ਪੀਆ ਪੀਆ ਕਰਤੇ ਹਮੀਂ ਪੀਆ ਹੋਏ, ਅਬ ਪੀਆ ਕਿਸ ਨੂੰ ਕਹੀਏ।
- ਹਿਜਰ ਵਸਲ ਹਮ ਦੋਨੋਂ ਛੋੜੇ, ਅਬ ਕਿਸ ਕੇ ਹੋ ਰਹੀਏ।
- ਮਜਨੂੰ ਲਾਲ ਦੀਵਾਨੇ ਵਾਂਙੂ, ਅਬ ਲੈਲਾ ਹੋ ਰਹੀਏ।
- ਬੁਲ੍ਹਾ ਸ਼ਹੁ ਘਰ ਮੇਰੇ ਆਏ, ਅਬ ਕਿਉਂ ਤਾਅਨੇ ਸਹੀਏ।
86
- ਬੱਸ ਕਰ ਜੀ ਹੁਣ ਬੱਸ ਕਰ ਜੀ, ਇਕ ਬਾਤ ਅਸਾਂ ਨਾਲ ਹੱਸ ਕਰ ਜੀ। ਟੇਕ।
- ਤੁਸੀਂ ਦਿਲ ਮੇਰੇ ਵਿਚ ਵੱਸਦੇ ਹੋ, ਐਵੇਂ ਸਾਥੋਂ ਦੂਰ ਕਿਉਂ ਨੱਸਦੇ ਹੋ।
- ਨਾਲੇ ਘੱਤ ਜਾਦੂ ਦਿਲ ਖੱਸਦੇ ਹੋ, ਹੁਣ ਕਿਤ ਵਲ ਜਾਸੋ ਨੱਸ ਕਰ ਜੀ।
- ਤੁਸੀਂ ਮੋਇਆਂ ਨੂੰ ਮਾਰ ਨਾ ਮੁੱਕਦੇ ਸੀ, ਖਿੱਦੋ ਵਾਂਗ ਖੂੰਡੀ ਕੁੱਟਦੇ ਸੀ।
- ਗੱਲ ਕਰਦਿਆਂ ਦਾ ਗੱਲ ਘੁੱਟਦੇ ਸੀ, ਹੁਣ ਤੀਰ ਲਗਾਇਓ ਕੱਸ ਕਰ ਜੀ।
- ਤੁਸੀਂ ਛਪਦੇ ਹੋ ਅਸਾਂ ਪਕੜੇ ਹੋ, ਅਸਾਂ ਨਾਲ ਜ਼ੁਲਫ਼ ਦੇ ਜਕੜੇ ਹੋ।
- ਤੁਸੀਂ ਅਜੇ ਛਪਣ ਨੂੰ ਤਕੜੇ ਹੋ, ਹੁਣ ਜਾਣ ਨਾ ਮਿਲਦਾ ਨੱਸ ਕਰ ਜੀ।
- ਬੁਲ੍ਹਾ ਸ਼ਹੁ ਮੈਂ ਤੇਰੀ ਬਰਦੀ ਹਾਂ,
- ਤੇਰਾ ਮੁੱਖ ਵੇਖਣ ਨੂੰ ਮਰਦੀ ਹਾਂ। ਨਿੱਤ ਸੌ ਸੌ ਮਿੰਨਤਾਂ ਕਰਦੀ ਹਾਂ,
- ਹੁਣ ਬੈਠ ਪਿੰਜਰ ਵਿਚ ਧੱਸ ਕਰ ਜੀ।
87
- ਬੇਹੱਦ ਰਮਜ਼ਾਂ ਦੱਸਦਾ ਨੀਂ ਢੋਲਣ ਮਾਹੀ।
- ਮੀਮ ਦੇ ਉਹਲੇ ਵੱਸਦਾ ਨੀਂ ਢੋਲਣ ਮਾਹੀ।
- ਔਲੀਆ ਮਨਸੂਰ ਕਹਾਵੇ, ਰਮਜ਼ ਅਨਲਹੱਕ ਆਪ ਬਤਾਵੇ।
- ਆਪੇ ਆਪ ਨੂੰ ਸੂਲੀ ਚੜ੍ਹਾਵੇ, ਤੇ ਕੋਲ ਖਲੋ ਕੇ ਹੱਸਦਾ ਨੀ ਢੋਲਣ ਮਾਹੀ।
88
- ਬੁੱਲ੍ਹਾ ਕੀ ਜਾਣੇ ਜ਼ਾਤ ਇਸ਼ਕ ਦੀ ਕੌਣ। ਟੇਕ।
- ਨਾ ਸੂਹਾਂ ਨਾ ਕੰਮ ਬਖੇੜੇ, ਵੰਞੇ ਜਾਗਣ ਸੌਣ।
- ਰਾਂਝੇ ਨੂੰ ਮੈਂ ਗਾਲੀਆਂ ਦੇਵਾਂ, ਮਨ ਵਿੱਚ ਕਰਾਂ ਦੁਆਈਂ।
- ਮੈਂ ਤੇ ਰਾਂਝਾ ਇਕੋ ਕੋਈ, ਲੋਕਾਂ ਨੂੰ ਅਜ਼ਮਾਈਂ।
- ਜਿਸ ਬੇਲੇ ਵਿਚ ਬੇਲੀ ਦਿੱਸੇ, ਉਸ ਦੀਆਂ ਲਵਾਂ ਬਲਾਈਂ।
- ਬੁਲ੍ਹਾ ਸ਼ਹੁ ਨੂੰ ਪਾਸੇ ਛੱਡ ਕੇ, ਜੰਗਲ ਵੱਲ ਨਾ ਜਾਈਂ।
- ਬੁਲ੍ਹਾ ਕੀ ਜਾਣੇ ਜ਼ਾਤ ਇਸ਼ਕ ਦੀ ਕੌਣ।
89
- ਬੁਲ੍ਹੇ ਨੂੰ ਸਮਝਾਵਣ ਆਈਆਂ, ਭੈਣਾਂ ਤੇ ਭਰਜਾਈਆਂ। ਟੇਕ।
- ਮੰਨ ਲੈ ਬੁਲ੍ਹਿਆ ਕਹਿਣਾ ਸਾਡਾ, ਛੱਡ ਦੇ ਪੱਲਾ ਰਾਈਆਂ।
- ਆਲ ਨਬੀ ਔਲਾਦ ਅਲੀ ਨੂੰ, ਤੂੰ ਕਿਉਂ ਲੀਕਾਂ ਲਾਈਆਂ।
- ਜਿਹੜਾ ਸਾਨੂੰ ਸਯਦ ਸੱਦੇ, ਦੋਜ਼ਖ਼ ਮਿਲਣ ਸਜ਼ਾਈਆਂ।
- ਜੇ ਕੋਈ ਸਾਨੂੰ ਰਾਈਂ ਆਖੇ, ਭਿਸ਼ਤੀ ਪੀਂਘਾਂ ਪਾਈਆਂ।
- ਰਾਈਂ ਸਾਈਂ ਸਭਨੀ ਥਾਈਂ, ਰੱਬ ਦੀਆਂ ਬੇਪਰਵਾਹੀਆਂ।
- ਸੋਹਣੀਆਂ ਪਰੇ ਹਟਾਈਆਂ, ਤੇ ਕੋਝੀਆਂ ਲੈ ਗਲ ਲਾਈਆਂ।
- ਜੇ ਤੂੰ ਲੋੜੇ ਬਾਗ਼ ਬਹਾਰਾਂ, ਚਾਕਰ ਹੋ ਜਾ ਰਾਈਆਂ।
- ਬੁਲ੍ਹੇ ਸ਼ਾਹ ਦੀ ਜਾਤ ਕੀ ਪੁਛਣੇ, ਸ਼ਾਕਰ ਹੋ ਰਜਾਈਆਂ।
90
- ਭਰਵਾਸਾ ਕੀ ਅਸ਼ਨਾਈ ਦਾ, ਡਰ ਲਗਦਾ ਬੇਪਰਵਾਹੀ ਦਾ। ਟੇਕ।
- ਇਬਰਾਹੀਮ ਚਿਖਾ ਵਿੱਚ ਪਾਇਓ, ਸੁਲੇਮਾਨ ਨੂੰ ਭੱਠ ਝੁਕਾਇਓ।
- ਯੂਨਸ ਮੱਛੀ ਤੋਂ ਨਿਗਲਾਇਓ, ਫੜ ਯੂਸਫ਼ ਮਿਸਰ ਵਿਕਾਈਦਾ।
- ਜ਼ਕਰੀਆ ਸਿਰ ਕਲਵੱਤਰ ਚਲਾਇਓ, ਸਾਬਰ ਦੇ ਤਨ ਕੀੜੇ ਪਾਇਓ।
- ਸੁੰਨਆਂ ਗਲ ਜੁੱਨਾਰ ਪਵਾਇਓ, ਕਿਤੇ ਉਲਟਾ ਪੋਸ਼ ਲੁਹਾਈ ਦਾ।
- ਪੈਗ਼ੰਬਰ ਤੇ ਨੂਰ ਉਪਾਇਓ, ਨਾਮ ਇਮਾਮ ਹੁਸੈਨ ਧਰਾਇਓ।
- ਝੂਲਾ ਜਬਰਾਈਲ ਝੁਲਾਇਓ, ਫਿਰ ਪਿਆਸਾ ਗਲਾ ਕਟਾਈਦਾ।
- ਜਾ ਜ਼ਕਰੀਆ ਰੁੱਖ ਛੁਪਾਇਆ, ਛਪਣਾ ਉਸ ਦਾ ਬੁਰਾ ਮਨਾਇਆ।
- ਆਰਾ ਸਿਰ ਤੇ ਚਾ ਵਗਾਇਆ, ਸਣੇ ਰੁਖ ਚਰਾਈਦਾ।
- ਯਈਹਾ ਉਸ ਦਾ ਯਾਰ ਕਹਾਇਆ, ਨਾਲ ਉਸੇ ਦੇ ਨੇਹੁੰ ਲਗਾਇਆ।
- ਰਾਹ ਸ਼ਰਹ ਦਾ ਉੱਨ ਬਤਲਾਇਆ, ਸਿਰ ਉਸ ਦਾ ਬਾਲ ਕਟਾਈਦਾ।
- ਬੁਲ੍ਹਾ ਸ਼ਹੁ ਹੁਣ ਸਹੀ ਸੰਞਾਤੇ ਹੈਂ, ਹਰ ਸੂਰਤ ਨਾਲ ਪਛਾਤੇ ਹੈਂ।
- ਕਿਤੇ ਆਤੇ ਹੈਂ ਕਿਤੇ ਜਾਤੇ ਹੈਂ, ਹੁਣ ਮੈਥੋਂ ਭੁਲ ਨਾ ਜਾਈ ਦਾ।
91
- ਭਾਵੇਂ ਜਾਣ ਨਾ ਜਾਣ ਵੇ, ਵਿਹੜੇ ਆ ਵੜ ਮੇਰੇ ।
- ਮੈਂ ਤੇਰੇ ਕੁਰਬਾਨ ਵੇ, ਵਿਹੜੇ ਆ ਵੜ ਮੇਰੇ ।
- ਤੇਰੇ ਜਿਹਾ ਮੈਨੂੰ ਹੋਰ ਨਾ ਕੋਈ, ਢੂੰਡਾਂ ਜੰਗਲ ਬੇਲਾ ਰੋਹੀ।
- ਢੂੰਡਾਂ ਤਾਂ ਸਾਰਾ ਜਹਾਨ ਵੇ, ਵਿਹੜੇ ਆ ਵੜ ਮੇਰੇ ।
- ਲੋਕਾਂ ਦੇ ਭਾਣੇ ਚਾਕ ਮਹੀਂ ਦਾ, ਰਾਂਝਾ ਤਾਂ ਲੋਕਾਂ ਵਿਚ ਕਹੀਦਾ।
- ਸਾਡਾ ਤਾਂ ਦੀਨ ਈਮਾਨ ਵੇ, ਵਿਹੜੇ ਆ ਵੜ ਮੇਰੇ ।
- ਮਾਪੇ ਛੋੜ ਲੱਗੀ ਲੜ ਤੇਰੇ, ਸ਼ਾਹ ਇਨਾਇਤ ਸਾਈਂ ਮੇਰੇ ।
- ਲਾਈਆਂ ਦੀ ਲੱਜ ਪਾਲ ਵੇ, ਵਿਹੜੇ ਆ ਵੜ ਮੇਰੇ ।
92
- ਭੈਣਾਂ ਮੈਂ ਕੱਤਦੀ ਕੱਤਦੀ ਹੁੱਟੀ।
- ਪੱਛੀ ਪੜੀ ਪਿਛਵਾੜੇ ਰਹਿ ਗਈ, ਹੱਥ ਵਿੱਚ ਰਹਿ ਗਈ ਜੁੱਟੀ।
- ਅੱਗੇ ਚਰਖ਼ਾ ਪਿੱਛੇ ਪੀਹੜਾ, ਮੇਰੇ ਹੱਥੋਂ ਤੰਦ ਤਰੁੱਟੀ।
- ਭੌਂਦਾ ਭੌਂਦਾ ਊਰਾ ਡਿੱਗਾ, ਚੰਬ ਉਲਝੀ ਤੰਦ ਟੁੱਟੀ।
- ਭਲਾ ਹੋਇਆ ਮੇਰਾ ਚਰਖ਼ਾ ਟੁੱਟਾ, ਮੇਰੀ ਜਿੰਦ ਅਜ਼ਾਬੋਂ ਛੁੱਟੀ।
- ਦਾਜ ਦਹੇਜ ਨੂੰ ਉਸ ਕੀ ਕਰਨਾ, ਜਿਸ ਪ੍ਰੇਮ ਕਟੋਰੀ ਮੁੱਠੀ ।
- ਬੁਲ੍ਹਾ ਸ਼ਹੁ ਨੇ ਨਾਚ ਨਚਾਏ, ਧੁੰਮ ਪਈ ਕੜ ਕੁੱਟੀ।
93
- ਮਨ ਅਟਕਿਓ ਸ਼ਾਮ ਸੁੰਦਰ ਸੋਂ। ਟੇਕ।
- ਕਹੂੰ ਵੇਖੂੰ ਬਾਹਮਣ ਕਹੂੰ ਸ਼ੇਖਾ, ਆਪ ਆਪ ਕਰਨ ਸਭ ਲੇਖਾ।
- ਕਿਆ ਕਿਆ ਖੇਲਿਆ ਹੁਨਰ ਸੌਂ, ਮਨ ਅਟਕਿਓ ਸ਼ਾਮ ਸੁੰਦਰ ਸੋਂ।
- ਸੂਝ ਪੜੀ ਤਬ ਰਾਮ ਦੁਹਾਈ, ਹਮ ਤੁਮ ਏਕ ਨਾ ਦੂਜਾ ਕਾਈ।
- ਇਸ ਪਰੇਮ ਨਗਰ ਕੇ ਘਰ ਸੋਂ, ਮਨ ਅਟਕਿਓ ਸ਼ਾਮ ਸੁੰਦਰ ਸੋਂ।
- ਪੰਡਿਤ ਕੌਣ ਕਿਤ ਲਿਖ ਸੁਣਾਏ, ਨਾ ਕਹੀਂ ਜਾਏ ਨਾ ਕਹੀਂ ਆਏ।
- ਜੈਸੇ ਗੁਰ ਕਾ ਕੰਗਣ ਕਰ ਸੋਂ, ਮਨ ਅਟਕਿਓ ਸ਼ਾਮ ਸੁੰਦਰ ਸੋਂ।
- ਬੁਲ੍ਹਾ ਸ਼ਹੁ ਦੀ ਪੈਰੀਂ ਪੜੀਏ, ਸੀਸ ਕਾਟ ਕਰ ਅੱਗੇ ਧਰੀਏ।
- ਹੁਣ ਮੈਂ ਹਰਿ ਦੇਖਾ ਹਰ ਹਰ ਸੋਂ, ਮਨ ਅਟਕਿਓ ਸ਼ਾਮ ਸੁੰਦਰ ਸੋਂ।
94
- ਮਾਹੀ ਵੇ ਤੈਂ ਮਿਲਿਆਂ ਸਭ ਦੁੱਖ ਹੋਵਣ ਦੂਰ।
- ਲੋਕਾਂ ਦੇ ਭਾਣੇ ਚਾਕ ਚੁਕੇਟਾ ਸਾਡਾ ਰੱਬ ਗ਼ਫ਼ੂਰ ।
- ਮਾਹੀ ਵੇ ਤੈਂ ਮਿਲਿਆਂ ਸਭ ਦੁੱਖ ਹੋਵਣ ਦੂਰ।
- ਜੀਹਦੇ ਮਿਲਣ ਦੀ ਖਾਤਰ ਚਸ਼ਮਾਂ ਬਹਿੰਦੀਆਂ।
- ਸੀ ਨਿਤ ਝੂਰਮਾਹੀ ਵੇ ਤੋਂ ਮਿਲਿਆਂ ਸਭ ਦੁੱਖ ਹੋਵਣ ਦੂਰ।
- ਉੱਠ ਗਈ ਹਿਜਰ ਜੁਦਾਈ ਜਿਗਰੋਂ ਜ਼ਾਹਰ ਦਿਸਦਾ ਨੂਰ।
- ਮਾਹੀ ਵੇ ਤੈਂ ਮਿਲਿਆਂ ਸਭ ਦੁੱਖ ਹੋਵਣ ਦੂਰ।
- ਬੁਲ੍ਹਾ ਰਮਜ਼ ਸਮਝ ਦੀ ਪਾਈਆ ਨਾ ਨੇੜੇ ਨਾ ਦੂਰ।
- ਮਾਹੀ ਵੇ ਤੈਂ ਮਿਲਿਆਂ ਸਭ ਦੁੱਖ ਹੋਵਣ ਦੂਰ।
95
- ਮਾਟੀ ਕੁਦਮ ਕਰੇਂਦੀ ਯਾਰ
- ਮਾਟੀ ਜੋੜਾ ਮਾਟੀ ਘੋੜਾ, ਮਾਟੀ ਦਾ ਅਸਵਾਰ
- ਮਾਟੀ ਮਾਟੀ ਨੂੰ ਦੌੜਾਏ ਮਾਟੀ ਦਾ ਖੜਕਾਰ
- ਮਾਟੀ ਕੁਦਮ ਕਰੇਂਦੀ ਯਾਰ
- ਮਾਟੀ ਮਾਟੀ ਨੂੰ ਮਾਰਨ ਲੱਗੀ ਮਾਟੀ ਦੇ ਹਥਿਆਰ
- ਜਿਸ ਮਾਟੀ ਪਰ ਬਹੁਤੀ ਮਾਟੀ ਤਿਸ ਮਾਟੀ ਹੰਕਾਰ
- ਮਾਟੀ ਕੁਦਮ ਕਰੇਂਦੀ ਯਾਰ
- ਮਾਟੀ ਬਾਗ਼ ਬਗ਼ੀਚਾ ਮਾਟੀ ਮਾਟੀ ਦੀ ਗੁਲਜ਼ਾਰ
- ਮਾਟੀ ਮਾਟੀ ਨੂੰ ਵੇਖਣ ਆਈ ਮਾਟੀ ਦੀ ਏ ਬਹਾਰ
- ਮਾਟੀ ਕੁਦਮ ਕਰੇਂਦੀ ਯਾਰ
- ਹੱਸ ਖੇਡ ਮੁੜ ਮਾਟੀ ਹੋਈ ਮਾਟੀ ਪਾਓਂ ਪਸਾਰ
- ਬੁਲ੍ਹਾ ਇਹ ਬੁਝਾਰਤ ਬੁੱਝੇ ਲਾਹ ਸਿਰੋਂ ਭੋਏਂ ਮਾਰ
- ਮਾਟੀ ਕੁਦਮ ਕਰੇਂਦੀ ਯਾਰ
96
- ਮਿਤਰ ਪਿਆਰੇ ਕਾਰਨ ਨੀ ਮੈਂ ਲੋਕ ਉਲ੍ਹਾਮੇਂ ਲੈਨੀ ਹਾਂ।
- ਲੱਗਾ ਨੇਹੁੰ ਮੇਰਾ ਜਿਸ ਸੇਤੀ, ਸਰਹਾਣੇ ਵੇਖ ਪਲੰਘ ਦੇ ਜੀਤੀ।
- ਆਲਮ ਕਿਉਂ ਸਮਝਾਵੇ ਰੀਤੀ, ਮੈਂ ਡਿੱਠੇ ਬਾਝ ਨਾ ਰਹਿਨੀ ਹਾਂ।
- ਮਿਤਰ ਪਿਆਰੇ ਕਾਰਨ ਨੀ ਮੈਂ ਲੋਕ ਉਲ੍ਹਾਮੇਂ ਲੈਨੀ ਹਾਂ।
- ਤੁਸੀਂ ਸਮਝਾਓ ਵੀਰੋ ਭੋਰੀ, ਰਾਂਝਣ ਵੇਂਹਦਾ ਮੈਥੋਂ ਚੋਰੀ।
- ਜੀਂਹਦੇ ਇਸ਼ਕ ਕੀਤੀ ਮੈਂ ਡੌਰੀ, ਮੈਂ ਨਾਲ ਆਰਾਮ ਨ ਬਹਿਨੀ ਹਾਂ।
- ਮਿਤਰ ਪਿਆਰੇ ਕਾਰਨ ਨੀ ਮੈਂ ਲੋਕ ਉਲ੍ਹਾਮੇਂ ਲੈਨੀ ਹਾਂ।
- ਬਿਰਹੋਂ ਆ ਵੜਿਆ ਵਿਚ ਵਿਹੜੇ, ਜ਼ੋਰੋ ਜ਼ੋਰ ਦੇਵੇ ਤਨ ਘੇਰੇ।
- ਦਾਰੂ ਦਰਦ ਨਾ ਬਾਝੋਂ ਤੇਰੇ, ਮੈਂ ਸਜਣਾਂ ਬਾਝ ਮਰੇਨੀ ਹਾਂ ।
- ਮਿਤਰ ਪਿਆਰੇ ਕਾਰਨ ਨੀ ਮੈਂ ਲੋਕ ਉਲ੍ਹਾਮੇਂ ਲੈਨੀ ਹਾਂ।
- ਬੁਲ੍ਹੇ ਸ਼ਾਹ ਘਰ ਰਾਂਝਣ ਆਵੇ, ਮੈਂ ਤੱਤੀ ਨੂੰ ਲੈ ਗਲ ਲਾਵੇ।
- ਨਾਲ ਖੁਸ਼ੀ ਦੇ ਰੈਣ ਵਿਹਾਵੇ, ਨਾਲ ਖੁਸ਼ੀ ਦੇ ਰਹਿਨੀ ਹਾਂ।
- ਮਿਤਰ ਪਿਆਰੇ ਕਾਰਨ ਨੀ ਮੈਂ ਲੋਕ ਉਲ੍ਹਾਮੇਂ ਲੈਨੀ ਹਾਂ।
97
- ਮੁਰਲੀ ਬਾਜ ਉਠੀ ਅਣਘਾਤਾਂ, ਸੁਣ ਕੇ ਭੁੱਲ ਗਈਆਂ ਸਭ ਬਾਤਾਂ। ਟੇਕ।
- ਲੱਗ ਗਏ ਅਨਹਦ ਬਾਣ ਨਿਆਰੇ, ਝੂਠੀ ਦੁਨੀਆਂ ਕੂੜ ਪਸਾਰੇ।
- ਸਾਈਂ ਮੁੱਖ ਵੇਖਣ ਵਣਜਾਰੇ, ਮੈਨੂੰ ਭੁੱਲ ਗਈਆਂ ਸਭ ਬਾਤਾਂ।
- ਹੁਣ ਮੈਂ ਚੰਚਲ ਮਿਰਗ ਫਹਾਇਆ, ਓਸੇ ਮੈਨੂੰ ਬੰਨ੍ਹ ਬਹਾਇਆ।
- ਸਿਰਫ਼ ਦੁਗਾਨਾ ਇਸ਼ਕ ਪੜ੍ਹਾਇਆ ਰਹਿ ਗਈਆਂ ਤ੍ਰੈ ਚਾਰ ਰਕਾਤਾਂ।
- ਬੂਹੇ ਆਣ ਖਲੋਤਾ ਯਾਰ ਬਾਬਲ ਪੁੱਜ ਗਿਆ ਤਕਰਾਰ ।
- ਕਲਮੇ ਨਾਲ ਜੇ ਰਹੇ ਵਿਹਾਰ, ਨਬੀ ਮੁਹੰਮਦ ਭਰੇ ਸਫ਼ਾਤਾਂ।
- ਬੁਲ੍ਹੇ ਸ਼ਾਹ ਮੈਂ ਹੁਣ ਬਰਲਾਈ, ਜਦ ਦੀ ਮੁਰਲੀ ਕਾਹਨ ਬਜਾਈ।
- ਬਾਵਰੀ ਹੋ ਤੁਸਾਂ ਵਲ ਧਾਈ, ਖੋਜੀਆਂ ਕਿਤ ਵਲ ਦਸਤ ਬਰਾਤਾਂ।
98
- ਮੂੰਹ ਆਈ ਬਾਤ ਨਾ ਰਹਿੰਦੀ ਏ। ਟੇਕ।
- ਝੂਠ ਆਖਾਂ ਤਾਂ ਕੁਝ ਬੱਚਦਾ ਏ, ਸੱਚ ਆਖਿਆ ਭਾਂਬੜ ਮਚਦਾ ਏ।
- ਜੀ ਦੋਹਾਂ ਗੱਲਾਂ ਤੋਂ ਜੱਚਦਾ ਏ, ਜੱਚ ਜੱਚ ਕੇ ਜਿਹਬਾ ਕਹਿੰਦੀ ਏ।
- ਇਕ ਲਾਜ਼ਮ ਬਾਤ ਅਦਬ ਦੀ ਏ, ਸਾਨੂੰ ਬਾਤ ਮਲੂਮੀ ਸਭ ਦੀ ਏ।
- ਹਰ ਹਰ ਵਿਚ ਸੂਰਤ ਰੱਬ ਦੀ ਏ, ਕਿਤੇ ਜ਼ਾਹਰ ਕਿਤੇ ਛੁਪੇਂਦੀ ਏ।
- ਜਿਸ ਪਾਇਆ ਭੇਦ ਕਲੰਦਰ ਦਾ, ਰਾਹ ਖੋਜਿਆ ਆਪਣੇ ਅੰਦਰ ਦਾ।
- ਉਹ ਵਾਸੀ ਹੈ ਸੁੱਖ ਮੰਦਰ ਦਾ, ਜਿੱਥੇ ਚੜ੍ਹਦੀ ਹੈ ਨਾ ਲਹਿੰਦੀ ਏ।
- ਏਥੇ ਦੁਨੀਆ ਵਿਚ ਅਨ੍ਹੇਰਾ ਏ, ਅਤੇ ਤਿਲਕਣਬਾਜ਼ੀ ਵਿਹੜਾ ਏ।
- ਵੜ ਅੰਦਰ ਵੇਖੋ ਕਿਹੜਾ ਏ, ਬਾਹਰ ਖ਼ਫਤਣ ਪਈ ਢੂੰਡੇਂਦੀ ਏ।
- ਏਥੇ ਲੰਮਾ ਪਾਉਂ ਪਸਾਰਾ ਏ, ਇਹਦਾ ਵੱਖਰਾ ਭੇਤ ਨਿਆਰਾ ਏ।
- ਇਕ ਸੂਰਤ ਦਾ ਚਮਕਾਰਾ ਏ, ਜਿਵੇਂ ਚਿਣਗ ਦਾਰੂ ਵਿਚ ਪੈਂਦੀ ਏ।
- ਕਿਤੇ ਨਾਜ਼-ਅਦਾ ਦਿਖਲਾਈਦਾ, ਕਿਤੇ ਹੋ ਰਸੂਲ ਮਿਲਾਈਦਾ।
- ਕਿਤੇ ਆਸ਼ਕ ਬਣ ਬਣ ਆਈਦਾ, ਕਿਤੇ ਜਾਨ ਜੁਦਾਈਆਂ ਸਹਿੰਦੀ ਏ।
- ਜਦੋਂ ਜ਼ਾਹਰ ਹੋਏ ਨੂਰ ਹੁਰੀਂ, ਜਲ ਗਏ ਪਹਾੜ ਕੋਹ-ਤੂਰ ਹੁਰੀਂ।
- ਤਦੋਂ ਦਾਰ ਚੜ੍ਹੇ ਮਨਸੂਰ ਹੁਰੀਂ, ਓਥੇ ਸ਼ੇਖੀ ਮੈਂਡੀ ਨਾ ਤੈਂਡੀ ਏ
- ਜੇ ਜ਼ਾਹਰ ਕਰਾਂ ਅਸਰਾਰ ਤਾਈਂ, ਸਭ ਭੁੱਲ ਜਾਵਣ ਤਕਰਾਰ ਤਾਈ।
- ਫਿਰ ਮਾਰਨ ਬੁਲ੍ਹੇ ਯਾਰ ਤਾਈਂ, ਏਥੇ ਮਖ਼ਫ਼ੀ ਬਾਤ ਸੋਹੇਂਦੀ ਏ।
- ਅਸਾਂ ਪੜ੍ਹਿਆ ਇਲਮ ਤਹਿਕੀਕੀ ਏ, ਓਥੇ ਇਕੋ ਹਰਫ਼ ਹਕੀਕੀ ਏ।
- ਹੋਰ ਝਗੜਾ ਸਭ ਵਧੀਕੀ ਏ, ਐਵੇਂ ਰੌਲਾ ਪਾ ਪਾ ਬਹਿੰਦੀ ਏ।
- ਬੁਲ੍ਹਾ ਸ਼ਹੁ ਅਸਾਂ ਥੀਂ ਵੱਖ ਨਹੀਂ, ਬਿਨ ਸ਼ਹੁ ਥੀਂ ਦੂਜਾ ਕੱਖ ਨਹੀਂ।
- ਪਰ ਵੇਖਣ ਵਾਲੀ ਅੱਖ ਨਹੀਂ, ਤਾਹੀਂ ਜਾਨ ਪਈ ਦੁੱਖ ਸਹਿੰਦੀ ਏ।
99
- ਮੇਰਾ ਰਾਂਝਾ ਹੁਣ ਕੋਈ ਹੋਰ।
- ਤਖਤ ਮਨਵਰ ਬਾਂਗਾਂ ਮਿਲੀਆਂ।
- ਤਾਂ ਸੁਣੀਆਂ ਤਖਤ ਲਾਹੌਰ।
- ਇਸ਼ਕੇ ਮਾਰੇ ਏਵੇਂ ਫਿਰਦੇ।
- ਜਿਵੇਂ ਜੰਗਲ ਵਿਚ ਢੇਰ।
- ਰਾਂਝਾ ਤਖਤ ਹਜ਼ਾਰੇ ਦਾ ਸਾਈਂ।
- ਹੁਣ ਓਥੋਂ ਹੋਇਆ ਚੋਰ।
- ਬੁਲ੍ਹਾ ਸ਼ਾਹ ਅਸਾਂ ਮਰਨਾ ਨਾਹੀਂ। ਕਬਰ ਪਾਇ ਕੋਈ ਹੋਰ।
- ਮੇਰਾ ਰਾਂਝਾ ਹੁਣ ਕੋਈ ਹੋਰ।
100
- ਮੇਰੀ ਬੁੱਕਲ ਦੇ ਵਿਚ ਚੋਰ, ਨੀ ਮੇਰੀ ਬੁੱਕਲ ਦੇ ਵਿਚ ਚੋਰ। ਟੇਕ।
- ਕੀਹਨੂੰ ਕੂਕ ਸੁਣਾਵਾਂ ਨੀ, ਮੇਰੀ ਬੁੱਕਲ ਦੇ ਵਿਚ ਚੋਰ।
- ਚੋਰੀ ਚੋਰੀ ਨਿਕਲ ਗਿਆ, ਜਗ ਵਿਚ ਪੈ ਗਿਆ ਸ਼ੋਰ।
- ਮੁਸਲਮਾਨ ਸੜਨੇ ਤੋਂ ਡਰਦੇ, ਹਿੰਦੂ ਡਰਦੇ ਗੋਰ।
- ਦੋਵੇਂ ਏਸੇ ਦੇ ਵਿਚ ਮਰਦੇ, ਇਹੋ ਦੋਹਾਂ ਦੀ ਖੋਰ।
- ਕਿਤੇ ਰਾਮ ਦਾਸ ਕਿਤੇ ਫਤਹਿ ਮੁਹੰਮਦ, ਇਹੋ ਕਦੀਮੀ ਸ਼ੋਰ।
- ਮਿਟ ਗਿਆ ਦੋਹਾਂ ਦਾ ਝਗੜਾ, ਨਿਕਲ ਪਿਆ ਕੁਝ ਹੋਰ।
- ਅਰਸ਼-ਮੁਨੱਵਰ ਬਾਗਾਂ ਮਿਲੀਆਂ, ਸੁਣੀਆਂ ਤਖ਼ਤ-ਲਾਹੌਰ।
- ਸ਼ਾਹ ਇਨਾਇਤ ਕੁੰਡੀਆਂ ਪਾਈਆਂ, ਆਪੇ ਖਿੱਚਦਾ ਡੋਰ।
- ਜਿਸ ਢੂੰਡਿਆ ਤਿਸ ਨੇ ਪਾਇਆ, ਨਾ ਝੁਰ ਝੁਰ ਹੋਯਾ ਮੋਰ।
- ਪੀਰਾਂ-ਪੀਰ ਬਗ਼ਦਾਦ ਅਸਾਡਾ, ਮੁਰਸ਼ਦ ਤਖ਼ਤ ਲਾਹੌਰ।
- ਇਹੋ ਤੁਸੀਂ ਵੀ ਆਖੋ ਸਾਰੇ, ਆਪ ਗੁੱਡੀ ਆਪ ਡੋਰ ।
- ਮੈਂ ਦੱਸਨਾਂ ਤੁਸੀਂ ਪਕੜ ਲਿਆਓ, ਬੁਲ੍ਹੇ ਸ਼ਾਹ ਦਾ ਚੋਰ।
101
- ਮੇਰੇ ਘਰ ਆਇਆ ਪੀਆ ਹਮਰਾ। ਟੇਕ।
- ਵਾਹ ਵਾਹ ਵਹਦਤ ਕੀਨਾ ਸ਼ੋਰ, ਅਨਹਦ ਬਾਂਸਰੀ ਦੀ ਘੰਘੋਰ ।
- ਅਸਾਂ ਹੁਣ ਪਾਇਆ ਤਖ਼ਤ-ਲਾਹੌਰ, ਮੇਰੇ ਘਰ ਆਇਆ ਪੀਆ ਹਮਰਾ ।
- ਜਲ ਗਏ ਮੇਰੇ ਖੋਟ ਨਿਖੋਟ, ਲੱਗ ਪਈ ਪ੍ਰੇਮ ਸੱਚੇ ਦੀ ਚੋਟ।
- ਹੁਣ ਸਾਨੂੰ ਓਸ ਖ਼ਸਮ ਦੀ ਓਟ, ਮੇਰੇ ਘਰ ਆਇਆ ਪੀਆ ਹਮਰਾ।
- ਹੁਣ ਕਿਆ ਕੰਨੇਂ ਸਾਲ ਵਸਾਲ, ਲੱਗ ਗਿਆ ਮਸਤ ਪਿਆਲਾ ਹਾਥ।
- ਹੁਣ ਮੇਰੀ ਭੁੱਲ ਗਈ ਜ਼ਾਤ ਸੱਫ਼ਾਤ, ਮੇਰੇ ਘਰ ਆਇਆ ਪੀਆ ਹਮਰਾ।
- ਹੁਣ ਕਿਆ ਕੀਨੇ ਬੀਸ ਪਚਾਸ, ਪ੍ਰੀਤਮ ਪਾਈ ਅਸਾਂ ਵਲ ਝਾਤ।
- ਹੁਣ ਸਾਨੂੰ ਜੱਗ ਦਿੱਸਦਾ ਲਾਲ, ਮੇਰੇ ਘਰ ਆਇਆ ਪੀਆ ਹਮਰਾ।
- ਹੁਣ ਸਾਨੂੰ ਆਸ ਦੀ ਫਾਸ, ਬੁਲ੍ਹਾ ਸ਼ਹੁ ਆਇਆ ਹਮਰੇ ਪਾਸ।
- ਸਾਈਂ ਪੁਜਾਈ ਸਾਡੀ ਆਸ, ਮੇਰੇ ਘਰ ਆਇਆ ਪੀਆ ਹਮਰਾ।
102
- ਮੇਰੇ ਨੌਸ਼ਹੁ ਦਾ ਕਿਤ ਮੋਲ। ਮੇਰੇ ਨੌਸ਼ਹੁ ਦਾ ਕਿਤ ਮੋਲ।
- ਅੱਗਲੇ ਵੱਲ ਦੀ ਖਬਰ ਨਾ ਕੋਈ ਰਹਿ ਕਿਤਾਬਾਂ ਫੋਲ।
- ਸੱਚੀਆਂ ਨੂੰ ਪੈ ਵੱਜਣ ਪੌਲੇ ਝੂਠੀਆਂ ਕਰਨ ਕਲੋਲ ।
- ਚੰਗ ਚੰਗੇਰੇ ਪਰੇ ਪਰੇਰੇ ਅਸੀ ਆਈਆਂ ਸੀ ਅਨਭੋਲ ।
- ਬੁਲ੍ਹਾ ਸ਼ਾਹ ਜੇ ਬੋਲਾਂਗਾ ਹੁਣ ਕੌਣ ਸੁਣੇ ਮੇਰੇ ਬੋਲ।
- ਮੇਰੇ ਨੌਸ਼ਹੁ ਦਾ ਕਿਤ ਮੋਲ।
- ਮੇਰੇ ਨੌਸ਼ਹੁ ਦਾ ਕਿਤ ਮੋਲ।
103
- ਮੇਰੇ ਮਾਹੀ ਕਿਉਂ ਚਿਰ ਲਾਇਆ ਏ।
- ਕਹਿ ਬੁਲ੍ਹਾ ਹੁਣ ਪ੍ਰੇਮ ਕਹਾਣੀ, ਜਿਸ ਤਨ ਲੱਗੇ ਸੋ ਤਨ ਜਾਣੇ।
- ਅੰਦਰ ਝਿੜਕਾਂ ਬਾਹਰ ਤਾਨ੍ਹੇ, ਨੇਹੁੰ ਲਾ ਇਹ ਸੁੱਖ ਪਾਇਆ ਏ।
- ਮੇਰੇ ਮਾਹੀ ਕਿਉਂ ਚਿਰ ਲਾਇਆ ਏ।
- ਨੈਣਾਂ ਕਾਰ ਰੋਵਣ ਦਾ ਪਕੜੀ, ਇਕ ਮਰਨਾਂ ਦੋ ਜਗ ਦਾ ਫਕੜੀ।
- ਬਿਰਹੋਂ ਜਿੰਦ ਅਵੱਲੀ ਜਕੜੀ, ਨੀ ਮੈਂ ਰੋ ਰੋ ਹਾਲ ਵਜਾਇਆ ਏ।
- ਮੇਰੇ ਮਾਹੀ ਕਿਉਂ ਚਿਰ ਲਾਇਆ ਏ।
- ਮੈਂ ਪਿਆਲਾ ਤਹਿਕੀਕ ਲੀਤਾ ਏ, ਜੋ ਭਰ ਮਨਸੂਰ ਪੀਤਾ ਏ।
- ਦੀਦਾਰ ਮਅਰਾਜ ਪੀਆ ਲੀਤਾ ਏ, ਮੈਂ ਖੂਹ ਥੀਂ ਵਜੂ ਸਜਾਇਆ ਏ।
- ਮੇਰੇ ਮਾਹੀ ਕਿਉਂ ਚਿਰ ਲਾਇਆ ਏ।
- ਇਸ਼ਕ ਮੁੱਲਾਂ ਨੇ ਬਾਂਗ ਦਿਵਾਈ, ਸ਼ਹੁ ਆਵਣ ਦੀ ਗੱਲ ਸੁਣਾਈ।
- ਕਰ ਨੀਅਤ ਸਜਦੇ ਵੱਲ ਧਾਈ, ਨੀ ਮੈਂ ਮੂੰਹ ਮਹਿਰਾਬ ਲਗਾਇਆ ਏ।
- ਮੇਰੇ ਮਾਹੀ ਕਿਉਂ ਚਿਰ ਲਾਇਆ ਏ।
- ਬੁਲ੍ਹਾ ਸ਼ਹੁ ਘਰ ਲਪਟ ਲਗਾਈਂ, ਰਸਤੇ ਮੈਂ ਸਭ ਬਣ ਤਣ ਜਾਈਂ।
- ਮੈਂ ਵੇਖਾਂ ਆ ਇਨਾਇਤ ਸਾਈਂ, ਜਿਸ ਮੈਨੂੰ ਸ਼ਹੁ ਮਿਲਾਇਆ ਏ।
- ਮੇਰੇ ਮਾਹੀ ਕਿਉਂ ਚਿਰ ਲਾਇਆ ਏ।
104
- ਮੈਂ ਉਡੀਕਾਂ ਕਰ ਰਹੀ, ਕਦੀ ਆ ਕਰ ਫੇਰਾ । ਟੇਕ।
- ਮੈਂ ਜੋ ਤੈਨੂੰ ਆਖਿਆ ਕੋਈ ਘੱਲ ਸੁਨੇਹੁੜਾ।
- ਚਸ਼ਮਾਂ ਸੇਜ ਵਿਛਾਈਆਂ ਦਿਲ ਕੀਤਾ ਡੇਰਾ।
- ਲਟਕ ਚਲੰਦਾ ਆਂਵਦਾ ਸ਼ਾਹ ਇਨਾਇਤ ਮੇਰਾ।
- ਉਹ ਅਜਿਹਾ ਕੌਣ ਹੈ ਜਾ ਆਖੇ ਜਿਹੜਾ।
- ਮੈਂ ਵਿਚ ਕੀ ਤਕਸੀਰ ਹੈ ਮੈਂ ਬਰਦਾ ਤੇਰਾ।
- ਤੈਂ ਬਾਝੋਂ ਮੇਰਾ ਕੌਣ ਹੈ ਦਿਲ ਢਾਹ ਨਾ ਮੇਰਾ।
- ਢੂੰਡ ਸ਼ਹਿਰ ਸਭ ਭਾਲਿਆ ਕਾਸਦ ਘੱਲਾਂ ਕਿਹੜਾ।
- ਚੜੀਆਂ ਡੋਲੀ ਪ੍ਰੇਮ ਦੀ ਦਿਲ ਧੜਕੇ ਮੇਰਾ।
- ਆਓ ਇਨਾਇਤ ਕਾਦਰੀ ਜੀ ਚਾਹੇ ਮੇਰਾ।
- ਪਹਿਲੀ ਪਉੜੀ ਪ੍ਰੇਮ ਦੀ ਪੁਲ-ਸਰਾਤੇ ਡੇਰਾ।
- ਹਾਜੀ ਮੌਕੇ ਹਜ ਕਰਨ, ਮੈਂ ਮੁੱਖ ਵੇਖਾਂ ਤੇਰਾ।
- ਆ ਇਨਾਇਤ ਕਾਦਰੀ ਹੱਥ ਪੱਕੜੀ ਮੇਰਾ।
- ਜਲ ਬਲ ਆਹੀਂ ਮਾਰੀਆਂ ਦਿਲ ਪੱਥਰ ਤੇਰਾ।
- ਪਾ ਕੇ ਕੁੰਡੀ ਪ੍ਰੇਮ ਦੀ ਦਿਲ ਖਿਚਿਓ ਮੇਰਾ।
- ਮੈਂ ਵਿਚ ਕੋਈ ਨਾ ਆ ਪੀਆ ਵਿਚ ਪਰਦਾ ਤੇਰਾ।
- ਦਸਤ ਕੰਗਣ ਬਾਹੀਂ ਚੂੜੀਆਂ ਗਲ ਨੌਰੰਗ ਚੋਲਾ।
- ਰਾਂਝਣ ਮੈਨੂੰ ਕਰ ਗਿਆ ਕੋਈ ਰਾਵਲ-ਰੌਲਾ।
- ਆਣ ਨਵੇਂ ਦੁਖ ਪੈ ਗਏ ਕੋਈ ਸੂਲਾਂ ਦਾ ਘੇਰਾ।
- ਮੈਂ ਜਾਤਾ ਦੁਖ ਮੈਨੂੰ ਆਹਾ ਦੁਖ ਪਏ ਘਰ ਸਈਆਂ।
- ਸਿਰ ਸਿਰ ਭਾਂਬੜ ਭੜਕਿਆ ਸਭ ਤਪਦੀਆਂ ਗਈਆਂ।
- ਹੁਣ ਆਣ ਬਣੀ ਸਿਰ ਆਪਣੇ ਸਭ ਚੁਕ ਗਿਆ ਝੇੜਾ।
- ਜਿਹੜੀਆਂ ਸਾਹਵਰੇ ਮੰਨੀਆਂ ਸੋਈ ਪੇਕੇ ਹੋਵਣ।
- ਸ਼ਹੁ ਜਿਨ੍ਹਾਂ ਤੇ ਮਾਇਲ ਏ ਚੜ੍ਹ ਸੇਜੇ ਸੋਵਣ।
- ਜਿਸ ਘਰ ਕੰਤ ਨ ਬੋਲਿਆ ਸੋਈ ਖ਼ਾਲੀ ਵੇੜ੍ਹਾ।
- ਬੁਲ੍ਹਾ ਸ਼ਹੁ ਦੇ ਵਾਸਤੇ ਦਿਲ ਭੜਕਨ ਭਾਹੀਂ।
- ਔਖਾ ਪੈਂਡਾ ਪ੍ਰੇਮ ਦਾ ਸੋ ਘਟਦਾ ਨਾਹੀਂ।
- ਦਿਲ ਵਿਚ ਧੱਕੇ ਝੇੜਦੇ, ਸਿਰ ਧਾਈਂ ਬੇੜਾ।
- ਮੈਂ ਉਡੀਕਾਂ ਕਰ ਰਹੀ ਕਦੀ ਆ ਕਰ ਫੇਰਾ।
105
- ਮੈਂ ਕਿਉਂਕਰ ਜਾਵਾਂ ਕਾਅਬੇ ਨੂੰ, ਦਿਲ ਲੋਚੇ ਤਖ਼ਤ ਹਜ਼ਾਰੇ ਨੂੰ ਟੇਕ।
- ਲੋਕੀ ਸੱਜਦਾ ਕਾਅਬੇ ਨੂੰ ਕਰਦੇ, ਸਾਡਾ ਸੱਜਦਾ ਯਾਰ ਪਿਆਰੇ ਨੂੰ ।
- ਅਉਗੁਣ ਵੇਖ ਨਾ ਭੁੱਲ ਮੀਆਂ ਰਾਂਝਾ, ਯਾਦ ਕਰੀਂ ਉਸ ਕਾਰੇ ਨੂੰ ।
- ਮੈਂ ਅਨਤਾਰੂ ਤਰਨ ਨਾ ਜਾਣਾਂ, ਸ਼ਰਮ ਪਈ ਤੁੱਧ ਤਾਰੇ ਨੂੰ।
- ਤੇਰਾ ਸਾਨੀ ਕੋਈ ਨਹੀਂ ਮਿਲਿਆ, ਢੂੰਡ ਲਿਆ ਜਗ ਸਾਰੇ ਨੂੰ ।
- ਬੁਲ੍ਹਾ ਸ਼ਹੁ ਦੀ ਪ੍ਰੀਤ ਅਨੋਖੀ ਤਾਰੇ ਅਉਗੁਣਹਾਰੇ ਨੂੰ।
106
- ਮੈਂ ਕੁਸੁੰਬੜਾ ਚੁਣ ਚੁਣ ਹਾਰੀ। ਟੇਕ।
- ਏਸ ਕੁਸੁੰਬੇ ਦੇ ਕੰਡੇ ਭਲੇਰੇ ਅੜ ਅੜ ਚੁੰਨੜੀ ਪਾੜੀ।
- ਏਸ ਕੁਸੁੰਬੇ ਦਾ ਹਾਕਮ ਕਰੜਾ ਜ਼ਾਲਮ ਏ ਪਟਵਾਰੀ।
- ਏਸ ਕੁਸੁੰਬੇ ਦੇ ਚਾਰ ਮੁਕੱਦਮ ਮੁਆਮਲਾ ਮੰਗਦੇ ਭਾਰੀ।
- ਹੋਰਨਾਂ ਚੁਗਿਆ ਫੂਹਿਆ ਫੂਹਿਆ, ਮੈਂ ਭਰ ਲਈ ਪਟਾਰੀ।
- ਚੁੱਗ ਚੁੱਗ ਕੇ ਮੈਂ ਢੇਰੀ ਕੀਤਾ, ਲੱਥੇ ਆਣ ਬਪਾਰੀ।
- ਔਖੀ ਘਾਟੀ ਮੁਸ਼ਕਲ ਪੈਂਡਾ, ਸਿਰ ਪਰ ਗਠੜੀ ਭਾਰੀ।
- ਅਮਲਾਂ ਵਾਲੀਆਂ ਸਭ ਲੰਘ ਗਈਆਂ, ਰਹਿ ਗਈ ਔਗੁਣਹਾਰੀ।
- ਸਾਰੀ ਉਮਰਾ ਖੇਡ ਗਵਾਈ, ਓੜਕ ਬਾਜ਼ੀ ਹਾਰੀ।
- ਅਲੱਸਤ ਕਿਹਾ ਜਦ ਅੱਖੀਆਂ ਲਾਈਆਂ, ਹੁਣ ਕਿਉਂ ਯਾਰ ਵਿਸਾਰੀ।
- ਇੱਕੋ ਘਰ ਵਿਚ ਵੱਸਦਿਆਂ ਰੱਸਦਿਆਂ, ਹੁਣ ਕਿਉਂ ਰਹੀ ਨਯਾਰੀ ।
- ਮੈਂ ਕਮੀਨੀ ਕੁਚੱਜੀ ਕੋਹਜੀ, ਬੇਗੁਣ ਕੌਣ ਵਿਚਾਰੀ।
- ਬੁਲ੍ਹਾ ਸ਼ਹੁ ਦੇ ਲਾਇਕ ਨਾਹੀ, ਸ਼ਾਹ ਇਨਾਇਤ ਤਾਰੀ।
107
- ਮੈਂ ਗੱਲ ਓਥੇ ਦੀ ਕਰਦਾ ਹਾਂ, ਪਰ ਗੱਲ ਕਰਦਾ ਵੀ ਡਰਦਾ ਹਾਂ। ਟੇਕ।
- ਨਾਲ ਰੂਹਾਂ ਦੇ ਲਾਰਾ ਲਾਇਆ, ਤੁਸੀਂ ਚੱਲੋ, ਮੈਂ ਨਾਲੇ ਆਇਆ,
- ਏਥੇ ਪਰਦਾ ਚਾ ਬਣਾਇਆ, ਮੈਂ ਭਰਮ ਭੁਲਾਇਆ ਫਿਰਦਾ ਹਾਂ।
- ਨਾਲ ਹਾਕਮ ਦੇ ਖੇਲ ਅਸਾਡੀ, ਜੇ ਮੈਂ ਮੀਰੀ ਤਾਂ ਮੈਂ ਫਾਡੀ।
- ਧਰੀ ਧਰਾਈ ਪੂੰਜੀ ਤੁਹਾਡੀ, ਮੈਂ ਅਗਲਾ ਲੇਖਾ ਭਰਦਾ ਹਾਂ।
- ਦੇ ਪੂੰਜੀ ਮੂਰਖ ਝੁੰਜਲਾਇਆ, ਮਗਰ ਚੋਰਾਂ ਦੇ ਪੈੜਾ ਲਾਇਆ।
- ਚੋਰਾਂ ਦੀ ਮੈਂ ਪੈੜ ਲਿਆਇਆ, ਹਰ ਸ਼ਬ ਧਾੜੇ ਧੜਦਾ ਹਾਂ।
- ਨਾ ਨਾਲ ਮੇਰੇ ਉਹ ਰੱਜਦਾ ਏ, ਨਾ ਮਿੰਨਤ ਕੀਤੀ ਸੱਜਦਾ ਏ।
- ਜਾਂ ਮੁੜ ਬੈਠਾਂ ਤਾਂ ਭੱਜਦਾ ਏ, ਮੁੜ ਮਿੰਨਤਜ਼ਾਰੀ ਕਰਦਾ ਹਾਂ।
- ਕੀ ਸੁੱਖ ਪਾਇਆ ਮੈਂ ਆਣ ਇਥੇ, ਨਾ ਮੰਜ਼ਲ ਨਾ ਡੇਰੇ ਜਿੱਥੇ।
- ਘੰਟਾ ਕੂਚ ਸੁਣਾਵਾਂ ਕਿੱਥੇ, ਨਿੱਤ ਊਠ ਕਚਾਵੇ ਕੜਦਾ ਹਾਂ ।
- ਬੁਲ੍ਹੇ ਸ਼ਾਹ ਬੇਅੰਤ ਡੂੰਘਾਈ, ਦੋ ਜੱਗ ਬੀਚ ਨਾ ਲੱਗਦੀ ਕਾਈ।
- ਉਰਾਰ ਪਾਰ ਦੀ ਖ਼ਬਰ ਨਾ ਕਾਈ, ਮੈਂ ਬੇ ਸਿਰ ਪੈਰੀਂ ਤਰਦਾ ਹਾਂ।
- ਮੈਂ ਗੱਲ ਉਥੇ ਦੀ ਕਰਦਾ ਹਾਂ, ਪਰ ਗੱਲ ਕਰਦਾ ਵੀ ਡਰਦਾ ਹਾਂ।
108
- ਮੈਂ ਚੂਹੜੇਟੜੀ ਆਂ ਸੱਚੇ ਸਾਹਿਬ ਦੀ ਸਰਕਾਰੋਂ। ਟੇਕ।
- ਧਿਆਨ ਦੀ ਛੱਜਲੀ ਗਿਆਨ ਕਾ ਝਾੜੂ, ਕਾਮ ਕ੍ਰੋਧ ਨਿੱਤ ਝਾਤੂੰ।
- ਮੈਂ ਚੂਹੜੇਟੜੀ ਆਂ ਸੱਚੇ ਸਾਹਿਬ ਦੀ ਸਰਕਾਰੋਂ।
- ਕਾਜ਼ੀ ਜਾਣੇ ਹਾਕਮ ਜਾਣੇ ਫ਼ਾਰਗ਼ਖ਼ਤੀ ਬੇਗਾਰੋਂ ।
- ਦਿਨੇ ਰਾਤ ਮੈਂ ਏਹੋ ਮੰਗਦੀ ਦੂਰ ਨਾ ਕਰ ਦਰਬਾਰੋਂ।
- ਤੁੱਧ ਬਾਝੋਂ ਮੇਰਾ ਹੋਰ ਨਾ ਕੋਈ, ਕੈਂ ਵੱਲ ਕਰੂੰ ਪੁਕਾਰੋਂ।
- ਬੁਲ੍ਹਾ ਸ਼ਹੁ ਇਨਾਇਤ ਕਰਕੇ ਬਖ਼ਰਾ ਮਿਲੇ ਦੀਦਾਰੋਂ।
109
- ਮੈਂ ਪੁੱਛਾਂ ਸ਼ਹੁ ਦੀਆਂ ਵਾਟਾਂ ਨੀ, ਕੋਈ ਕਰੇ ਅਸਾਂ ਨਾਲ ਬਾਤਾਂ ਨੀ। ਟੇਕ।
- ਭੁੱਲੇ ਰਹੇ ਨਾਮ ਨਾ ਜਪਿਆ, ਗ਼ਫ਼ਲਤ ਅੰਦਰ ਯਾਰ ਹੈ ਛਪਿਆ।
- ਉਹ ਸਿੱਧ ਪੁਰਖਾ ਤੇਰੇ ਅੰਦਰ ਧਸਿਆ, ਲਗੀਆਂ ਨਫ਼ਸ ਦੀਆਂ ਚਾਟਾਂ ਨੀ।
- ਜਪ ਲੈ ਨਾ ਹੋ ਭੋਲੀ ਭਾਲੀ, ਮਤ ਤੂੰ ਸੱਦਏਂ ਮੁੱਖ ਮੁਕਾਲੀ ।
- ਉਲਟੀ ਪਰੇਮ ਨਗਰ ਦੀ ਚਾਲ, ਭੜਕਣ ਇਸ਼ਕ ਦੀਆਂ ਲਾਟਾਂ ਨੀ।
- ਭੋਲੀ ਨਾ ਹੋ ਹੋ ਸਿਆਣੀ, ਇਸ਼ਕ ਨੂਰ ਦਾ ਭਰ ਲੈ ਪਾਣੀ।
- ਇਸ ਦੁਨੀਆ ਦੀ ਛੋੜ ਕਹਾਣੀ, ਇਹ ਯਾਰ ਮਿਲਣ ਦੀਆਂ ਘਾਤਾਂ ਨੀ।
- ਬੁਲ੍ਹਾ ਰੱਬ ਬਣ ਬੈਠੋਂ ਆਪੇ, ਤਦ ਦੁਨੀਆਂ ਦੇ ਪਏ ਸਿਆਪੇ।
- ਦੂਤੀ ਵਿਹੜੇ ਦੁਸ਼ਮਨ ਮਾਪੇ, ਸਭ ਕੜਕ ਪਈਆਂ ਆਫ਼ਾਤਾਂ ਨੀ।
110
- ਮੈਂ ਬੇ ਕੈਦ ਮੈਂ ਬੇ ਕੈਦ। ਨਾ ਰੋਗੀ ਨਾ ਵੈਦ।
- ਨਾ ਮੈਂ ਮੋਮਨ ਨਾ ਮੈਂ ਕਾਫਰ । ਨਾ ਸਈਯਦ ਨਾ ਸੈਦ।
- ਚੌਹੀਂ ਤਬਕੀਂ ਸੀਰ ਅਸਾਡਾ। ਕਿਤੇ ਨਾ ਹੁੰਦਾ ਕੈਦ।
- ਖ਼ਰਾਬਾਤ ਮੇਂ ਚਾਲ ਅਸਾਡੀ। ਨਾ ਸ਼ੋਭਾ ਨਾ ਐਬ।
- ਬੁਲ੍ਹਾ ਸ਼ਹੁ ਦੀ ਜ਼ਾਤ ਕੀ ਪੁੱਛਨੈਂ। ਨਾ ਪੈਦਾ ਨਾ ਪੈਦ ।
111
- ਮੈਨੂੰ ਇਸ਼ਕ ਹੁਲਾਰੇ ਦੇਂਦਾ। ਮੂੰਹ ਚੜਿਆ ਯਾਰ ਬੁਲੇਂਦਾ।
- ਪੁੱਛਦਾ ਹੈਂ ਕੀ ਜ਼ਾਤ ਸੱਫ਼ਾਤ ਮੇਰੀ, ਉਹੋ ਆਦਮ ਵਾਲੀ ਮੀਜਾ ਮੇਰੀ।
- ਨਹਨ-ਅਕਰਬ ਦੇ ਵਿਚ ਘਾਤ ਮੇਰੀ, ਵਿਚ ਰੱਬ ਦਾ ਸਿੱਰ ਝੁਲੇਂਦਾ।
- ਮੈਨੂੰ ਇਸ਼ਕ ਹੁਲਾਰੇ ਦੇਂਦਾ।
- ਕਿਤੇ ਸ਼ਈਯਾ ਏ ਕਿਤੇ ਸੁੰਨੀ ਏ, ਕਿਤੇ ਜਟਾਧਾਰੀ ਕਿਤੇ ਮੁੰਨੀ ਏ।
- ਮੇਰੀ ਸਭ ਸੇ ਫ਼ਾਰਗ਼ ਕੁੰਨੀ ਏ, ਜੋ ਕਹਾਂ ਸੋ ਯਾਰ ਮਨੇਂਦਾ।
- ਮੈਨੂੰ ਇਸ਼ਕ ਹੁਲਾਰੇ ਦੇਂਦਾ।
- ਬੁਲ੍ਹਾ ਦੂਰੋਂ ਚਲ ਕੇ ਆਇਆ ਜੀ, ਉਹਦੀ ਸੂਰਤ ਨੇ ਭਰਮਾਇਆ ਜੀ।
- ਓਸੇ ਪਾਕ ਜਮਾਲ ਵਿਖਾਇਆ ਜੀ, ਉਹ ਹਿੱਕ ਦਮ ਨਾ ਭੁਲੇਂਦਾ।
- ਮੈਨੂੰ ਇਸ਼ਕ ਹੁਲਾਰੇ ਦੇਂਦਾ।
- ਮੂੰਹ ਚੜਿਆ ਯਾਰ ਬੁਲੇਂਦਾ
112
- ਮੈਨੂੰ ਕੀ ਹੋਇਆ ਹੁਣ ਮੈਥੋਂ ਗਈ ਗਵਾਤੀ ਮੈਂ।
- ਮੈਨੂੰ ਕੀ ਹੋਇਆ ਕਿਉਂ ਮੈਨੂੰ ਕਮਲੀ ਕਹਿੰਦੀ ਹੈਂ।
- ਮੈਨੂੰ ਕੀ ਹੋਇਆ ਹੁਣ ਮੈਥੋਂ ਗਈ ਗਵਾਤੀ ਮੈਂ।
- ਮੈਂ ਵਿਚ ਵੇਖਾਂ ਤਾਂ ਮੈਂ ਨਹੀਂ ਹੁੰਦੀ ਮੈਂ ਵਿਚ ਦਸਨਾ ਏਂ ਮੈਂ।
- ਮੈਂਨੂੰ ਕੀ ਹੋਇਆ ਹੁਣ ਮੈਥੋਂ ਗਈ ਗਵਾਤੀ ਮੈਂ।
- ਸਿਰ ਤੋਂ ਪੈਰ ਤੀਕਰ ਵੀ ਤੂੰ ਹੈਂ ਅੰਦਰ ਬਾਹਰ ਹੈਂ ਤੈਂ।
- ਮੈਨੂੰ ਕੀ ਹੋਇਆ ਹੁਣ ਮੈਂਥੋਂ ਗਈ ਗਵਾਤੀ ਮੈਂ।
- ਛੁੱਟ ਪਈ ਉਰਾਰੋਂ ਪਾਰੋਂ ਨਾ ਬੇੜੀ ਨਾ ਨੈਂ।
- ਮੈਨੂੰ ਕੀ ਹੋਇਆ ਹੁਣ ਮੈਥੋਂ ਗਈ ਗਵਾਤੀ ਮੈਂ।
- ਮਨਸੂਰ ਪਿਆਰੇ ਕਿਹਾ ਅਨੁਲਹੱਕ ਕਹੋ ਕਹਾਇਆ ਕੈਂ।
- ਮੈਨੂੰ ਕੀ ਹੋਇਆ ਹੁਣ ਮੈਥੋਂ ਗਈ ਗਵਾਤੀ ਮੈਂ।
- ਬੁਲ੍ਹਾ ਸ਼ਹੁ ਓਸੇ ਦਾ ਆਸ਼ਕ ਆਪਣਾ ਆਪ ਵੰਝਾਇਆ ਤੈਂ।
- ਮੈਨੂੰ ਕੀ ਹੋਇਆ ਹੁਣ ਮੈਥੋਂ ਗਈ ਗਵਾਤੀ ਮੈਂ।
113
- ਮੈਨੂੰ ਦਰਦ ਅਵੱਲੜੇ ਦੀ ਪੀੜ।
- ਮੈਨੂੰ ਦਰਦ ਅਵੱਲੜੇ ਦੀ ਪੀੜ।
- ਆ ਮੀਆਂ ਰਾਂਝਾ ਦੇ ਦੇ ਨਜ਼ਾਰਾ ਮੁਆਫ਼ ਕਰੀਂ ਤਕਸੀਰ।
- ਮੈਨੂੰ ਦਰਦ ਅਵੱਲੜੇ ਦੀ ਪੀੜ।
- ਤਖਤ ਹਜ਼ਾਰਿਉਂ ਰਾਂਝਾ ਟੁਰਿਆ ਹੀਰ ਨਿਮਾਣੀ ਦਾ ਪੀਰ।
- ਮੈਨੂੰ ਦਰਦ ਅਵੱਲੜੇ ਦੀ ਪੀੜ।
- ਹੋਰਨਾਂ ਦੇ ਨੌਸ਼ਹੁ ਆਵੇ ਜਾਵੇ ਕੀ ਬੁਲ੍ਹੇ ਵਿਚ ਤਕਸੀਰ।
- ਮੈਨੂੰ ਦਰਦ ਅਵੱਲੜੇ ਦੀ ਪੀੜ।
114
- ਮੈਂ ਵਿਚ ਮੈਂ ਨਾ ਰਹਿ ਗਈ ਕਾਈ, ਜਬ ਕੀ ਪੀਆ ਸੰਗ ਪ੍ਰੀਤ ਲਗਾਈ।
- ਜਦ ਵਸਲ ਵਸਾਲ ਬਣਾਏਗਾ, ਤਦ ਗੂੰਗੇ ਦਾ ਗੁੜ ਖਾਏਗਾ।
- ਸਿਰ ਪੈਰ ਨਾ ਆਪਣਾ ਪਾਏਗਾ, ਮੈਂ ਇਕ ਹੋਰ ਨਾ ਕਿਸੇ ਬਣਾਈ।
- ਹੋਏ ਨੈਣ ਨੈਣਾਂ ਦੇ ਬਰਦੇ, ਦਰਸ਼ਨ ਸੈ ਕੋਹਾਂ ਤੇ ਕਰਦੇ।
- ਪਲ ਪਲ ਦੌੜਨ ਮਾਰੇ ਡਰ ਦੇ, ਤੈਂ ਕੋਈ ਲਾਲਚ ਘੱਤ ਭਰਮਾਈ।
- ਹੁਣ ਅਸਾਂ ਵਹਦਤ ਵਿਚ ਘਰ ਪਾਇਆ, ਵਾਸਾ ਹੈਰਤ ਦੇ ਸੰਗ ਆਇਆ।
- ਜੀਵਨ ਜੰਮਣ ਮਰਨ ਵੰਝਾਇਆ, ਆਪਣੀ ਸੁੱਧ ਬੁੱਧ ਰਹੀ ਨਾ ਕਾਈ।
- ਮੈਂ ਜਾਤਾ ਸੀ ਇਸ਼ਕ ਸੁਖਾਲਾ, ਚਹੁੰ ਨਦੀਆਂ ਦਾ ਵਹਿਣ ਉਛਾਲਾ।
- ਕਦੀ ਤੇ ਅੱਗ ਭੜਕੇ ਕਦੀ ਪਾਲਾ, ਨਿੱਤ ਬਿਰਹੋਂ ਅੱਗ ਲਗਾਈ।
- ਡਉਂ ਡਉਂ ਇਸ਼ਕ ਨੱਕਾਰੇ ਵੱਜਦੇ, ਆਸ਼ਕ ਵੇਖ ਉਤੇ ਵੱਲ ਭੱਜਦੇ।
- ਤੜ ਤੜ ਤਿੜਕ ਗਏ ਲੜ ਲੱਜ ਦੇ, ਲੱਗਿਆ ਨੇਹੁੰ ਤਾਂ ਸ਼ਰਮ ਸਿਧਾਈ।
- ਪਿਆਰੇ ਬੱਸ ਕਰ ਬਹੁਤੀ ਹੋਈ, ਤੇਰਾ ਇਸ਼ਕ ਮੇਰੀ ਦਿਲਜੋਈ।
- ਤੈਂ ਬਿਨ ਮੇਰਾ ਸਕਾ ਨਾ ਕੋਈ, ਅੰਮਾਂ ਬਾਬਲ ਭੈਣ ਨਾ ਭਾਈ।
- ਕਦੀ ਜਾ ਅਸਮਾਨੀ ਬਹਿੰਦੇ ਹੋ, ਕਦੀ ਇਸ ਜੱਗ ਦਾ ਦੁੱਖ ਸਹਿੰਦੇ ਹੋ।
- ਕਦੀ ਪੀਰੇ ਮੁਗ਼ਾਂ ਬਣ ਬਹਿੰਦੇ ਹੋ, ਮੈਂ ਤਾਂ ਇਕਸੇ ਨਾਚ ਨਚਾਈ।
- ਤੇਰੇ ਹਿਜਰੇ ਵਿਚ ਮੇਰਾ ਹੁਜਰਾ ਏ, ਦੁੱਖ ਡਾਢਾ ਮੈਂ ਪਰ ਗੁਜ਼ਰਾ ਏ।
- ਕਦੇ ਹੋ ਮਾਇਲ ਮੇਰਾ ਮੁਜਰਾ ਏ, ਮੈਂ ਤੈਥੋਂ ਘੋਲ ਘੁਮਾਈ।
- ਤੁਧ ਕਾਰਨ ਮੈਂ ਐਸਾ ਹੋਇਆ, ਨੌਂ ਦਰਵਾਜ਼ੇ ਬੰਦ ਕਰ ਸੋਇਆ।
- ਦਰ ਦਸਵੇਂ ਤੇ ਆਣ ਖਲੋਇਆ, ਕਦੇ ਮੰਨ ਮੇਰੀ ਅਸ਼ਨਾਈ।
- ਬੁਲ੍ਹਾ ਸ਼ਹੁ ਮੈਂ ਤੇਰੇ ਵਾਰੇ ਹਾਂ, ਮੁੱਖ ਵੇਖਣ ਦੇ ਵਣਜਾਰੇ ਹਾਂ।
- ਕੁਝ ਅਸੀਂ ਵੀ ਤੈਨੂੰ ਪਿਆਰੇ ਹਾਂ, ਕਿ ਮੈਂ ਐਵੇਂ ਘੋਲ ਘੁਮਾਈ ਹਾਂ।
115
- ਮੈਂ ਵੈਸਾਂ ਜੋਗੀ ਦੇ ਨਾਲ ਮੱਥੇ ਤਿਲਕ ਲਗਾ ਕੇ। ਟੇਕ।
- ਮੈਂ ਵੈਸਾਂ ਨਾ ਰਹਿਸਾਂ ਹੋੜੇ, ਕੌਣ ਕੋਈ ਮੈਂ ਜਾਂਦੀ ਨੂੰ ਮੋੜੇ।
- ਮੈਨੂੰ ਮੁੜਨਾ ਹੋਇਆ ਮੁਹਾਲ, ਸਿਰ ਤੇ ਮਿਹਣਾ ਚਾ ਕੇ।
- ਜੋਗੀ ਨਹੀਂ ਇਹ ਦਿਲ ਦਾ ਮੀਤਾ, ਭੁੱਲ ਗਈ ਮੈਂ ਪਿਆਰ ਨਾ ਕੀਤਾ।
- ਮੈਨੂੰ ਰਹੀ ਨਾ ਕੁਝ ਸੰਭਾਲ, ਉਸ ਦਾ ਦਰਸ਼ਨ ਪਾ ਕੇ।
- ਏਸ ਜੋਗੀ ਮੈਨੂੰ ਕੇਹੀਆਂ ਲਾਈਆਂ, ਹੇਠ ਕਲੇਜੇ ਕੁੰਡੀਆਂ ਪਾਈਆਂ।
- ਇਸ਼ਕ ਦਾ ਪਾਇਆ ਜਾਲ, ਮਿੱਠੀ ਬਾਤ ਸੁਣਾ ਕੇ।
- ਮੈਂ ਜੋਗੀ ਨੂੰ ਖੂਬ ਪਛਾਤਾ, ਲੋਕਾਂ ਮੈਨੂੰ ਕਮਲੀ ਜਾਤਾ।
- ਲੁੱਟੀ ਝੰਗ ਸਿਆਲ, ਕੰਨੀਂ ਮੁੰਦਰਾਂ ਪਾ ਕੇ।
- ਜੇ ਜੋਗੀ ਘਰ ਆਵੇ ਮੇਰੇ, ਮੁੱਕ ਜਾਵਣ ਸਭ ਝਗੜੇ ਝੇੜੇ।
- ਲਾਂ ਸੀਨੇ ਦੇ ਨਾਲ, ਲੱਖ ਲੱਖ ਸ਼ਗਨ ਮਨਾ ਕੇ।
- ਮਾਏ ਨੀ ਇਕ ਜੋਗੀ ਆਇਆ, ਦਰ ਸਾਡੇ ਉਸ ਧੂਆਂ ਪਾਇਆ।
- ਮੰਗਦਾ ਹੀਰ ਸਿਆਲ, ਬੈਠਾ ਭੇਸ ਵਟਾ ਕੇ।
- ਤਾਅਨੇ ਨਾਂ ਦੇ ਫੁਫੀ ਤਾਈ, ਏਥੇ ਜੋਗੀ ਨੂੰ ਕਿਸਮਤ ਲਿਆਈ।
- ਹੁਣ ਹੋਇਆ ਫ਼ਜ਼ਲ ਕਮਾਲ, ਆਇਆ ਹੈ ਜੋਗ ਸਿਧਾ ਕੇ ।
- ਮਾਹੀ ਨਹੀਂ ਕੋਈ ਨੂਰ-ਇਲਾਹੀ, ਅਨਹਦ ਦੀ ਜਿਸ ਮੁਰਲੀ ਵਾਈ।
- ਮੁਠੀਉਸੁ ਹੀਰ ਸਿਆਲ, ਡਾਹਡੇ ਕਾਮਣ ਪਾ ਕੇ।
- ਲੱਖਾਂ ਗਏ ਹਜ਼ਾਰਾਂ ਆਏ, ਉਸ ਦੇ ਭੇਤ ਕਿਸੇ ਨਾ ਪਾਏ।
- ਗੱਲਾਂ ਤਾਂ ਮੂਸੇ ਨਾਲ, ਪਰ ਕੋਹ ਤੂਰ ਚੜ੍ਹਾ ਕੇ ।
- ਆਬਦਾ ਰਸੂਲ ਕਹਾਇਆ, ਵਿਚ ਮਅਰਾਜ ਬੁਰਾਕ ਮੰਗਾਇਆ।
- ਜਬਰਾਈਲ ਪਕੜ ਲੈ ਆਇਆ, ਹੂਰਾਂ ਮੰਗਲ ਗਾ ਕੇ।
- ਏਸ ਜੋਗੀ ਦੇ ਸੁਣੋ ਅਖਾੜੇ, ਹਸਨ-ਹੁਸੈਨ ਨਬੀ ਦੇ ਪਿਆਰੇ।
- ਮਾਰਿਓਸੁ ਵਿਚ ਜੱਦਾਲ, ਪਾਣੀ ਬਿਨ ਤਰਸਾ ਕੇ।
- ਏਸ ਜੋਗੀ ਦੀ ਸੁਣੋ ਕਹਾਣੀ, ਸੋਹਣੀ ਡੁੱਬੀ ਡੂੰਘੇ ਪਾਣੀ।
- ਫਿਰ ਰਲਿਆ ਮਹੀਂਵਾਲ, ਸਾਰਾ ਰਖ਼ਤ ਲੁਟਾ ਕੇ।
- ਡਾਵਾਂ ਡੋਲੀ ਲੈ ਚੱਲੇ ਖੇੜੇ, ਮੁਢ ਕਦੀਮੀ ਦੁਸ਼ਮਨ ਜਿਹੜੇ।
- ਰਾਂਝਾ ਤਾਂ ਹੋਇਆ ਨਾਲ, ਸਿਰ ਤੇ ਟੰਮਕ ਚਾ ਕੇ।
- ਜੋਗੀ ਨਹੀਂ ਕੋਈ ਜਾਦੂ ਸਾਇਆ, ਭਰ ਭਰ ਪਿਆਲਾ ਜ਼ੌਕ ਪਿਲਾਇਆ।
- ਮੈਂ ਪੀ ਪੀ ਹੋਈ ਨਿਹਾਲ, ਅੰਗ ਬਿਭੂਤ ਰਮਾ ਕੇ।
- ਜੋਗੀ ਨਾਲ ਕਰੇਂਦੇ ਝੇੜੇ, ਕੇਹੇ ਪਾ ਬੈਠੇ ਕਾਜ਼ੀ ਘੇਰੇ।
- ਵਿਚ ਕੈਦੋ ਪਾਈ ਮੁਕਾਲ, ਕੂੜਾ ਦੋਸ਼ ਲਗਾ ਕੇ।
- ਬੁਲ੍ਹਾ ਮੈਂ ਜੋਗੀ ਨਾਲ ਵਿਆਹੀ, ਲੋਕਾਂ ਕਮਲਿਆਂ ਖ਼ਬਰ ਨਾ ਕਾਈ।
- ਮੈਂ ਜੋਗੀ ਦਾ ਮਾਲ, ਪੰਜੇ ਪੀਰ ਮਨਾ ਕੇ।
116
- ਰਹੁ ਰਹੁ ਵੇ ਇਸ਼ਕਾ ਮਾਰਿਆ ਈ, ਕਹੁ ਕਿਸ ਨੂੰ ਪਾਰ ਉਤਾਰਿਆ ਈ। ਟੇਕ।
- ਆਦਮ ਕਣਕੋਂ ਮਨ੍ਹਾਂ ਕਰਾਇਆ, ਆਪੇ ਮਗਰ ਸ਼ੈਤਾਨ ਦੁੜਾਇਆ।
- ਕਢ ਬਹਿਸ਼ਤੋਂ ਜ਼ਮੀਨ ਰੁਲਾਇਆ, ਕੇਡ ਪਸਾਰ ਪਸਾਰਿਆ ਈ।
- ਈਸਾ ਨੂੰ ਬਿਨ ਬਾਪ ਜਮਾਇਆ, ਨੂਹੇ ਪਰ ਤੂਫ਼ਾਨ ਮੰਗਾਇਆ।
- ਨਾਲ ਪਿਓ ਦੇ ਪੁੱਤਰ ਲੜਾਇਆ, ਡੋਬ ਉਹਨਾਂ ਨੂੰ ਮਾਰਿਆ ਈ।
- ਮੂਸਾ ਨੂੰ ਕੋਹ-ਤੂਰ ਚੜਾਇਓ, ਅਸਮਾਈਲ ਨੂੰ ਜ਼ਿਲ੍ਹਾ ਕਰਾਇਓ।
- ਯੂਨਸ ਮੱਛੀ ਤੋਂ ਨਿਗਲਾਇਓ, ਕੀ ਉਹਨਾਂ ਨੂੰ ਰੁਤਬੇ ਚਾੜ੍ਹਿਆ ਈ।
- ਖ਼ਵਾਬ ਜ਼ਲੈਖਾ ਨੂੰ ਦਿਖਲਾਇਓ, ਯੂਸਫ ਖੂਹ ਦੇ ਵਿਚ ਪਵਾਇਓ।
- ਭਾਈਆਂ ਨੂੰ ਇਲਜ਼ਾਮ ਦਿਵਾਇਓ, ਤਾਂ ਮਰਾਤਬ ਚਾੜ੍ਹਿਆ ਈ ।
- ਭੱਠ ਸੁਲੇਮਾਨ ਤੋਂ ਝੁਕਾਇਓ, ਇਬਰਾਹੀਮ ਚਿਖਾ ਵਿਚ ਪਾਇਓ।
- ਸਾਬਰ ਦੇ ਤਨ ਕੀੜੇ ਪਾਇਓ, ਹਸਨ ਜ਼ਹਿਰ ਦੇ ਮਾਰਿਆ ਈ।
- ਮਨਸੂਰ ਨੂੰ ਚਾ ਸੂਲੀ ਦਿੱਤਾ, ਰਾਹਬ ਦਾ ਕਢਵਾਇਓ ਦਿੱਤਾ ।
- ਜ਼ਕਰੀਆ ਸਿਰ ਕਲਵੱਤਰ ਦਿੱਤਾ, ਫੇਰ ਉਹਨਾਂ ਕੰਮ ਕੀ ਸਾਰਿਆ ਈ।
- ਸ਼ਾਹ ਸਰਮਦ ਦਾ ਗਲਾ ਕਟਾਇਓ, ਸ਼ਮਸ ਤੇ ਜਾਂ ਸੁਖਨ ਅਲਾਇਓ।
- ਕੁੰਮ-ਬ-ਇਜ਼ਨੀ ਆਪ ਕਹਾਇਓ, ਸਿਰ ਪੈਰੋਂ ਖੱਲ ਉਤਾਰਿਆਈ।
- ਏਸ ਇਸ਼ਕ ਦੇ ਬੜੇ ਅਡੰਬਰ, ਇਸ਼ਕ ਨਾ ਛੁਪਦਾ ਬਾਹਰ ਅੰਦਰ।
- ਇਸ਼ਕ ਕੀਤਾ ਸ਼ਾਹ ਸ਼ਰਫ ਕਲੰਦਰ, ਬਾਰਾਂ ਵਰ੍ਹੇ ਦਰਿਆ ਵਿਚ ਠਾਰਿਆ ਈ।
- ਇਸ਼ਕ ਲੈਲਾ ਦੇ ਧੁੰਮਾਂ ਪਾਈਆਂ, ਤਾਂ ਮਜਨੂੰ ਨੇ ਅੱਖੀਆਂ ਲਾਈਆਂ।
- ਉਹਨੂੰ ਧਾਰਾਂ ਇਸ਼ਕ ਚੁੰਘਾਈਆਂ, ਬੂਹੇ ਬਰਸ ਗੁਜ਼ਾਰਿਆ ਈ।
- ਇਸ਼ਕ ਹੋਰੀਂ ਹੀਰ ਵੱਲ ਧਾਏ, ਤਾਂਹੀਏ ਰਾਂਝੇ ਕੰਨ ਪੜਵਾਏ।
- ਸਾਹਿਬਾਂ ਨੂੰ ਜਦ ਵਿਆਹੁਣ ਆਏ, ਸਿਰ ਮਿਰਜ਼ੇ ਦਾ ਵਾਰਿਆ ਈ।
- ਸੱਸੀ ਥਲਾਂ ਦੇ ਵਿਚ ਰੁਲਾਈ, ਸੋਹਣੀ ਕੱਚੇ ਘੜੇ ਰੁੜ੍ਹਾਈ।
- ਰੋਡੇ ਪਿੱਛੇ ਗੱਲ ਗਵਾਈ, ਟੁਕੜੇ ਕਰ ਕਰ ਮਾਰਿਆ ਈ।
- ਫ਼ੌਜਾਂ ਕਤਲ ਕਰਾਈਆਂ ਭਾਈਆਂ, ਮਸ਼ਕਾਂ ਚੂਹਿਆਂ ਤੋਂ ਕਟਵਾਈਆਂ।
- ਡਿੱਠੀ ਕੁਦਰਤ ਤੇਰੀ ਸਾਈਆਂ, ਸਿਰ ਤੈਥੋਂ ਬਲਿਹਾਰਿਆ ਈ।
- ਕਰੋ ਪਾਂਡੋਂ ਕਰਨ ਲੜਾਈਆਂ, ਅਠਾਰਾਂ ਖੂਹਣੀਆਂ ਤਦੋਂ ਖਪਾਈਆਂ।
- ਮਾਰਨ ਭਾਈ ਸਕਿਆਂ ਭਾਈਆਂ, ਕੀ ਓਥੇ ਨਿਆਂ ਨਿਤਾਰਿਆ ਈ।
- ਨਮਰੂਦ ਨੇ ਵੀ ਖ਼ੁਦਾ ਸਦਾਇਆ, ਉਸ ਨੇ ਰਬ ਨੂੰ ਤੀਰ ਚਲਾਇਆ।
- ਮੱਛਰ ਤੋਂ ਨਮਰੂਦ ਮਰਵਾਇਆ, ਕਾਰੂੰ ਜ਼ਮੀਂ ਨਿਘਾਰਿਆ ਈ।
- ਫ਼ਰਔਨ ਨੇ ਜਦੋਂ ਖ਼ੁਦਾ ਕਹਾਇਆ, ਨੀਲ ਨਦੀ ਦੇ ਵਿਚ ਆਇਆ।
- ਓਸੇ ਨਾਲ ਅਸ਼ਟੰਡ ਜਗਾਇਆ, ਖ਼ੁਦੀਓਂ ਕਰ ਤਨ ਮਾਰਿਆ ਈ।
- ਲੰਕਾ ਚੜ੍ਹ ਕੇ ਨਾਦ ਬਜਾਇਓ, ਲੰਕਾ ਰਾਮ ਕੋਲੋਂ ਲੁਟਵਾਇਓ।
- ਹਰਨਾਕਸ਼ ਕਿੱਤਾ ਬਹਿਸ਼ਤ ਬਨਾਇਓ, ਉਹ ਵਿਚ ਦਰਵਾਜ਼ੇ ਮਾਰਿਆ ਈ।
- ਸੀਤਾ ਦਹਿਸਰ ਲਈ ਬੇਚਾਰੀ, ਤਦ ਹਨੂਵੰਤ ਨੇ ਲੰਕਾ ਸਾੜੀ।
- ਰਾਵਣ ਦੀ ਸਭ ਢਾਹ ਅਟਾਰੀ, ਓੜਕ ਰਾਵਣ ਮਾਰਿਆ ਈ।
- ਗੋਪੀਆਂ ਨਾਲ ਕੀ ਚੱਜ ਕਮਾਇਆ, ਮੱਖਣ ਕਾਨ੍ਹ ਤੋਂ ਲੁਟਵਾਇਆ।
- ਰਾਜੇ ਕੰਸ ਨੂੰ ਪਕੜ ਮੰਗਾਇਆ, ਬੋਦੀਓਂ ਪਕੜ ਪਛਾੜਿਆ ਈ।
- ਆਪੇ ਚਾ ਇਮਾਮ ਬਣਾਇਆ, ਇਸ ਦੇ ਨਾਲ ਯਜ਼ੀਦ ਲੜਾਇਆ।
- ਚੌਧੀਂ ਤਬਕੀਂ ਸ਼ੋਰ ਮਚਾਇਆ, ਸਿਰ ਨੇਜ਼ੇ ਤੇ ਚਾੜ੍ਹਿਆ ਈ।
- ਮੁਗਲਾਂ ਜ਼ਹਿਰ ਪਿਆਲੇ ਪੀਤੇ, ਭੂਰੀਆਂ ਵਾਲੇ ਰਾਜੇ ਕੀਤੇ।
- ਸਭ ਅਸ਼ਰਾਫ਼ ਫਿਰਨ ਚੁੱਪ ਕੀਤੇ, ਭਲਾ ਉਨ੍ਹਾਂ ਨੂੰ ਡਾੜਿਆ ਈ।
- ਬੁਲ੍ਹਾ ਸ਼ਾਹ ਫ਼ਕੀਰ ਵਿਚਾਰਾ, ਕਰ ਕਰ ਚਲਿਆ ਕੂਚ ਨਗਾਰਾ।
- ਰੋਸ਼ਨ ਜਗ ਵਿਚ ਨਾਮ ਹਮਾਰਾ, ਨੂਰੋਂ ਸਿਰਜ ਉਤਾਰਿਆ ਈ।
117
- ਰਾਤੀਂ ਜਾਗੇਂ ਕਰੇਂ ਇਬਾਦਤ।
- ਰਾਤੀਂ ਜਾਗਣ ਕੁੱਤੇ, ਤੈਥੋਂ ਉੱਤੇ।
- ਭੌਂਕਣੋਂ ਬੰਦ ਮੂਲ ਨਾ ਹੁੰਦੇ। ਜਾ ਰੂੜੀ ਤੇ ਸੁੱਤੇ ਤੈਥੋਂ ਉੱਤੇ।
- ਖ਼ਸਮ ਆਪਣੇ ਦਾ ਦਰ ਨਾ ਛੱਡਦੇ।
- ਭਾਵੇਂ ਵੱਜਣ ਜੁੱਤੇ, ਤੈਥੋਂ ਉੱਤੇ।
- ਬੁਲ੍ਹੇਸ਼ਾਹ ਕੋਈ ਵਸਤ ਵਿਹਾਝ ਲੈ।
- ਨਹੀਂ ਤੇ ਬਾਜ਼ੀ ਲੈ ਗਏ। ਕੁੱਤੇ, ਤੈਥੋਂ ਉੱਤੇ।
118
- ਵੱਤ ਨਾ ਕਰਸਾਂ ਮਾਣ ਰੰਝੇਟੇ ਯਾਰ ਦਾ ਵੇ ਅੜਿਆ। ਟੇਕ।
- ਓਸੇ ਦੀ ਗੱਲ ਓਹੋ ਜਾਣੇ,
- ਕਿਹਨੂੰ ਕਰਾਂ ਪੁਕਾਰ ਕਿਸੇ ਨਹੀਂ ਰਹਿਣਾ।
- ਇਸ਼ਕ ਅੱਲਾ ਦੀ ਜ਼ਾਤ ਲੋਕਾਂ ਦਾ ਮਿਹਣਾ।
- ਕੌਣ ਕੋਈ ਦਮ ਮਾਰਦਾ ਵੇ ਅੜਿਆ।
- ਅੱਜ ਅਜੋਕੜੀ ਰਾਤ ਮੇਰੇ ਘਰ ਰਹੀ ਖਾਂ ਵੇ ਅੜਿਆ।
- ਦਿਲ ਦੀਆਂ ਘੁੰਡੀਆਂ ਖੋਲ੍ਹ ਅਸਾਂ ਨਾਲ ਹੱਸ ਖਾਂ ਵੇ ਅੜਿਆ।
- ਦਿਲਬਰ ਯਾਰ ਇਕਰਾਰ ਕੀਤੋਈ, ਕੀ ਇਤਬਾਰ ਸੋਹਣੇ ਯਾਰ ਦਾ ਵੇ ਅੜਿਆ।
- ਜਾਨ ਕਰਾਂ ਕੁਰਬਾਨ ਭੇਤ ਨਾਹੀਂ ਦੱਸਨਾ ਏਂ ਵੇ ਅੜਿਆ।
- ਢੂੰਡਾਂ ਤਕੀਏ ਦੁਆਰੇ ਮੈਥੋਂ ਉੱਠ ਨੱਸਨਾ ਏਂ ਵੇ ਅੜਿਆ।
- ਰਲ ਮਿਲ ਸਈਆਂ ਪੁੱਛਦੀਆਂ ਫਿਰਦੀਆਂ, ਹੋਇਆ ਵਕਤ ਭੰਡਾਰ ਦਾ ਵੇ ਅੜਿਆ।
- ਹਿਕ ਕਰਦੀਆਂ ਖ਼ੁਦੀ ਹੰਕਾਰ, ਉਹਨਾਂ ਨੂੰ ਤਾਰਨੈ ਵੇ ਅੜਿਆ।
- ਇਕ ਪਿੱਛੇ ਫਿਰਨ ਖੁਆਰ, ਸੜੀਆਂ ਨੂੰ ਸਾੜਨੈਂ ਵੇ ਅੜਿਆ।
- ਮੈਂਡੇ ਸੋਹਣੇ ਯਾਰ ਵੇ,
- ਕੀ ਇਤਬਾਰ ਤੇਰੇ ਪਿਆਰ ਦਾ ਵੇ ਅੜਿਆ।
- ਚਿੱਕੜ ਭਰੀਆਂ ਨਾਲ ਨਿੱਤ ਝੁੰਬਰ ਘੱਤਨਾ ਏਂ ਵੇ ਅੜਿਆ।
- ਲਾਇਆ ਮੈਂ ਹਾਰ ਸ਼ਿੰਗਾਰ ਮੈਥੋਂ ਉੱਠ ਨੱਸਨਾ ਏਂ ਵੇ ਅੜਿਆ।
- ਬੁਲ੍ਹਾ ਸ਼ਹੁ ਘਰ ਆਓ ਪਿਆਰੇ,
- ਹੋਇਆ ਵਕਤ ਦੀਦਾਰ ਦਾ ਵੇ ਅੜਿਆ।
119
- ਵਾਹ ਸੋਹਣਿਆਂ ਤੇਰੀ ਚਾਲ ਅਜਾਇਬ ਲਟਕਾਂ ਨਾਲ ਚਲੇਂਦੇ ਓ।
- ਆਪੇ ਜ਼ਾਹਿਰ ਆਪੇ ਬਾਤਨ ਆਪੇ ਲੁੱਕ ਲੁੱਕ ਬਹਿੰਦੇ ਓ।
- ਆਪੇ ਮੁੱਲਾਂ ਆਪੇ ਕਾਜ਼ੀ ਆਪੇ ਇਲਮ ਪੜ੍ਹਦੇ ਓ।
- ਵਾਹ ਸੋਹਣਿਆਂ ਤੇਰੀ ਚਾਲ ਅਜਾਇਬ ਲਟਕਾਂ ਨਾਲ ਚਲੇਂਦੇ ਓ।
- ਘੱਤ ਜ਼ੰਨਾਰ ਕੁਫ਼ਰ ਦਾ ਗਲ ਵਿਚ ਬੁੱਤਖਾਨੇ ਵੜ ਬਹਿੰਦੇ ਓ।
- ਲੌਲਾਕ ਲਮਾ ਅਫ਼ਲਾਕ ਵਿਚਾਰੋ ਆਪੇ ਧੁੰਮ ਮਚੇਂਦੇ ਓ।
- ਵਾਹ ਸੋਹਣਿਆਂ ਤੇਰੀ ਚਾਲ ਅਜਾਇਬ ਲਟਕਾਂ ਨਾਲ ਚਲੇਂਦੇ ਓ।
- ਜ਼ਾਤ ਤੋਂ ਹੈ ਅਸ਼ਰਾਫ਼ ਰੰਝੇਟਾ ਲਾਈਆਂ ਦੀ ਲਾਜ ਰਖੇਂਦੇ ਓ।
- ਬੁਲ੍ਹਾ ਸ਼ਹੁ ਇਨਾਇਤ ਮੈਨੂੰ ਪਲ ਪਲ ਦਰਸ਼ਨ ਦੇਂਦੇ ਓ।
- ਵਾਹ ਸੋਹਣਿਆਂ ਤੇਰੀ ਚਾਲ ਅਜਾਇਬ ਲਟਕਾਂ ਨਾਲ ਚਲੇਂਦੇ ਓ।
120
- ਵਾਹ ਵਾਹ ਰਮਜ਼ ਸਜਣ ਦੀ ਹੋਰ। ਆਸ਼ਕ ਬਿਨਾਂ ਨਾ ਸਮਝੇ ਕੋਰ।
- ਕੋਠੇ ਤੇ ਚੜ੍ਹ ਦੇਵਾਂ ਹੋਕਾ, ਇਸ਼ਕ ਵਿਹਾਜਿਓ ਕੋਈ ਨਾ ਲੋਕਾ।
- ਇਸ ਦਾ ਮੂਲ ਨਾ ਖਾਣਾ ਧੋਖਾ, ਜੰਗਲ ਬਸਤੀ ਮਿਲੇ ਨਾ ਠੌਰ।
- ਵਾਹ ਵਾਹ ਰਮਜ਼ ਸਜਣ ਦੀ ਹੋਰ।
- ਆਸ਼ਕ ਦੋਹੀਂ ਜਹਾਨੀ ਮੁੱਠੇ, ਨਾਜ਼ ਮਸ਼ੂਕਾਂ ਦੇ ਉਹ ਕੁੱਠੇ।
- ਇਸ਼ਕ ਦਾ ਫੱਟਿਆ ਕੋਈ ਨਾ ਛੁੱਟੇ, ਕੀਤੇ ਸੂ ਬਾਂਦਾ ਫੱਟ ਫਲੋਰ ।
- ਵਾਹ ਵਾਹ ਰਮਜ਼ ਸਜਣ ਦੀ ਹੋਰ।
- ਦੇ ਦੀਦਾਰ ਹੋਇਆ ਜਦ ਰਾਹੀ, ਅਚਣਚੇਤ ਪਈ ਗਲ ਫਾਹੀ।
- ਡਾਢੀ ਕੀਤੀ ਲਾਪਰਵਾਹੀ, ਮੈਨੂੰ ਮਿਲ ਗਿਆ ਠੱਗ ਲਾਹੌਰ।
- ਵਾਹ ਵਾਹ ਰਮਜ਼ ਸਜਣ ਦੀ ਹੋਰ।
- ਸ਼ੀਰੀ ਹੈ ਬਿਰਹੋਂ ਦਾ ਖਾਣਾ, ਕੋਹ ਚੋਟੀ ਫਰਹਾਦ ਨਿਮਾਣਾ।
- ਯੂਸਫ਼ ਮਿਸਰ ਬਜ਼ਾਰ ਵਿਕਾਣਾ, ਉਸ ਨੂੰ ਨਾਹੀਂ ਵੇਖਣ ਕੌਰ।
- ਵਾਹਾ ਵਾਹ ਰਮਜ਼ ਸਜਣ ਦੀ ਹੋਰ।
- ਲੈਲਾ ਮਜਨੂ ਦੋਵੇਂ ਬਰਦੇ, ਸੋਹਣੀ ਡੁੱਬੀ ਵਿਚ ਬਹਿਰ ਦੇ।
- ਹੀਰ ਵੰਝਾਏ ਸੱਭੇ ਘਰ ਦੇ, ਇਸ ਦੀ ਖਿੱਚੀ ਮਾਹੀ ਡੋਰ।
- ਵਾਹ ਵਾਹ ਰਮਜ਼ ਸਜਣ ਦੀ ਹੋਰ।
- ਆਸ਼ਕ ਫਿਰਦੇ ਚੁੱਪ ਚੁਪਾਤੇ, ਜੈਸੇ ਮਸਤ ਸਦਾ ਮਧ ਮਾਤੇ ।
- ਦਾਮ ਜ਼ੁਲਫ਼ ਦੇ ਅੰਦਰ ਫਾਥੇ, ਓਥੇ ਚੱਲੇ ਵੱਸ ਨਾ ਜ਼ੋਰ।
- ਵਾਹ ਵਾਹ ਰਮਜ਼ ਸਜਣ ਦੀ ਹੋਰ।
- ਜੇ ਉਹ ਆਣ ਮਿਲੇ ਦਿਲਜਾਨੀ, ਉਸ ਤੋਂ ਜਾਨ ਕਰਾਂ ਕੁਰਬਾਨੀ।
- ਸੂਰਤ ਦੇ ਵਿਚ ਯੂਸਫ਼ ਸਾਨੀ, ਆਲਮ ਦੇ ਵਿਚ ਜਿਸ ਦਾ ਸ਼ੋਰ।
- ਵਾਹ ਵਾਹ ਰਮਜ਼ ਸਜਣ ਦੀ ਹੋਰ।
- ਬੁਲ੍ਹਾ ਸ਼ਹੁ ਨੂੰ ਕੋਈ ਨਾ ਵੇਖੇ, ਜੋ ਵੇਖੇ ਸੋ ਕਿਸੇ ਨਾ ਲੇਖੇ।
- ਉਸ ਦਾ ਰੰਗ ਨਾ ਰੂਪ ਨਾ ਰੇਖੇ, ਉਹ ਈ ਹੋਵੇ ਹੋ ਕੇ ਚੋਰ।
- ਵਾਹ ਵਾਹ ਰਮਜ਼ ਸਜਣ ਦੀ ਹੋਰ। ਆਸ਼ਕ ਬਿਨਾਂ ਨਾ ਸਮਝੇ ਕੋਰ।
121
- ਵੇਖੋ ਨੀ ਸ਼ਹੁ ਇਨਾਇਤ ਸਾਈਂ,
- ਮੈਂ ਨਾਲ ਕਰਦਾ ਕਿਵੇਂ ਅਦਾਈਂ। ਟੇਕ।
- ਕਦੀ ਆਵੇ ਕਦੀ ਆਵੇ ਨਾਹੀਂ,ਤਿਉਂ ਤਿਉਂ ਮੈਨੂੰ ਭੜਕਨ ਭਾਹੀਂ।
- ਨਾਮ ਅੱਲਾ ਪੈਗ਼ਾਮ ਸੁਣਾਈਂ,ਮੁੱਖ ਵੇਖਣ ਨੂੰ ਨਾ ਤਰਸਾਈਂ।
- ਬੁਲ੍ਹੇ ਸ਼ਹੁ ਕੇਹੀ ਲਾਈ ਮੈਨੂੰ,ਰਾਤ ਹਨ੍ਹੇਰੇ ਉੱਠ ਟੁਰਦੀ ਨੈਂ ਨੂੰ।
- ਜਿਸ ਔਕੜ ਤੋਂ ਸਭ ਕੋਈ ਡਰਦਾ, ਸੋ ਮੈਂ ਢੂੰਡਾਂ ਚਾਈਂ ਚਾਈਂ ।
- ਵੇਖੋ ਨੀ ਕੀ ਕਰ ਗਿਆ ਮਾਹੀ, ਲੈ ਦੇ ਕੇ ਦਿਲ ਹੋ ਗਿਆ ਰਾਹੀਂ। ਟੇਕ।
- ਅੰਮਾਂ ਝਿੜਕੇ ਬਾਬਲ ਮਾਰੇ, ਤਾਅਨੇ ਦੇਂਦੇ ਵੀਰ ਪਿਆਰੇ।
- ਜੇ ਬੁਰੀ ਮੈਂ ਬੁਰਿਆਰ ਵੇ ਲੋਕਾ, ਮੈਨੂੰ ਦਿਓ ਉੱਤੇ ਵੱਲ ਤ੍ਰਾਹੀ ।
- ਬੂਹੇ ਤੇ ਉਸ ਨਾਦ ਵਜਾਇਆ, ਅਕਲ ਫ਼ਿਕਰ ਸਭ ਚਾ ਗਵਾਇਆ।
- ਅੱਲਾ ਦੀ ਸਹੁੰ ਅੱਲਾ ਜਾਣੇ, ਹੱਸਦਿਆਂ ਗਲ ਵਿਚ ਪੈ ਗਈ ਫਾਹੀ।
- ਰਹੁ ਵੇ ਇਸ਼ਕਾ ਕੀ ਕਰੇਂ ਅਖਾੜੇ, ਮਨਸੂਰ ਜੇਹੇ ਸੂਲੀ ਤੇ ਚਾੜ੍ਹੇ।
- ਆਣ ਬਣੀ ਜਦ ਨਾਲ ਅਸਾਡੇ, ਬੁਲ੍ਹਾ ਮੂੰਹ ਤੋਂ ਲੋਈ ਲਾਹੀ।
- ਵੇਖੋ ਨੀ ਕੀ ਕਰ ਗਿਆ ਮਾਹੀ, ਲੈ ਦੇ ਕੇ ਦਿਲ ਹੋ ਗਿਆ ਰਾਹੀ।
122
- ਵੇਖੋ ਨੀ ਪਿਆਰਾ ਮੈਨੂੰ ਸੁਫਨੇ ਮੇਂ ਛੱਲ ਗਿਆ।
- ਮੈਂ ਸੋਈ ਹੋਈ ਮੁੱਠੀ ਆਂ, ਮੈਂ ਵਾਂਗ ਜ਼ੁਲੈਖਾਂ ਕੁੱਠੀ ਆਂ।
- ਚਾ ਇਸਕ ਨੇ ਮੈਂ ਫੱਟੀ ਆਂ, ਮੇਰਾ ਬੰਦ ਬੰਦ ਹੱਲ ਗਿਆ।
- ਵੇਖੋ ਨੀ ਪਿਆਰਾ ਮੈਨੂੰ ਸੁਫਨੇ ਮੇਂ ਛੱਲ ਗਿਆ।
- ਮੈਂ ਸਿਆਣੀਆਂ ਸਭ ਬੁਲਾਈਆਂ, ਮੈਂ ਔਸੀਆਂ ਸਭ ਪਵਾਈਆਂ।
- ਜਵਾਬ ਦਿੱਤਾ ਨਜੂਮੀਆਂ, ਮੇਰੇ ਨੈਣੀਂ ਨੀਰ ਉਛੱਲ ਗਿਆ।
- ਵੇਖੋ ਨੀ ਪਿਆਰਾ ਮੈਨੂੰ ਸੁਫਨੇ ਮੇਂ ਛੱਲ ਗਿਆ।
- ਨੇੜੇ ਕਿਉਂ ਨਹੀਂ ਆਈਦਾ, ਸਾਨੂੰ ਦੂਰੋਂ ਨਹੀਂ ਦਿਖਲਾਈਦਾ।
- ਨਜ਼ਾਰੇ ਤੋਂ ਡਰਾਈਦਾ, ਕੋਹ ਤੂਰ ਪਹਾੜ ਜਲ ਗਿਆ।
- ਵੇਖੋ ਨੀ ਪਿਆਰਾ ਮੈਨੂੰ ਸੁਫਨੇ ਮੇਂ ਛੱਲ ਗਿਆ।
- ਪੀਆ ਨੇ ਨੈਣ ਬਾਣ ਲਾ ਕੇ, ਬਿਰਹੋਂ ਸੂੰ ਚਹਿ-ਚਿਹਾ ਕੇ।
- ਫਰਹਾਦ ਨੂੰ ਕੋਹ ਕਟਾ ਕੇ, ਸ਼ੀਰੀਂ ਸੋਂ ਰਲ ਗਿਆ।
- ਵੇਖੋ ਨੀ ਪਿਆਰਾ ਮੈਨੂੰ ਸੁਫਨੇ ਮੇਂ ਛੱਲ ਗਿਆ।
- ਬੁਲ੍ਹਾ ਆਪ ਤੋਂ ਲਭਾਈਦਾ, ਸ਼ਹੁ ਅਨਾਇਤ ਹੈ ਪਾਈਦਾ।
- ਨੇੜੇ ਹੀ ਪਛੋਤਾਈਦਾ, ਬੁਲ੍ਹਾ ਅੱਜ ਸ਼ਹੁ ਮਿਲ ਗਿਆ।
- ਵੇਖੋ ਨੀ ਪਿਆਰਾ ਮੈਨੂੰ ਸੁਫਨੇ ਮੇਂ ਛੱਲ ਗਿਆ।
123
- ਗਮਨ ਕੀਆ ਤੁਮ ਕਾਹੇ ਕੋ ਜੋ ਕਲ ਮਲ ਆਇਆ ਜੀ ।
- ਅੱਸੂ ਅਸਾਂ ਤੁਸਾਡੀ ਆਸ, ਸਾਡੀ ਜਿੰਦ ਤੁਸਾਡੇ ਪਾਸ।
- ਅੱਸੂ ਲਿਖੂੰ ਸੰਦੇਸੜਾ ਵਾਚੇ ਮੇਰਾ ਪੀ।
- ਜਿਗਰ ਮੁੱਢ ਪ੍ਰੇਮ ਦੀ ਲਾਸ, ਦੁੱਖਾਂ ਹੱਡ ਸੁਕਾਏ ਮਾਸ,
- ਸੂਲਾਂ ਸਾੜੀਆਂ। ਸੂਲਾਂ ਸਾੜੀ ਰਹੀ ਬੇਰਾਲ, ਮੁੱਠੀ ਤਦੋਂ ਨਾ ਗਈਆਂ ਨਾਲ।
- ਉਲਟੀ ਪ੍ਰੇਮ ਨਗਰ ਦੀ ਚਾਲ, ਬੁਲ੍ਹਾ ਸ਼ਹੁ ਦੀ ਕਰਸਾਂ ਭਾਲ,
- ਪਿਆਰੇ ਮਾਰੀਆਂ।
124ਬਾਰਾਮਾਹ
ਅੱਸੂ
- ਕਹੋ ਕੱਤਕ ਕੈਸੀ ਜੋ ਬਣਿਓ ਕਠਨ ਸੇ ਭੋਗ।
- ਸੀਸ ਕੱਪਰ ਹੱਥ ਜੋੜ ਕੇ ਮਾਂਗੂੰ ਭੀਖ ਸੰਜੋਗ।
- ਕੱਤਕ ਕਿਆ ਤੁੰਬਣ ਕੱਤਣ, ਲੱਗੀ ਚਾਟ ਤਾਂ ਹੋਈਆਂ ਅੱਤਣ ।
- ਦਰ ਦਰ ਲੱਗੇ ਧੰਮਾਂ ਘੱਤਣ, ਔਖੀ ਘਾਟ ਪੁਚਾਏ ਪੱਤਣ,
- ਸ਼ਾਮ ਵਾਸਤੇ।
- ਹੁਣ ਮੈਂ ਮੋਈ ਬੇਦਰਦ ਲੋਕਾ, ਕੋਈ ਦਿਉ ਉੱਚੀ ਚੜ੍ਹ ਕੇ ਹੋਕਾ।
- ਮੇਰਾ ਉਨ ਸੰਗ ਨੇਹੁੰ ਚਰੋਕਾ, ਬੁਲ੍ਹਾ ਸ਼ਹੁ ਬਿਨ ਜੀਵਨ ਔਖਾ,
- ਜਾਂਦਾ ਪਾਸ ਤੇ।
125ਕੱਤਕ
- ਮੱਘਰ ਮੈਂ ਕਰ ਰਹੀਆਂ ਸੋਧ ਕੇ ਸਭ ਊਂਚੇ ਨੀਚੇ ਵੇਖ।
- ਪੜ੍ਹ ਪੰਡਤ ਪੋਥੀ ਭਾਲ ਰਹੇ ਹਰਿ ਹਰਿ ਸੇ ਰਹੇ ਅਲੇਖ ।
- ਮੱਘਰ ਮੈਂ ਘਰ ਕਿੱਧਰ ਜਾਂਦਾ, ਰਾਕਸ਼ ਨੇਹੁੰ ਹੱਡਾਂ ਨੂੰ ਖਾਂਦਾ ।
- ਸੜ ਸੜ ਜੀਅ ਪਿਆ ਕੁਰਲਾਂਦਾ, ਆਵੇ ਲਾਲ ਕਿਸੇ ਦਾ ਆਂਦਾ,
- ਬਾਂਦੀ ਹੋ ਰਹਾਂ।
- ਜੋ ਕੋਈ ਸਾਨੂੰ ਯਾਰ ਮਿਲਾਵੇ, ਸੋਜ਼ੇ ਅਲਮ ਥੀਂ ਸਰਦ ਕਰਾਵੇ।
- ਚਿਖਾ ਤੋਂ ਬੈਠੀ ਸਤੀ ਉਠਾਵੇ, ਬੁਲ੍ਹਾ ਸ਼ਹੁ ਬਿਨ ਨੀਂਦ ਨ ਆਵੇ।
- ਭਾਵੇਂ ਸੋ ਰਹਾਂ।
126ਮੱਘਰ
- ਪੋਹ ਹੁਣ ਪੁਛੇ ਜਾ ਕੇ ਤੁਮ ਨਿਆਰੇ ਕਿਉਂ ਮੀਤ।
- ਕਿਸ ਮੋਹਨ ਮਨ ਮੋਹ ਲੀਆ ਜੋ ਪੱਥਰ ਕੀਨੋ ਚੀਤ।
- ਪਾਣੀ ਪੋਹ ਪਵਨ ਭੱਠ ਪਈਆਂ, ਲੱਦੇ ਹੋਤ ਤਾਂ ਉਘੜ ਗਈਆਂ।
- ਨਾ ਸੰਗ ਮਾਪੇ ਸੱਜਣ ਸਈਆਂ, ਪਿਆਰੇ ਇਸ਼ਕ ਚਵਾਤੀ ਲਈਆਂ,
- ਦੁੱਖਾਂ ਰੋਲੀਆਂ।
- ਕੜ ਕੜ ਕੱਪਰ ਕੜਕ ਡਰਾਏ, ਮਾਰੂਥਲ ਵਿਚ ਬੇੜੇ ਪਾਏ।
- ਜਿਉਂਦੀ ਮੋਈ ਨੀ ਮੇਰੀ ਮਾਏ, ਬੁਲ੍ਹਾ ਸ਼ਹੁ ਕਿਉਂ ਅਜੇ ਨ ਆਏ,
- ਹੰਝੂ ਡੋਹਲੀਆਂ।
127ਪੋਹ
- ਮਾਘੀ ਨਹਾਵਣ ਮੈਂ ਚੱਲੀ ਜੋ ਤੀਰਥ ਕਰ ਸਮਿਆਨ।
- ਗੱਜ ਗੱਜ ਬਰਸੇ ਮੇਘਲਾ ਮੈਂ ਰੋ ਰੋ ਕਰਾਂ ਇਸ਼ਨਾਨ।
- ਮਾਘ ਮਹੀਨੇ ਗਏ ਉਲਾਂਘ, ਨਵੀਂ ਮੁਹਬਤ ਬਹੁਤੀ ਤਾਂਘ,
- ਇਸ਼ਕ ਮੁਅਜ਼ਨ ਦਿੱਤੀ ਬਾਂਗ, ਪੜ੍ਹਾਂ ਨਿਮਾਜ਼ ਪੀਆ ਦੀ ਤਾਂਘ।
- ਦੁਆਈਂ ਕੀ ਕਰਾਂ।
- ਆਖਾਂ ਪਿਆਰੇ ਮੈਂ ਵੱਲ ਆ, ਤੇਰੇ ਮੁੱਖ ਵੇਖਣ ਦਾ ਚਾਅ।
- ਭਾਵੇਂ ਹੋਰ ਤੱਤੀ ਨੂੰ ਤਾਅ, ਬੁਲ੍ਹਾ ਸ਼ਹੁ ਨੂੰ ਆਣ ਮਿਲਾ,
- ਤੇਰੀ ਹੋ ਰਹਾਂ।
128ਮਾਘ
- ਫੱਗਣ ਫੂਲੇ ਖੇਤ ਜਿਉਂ ਬਣ ਤਿਣ ਫੂਲ ਸ਼ਿੰਗਾਰ।
- ਹਰ ਡਾਲੀ ਫੁੱਲ ਪੱਤੀਆਂ ਗਲ ਫੂਲਣ ਕੇ ਹਾਰ।
- ਹੋਰੀ ਖੇਲਣ ਸਈਆਂ ਫੱਗਣ, ਮੇਰੇ ਨੈਣ ਝਲਾਰੀ ਵੱਗਣ।
- ਔਖੇ ਜੀਉਂਦਿਆਂ ਦੇ ਦਿਨ ਤੱਗਣ, ਸੀਨੇ ਬਾਣ ਪਰੇਮ ਦੇ ਲੱਗਣ।
- ਹੋਰੀ ਹੋ ਰਹੀ।
- ਜੋ ਕੁਝ ਰੋਜ਼ੇ-ਅਜ਼ਲ ਥੀਂ ਹੋਈ, ਲਿਖੀ ਕਲਮ ਨਾ ਮੇਟੇ ਕੋਈ।
- ਦੁੱਖਾਂ ਸੂਲਾਂ ਦਿੱਤੀ ਢੋਈ, ਬੁੱਲ੍ਹਾ ਸ਼ਹੁ ਨੂੰ ਆਖੋ ਕੋਈ,
- ਜਿਸ ਨੂੰ ਰੋ ਰਹੀ।
129ਫੱਗਣ
- ਚੇਤੇ ਚਮਨ ਵਿਚ ਕੋਇਲਾਂ, ਨਿੱਤ ਕੁ ਕੂ ਕਰਨ ਪੁਕਾਰ।
- ਮੈਂ ਸੁਣ ਸੁਣ ਝੁਰ ਝੁਰ ਮਰ ਰਹੀ, ਕਬ ਘਰ ਆਵੇ ਯਾਰ।
- ਹੁਣ ਕੀ ਕਰਾਂ ਜੋ ਆਇਆ ਚੇਤ, ਬਣ ਤਣ ਫੂਲ ਰਹੇ ਸਭ ਖੇਤ।
- ਦੇਂਦੇ ਆਪਣਾ ਅੰਤ ਨਾ ਭੇਤ, ਸਾਡੀ ਹਾਰ ਤੁਸਾਡੀ ਜੇਤ,
- ਹੁਣ ਮੈਂ ਹਾਰੀਆਂ।
- ਹੁਣ ਮੈਂ ਹਾਰਿਆ ਆਪਣਾ ਆਪ, ਤੁਹਾਡਾ ਇਸ਼ਕ ਅਸਾਡਾ ਖਾਪ।
- ਤੇਰੇ ਨੇਹੁੰ ਦਾ ਸ਼ੂਕਿਆ ਤਾਪ, ਬੁਲ੍ਹਾ ਸ਼ਹੁ ਕੀ ਲਾਇਆ ਪਾਪ,
- ਕਾਰੇ ਹਾਰੀਆਂ
130ਚੇਤ
- ਬਿਸਾਖੀ ਦਾ ਦਿਨ ਕਠਨ ਹੈ ਜੇ ਸੰਗ ਮੀਤ ਨਾ ਹੋ।
- ਮੈਂ ਕਿਸ ਦੇ ਆਗੇ ਜਾ ਕਹੂੰ ਇਕ ਮੰਡੀ ਭਾ ਦੋ।
- ਤਾਂ ਮਨ ਭਾਵੇ ਸੁਖ ਬਸਾਖ ਗੁੱਛੀਆਂ ਪਈਆਂ ਪੱਕੀ ਦਾਖ਼।
- ਲਾਖੀ ਲੈ ਘਰ ਆਇਆ ਲਾਖ ਤਾਂ ਮੈਂ ਬਾਤ ਸਕਾਂ ਆਖ,
- ਕਾਉਂਤਾਂ ਵਾਲੀਆਂ।
- ਕੰਤਾਂ ਵਾਲੀਆਂ ਡਾਹਡਾ ਜ਼ੋਰ ਹੁਣ ਮੈਂ ਝੁਰ ਝੁਰ ਹੋਈ ਆਂ ਮੋਰ।
- ਕੰਡੇ ਪੁੜੇ ਕਲੇਜੇ ਜ਼ੋਰ, ਬੁਲ੍ਹਾ ਸ਼ਹੁ ਬਿਨ ਕੋਈ ਨਾ ਹੋਰ,
- ਜਿਨ ਘੱਤ ਗਾਲੀਆਂ ।
131ਬਿਸਾਖ
- ਜੇਠ ਜੇਹੀ ਮੋਹੇ ਅਗਨ ਹੈ ਜਬ ਕੇ ਬਿਛੜੇ ਮੀਤ।
- ਸੁਣ ਸੁਣ ਘੁਣ ਘੁਣ ਝੁਰ ਮਰੋਂ ਜੋ ਤੁਮਰੀ ਯੇਹ ਪਰੀਤ।
- ਲੋਆਂ ਧੁੱਪਾਂ ਪੈਂਦੀਆਂ ਜੇਠ, ਮਜਲਿਸ ਬਹਿੰਦੀ ਬਾਗਾਂ ਹੇਠ।
- ਤੱਤੀ ਠੰਡੀ ਵੱਗੇ ਪੇਠ, ਦਫ਼ਤਰ ਕੱਢ ਪੁਰਾਣੇ ਸੇਠ,
- ਮਹੁਰਾ ਖਾਨੀ ਆਂ।
- ਅੱਜ ਕਲ੍ਹ ਸੱਦ ਹੋਈ ਅਲਬੱਤਾ, ਹੁਣ ਮੈਂ ਆਹ ਕਲੇਜਾ ਤੱਤਾ।
- ਨਾ ਘਰ ਕੱਤ ਨਾ ਦਾਣਾ ਭੱਤਾ ਬੁਲ੍ਹਾ ਸਹੁ ਹੋਰਾਂ ਸੋਗ ਰੱਤਾ,
- ਸੀਨੇ ਕਾਨੀਆਂ।
132ਜੇਠ
- ਹਾੜ੍ਹ ਸੋਹੇ ਮੋਹੇ ਝਟ ਪਟੇ ਜੋ ਲੱਗੀ ਪ੍ਰੇਮ ਕੀ ਆਗ।
- ਜਿਸ ਲਾਗੇ ਤਿਸ ਜਲ ਬੁਝੇ ਜਿਉਂ ਭੋਰ ਜਲਾਵੇ ਭਾਗ।
- ਹੁਣ ਕੀ ਕਰਾਂ ਜੋ ਆਇਆ ਹਾੜ੍ਹ, ਤਨ ਵਿਚ ਇਸ਼ਕ ਤਪਾਯਾ ਭਾੜ।
- ਤੇਰੇ ਇਸ਼ਕ ਨੇ ਦਿੱਤਾ ਸਾੜ, ਰੋਵਣ ਅੱਖੀਆਂ ਕਰਨ ਪੁਕਾਰ,
- ਤੇਰੇ ਹਾਵੜੇ ।
- ਹਾੜ੍ਹੇ ਘੱਤਾਂ ਸ਼ਾਮੀ ਅੱਗੇ, ਕਾਸਦ ਲੈ ਕੇ ਪੱਤਰ ਵੱਗੇ।
- ਕਾਲੇ ਗਏ ਤੇ ਆਏ ਬੱਗੇ, ਬੁਲ੍ਹਾ ਸ਼ਹੁ ਬਿਨ ਜ਼ਰਾ ਨਾ ਤੱਗੇ,
- ਸ਼ਾਮੀ ਬਾਹਵੜੇ।
133ਹਾੜ੍ਹ
- ਸਾਵਣ ਸੋਹੇ ਮੇਘਲਾ ਘਟ ਸੋਹੇ ਕਰਤਾਰ।
- ਠੋਰ ਠੋਰ ਇਨਾਇਤ ਬਸੇ ਪਪੀਹਾ ਕਰੇ ਪੁਕਾਰ।
- ਸੋਹਣ ਮਲਿਹਾਰਾਂ ਸਾਰੇ ਸਾਵਣ, ਦੂਤੀ ਦੁੱਖ ਲੱਗੇ ਉੱਠ ਜਾਵਣ।
- ਨੀਂਗਰ ਖੇਡਣ ਕੁੜੀਆਂ ਗਾਵਣ, ਮੈਂ ਘਰ ਰੰਗ ਰੰਗੀਲੇ ਆਵਣ,
- ਆਸਾਂ ਪੁੰਨੀਆਂ।
- ਮੇਰੀਆਂ ਆਸਾਂ ਰੱਬ ਪੁਚਾਈਆਂ, ਮੈਂ ਤਾਂ ਉੱਨ ਸੰਗ ਅੱਖੀਆਂ ਲਾਈਆਂ।
- ਸਈਆਂ ਦੇਣ ਮੁਬਾਰਕ ਆਈਆਂ, ਸ਼ਾਹ ਇਨਾਇਤ ਆਖਾਂ ਸਾਈਆਂ,
- ਆਸਾਂ ਪੁੰਨੀਆਂ।
134ਸਾਵਣ
- ਭਾਦੋਂ ਭਾਵੇਂ ਤਬ ਸਖੀ ਜੋ ਪਲ ਪਲ ਹੋਵੇ ਮਿਲਾਪ।
- ਜੋ ਘਟ ਦੇਖੂੰ ਖੋਲ੍ਹ ਕੇ ਘਟ ਘਟ ਦੇ ਵਿਚ ਆਪ।
- ਆ ਹੁਣ ਭਾਦੋਂ ਭਾਗ ਜਗਾਇਆ, ਸਾਹਿਬ ਕੁਦਰਤ ਸੇਤੀ ਆਇਆ।
- ਹਰ ਹਰ ਦੇ ਵਿਚ ਆਪ ਸਮਾਇਆ। ਸ਼ਾਹ ਇਨਾਇਤ ਆਪ ਲੱਖਾਇਆ।
- ਤਾਂ ਮੈਂ ਲੱਖਿਆ।
- ਆਖਰ ਉਮਰੇ ਹੋਈ ਤਸੱਲਾ, ਪਲ ਪਲ ਮੰਗਣ ਨੈਣ ਤਜੱਲਾ।
- ਜੋ ਕੁਝ ਹੋਸੀ ਕਰਸੀ ਅੱਲਾ, ਬੁਲ੍ਹਾ ਸ਼ਹੁ ਬਿਨ ਕੁਝ ਨਾ ਭੱਲਾ,
- ਪ੍ਰੇਮ ਰੱਸ ਚੱਖਿਆ।
135ਭਾਦੋਂ
- ਬੁੱਲਾ ਭੁੱਲਾ ਨਮਾਜ਼ ਦੁਗਾਨਾ, ਜਦ ਸੁਣਿਆ ਤਾਨ ਤਰਾਨਾ।
- ਅਕਲ ਕਹੇ ਮੈਂ ਜ਼ਰਾ ਨਾ ਮਾਨਾਂ, ਇਸ਼ਕ ਕੂਕੇਂਦਾ ਤਾਰੋ ਤਾਰ।
- ਛਨਿਛਰਵਾਰ ਉਤਾਵਲੇ ਵੇਖ ਸੱਜਣ ਦੀ ਸੋ।
- ਅਸਾਂ ਮੁੜ ਘਰ ਫੇਰ ਨਾ ਆਵਣਾ ਜੋ ਹੋਗ ਸੋ ਹੋ।
- ਵਾਹ ਵਾਹ ਛਨਿਛਰਵਾਰ ਵਹੇਲੇ ਦੁੱਖ ਸਜਣ ਦੇ ਮੈਂ ਵਲ ਪੇਲੇ।
- ਢੂੰਡਾਂ ਔਝੜ ਜੰਗਲ ਬੇਲੇ, ਓਹੜਾਂ ਰੈਣ ਕਵੱਲੜੇ ਵੇਲੇ,
- ਬਿਰਹੋਂ ਘੇਰੀਆਂ।
- ਖੜੀ ਤਾਂਘ ਤੁਸਾਡੀਆਂ ਤਾਂਘਾਂ, ਰਾਤੀ ਸੁਤੜੇ ਸ਼ੇਰ ਉਲਾਂਘਾਂ।
- ਉੱਚੀ ਚੜ੍ਹ ਕੇ ਕੂਕਾਂ ਚਾਂਘਾਂ ਸੀਨੇ ਅੰਦਰ ਰੜਕਣ ਸਾਂਗਾਂ,
- ਪਿਆਰੇ ਤੇਰੀਆਂ।
- ਐਤਵਾਰ ਸੁਨੈਤ ਹੈ ਜੋ ਜੋ ਕਦਮ ਧਰੇ।
- ਉਹ ਵੀ ਆਸ਼ਕ ਨਾ ਕਰੋ ਸਿਰ ਦੇਂਦਾ ਉਜ਼ਰ ਕਰੇ।
- ਐਤ ਐਤਵਾਰ ਭਾਇਤ, ਵਿੱਚੋਂ ਜਾਇ ਹਿਜਰ ਦੀ ਸਾਇਤ।
- ਮੇਰੇ ਦੁੱਖ ਦੀ ਸੁਣੋ ਹਿਕਾਇਤ, ਆ ਇਨਾਇਤ ਕਰੇ ਹਿਦਾਇਤ,
- ਤਾਂ ਮੈਂ ਤਾਰੀਆਂ।
- ਤੇਰੀ ਯਾਰੀ ਜਹੀ ਨਾ ਯਾਰੀ, ਤੇਰੇ ਪਕੜ ਵਿਛੋੜੇ ਮਾਰੀ।
- ਇਸ਼ਕ ਤੁਸਾਡਾ ਕਿਆਮਤ ਸਾਰੀ, ਤਾਂ ਮੈਂ ਹੋਈ ਆਂ ਵੇਦਨ ਭਾਰੀ,
- ਕਰ ਕੁਝ ਕਾਰੀਆਂ।
136ਅਠਵਾਰਾ
- ਬੁਲ੍ਹਾ ਰੋਜ਼ ਸੋਮਵਾਰ ਦੇ ਕਿਆ ਚਲ ਚਲ ਕਰੇ ਪੁਕਾਰ।
- ਅੱਗੇ ਲੱਖ ਕਰੋੜ ਸਹੇਲੀਆਂ ਮੈਂ ਕਿਸ ਦੀ ਪਾਣੀਹਾਰ।
- ਮੈਂ ਦੁੱਖਿਆਰੀ ਦੁੱਖ ਸਵਾਰ, ਰੋਣਾ ਅੱਖੀਆਂ ਦਾ ਰੁਜ਼ਗਾਰ ।
- ਮੇਰੀ ਖ਼ਬਰ ਨਾ ਲੈਂਦਾ ਯਾਰ, ਹੁਣ ਮੈਂ ਜਾਤਾ ਮੁਰਦੇ-ਮਾਰ,
- ਮੋਇਆਂ ਨੂੰ ਮਾਰਦਾ।
- ਮੇਰੀ ਓਸੇ ਨਾਲ ਲੜਾਈ, ਜਿਸ ਨੇ ਮੈਨੂੰ ਬਰਛੀ ਲਾਈ।
- ਸੀਨੇ ਅੰਦਰ ਭਾਹ ਭੜਕਾਈ, ਕੱਟ ਕੱਟ ਖਾਇ ਬਿਰਹੋਂ ਕਸਾਈ,
- ਪਛਾਇਆ ਯਾਰ ਦਾ।
137
- ਮੰਗਲ ਮੈਂ ਗਲ ਪਾਣੀ ਆ ਗਿਆ, ਲਬਾਂ ਤੇ ਆਵਣਹਾਰ।
- ਮੈਂ ਘੁੰਮਣ ਘੇਰਾਂ ਘੇਰੀਆਂ, ਉਹ ਵੇਖੇ ਖਲਾ ਕਿਨਾਰ।
- ਮੰਗਲ ਬੰਦੀਵਾਨ ਦਿਲਾਂ ਦੇ, ਛੱਟੇ ਸ਼ਹੁ ਦਰਿਆਵਾਂ ਪਾਂਦੇ।
- ਕੱਪਰ ਕੜਕ ਦੁਪਹਿਰੀ ਖਾਂਦੇ, ਵਲ ਵਲ ਗੋਤਿਆਂ ਦੇ ਮੂੰਹ ਆਂਦੇ,
- ਮੇਰੇ ਯਾਰ ਦੇ।
- ਕੰਢੇ ਵੇਖੇ ਖਲਾ ਤਮਾਸ਼ਾ, ਸਾਡੀ ਮਰਗ ਉਹਨਾਂ ਦਾ ਹਾਸਾ।
- ਦਿਲ ਮੇਰੇ ਵਿਚ ਆਇਆ ਸੂ ਆਸਾ, ਵੇਖਾਂ ਦੇਸੀ ਕਦੋਂ ਦਿਲਾਸਾ,
- ਨਾਲ ਪਿਆਰ ਦੇ।
138
- ਬੁੱਧ ਸ਼ੁੱਧ ਰਹੀ ਮਹਿਬੂਬ ਦੀ, ਸ਼ੁੱਧ ਆਪਣੀ ਰਹੀ ਨਾ ਹੋਰ।
- ਮੈਂ ਬਲਿਹਾਰੀ ਓਸ ਦੇ, ਜੋ ਖਿੱਚਦਾ ਮੇਰੀ ਡੋਰ।
- ਬੁੱਧ ਸ਼ੁੱਧ ਆ ਗਿਆ ਬੁੱਧਵਾਰ, ਮੇਰੀ ਖ਼ਬਰ ਨਾ ਲਏ ਦਿਲਦਾਰ।
- ਸੁੱਖਾ ਦੁੱਖਾਂ ਤੋਂ ਘੱਤਾਂ ਵਾਰ, ਦੁੱਖਾਂ ਆਣ ਮਿਲਾਇਆ ਯਾਰ,
- ਪਿਆਰੇ ਤਾਰੀਆਂ।
- ਪਿਆਰੇ ਚੱਲਣ ਨ ਦੇਸਾਂ ਚੱਲਿਆ, ਲੈ ਕੇ ਨਾਲ ਜ਼ੁਲਫ਼ ਦੇ ਵੱਲਿਆ
- ਜਾਂ ਉਹ ਚੱਲਿਆ ਤਾਂ ਮੈਂ ਛਲਿਆ, ਤਾਂ ਮੈਂ ਰਖਸਾਂ ਦਿਲ ਵਿਚ ਰਲਿਆ,
- ਲੈਸਾਂ ਵਾਰੀਆਂ।
139
- ਜੁੱਮੇਰਾਤ ਸੁਹਾਵਣੀ ਦੁੱਖ ਦਰਦ ਨਾ ਆਹਾ ਪਾਪ ।
- ਉਹ ਜਾਮਾ ਸਾਡਾ ਪਹਿਨ ਕੇ ਆਇਆ ਤਮਾਸ਼ੇ ਆਪ।
- ਅੱਗੋਂ ਆ ਗਈ ਜੁੱਮੇਰਾਤ, ਸ਼ਰਾਬ ਗਾਗਰ ਮਿਲੀ ਬਰਾਤ।
- ਲੱਗ ਗਿਆ ਮਸਤ ਪਿਆਲਾ ਹਾਥ, ਮੈਨੂੰ ਭੁੱਲ ਗਈ ਜ਼ਾਤ-ਸਫ਼ਾਤ,
- ਦੀਵਾਨੀ ਹੋ ਰਹੀ।
- ਐਸੀ ਜ਼ਹਿਮਤ ਲੋਕ ਨਾ ਪਾਵਣ, ਮੁੱਲਾਂ ਘੋਲ ਤਵੀਜ਼ ਪਿਲਾਵਣ।
- ਪੜ੍ਹਨਾ ਅਜ਼ੀਮਤ ਜਿੰਨ ਬੁਲਾਵਣ, ਸਈਆਂ ਸ਼ਾਹ ਮੱਦਾਰ ਖਿਡਾਵਣ,
- ਮੈਂ ਚੁੱਪ ਹੋ ਰਹੀ।
140
- ਰੋਜ਼ ਜੁੱਮੇ ਦੇ ਬਖ਼ਸ਼ੀਆਂ ਮੈਂ ਜੇਹੀਆਂ ਅਉਗੁਨੁਹਾਰ।
- ਫਿਰ ਉਹ ਕਿਉਂ ਬਖ਼ਸ਼ਸੀ ਜਿਹੜੀ ਪੰਜ-ਮੁਕੀਮ-ਗੁਜ਼ਾਰ।
- ਜੁੱਮੇ ਦੀ ਹੋਰ ਹੋਰ ਬਹਾਰ, ਹੁਣ ਮੈਂ ਜਾਤਾ ਸਹੀ ਸੱਤਾਰ।
- ਬੀਬੀ ਬਾਂਦੀ ਬੇੜਾ ਪਾਰ, ਸਿਰ ਤੇ ਕਦਮ ਧਰੇਂਦਾ ਯਾਰ,
- ਸੁਹਾਗਣ ਹੋ ਰਹੀ।
- ਆਸ਼ਕ ਹੋ ਹੋ ਗੱਲਾਂ ਦੱਸੇ, ਛੋੜ ਮਸ਼ੂਕਾਂ ਕੈਂ ਵੱਲ ਨੱਸੇ।
- ਬੁਲ੍ਹਾ ਸ਼ਹੁ ਅਸਾਡੇ ਵੱਸੇ, ਨਿੱਤ ਉੱਠ ਖੇਡੇਂ ਨਾਲੇ ਹੱਸੇ,
- ਗਲ ਲਗ ਸੋ ਰਹੀ।
141
- ਜੁੱਮੇ ਦੀ ਹੋਰੋ ਹੋਰ ਬਹਾਰ,
- ਪੀਰ ਅਸਾਨੂੰ ਪੀੜਾਂ ਲਾਈਆਂ, ਮੰਗਲ ਮੂਲ ਨਾ ਸੁਰਤਾਂ ਆਈਆਂ।
- ਇਸ਼ਕ ਛਨਿਛਰ ਘੋਲ ਘੁਮਾਈਆਂ, ਬੁੱਧ ਸ਼ੁੱਧ ਲੈਂਦਾ ਨਹੀਉਂ ਯਾਰ,
- ਜੁੱਮੇ ਦੀ ਹੋਰੋ ਹੋਰ ਬਹਾਰ।
- ਪੀਰ ਵਾਰ ਰੋਜ਼ੇ ਤੇ ਜਾਵਾਂ, ਸਭ ਪੈਗੰਬਰ ਪੀਰ ਮਨਾਵਾਂ।
- ਜਦ ਪੀਆ ਦਾ ਦਰਸ਼ਨ ਪਾਵਾਂ, ਕਰਦੀ ਹਾਰ ਸ਼ੰਗਾਰ।
- ਜੁੱਮੇ ਦੀ ਹੋਰੋ ਹੋਰ ਬਹਾਰ।
- ਮਨਤਕਮਾਨ੍ਹੇ ਪੜ੍ਹਾਂ ਨ ਅਸਲਾਂ, ਵਾਜਬ ਫ਼ਰਜ਼ ਨ ਸੁੰਨਤ ਨਕਲਾਂ।
- ਕੰਮ ਕਿਸ ਆਈਆਂ ਸ਼ਰ੍ਹਾਂ ਦੀਆਂ ਅਕਲਾਂ, ਕੁਝ ਨਹੀਂ ਬਾਝੋਂ ਦੀਦਾਰ।
- ਜੁੱਮੇ ਦੀ ਹੋਰੋ ਹੋਰ ਬਹਾਰ।
- ਬੁਲ੍ਹਾ ਭੁੱਲਾ ਨਮਾਜ ਦੁਗਾਨਾ, ਜਦ ਦਾ ਸੁਣਿਆ ਤਾਨ ਤਰਾਨਾ।
- ਅਕਲ ਕਹੇ ਮੈਂ ਜ਼ਰਾ ਨਾ ਮਾਨਾਂ, ਇਸ਼ਕ ਕੂਕੇਂਦਾ ਤਾਰੋ ਤਾਰ।
- ਜੁੱਮੇ ਦੀ ਹੋਰੋ ਹੋਰ ਬਹਾਰ।
142ਜੁੱਮਾ
- ਕਹੋ ਸੁਰਤੀ ਗੱਲ ਕਾਜ ਦੀ ਮੈਂ ਗੰਢਾਂ ਕੇਤੀਆਂ ਪਾਊਂ?
- ਸਾਹੇ ਤੇ ਜੰਜ ਆਵਸੀ ਹੁਣ ਚਾਹਲੀ ਘਤਾਊਂ।
- ਬਾਬਲ ਆਖਿਆ ਆਣ ਕੇ, ਤੈਂ ਸਾਹਵਰਿਆਂ ਘਰ ਜਾਣਾ।
- ਰੀਤ ਓਥੋਂ ਦੀ ਔਰ ਹੈ ਮੁੜ ਪੈਰ ਨਾ ਏਥੇ ਪਾਣਾ।
143ਗੰਢਾਂ
- ਗੰਢ ਪਹਿਲੀ ਨੂੰ ਖੋਲ੍ਹ ਕੇ ਮੈਂ ਬੈਠੀ ਬਰਲਾਵਾਂ ।
- ਓੜਕ ਜਾਵਣ ਜਾਵਣਾ ਹੁਣ ਮੈਂ ਦਾਜ ਰੰਗਾਵਾਂ।
- ਦੇਖੂੰ ਤਰਫ਼ ਬਾਜਾਰ ਦੀ ਸਭ ਰਸਤੇ ਲਾਗੇ।
- ਪੱਲੇ ਨਾਹੀਂ ਰੋਕੜੀ ਸਭ ਮੁਝ ਸੇ ਭਾਗੇ।
144
- ਦੂਜੀ ਖੋਲੂੰ ਕਿਆ ਕਹੂੰ ਦਿਨ ਥੋੜੇ ਰਹਿੰਦੇ।
- ਸੂਲ ਸੱਭੇ ਰਲ ਆਂਵਦੇ ਸੀਨੇ ਵਿਚ ਬਹਿੰਦੇ।
- ਝੱਲ ਵਲੱਲੀ ਮੈਂ ਹੋਈ ਤੂੰਬ ਕੱਤ ਨਾ ਜਾਣਾ।
- ਜੰਜ ਏਵੇਂ ਰਲ ਆਵਸੀ ਜਿਉਂ ਚੜ੍ਹਦਾ ਠਾਣਾ
145
- ਤੀਜੀ ਖੋਹਲੂ ਦੁੱਖ ਸੇ ਰੋਂਦੇ ਨੈਣ ਨਾ ਹਟਦੇ।
- ਕਿਸ ਨੂੰ ਪੁੱਛਾਂ ਜਾਇ ਕੇ ਦਿਨ ਜਾਂਦੇ ਘਟਦੇ।
- ਗੁਣ ਵਾਲੀਆਂ ਸਭ ਪਿਆਰੀਆਂ ਮੈਂ ਕੇ ਗੁਣ ਨਾਹੀਂ।
- ਹੱਥ ਮਲੇ ਮਲ ਸਿਰ ਧਰਾ ਮੈਂ ਰੋਵਾਂ ਢਾਈਂ।
146
- ਪੰਜਵੀਂ ਖੋਹਲੂ ਕੁਕ ਕੇ ਕਰ ਸੋਜ਼ ਪੁਕਾਰਾਂ।
- ਪਹਿਲੀ ਰਾਤ ਡਰਾਵਣੀ ਕਿਉਂ ਦਿਲੋਂ ਵਿਸਾਰਾਂ।
- ਮੁੱਦਤ ਥੋਹੜੀ ਆ ਰਹੀ ਕਿਵੇਂ ਦਾਜ ਬਣਾਵਾਂ ?
- ਜਾ ਆਖੋ ਘਰ ਸਾਹਵਰੇ ਗੰਢ ਲਾਗ ਵਧਾਵਾਂ।
147
- ਯਾਹਰਾਂ ਗੰਢਾਂ ਖੋਹਲੀਆਂ ਮੈਂ ਹਿਜਰੇ ਮਾਰੀ ।
- ਗਈਆਂ ਸਈਆਂ ਸਾਹਵਰੇ ਹੁਣ ਮੇਰੀ ਵਾਰੀ।
- ਬਾਂਹ ਸਰਹਾਣੇ ਦੇ ਕਦੀ ਅਸੀਂ ਮੂਲ ਨਾ ਸਾਉਂਦੇ।
- ਫੱਟਾਂ ਉੱਤੇ ਲੂਣ ਹੈ ਫੱਟ ਸਿੰਮਦੇ ਲਾਉਂਦੇ।
148
- ਸੋਲ੍ਹਾਂ ਗੰਢੀ ਖੋਹਲੀਆਂ ਮੈਂ ਹੋਈ ਨਿਮਾਣੀ।
- ਏਥੇ ਪੇਸ਼ ਕਿਸੇ ਨਾ ਜਾਸੀ ਨਾ ਅੱਗੇ ਜਾਣੀ।
- ਏਥੇ ਆਵਣ ਕੇਹਾ ਏ ਹੋਇਆ ਜੋਗੀ ਦਾ ਫੇਰਾ ।
- ਅੱਗੇ ਜਾ ਕੇ ਮਾਰਨਾ ਵਿਚ ਕੱਲਰ ਡੇਰਾ।
149
- ਬਾਈ ਖੋਹਲੂੰ ਪਹੁੰਚ ਕੇ ਸਭ ਮੀਰਾਂ-ਮਲਕਾਂ।
- ਓਹਨਾਂ ਡੇਰਾ ਕੂਚ ਹੈ ਮੈਂ ਖੋਹਲਾਂ ਪਲਕਾਂ ।
- ਆਪਣਾ ਰਹਿਣਾ ਕੀ ਕਰਾਂ ਕਿਹੜੇ ਬਾਗ ਦੀ ਮੂਲੀ।
- ਖਾਲੀ ਜਗ ਵਿਚ ਆਇਕੇ ਸੁਪਨੇ ਪਰ ਭੂਲੀ।
150
- ਸਤਾਈ ਖੋਲ੍ਹ ਸਹੇਲੀਓ ਸਭ ਜਤਨ ਸਿਧਾਇਆ।
- ਦੋ ਨੈਣਾਂ ਨੇ ਰੋਂਦਿਆਂ ਮੀਂਹ ਸਾਵਣ ਲਾਇਆ।
- ਇਕ ਇਕ ਸਾਇਤ ਦੁੱਖ ਦੀ ਸੌ ਜਤਨ ਗੁਜ਼ਾਰੀ।
- ਅੱਗੇ ਜਾਣਾ ਦੂਰ ਹੈ ਸਿਰ ਗਠੜੀ ਭਾਰੀ।
151
- ਬੁਲ੍ਹਾ ਪੈਂਤੀ ਖੋਹਲਦੀ ਸ਼ਹੁ ਨੇੜੇ ਆਏ।
- ਬਦਲੇ ਇਸ ਅਜ਼ਾਬ ਦੇ ਮਤ ਮੁਖ ਦਿਖਲਾਏ।
- ਅੱਗੇ ਥੋੜ੍ਹੀ ਪੀੜ ਸੀ ਨੇਹੁੰ ਕੀਤਾ ਦੀਵਾਨੀ ।
- ਪੀ ਗਲੀ ਅਸਾਡੀ ਆ ਵੜੇ ਤਾਂ ਹੋਗ ਆਸਾਨੀ ।
152
- ਸੈਂਤੀ ਗੰਢੀ ਖੋਹਲੀਆਂ ਮੈਂ ਮਹਿੰਦੀ ਲਾਈ।
- ਮਲਾਇਮ ਦੇਹੀ ਮੈਂ ਕਰਾਂ ਮਤ ਗਲੇ ਲਗਾਈ।
- ਉਹਾ ਘੜੀ ਸੁਲੱਖਣੀ ਜਾ ਮੈਂ ਵਲ ਆਵੇ।
- ਤਾ ਮੈਂ ਗਾਵਾਂ ਸੋਹਿਲੇ ਜੇ ਮੈਨੂੰ ਰਾਵੇ।
153
- ਅਠੱਤੀ ਗੰਢੀ ਖੋਹਲੀਆਂ ਕਿਹ ਕਰਨੇ ਲੇਖੇ।
- ਨਾ ਹੋਵੇ ਕਾਜ ਸੁਹਾਵਣਾ ਬਿਨ ਤੇਰੇ ਵੇਖੇ।
- ਤੇਰਾ ਭੇਤ ਸੁਹਾਗ ਹੈ ਮੈਂ ਉਸ ਕਿਹ ਕਰਸਾਂ।
- ਲੈਸਾਂ ਗਲੇ ਲਗਾਇਕੇ ਪਰ ਮੂਲ ਨਾ ਡਰਸਾਂ।
154
- ਉਨਤਾਲੀ ਗੰਢੀ ਖੋਹਲੀਆਂ ਸਭ ਸਈਆਂ ਰਲ ਕੇ।
- ਇਨਾਇਤ ਸੇਜ ਤੇ ਆਵਸੀ ਹੁਣ ਮੈਂ ਵਲ ਫੁਲ ਕੇ।
- ਚੂੜਾ ਬਾਹੀ ਸਿਰ ਧੜੀ ਹੱਥ ਸੋਹੇ ਕੰਗਣਾ।
- ਰੰਗਣ ਚੜ੍ਹੀ ਸ਼ਹੁ ਵਸਲ ਦੀ ਮੈਂ ਤਨ ਮਨ ਰੰਗਣਾ।
155
- ਕਰ ਬਿਸਮਿੱਲਾਹ ਖੋਹਲੀਆਂ ਮੈਂ ਗੰਢਾਂ ਚਾਲੀ।
- ਜਿਸ ਆਪਣਾ ਆਪ ਵੰਝਾਇਆ ਸੋ ਸੁਰਜਨ ਵਾਲੀ।
- ਜੰਜ ਸੋਹਣੀ ਮੈਂ ਭਾਉਂਦੀ ਲਟਕੇਂਦਾ ਆਵੇ।
- ਜਿਸ ਨੂੰ ਇਸ਼ਕ ਹੈ ਲਾਲ ਦਾ ਸੋ ਲਾਲ ਹੋ ਜਾਵੇ।
156
- ਅਕਲ ਫਿਕਰ ਸਭ ਛੋੜ ਕੇ ਸ਼ਹੁ ਨਾਲ ਸੁਧਾਏ।
- ਬਿਨ ਕਹਿਣੋਂ ਗੱਲ ਗ਼ੈਰ ਦੀ ਅਸਾਂ ਯਾਦ ਨਾ ਕਾਏ।
- ਹੁਣ ਇਲ-ਲਿਲਾਹ ਆਖ ਕੇ ਤੁਮ ਕਰੋ ਦੁਆਈਂ।
- ਪੀਆ ਹੀ ਸਭ ਹੋ ਗਿਆ ਅਬਦੁੱਲਾ ਨਾਹੀਂ।
157
- ਬੁਲ੍ਹਿਆ ਜੈਸੀ ਸੂਰਤ ਐਨ ਦੀ ਤੈਸੀ ਗੈਨ ਪਛਾਨ।
- ਇਕ ਨੁਕਤੇ ਦਾ ਫੇਰ ਹੈ ਭੁੱਲਾ ਫਿਰੇ ਜਹਾਨ।
- 2 ਇਸ ਕਾ ਮੁੱਖ ਇਕ ਜੋਤ ਹੈ ਘੁੰਘਟ ਹੈ ਸੰਸਾਰ।
- ਘੁੰਘਟ ਮੇਂ ਵੋਹ ਛੁੱਪ ਗਿਆ ਮੁੱਖ ਪਰ ਆਂਚਲ ਡਾਰ।
- 3 ਭੱਠ ਨਮਾਜ਼ਾਂ ਚਿੱਕੜ ਰੋਜ਼ੇ ਕਲਮੇ ਤੇ ਫਿਰ ਗਈ ਸਿਆਹੀ।
- ਬੁਲ੍ਹੇ ਸ਼ਾਹ ਸ਼ਹੁ ਅੰਦਰੋਂ ਮਿਲਿਆ ਭੁੱਲੀ ਫਿਰੇ ਲੋਕਾਈ।
- 4 ਬੁਲ੍ਹੇ ਜਾਹ ਚੱਲ ਓਥੇ ਚੱਲੀਏ ਜਿੱਥੇ ਸਾਰੇ ਹੋਵਣ ਅੰਨ੍ਹੇ।
- ਨਾ ਕੋਈ ਸਾਡੀ ਕਦਰ ਪਛਾਣੇ ਨਾ ਕੋਈ ਸਾਨੂੰ ਮੰਨੇ।
- 5 ਇਟ ਖੜਿਕੇ ਦੁੱਕੂੜ ਵੱਜੇ ਤੱਤਾ ਹੋਵੇ ਚੁਲ੍ਹਾ।
- ਆਵਣ ਫ਼ਕੀਰ ਤੇ ਖਾ-ਖਾ ਜਾਵਣ, ਰਾਜ਼ੀ ਹੋਵੇ ਬੁਲ੍ਹਾ॥
- 6 ਬੁਲ੍ਹਿਆ ਪੀ ਸ਼ਰਾਬ ਤੇ ਖਾ ਕਬਾਬ, ਹੇਠ ਬਾਲ ਹੱਡਾਂ ਦੀ ਅੱਗ।
- ਚੋਰੀ ਕਰ ਤੇ ਭੰਨ ਘਰ ਰੱਬ ਦਾ, ਉਸ ਠੱਗਾਂ ਦੇ ਠੱਗ ਨੂੰ ਠੱਗ॥
- 7 ਮੱਕੇ ਗਿਆ ਗਲ ਮੁਕਦੀ ਨਾਹੀਂ, ਜਿਚਰ ਦਿਲੋਂ ਨ ਆਪ ਮੁਕਾਈਏ।
- ਗੰਗਾ ਗਿਆਂ ਗਲ ਮੁਕਦੀ ਨਾਹੀ, ਭਾਵੇਂ ਸੌ ਸੌ ਗੋਤੇ ਲਾਈਏ॥
- ਗਯਾ ਗਿਆ ਗਲ ਮੁਕਦੀ ਨਾਹੀ, ਭਾਵੇਂ ਕਿਤਨੇ ਪਿੰਡ ਭਰਾਈਏ।
- ਬੁਲ੍ਹਾ ਸ਼ਾਹ ਗਲ ਤਾਂ ਹੀ ਮੁਕਦੀ ਜਦ ਮੈਂ ਨੂੰ ਖੜੇ ਲੁਟਾਈਏ।
- 8 ਬੁਲ੍ਹੇ ਨੂੰ ਲੋਕ ਮੱਤੀ ਦੇਂਦੇ ਬੁਲ੍ਹਿਆ ਤੂੰ ਜਾ ਬਹੁ ਵਿਚ ਮਸੀਤੀ।
- ਵਿਚ ਮਸੀਤਾਂ ਕੀ ਕੁਝ ਹੁੰਦਾ ਜੇ ਦਿਲੋਂ ਨਮਾਜ਼ ਨਾ ਕੀਤੀ।
- 9 ਅਲਫ-ਆਂਵਦਿਆਂ ਤੋਂ ਮੈਂ ਸਦਕੜੇ ਹਾਂ ਜੀਮ ਜਾਂਦਿਆਂ ਤੋਂ ਸਿਰ ਵਾਰਨੀ ਹਾਂ।
- ਮਿੱਠੀ ਪ੍ਰੀਤ ਅਨੋਖੜੀ ਲੱਗ ਰਹੀ ਘੜੀ ਪਲ ਨਾ ਯਾਰ ਵਿਸਾਰਨੀ ਹਾਂ।
- ਕੇਹੇ ਹੱਡ ਤਕਾਦੜੇ ਪਏ ਮੈਨੂੰ ਔਸੀਆਂ ਪਾਂਵਦੀ ਕਾਂਗ ਉਡਾਰਨੀ ਹਾਂ।
- ਬੁਲ੍ਹਾ ਸ਼ਹੁ ਤੇ ਕਮਲੀ ਮੈਂ ਹੋਈ ਸੁੱਤੀ ਬੈਠੀ ਮੈਂ ਯਾਰ ਪੁਕਾਰਨੀ ਹਾਂ।
- 10 ਆਪਣੇ ਤਨ ਦੀ ਖ਼ਬਰ ਨਾ ਕਾਈ ਸਾਜਨ ਦੀ ਖ਼ਬਕ ਲਿਆਵੇ ਕੌਣ।
- ਨਾ ਹੂੰ ਖ਼ਾਕੀ ਨਾ ਹੂੰ ਆਤਸ਼ ਨਾ ਹੂੰ ਪਾਣੀ ਪਉਣ ।
- 11. ਬੁਲ੍ਹਿਆ ਧਰਮਸ਼ਾਲਾ ਧੜਵਾਈ ਰਹਿੰਦੇ ਠਾਕੁਰ-ਦੁਆਰੇ ਠੱਗ।
- ਵਿਚ ਮਸੀਤਾਂ ਕੁਸੱਤੀਏ ਰਹਿੰਦੇ ਆਸ਼ਕ ਰਹਿਣ ਅਲੱਗ।
- 12. ਬੁਲ੍ਹਿਆ ਆਸ਼ਕ ਹੋਇਉਂ ਰੱਬ ਦਾ ਮੁਲਾਮਤ ਹੋਈ ਲਾਖ।
- ਲੋਗ ਕਾਫਰ ਕਾਫਰ ਆਖਦੇ ਤੂੰ ਆਹੋ ਆਹੋ ਆਖ॥
- 13. ਗਲ ਸਮਝ ਲੈ ਰੋਲ਼ਾ ਕੀ, ਏਹਾ ਰਾਮ ਰਹੀਮ ਤੇ ਮੋਲਾ ਕੀ।
- 14. ਮੈਂ ਪਾ ਪੜ੍ਹਿਆਂ ਤੋਂ ਨੱਸਦਾ ਹਾਂ।
- ਕੋਈ ਮੁਨਸੱਫ਼ ਹੋ ਨਿਰਵਾਰੇ ਤਾਂ ਮੈਂ ਦੱਸਦਾ ਹਾਂ।
- ਆਲਮ ਫਾਜਲ ਮੇਰੇ ਭਾਈ ਪਾ ਪੜ੍ਹਿਆਂ ਮੇਰੀ ਅਕਲ ਗਵਾਈ
- ਦੇ ਇਸ਼ਕ ਦੇ ਹੁਲਾਰੇ ਤਾਂ ਮੈਂ ਦੱਸਦਾ ਹਾਂ
- ਮੈਂ ਪਾ ਪਿੜ੍ਹਾਆਂ ਤੋਂ ਨੱਸਦਾ ਹਾਂ॥
- 15. ਬੁਲ੍ਹਿਆ ਮੁੱਲਾਂ ਅਤੇ ਮਸਾਲਚੀ ਦੋਹਾਂ ਇੱਕੋ ਚਿੱਤ।
- ਲੋਕਾਂ ਕਰਦੇ ਚਾਨਣਾ ਆਪ ਹਨੇਰੇ ਨਿੱਤ ॥
- 16. ਹੋਰ ਨੇ ਸੱਭੇ ਗੱਲੜੀਆਂ ਅੱਲਾਹ ਅੱਲਾਹ ਦੀ ਗੱਲ।
- ਕੁਝ ਰੌਲਾ ਪਾਇਆ ਆਲਮਾਂ ਕੁਝ ਕਾਗਜ਼ਾਂ ਪਾਯਾ ਝੱਲ ।
- 17. ਬੁਲ੍ਹਿਆ ਵਾਰੇ ਜਾਈਏ ਉਨ੍ਹਾਂ ਤੋਂ ਜਿਹੜੇ ਗੱਲੀਂ ਦੇਣ ਪਰਚਾ।
- ਸੂਈ ਸਲਾਈ ਦਾਨ ਕਰਨ ਤੇ ਆਹਰਣ ਲੈਣ ਛੁਪਾ।
- 18. ਉਨ ਕੋ ਮੁੱਖ ਦਿਖਲਾਏ ਹੈ ਜਿਨ ਸੋਂ ਇਸ ਕੀ ਪ੍ਰੀਤ।
- ਇਨ ਕੋ ਹੀ ਮਿਲਤਾ ਹੈ ਵੋਹ ਜੋ ਇਸ ਕੇ ਹੈਂ ਮੀਤ।
- 19. ਮੂੰਹ ਦਿਖਲਾਵੇ ਔਰ ਛਪੇ ਛਲ ਬਲ ਹੈ ਜਗਦੀਸ।
- ਪਾਸ ਰਹੇ ਹਰਿ ਨਾ ਮਿਲੇ ਇਸ ਕੋ ਬਿਸਵੇ ਬੀਸ।
- 20. ਬੁਲ੍ਹਿਆ ਵਾਰੇ ਜਾਈਏ ਉਨ੍ਹਾਂ ਤੋਂ ਜਿਹੜੇ ਮਾਰਨ ਗੱਪ ਸ਼ੜੱਪ।
- ਕਉਡੀ ਲੱਭੀ ਦੇਣ ਚਾ ਤੇ ਬੁਗਚਾ ਘਾਊਂ-ਘੱਪ।
- 21. ਨਾ ਖ਼ੁਦਾ ਮਸੀਤੇ ਲੱਭਦਾ ਨਾ ਖ਼ੁਦਾ ਵਿਚ ਕਆਬੇ।
- ਨਾ ਖ਼ੁਦਾ ਕੁਰਾਨ ਕਿਤਾਬਾਂ ਨਾ ਖ਼ੁਦਾ ਨਿਮਾਜ਼ੇ।
- 22. ਨਾ ਖ਼ੁਦਾ ਮੈਂ ਤੀਰਥ ਡਿੱਠਾ ਐਵੇਂ ਪੈਂਡੇ ਝਾਗੇ।
- ਬੁਲ੍ਹਾ ਸ਼ਹੁ ਜਦ ਮੁਰਸ਼ਦ ਮਿਲ ਗਿਆ ਛੁੱਟੇ ਸਭ ਤਗਾਦੇ।
- 23. ਬੁਲ੍ਹਿਆ ਗੈਨ ਗ਼ਰੂਰਤ ਸਾੜ ਸੁੱਟ ਤੇ ਮਾਣ ਖੂਹੇ ਵਿਚ ਪਾ।
- ਤਨ ਮਨ ਦੀ ਸੂਰਤ ਗਵਾ ਦੇ, ਘਰ ਆਪ ਮਿਲੇਗਾ ਆ।
- 24. ਬੁਲ੍ਹਿਆ ਹਿਜਰਤ ਵਿਚ ਇਸਲਾਮ ਦੇ, ਮੇਰਾ ਨਿੱਤ ਹੈ ਖਾਸ ਅਰਾਮ।
- ਨਿੱਤ ਨਿੱਤ ਮਰਾਂ ਤੇ ਨਿੱਤ ਨਿੱਤ ਜੀਵਾਂ, ਮੇਰਾ ਨਿੱਤ ਨਿੱਤ ਕੂਚ ਮੁਕਾਮ ॥
- 25. ਬੁਲ੍ਹਿਆ ਇਸ਼ਕ ਸਜਣ ਦੇ ਆਏ ਕੇ ਸਾਨੂੰ ਕੀਤੋ ਸੂ ਡੂਮ।
- ਉਹ ਪ੍ਰਭ ਅਸਾਡਾ ਸਖ਼ੀ ਹੈ, ਮੈ ਸੇਵਾ ਕੁਨੂੰ ਸ਼ੂਮ ॥
- 26. ਬੁਲ੍ਹਿਆ ਪੈਂਡੇ ਪੜੇ ਪ੍ਰੇਮ ਕੇ ਕੀਆ ਪੈਂਡਾ ਆਵਾਗੌਣ ।
- ਅੰਧ ਕੋ ਅੰਧਾ ਮਿਲ ਗਿਆ ਰਾਹ ਬਤਾਵੇ ਕੌਣ॥
- 27. ਬੁਲ੍ਹਿਆ ਮਨ ਮੰਜੋਲਾ ਮੁੰਜ ਦਾ ਕਿਤੇ ਗੋਸ਼ੇ ਬਹਿਕੇ ਕੁੱਟ।
- ਇਹ ਖਜ਼ਾਨਾ ਤੈਨੂੰ ਅਰਸ਼ ਦਾ ਤੂੰ ਸੰਭਲ ਸੰਭਲ ਕੇ ਲੁੱਟ॥
- 28. ਬੁਲ੍ਹਿਆ ਚੇਰੀ ਮੁਸਲਮਾਨ ਦੀ ਹਿੰਦੂ ਤੋਂ ਕੁਰਬਾਨ।
- ਦੋਹਾਂ ਤੋਂ ਪਾਣੀ ਵਾਰ ਪੀ ਜੋ ਕਰੇ ਭਗਵਾਨ॥
- 29. ਬੁਲ੍ਹਿਆ ਚਲ ਸੁਨਿਆਰ ਦੇ ਜਿੱਥੇ ਗਹਿਣੇ ਘੜੀਏ ਲਾਖ।
- ਸੂਰਤ ਆਪੋ ਆਪਣੀ ਤੂੰ ਇੱਕੋ ਰੂਪਾ ਆਖ ॥
- 30. ਬੁਲ੍ਹਿਆ ਅੱਛੇ ਦਿਨ ਤੋਂ ਪਿੱਛੇ ਗਏ ਜਬ ਹਰਿ ਸੇ ਕੀਆ ਨਾ ਹੇਤ।
- ਅਬ ਪਛਤਾਵਾ ਕਿਆ ਕਰੇ ਜਬ ਚਿੜੀਆਂ ਚੁੱਗ ਗਈਂ ਖੇਤ।
- 31. ਬੁਲ੍ਹਿਆ ਕਨਕ ਕੌਡੀ ਕਾਮਨੀ ਤੀਨੋਂ ਕੀ ਤਲਵਾਰ।
- ਆਏ ਥੇ ਨਾਮ ਜਪਨ ਕੋ ਔਰ ਵਿਚੇ ਲੀਤੇ ਮਾਰ।
- 32. ਅਰਬਾ-ਅਨਾਸਰ ਮਹਿਲ ਬਣਾਇਓ ਵਿਚ ਵੜ ਬੈਠਾ ਆਪੇ।
- ਆਪੇ ਕੁੜੀਆਂ ਆਪੇ ਨੀਂਗਰ ਆਪੇ ਬਣਨਾ ਏਂ ਮਾਪੇ।
- 33. ਬੁਲ੍ਹਿਆ ਰੰਗ ਮਹੱਲੀ ਜਾ ਚੜਿਉਂ ਲੋਕੀ ਪੁਛਣ ਆਖਣ ਖੈਰ॥
- ਅਸਾਂ ਇਹ ਕੁਝ ਦੁਨਿਆਂ ਤੋਂ ਵੱਟਿਆ ਮੂੰਹ ਕਾਲਾ ਤੇ ਨੀਲੇ ਪੈਰ॥
- 34. ਬੁਲ੍ਹਿਆ ਜੇ ਤੂੰ ਗਾਜ਼ੀ ਬਣਨਾ ਏਂ ਲੱਕ ਬੰਨ੍ਹ ਤਲਵਾਰ।
- ਪਹਿਲੋਂ ਰੰਘੜ ਮਾਰ ਕੇ ਪਿੱਛੋਂ ਕਾਫ਼ਰ ਮਾਰ।
- 35. ਕਨਕ ਕੌਡੀ ਕਾਮਨੀ ਤੀਨੋਂ ਕੀ ਤਲਵਾਰ।
- ਆਇਆ ਸੈਂ ਜਿਸ ਬਾਤ ਕੋ ਭੂਲ ਗਈ ਵੋਹ ਬਾਤ।
- 36. ਇਕਨਾ ਆਸ ਮੁੜਨ ਦੀ ਆਹੇ, ਇਕ ਸੀਖ ਕਬਾਬ ਚੜ੍ਹਾਈਆਂ।
- ਬੁਲ੍ਹੇ ਸ਼ਾਹ ਕੀ ਵੱਸ ਉਨ੍ਹਾਂ, ਜੋ ਮਾਰ ਤਕਦੀਰ ਫਸਾਈਆਂ।
- 37. ਬੁਲ੍ਹਿਆ ਕਾਜ਼ੀ ਰਾਜ਼ੀ ਰਿਸ਼ਵਤੇ ਮੁੱਲਾਂ ਰਾਜ਼ੀ ਮੌਤ।
- ਆਸ਼ਕ ਰਾਜ਼ੀ ਰਾਮ ਤੇ ਨਾ ਪਰਤੀਤ ਘਟ ਹੋਤ।
- 38. ਬੁਲ੍ਹੇ ਸ਼ਾਹ ਉਹ ਕੌਣ ਹੈ ਉੱਤਮ ਤੇਰਾ ਯਾਰ।
- ਓਸੇ ਕੇ ਹਾਥ ਕੁਰਾਨ ਹੈ ਓਸੇ ਗਲ ਚੁਨਾਰ।
- 39. ਬੁਲ੍ਹਿਆ ਹਰਿਮੰਦਰ ਮੇਂ ਆਏ ਕੇ ਕਹੋ ਲੇਖਾ ਦਿਓ ਬਤਾ।
- ਪੜ੍ਹੇ ਪੰਡਿਤ ਪਾਂਧੇ ਦੂਰ ਕੀਏ ਅਹਿਮਕ ਲੀਏ ਬੁਲਾ।
- 40. ਬੁਲ੍ਹਿਆ ਖਾ ਹਰਾਮ ਤੇ ਪੜ੍ਹ ਸ਼ੁਕਰਾਨਾ ਕਰ ਤੋਬਾ ਤਰਕ ਸਵਾਬੋਂ।
- ਛੋੜ ਮਸੀਤ ਤੇ ਪਕੜ ਕਿਨਾਰਾ ਤੇਰੀ ਛੁੱਟਸੀ ਜਾਨ ਅਜ਼ਾਬੋਂ।|
- 41. ਬੁਲ੍ਹਿਆ ਮੈਂ ਮਿੱਟੀ ਘੁਮਿਆਰ ਦੀ ਗੱਲ ਆਖ ਨਾ ਸਕਦੀ ਏਕ।
- ਤਤੜ ਮੇਰਾ ਕਿਉਂ ਘੜੀਆ ਮਤ ਜਾਏ ਅਲੇਕ-ਸਲੋਕ।
- 42. ਬੁਲ੍ਹਾਂ ਕਸਰ ਨਾਮ ਕਸੂਰ ਹੈ ਓਥੇ ਮੂੰਹੋਂ ਨਾ ਸਕਣ ਬੋਲ।
- ਓਥੇ ਸੱਚੇ ਗਰਦਨ-ਮਾਰੀਏ ਓਥੇ ਝੂਠੇ ਕਰਨ ਕਲੋਲ।
- 43. ਬੁਲ੍ਹਿਆ ਕਸੂਰ ਬੇਦਸਤੂਰ ਓਥੇ ਜਾਣਾ ਬਣਿਆ ਜ਼ਰੂਰ।
- ਨਾ ਕੋਈ ਪੁੰਨ ਦਾਨ ਹੈ ਨਾ ਕੋਈ ਲਾਗ-ਦਸਤੂਰ।
- 44. ਬੁਲ੍ਹਿਆ ਆਉਂਦਾ ਸਾਜਣ ਵੇਖ ਕੇ ਜਾਂਦਾ ਮੂਲ ਨਾ ਵੇਖ।
- ਮਾਰੇ ਦਰਦ ਫ਼ਰਾਕ ਦੇ ਬਣ ਬੈਠੇ ਬਾਹਮਣ ਸ਼ੇਖ।
- 45. ਆਪੇ ਮਰੇਂ ਤੇ ਆਪੇ ਜੀਵੇਂ ਆਪੇ ਕਰੇਂ ਸਿਆਪੇ।
- ਬੁਲ੍ਹਿਆ ਜੋ ਕੁਝ ਕੁਦਰਤ ਰੱਬ ਦੀ ਆਪੇ ਆਪ ਸੰਞਾਪੇ।
- 46. ਬੁਲ੍ਹਿਆ ਪਰਸੋਂ ਕਾਫ਼ਰ ਥੀ ਗਇਉਂ ਬੁੱਤ ਪੂਜਾ ਕੀਤੀ ਕਲ।
- ਅਸੀਂ ਜਾ ਬੈਠੇ ਘਰ ਆਪਣੇ ਓਥੇ ਕਰਨ ਨਾ ਮਿਲਿਆ ਗੱਲ।
- 47. ਬਾਹਰੋਂ ਪਾਕ ਕੀਤੇ ਕੀ ਹੁੰਦਾ ਜੇ ਅੰਦਰੋਂ ਨਾ ਗਈ ਪਲੀਤੀ।
- ਬਿਨ ਮੁਰਸ਼ਦ ਕਾਮਲ ਬੁਲ੍ਹਿਆ ਤੇਰੀ ਐਵੇਂ ਗਈ ਇਬਾਦਤ ਕੀਤੀ।
- 48. ਵਹਦਤ ਦੇ ਦਰਿਆ ਦਸੌਂਦੇ ਮੇਰੀ ਵਹਦਤ ਕਿਤ ਵੱਲ ਧਾਈ।
- ਮੁਰਸ਼ਦ ਕਾਮਿਲ ਪਾਰ ਲੰਘਾਇਆ ਬਾਝ ਤੁੱਲ੍ਹੇ ਸੁਰਨਾਹੀ ।
- 49. ਬੁਲ੍ਹਿਆ ਧਰਮਸਾਲਾ ਵਿਚ ਨਾ ਰਹੀਂ ਜਿੱਥੇ ਮੋਮਨ ਭੋਗ ਪਵਾਏ।
- ਵਿਚ ਮਸੀਤਾਂ ਧੱਕੇ ਮਿਲਦੇ ਮੁੱਲਾਂ ਤਿਊੜੀ ਪਾਏ।
- 50. ਦੌਲਤਮੰਦਾਂ ਨੇ ਬੂਹਿਆ ਉੱਤੇ ਚੋਬਦਾਰ ਬਹਾਏ।
- ਪਕੜ ਦਰਵਾਜ਼ਾ ਹਰਿ ਸੱਚੇ ਦਾ ਜਿੱਥੋਂ ਦੁੱਖ ਦਿਲ ਦਾ ਮਿਟ ਜਾਏ।
- 51. ਕੁੱਪੇ ਦੇ ਵਿਚ ਰੋੜ ਖੜਕਦਾ ਮੂਰਖ ਆਖਣ ਬੋਲੇ ਕੌਣ।
- ਬੁਲ੍ਹਾ ਸਾਈਂ ਘਟ-ਘਟ ਰਵਿਆ ਜਿਉਂ ਆਟੇ ਵਿਚ ਲੌਣ।
- 52. ਬੁਲ੍ਹਿਆ ਸਭ ਮਜਾਜ਼ੀ ਪੌੜੀਆਂ ਤੂੰ ਹਾਲ ਹਕੀਕਤ ਵੇਖ।
- ਜੋ ਕੋਈ ਓਥੇ ਪਹੁੰਚਿਆ ਚਾਹੇ ਭੁੱਲ ਜਾਏ ਸਲਾਮ-ਅਲੇਕ।
- 53. ਠਾਕੁਰ-ਦਵਾਰੇ ਠੱਗ ਬਸੇਂ, ਫਾਹੀਵਾਲ ਮਸੀਤ।
- ਹਰਿ ਕੇ ਦਵਾਰੇ ਭਿੱਖ ਬਸੇਂ ਹਮਰੀ ਇਹ ਪਰਤੀਤ।
- 54. ਆਈ ਰੁੱਤ ਸ਼ਗੂਫ਼ਿਆਂ ਵਾਲੀ, ਚਿੜੀਆਂ ਚੁਗਣ ਆਈਆਂ।
- ਇਕਨਾ ਨੂੰ ਜੁੱਰਿਆਂ ਫੜ ਖਾਧਾ, ਇਕਨਾ ਫਾਹੀਆਂ ਲਾਈਆਂ।
158ਦੋਹੜੇ
- ਲਾਗੀ ਰੇ ਲਾਗੀ ਬਲ ਬਲ ਜਾਵੇ।
- ਇਸ ਲਾਗੀ ਕੋ ਕੌਣ ਬੁਝਾਵੇ।
- ਅਲਫ਼ – ਅੱਲਾ ਜਿਸ ਦਿਲ ਪਰ ਹੋਵੇ, ਮੂੰਹ ਜ਼ਰਦੀ ਅੱਖੀਂ ਲਹੂ ਭਰ ਰੋਵੇ।
- ਜੀਵਨ ਆਪਣੇ ਤੋਂ ਹੱਥ ਧੋਵੇ, ਜਿਸ ਨੂੰ ਬਿਰਹੋਂ ਅੱਗ ਲਗਾਵੇ।
- ਲਾਗੀ ਰੇ ਲਾਗੀ ਬਲ ਬਲ ਜਾਵੇ।
- ਬੇ – ਬਾਲਣ ਮੈਂ ਤੇਰਾ ਹੋਈ ਇਸ਼ਕ ਨਜ਼ਾਰੇ ਆਣ ਵਗੋਈ।
- ਰੋਂਦੇ ਨੈਣ ਨਾ ਲੈਂਦੇ ਢੋਈ, ਲੂਣ ਫੱਟਾਂ ਤੇ ਕੀਕਰ ਲਾਵੇ।
- ਲਾਗੀ ਰੇ ਲਾਗੀ ਬਲ ਬਲ ਜਾਵੇ।
- ਤੇ – ਤੇਰੇ ਸੰਗ ਪਰੀਤ ਲਗਾਈ, ਜੀਉ ਜਾਮੇ ਦੀ ਕੀਤੀ ਸਾਈ।
- ਮੈਂ ਬਕਰੀ ਤੁਧ ਕੋਲ ਕਸਾਈ, ਕਟ ਕਟ ਮਾਸ ਹੱਡਾਂ ਨੂੰ ਖਾਵੇ।
- ਲਾਗੀ ਰੇ ਲਾਗੀ ਬਲ ਬਲ ਜਾਵੇ।
- मे – ਸਾਬਤ ਨੇਹੁੰ ਲਾਇਆ ਮੈਨੂੰ, ਦੂਜਾ ਕੂਕ ਸੁਣਾਵਾਂ ਕੀਹਨੂੰ।
- ਰਾਤ ਅੱਧੀ ਉੱਠ ਠਿਲਦੀ ਨੈਂ ਨੂੰ, ਕੂੰਜਾਂ ਵਾਂਗ ਪਈ ਕੁਰਲਾਵੇ।
- ਇਸ ਲਾਗੀ ਕੋ ਕੌਣ ਬੁਝਾਵੇ।
- ਜੀਮ – ਜਹਾਨੋਂ ਹੋਈ ਸਾਂ ਨਿਆਰੀ, ਲਗਾ ਨੇਹੁੰ ਤਾਂ ਹੋਏ ਭਿਕਾਰੀ।
- ਨਾਲ ਸਰੋਂ ਦੇ ਬਣੇ ਪਸਾਰੀ, ਦੂਜਾ ਦੇ ਮਿਹਣੇ ਜਗ ਤਾਵੇ ।
- ਇਸ ਲਾਗੀ ਕੋ ਕੌਣ ਬੁਝਾਵੇ।
- ਹੇ – ਹੈਰਤ ਵਿਚ ਸ਼ਾਂਤ ਨਾਹੀਂ, ਜ਼ਾਹਰ ਬਾਤਨ ਮਾਰਨ ਢਾਹੀ
- ਝਾਤ ਘੱਤਣ ਨੂੰ ਲਾਵਣ ਵਾਹੀ, ਸੀਨੇ ਸੂਲ ਪ੍ਰੇਮ ਕੀ ਧਾਵੇ।
- ਇਸ ਲਾਗੀ ਕੋ ਕੌਣ ਬੁਝਾਵੇ।
- ਖ਼ੇ – ਖ਼ੂਬੀ ਹੁਣ ਉਹ ਨਾ ਰਹੀਆ! ਜਬ ਕੀ ਸਾਂਗ ਕਲੇਜੇ ਸਹੀਆ!
- ਆਹੀਂ ਨਾਲ ਪੁਕਾਰਾਂ ਕਹੀਆ! ਤੁਧ ਬਿਨ ਕੌਣ ਜੋ ਆਣ ਬੁਝਾਵੇ।
- ਇਸ ਲਾਗੀ ਕੋ ਕੌਣ ਬੁਝਾਵੇ।
- ਦਾਲ – ਦੂਰੋਂ ਦੁੱਖ ਦੂਰ ਨਾ ਹੋਵੇ, ਫ਼ੱਕਰ ਫ਼ੱਰਾਕੋ ਬਹੁਤਾ ਰੋਵੇ।
- ਤਨ ਭੱਠੀ ਦਿਲ ਖਿੱਲਾਂ ਧਨੋਵੇ, ਇਸ਼ਕ ਅੱਖਾਂ ਵਿਚ ਮਿਰਚਾਂ ਲਾਵੇ ।
- ਇਸ ਲਾਗੀ ਕੋ ਕੌਣ ਬੁਝਾਵੇ।
- ਜ਼ਾਲ – ਜ਼ੋਕੋ ਦੁਨੀਆਂ ਤੇ ਇਤ ਨਾ ਕਰਨਾ, ਖ਼ੌਫ਼ ਹਸ਼ਰ ਦੇ ਥੀਂ ਡਰਨਾ।
- ਚਲਣਾ ਨਬੀ ਸਾਹਿਬ ਦੇ ਸਰਨਾ, ਓੜਕ ਜਾ ਹਿਸਾਬ ਕਰਾਵੇ।
- ਇਸ ਲਾਗੀ ਕੋ ਕੌਣ ਬੁਝਾਵੇ।
- ਰੇ – ਰੋਜ਼ ਹਸ਼ਰ ਕੋਈ ਕਹੇ ਨ ਖ਼ਾਲੀ, ਲਏ ਹਿਸਾਬ ਦੋ ਜੱਗ ਦਾ ਵਾਲੀ
- ਜ਼ੇਰ ਜ਼ਬਰ ਸਭ ਭੁੱਲਣ ਵਾਲੀ, ਤਿਸ ਦਿਨ ਹਜ਼ਰਤ ਆਪ ਛੁਡਾਵੇ।
- ਇਸ ਲਾਗੀ ਕੋ ਕੌਣ ਬੁਝਾਵੇ।
- ਜ਼ੇ – ਜ਼ੁਹਦ ਕਮਾਈ ਚੰਗੀ ਕਰੀਏ, ਜੇਕਰ ਮਰਨ ਤੋਂ ਅੱਗੇ ਮਰੀਏ ।
- ਫਿਰ ਮੋਏ ਭੀ ਉਸ ਤੋਂ ਡਰੀਏ, ਮਤ ਮੋਇਆਂ ਨੂੰ ਪਕੜ ਮੰਗਾਵੇ।
- ਇਸ ਲਾਗੀ ਕੋ ਕੌਣ ਬੁਝਾਵੇ।
- ਸੀਨ – ਸਾਈਂ ਬਿਨ ਜਾ ਨਾ ਕੋਈ, ਜਿੱਤ ਵਲ ਵੇਖਾਂ ਓਹੀ ਓਹੀ।
- ਹੋਰ ਕਿਤੇ ਵਲ ਮਿਲੇ ਨਾ ਢੋਈ, ਮੁਰਸ਼ਦ ਮੇਰਾ ਪਾਰ ਲੰਘਾਵੇ।
- ਇਸ ਲਾਗੀ ਕੋ ਕੌਣ ਬੁਝਾਵੇ।
159ਸੀਹਰਫੀ
- उठ जाग घुराड़े मार नहीं, एह सौण तेरे दरकार नहीं।
- इक रोज़ जहानो जाणा ए, जा कबरे विच समाणा ए।
- तेरा गोशत कीड़यां खाणा ए, कर चेता मरग विसार नहीं।
- तेरा साहा नेड़े आया ए, कुझ चोली दाज रंगाया ए।
- क्यों आपणा आप वंजाया ए, ऐ ग़ाफ़िल तैनूं सार नहीं।
- तूं सुत्तयां उमर वंजाई ए, तूं चरखे तंद न पाई ए।
- की करसैं दाज तैयार नहीं, उठ जाग घुराड़े मार नहीं।
- तूं जिस दिन जोबन मत्ती सैं, तूं नाल सईआं दे रत्ती सैं।
- हो ग़ाफ़िल गल्लीं वत्ती सैं, एह भोरा तैनूं सार नहीं।
- तूं मुद्दों बहुत कुचज्जी सैं, निरलज्जयां दी निरलज्जी सैं।
- तूं खा खा खाणे रज्जी सैं, हुण ताईं तेरा बार नहीं।
- अज कल तेरा मुकलावा ए, क्यों सुत्ती कर कर दावा ए।
- अणडिट्ठयां नाल मिलावा ए, एह भलके गरम बाज़ार नहीं।
- तूं एस जहानों जाएंगी, फिर क़दम न एथे पाएंगी।
- एह जोबन रूप वंजाएंगी, तैं रहणा विच संसार नहीं।
- मंजिल तेरी दूर दुराडी, तूं पौणां विच्च जंगल वादी।
- औखा पहुँचण पैर प्यादी, दिसदी हूँ असवार नहीं।
- इक इकल्ली तनहा चलसें, जंगल बरबर दे विच रुलसे।
- लै लै तोशा एथों घलसैं, ओथे लैण उधार नहीं।
- ओह ख़ाली ए सुंञी हवेली, तू विच रहसें इक इकेली।
- ओथे होसी होर न बेली, साथ किसे दा बार नहीं।
- जेहड़े सन देसां दे राजे, नाल जिन्हां दे वजदे वाजे।
- गए हो के बे-तख़ते ताजे, कोई दुनिया दा इतबार नहीं।
- कित्थे है सुलतान सिकन्दर, मौत न छड्डे पीर पैगंबर।
- सब्भे छड्ड छड्ड गए अडंबर, कोई एथे पायदार नहीं।
- कित्थे यूसुफ माहि-कनयानी, गई जुलेखा फेर जवानी।
- कीती मौत ने ओड़क फ़ानी, फेर ओह हार शिंगार नहीं।
- कित्थे तख़त सुलेमान वाला, विच हवा उडदा सी बाला।
- ओह भी क़ादर आप संभाला, कोई जिंदगी दा इतबार नहीं।
- कित्थे मीर मलक सुल्ताना, सब्भे छड्ड छड्ड गए ठिकाना।
- कोई मार न बैठे ठाणा, लशकर दा जिन्हां शुमार नहीं।
- फुल्लां फुल चंमेली लाला, सोसन सिंबल सरू निराला।
- बादे-खिज़ां कीता बुरहाला, नरगस नित खुमार नहीं।
- जो कुझ करसैं सो कुझ पासैं, नहीं ते ओड़क पछोतासँ।
- सुंत्री कुंज वांग कुरलासै, खम्भां बाझ उडार नहीं।
- डेरा करसें ओहनी जाईं, जित्थे शेर पलंग बलाई।
- ख़ाली रहसण महल सराईं, फिर तूं विरसेदार नहीं।
- असीं आजज़ विच कोट इल्म दे, ओसे आंदे विच क़लम दे।
- बिन कलमे दे नाहीं कंम दे, बाझों कलमे पार नहीं।
- बुल्ला शौह बिन कोई नाहीं, एथे ओथे दोहीं सराईं।
- संभल संभल के कदम टिकाईं, फिर आवण दूजी वार नहीं।
1
- उलटे होर ज़माने आए,
- तां मैं भेद सज्जण दे पाए। टेक।
- कां लगड़ां नूं मारन लग्गे, चिड़ियां जुरे ढाए।
- घोड़े चुगण अरूड़ीआं ते, गद्दों खवेद पवाए।
- आपणयां विच उलफ़त नाहीं, क्या चाचे क्या ताए।
- प्यो पुत्तरां इतफ़ाक न काई, धीआं नाल न माए।
- सच्चयां नूं पए मिलदे धक्के, झूठे कोल बहाए।
- अगले हो कंगाले बैठे, पिछलयाँ फ़रश विछाए।
- भूरीआं वाले राजे कीते, राजयां भीख मंगाए।
- बुल्लया हुकम हजूरों आया, तिस नूँ कौण हटाए।
- उलटे होर जमाने आए, घर
- तां मैं भेद सज्जण दे पाए।
2
- अख़ां विच दिल जानी प्यारिया केहा चेटक लाया ई
- मैं तेरे विच ज़रा ना जुदाई साथों आप छुपाया ई
- मझी आईआं रांझा यार ना आया फूक बिरहों डोलाया ई
- विच दिल जानी प्यारिया
- मैं नेड़े मैनूं दूर क्यूं दिसना ऐं, साथों आप छुपाया ई
- अख़ां विच दिल जानी प्यारिया
- विच मिसर दे वांग़ ज़ुलेखा, घुंघट खोल्ह रुलाया ई
- अख़ां विच दिल जानी प्यारिया
- शौह बुल्हे दे सिर पर बुरका, तेरे इश्क़ नचाया ईं
- अख़ां विच दिल जानी प्यारिया केहा चेटक लाया ई
3
- अब हम गुम हुए, प्रेम नगर के शहर
- अपने आप को सोध रहा हूं, ना सिर हाथ ना पैर
- ख़ुदी खोई अपना पद चीता, तब होई गल्ल ख़ैर
- लठे पझड़े पहले घर थीं, कौन करे निर्वैर
- बुल्हा शहु है दोहीं जहानियां, कोई ना दिसदा ग़ैर
4
- अब क्यों साजन चिर लायो रे। टेक।
- ऐसी मन में आई का, दुख सुख सभ वंजायो रे।
- हार शिंगार को आग लगाऊं, घट पर ढांड मचायो रे।
- सुण के ज्ञान की ऐसी बातां, नाम निशान सभी अणघातां ।
- कोयल वांगूं कूकां आतां, तैं अजे वी तरस ना आयो रे।
- मुल्लां इश्क ने बांग दिवाई, उठ दौड़न गल्ल वाजब आई।
- कर कर सजदे घर वल धाई, मत्थे महराब टिकायो रे।
- प्रेम नगर दे उलटे चाले, खूनी नैण होए खुशहाले।
- आपे आप फसे विच जाले, फस फस आप कुहायो रे।
5
- आ सजन गल लग असाडे केहा झेड़ा लाइओ ई ?
- सुत्तियां बैठियां कुछ ना डिठा जागदियां शहु पाइओ ई।
- कुन्न बाज़यानी शम्स बोले उल्टा कर लटकाइओ ई।
- इश्कन इश्कन जग्ग विच होइयां दे दिलास बिठाइओ ई।
- मैं तैं काई नहीं जुदाई फिर क्यूं आप छुपाइओ ई।
- मझियां आईयां माही ना आया फूक ब्रिहों डुलाइओ ई।
- एस इश्क दे वेखे कारे यूसुफ खूह पवाइओ ई।
6
- वांग ज़ुलेखा विच मिसर दे घुंघट खोल्ह रुलाइओ ई।
- रब्बे-अरनी मूसा बोले तद कोह-तूर जलाइओ ई।
- लनतरानी झिड़कां वाला आपे हुक्म सुनाइओ ई।
- इश्क दीवाने कीता फ़ानी दिल यतीम बनाइओ ई।
- बुल्हा शौह घर वस्सिया आ के शाह अनायत पाइओ ई।
- आ सजन गल लग असाडे केहा झेड़ा लाइओ ई।
7
- आ मिल यार सार लै, मेरी जान दुक्खां ने घेरी।
- अंदर ख़वाब विछोड़ा होया, ख़बर न पैंदी तेरी।
- सुंञी बन विच लुट्टी साईंआं, चोर शंग ने घेरी।
- मुल्लां काजी राह बतावण, देण धर्म दे फेरे।
- इह तां ठग ने जग दे झीवर, लावण जाल चुफ़ेरे ।
- करम शरआ दे धरम बतावण, संगल पावण पैरीं।
- जात मजहब एह इश्क़ न पुछदा, इश्क़ शरआ दा वैरी।
- नदियों पार मुलक सज्जन दा, लोभ लहर ने घेरी।
- सतगुर बेड़ी फड़ी खलोते, तैं क्यों लाई ए देरी।
- बुल्ला शाह शौह तैनूं मिलसी, दिल नूं देह दलेरी।
- प्रीतम पास ते टोलना किसनूं, भुलयों सिखर दुपहरी।
- आ मिल यार सार लै, मेरी जान दुक्खां ने घेरी।
8
- आओ सइयो रल देओ नी वधाई। मैं बर पाया रांझा माही। टेक।
- अज्ज तां रोज़ मुबारक चड़या। रांझा साडे वेहड़े वड़या।
- हत्थ खुंडी मोढे कंबल धरया। चाकां वाली शकल बणाई।
- आओ सइयो रल देओ नी वधाई।
- मुकट गऊओं दे विच रुलदा। जंगल जूहां दे विच रुलदा।
- है कोई अल्ला दे वल भुलदा। असल हक़ीक़त ख़बर न काई।
- आओ सइयो रल देओ नी वधाई।
- बुल्ले शाह इक्क सौदा कीता। पीता ज़हर प्याला पीता।
- न कुझ लाहा टोटा लीता। दरद दुक्खां दी गठड़ी चाई।
- आओ सइयो रल देओ नी वधाई।
9
- आपणा दस्स टिकाणा, किधरों आया किधर जाणा।
- जिस ठाणे दा माण करें तूं, ओहने तेरे नाल न जाणा।
- जुलम करें ते लोक सतावें, कसब फड़यो लुट खाणा।
- कर लै चावड़ चार दिहाड़े, ओड़क तूं उठ जाणा।
- शहर ख़ामोशां दे चल वसीए, जित्थे मुलक समाणा।
- भर भर पूर लंघावे डाढा, मलक-उल-मौत मुहाणा।
- इन्हां सभनां थीं ए, बुल्ला औगुणहार पुराणा।
- तूं किधरों आया, किधर जाणा, आपणा दस्स टिकाणा।
10
- आपणे संग रलाई प्यारे, आपणे संग रलाईं।
- पहलों नेहों लगाया सी तैं, आपे चाईं चाईं।
- मैं लाया ए कि तुध लाया, आपणी ओड़ निभाई।
- राह पवां तां धाड़े बेले, जंगल लक्ख बनाईं।
- भौंकण चीते ते चितमचित्ते, भौंकण करन अदाईं।
- पार तेरे जगातर चढ़या, कंढ़े लक्ख बलाईं।
- हौल दिले दा थर थर कंबदा, बेड़ा पार लंघाईं।
- कर लईं बंदगी रब्ब सचे दी, पवण कबूल दुआईं।
- बुल्ले शाह ते शाहां दा मुखड़ा, घुंगट खोल विखाईं।
- आपणे संग रलाई प्यारे, आपणे संग रलाईं।
11
- ऐसा जगया ज्ञान पलीता। टेक।
- न हम हिंदू न तुरक जरूरी, नाम इश्क़ दी है मनजूरी।
- आशिक़ ने हर जीता, ऐसा जगया ज्ञान पलीता।
- विखो ठग्गां शोर मचाया, जंमणा मरणाचा बणाया।
- मूरख भुल्ले रौला पाया, जिस नूं आशिक़ जाहर कीता।
- ऐसा जगया ज्ञान पलीता।
- बुल्ला आशिक़ दी बात न्यारी, प्रेम वालयां बड़ी करारी।
- मूरख दी मत ऐवें मारी, वाक सुख़न चुप कीता। ऐसा जगया ज्ञान पलीता।
12
- ऐसी मन में आइओ रे दुख सुख सब वंञाइओ रे।
- हार शृंगार को आग लगाऊं तन पर ढांड मचाइओ रे।
- सुन के ग्यान कियां ऐसी बातें, नाम निशां तभी अणघातां है।
- कोइल वांग मैं कूकां रातां, तैं अजे भी तरस ना आइओ रे।
- गल मिरगानी हाथ खप्परिया, दर्शन की भीख मंगण चढ़िया।
- जोगन नाम बहूलत धरिया, अंग भिबूत रुमाइओ रे।
- इश्क मुल्लां ने बांग सुनाई, यह गल्ल सुननी वाजिब आई।
- कर कर सिदक सिजदे वल्ल धाई, मूहं महिराब टिकाइओ रे।
- प्रेम नगर वाले उल्टे चालें, मैं मोई भर खुशियां नाले।
- आण फसी आपे विच जाले, हस हस आप कुहाइओ रे।
- बुल्हा शौह संग प्रीत लगाई, जीअ जामे दी दीती साई।
- मुरशद शाह अनायत साईं, जिस ने दिल भरमाइओ रे।
13
- अंमां बाबे दी भलयाई, ओह हुण कंम असाडे आई।
- अंमां बाबा चोर धुरां दे, पुत्तर दी वडयाई।
- दाणे उत्तों गुत्त विगुत्ती, घर घर पई लड़ाई।
- असां कजीए तदांही जाले, जदां कणक ओन्हां टरकाई।
- खाए खैरा ते फाटीए जुमा, उलटी दस्तक लाई।
- बुल्ला तोते मार बागां थीं कढ्ढे, उल्लू रैहण उस जाई।
- अंमां बाबे दी भलयाई, ओह हुण कंम असाडे आई।
14
- इस नेहुं दी उल्टी चाल।
- साबर ने जद नेहुं लगाइआ, देख पीआ ने की दिखलाइआ।
- रग रग अंदर किरम चलाइआ, ज़ोरावर दी गल्ल मुहाल।
- इस नेहुं दी उल्टी चाल।
- ज़िक्रिया ने जद पाइआ कहारा, जिस दम वज्या इश्क नक्कारा।
- धरिया सिर ते तिखा आरा, कीता एड ज़वाल।
- इस नेहुं दी उल्टी चाल।
- यहिय्ये ने पाई झाती, रमज़ इश्क दी लाई कीती।
- जलवा दित्ता आपणा ज़ाती, तन खंजर कीता लाल।
- इस नेहुं दी उल्टी चाल।
- आप इशारा अख दी कीता, तां मधूवा मंसूर ने पीता।
- सूली चढ़ के दर्शन लीता, होइआ इश्क कमाल।
- इस नेहुं दी उल्टी चाल।
- सुलेमान नूं इश्क जो आइआ, मुंद्रा हथों चा गवाइआ।
- तख्त ना परियां दा फिर आइआ, भट्ठ झोके पिआ बेहाल।
- इस नेहुं दी उल्टी चाल।
- बुल्हे शाह हुन चुप चंगेरी, ना कर एथे एड दिलेरी।
- गल्ल ना बनदी तेरी मेरी, छड्ड दे सारे वहम ख्याल।
- इस नेहुं दी उल्टी चाल।
15
- एह अचरज साधो कौण लखावे, छिन छिन रूप किते बण आवे।
- मक्का लंका सहदेव के, भेत दोऊ को एक बतावे।
- जब जोगी तुम वसल करोगे, बांग कहो भावें नाद वजावे।
- भगती भगत नतारो नाहीं, भगत सोई जेहड़ा मन भावे।
- हर परगट परगट ही देखो, क्या पंडत फिर बेद सुनावे।
- धरो एह काफ़र नाहीं, क्या हिंदू क्या तुरक कहावे।
- जब देखूं तब ओही ओही, बुल्ला शौह हर रंग समावे ।
- एह अचरज साधो कौण कहावे, छिन छिन रूप किते बण आवे ।
16
- एह दुःख जा कहूं किस आगे, रोम रोम घा प्रेम के लागे। टेक।
- सिकत सिकत है रैण विहाणी, हमरे पिया ने पीड़ न जाणी।
- बिलकत बिलकत रैण विहासी, हासे दी गल्ल पै गई फासी।
- इक मरना दूजा जग दी हांसी, करत फिरत नित मोही रे मोही।
- कौण करे मोहे से दिलजोई, शाम पिया मैं देती तूं धरोई।
- दुख जग के मोहे पूछन आए, जिन के पिया परदेस सिधाए।
- न पिया आए न पिया आए, एह दुख जा कहूं किस जाए।
- बुल्ला शाह घर आ प्यारया, इक घड़ी के करन गुज़ारया।
- एह दुख जा कहूं किस आगे, रोम रोम घा प्रेम के लागे।
17
- इक अलफ़ पढ़ो छुटकारा ए। टेक।
- इक अलफ़ों दो तिन चार होए, फिर लक्ख करोड़ हजार होए।
- फिर ओथों बाझ शुमार होए, हिक अलफ़ दा नुकता न्यारा ए।
- क्यों पढ़ना ए गड्ड किताबां दी, सिर चाना एं पंड अज़ाबां दी।
- हुण होयों शकल जलादां दी, अग्गे पैंडा मुशकल भारा ए।
- बण हाफ़ज़ हिफ़ज़ कुरान करें, पढ़ पढ़ के साफ़ ज़बान करें।
- फिर नेअमत विच ध्यान करें, मन फिरदा ज्यों हलकारा ए।
- बुल्ला बी बोड़ दा बोया सी, ओह बिरछ वड्डा जां होया सी।
- जद बिरछ ओह फ़ानी होया सी, फिर रह गया बी अकारा ए।
- इक अलफ़ पढ़ो छुटकारा ए।
18
- इक टूणा अचंभा गावांगी, मैं रुठा यार मनावांगी।
- एह टूणा मैं पढ़ पढ़ फूकां, सूरज अगन जलावांगी।
- अक्खीं काजल काले बादल, भवां से आंधी लयावांगी।
- सत्त समुंदर दिल दे अंदर, दिल से लहर उठावांगी।
- बिजली होकर चमक डरावां, बादल हो गिर जावांगी।
- इश्क़ अंगीठी हरमल तारे, चाँद से कफ़न बनावांगी।
- ला मकान दी पटड़ी उत्ते, बह के नाद वजावांगी।
- लाए सू आन मैं शौह गल आपणे, तद मैं नार कहावांगी।
- इक टूणा अचंभा गावांगी।
19
- इक नुकता यार पढ़ाया ए। इक नुकता यार पढ़ाया ए। टेक।
- ऐन गैन दी इक्का सूरत, इक नुकते शोर मचाया ए। इक नुकता यार पढ़ाया ए।
- सस्सी दा दिल लुट्टण कारन, होत पुन्नू बण आया ए। इक नुकता यार पढ़ाया ए।
- बुल्ला शौह दी जात न काई, मैं शौह इनाइत पाया ए। इक नुकता यार पढ़ाया ए।
20
- इक नुकते विच गल्ल मुकदी ए। टेक।
- फड़ नुक़ता छोड़ हिसाबां नूं, कर दूर कुफ़र देआं बाबां नूं।
- लाह दोजख गोर अज्जाबां नूं, कर साफ दिले देआं खवाबां नूं।
- गल्ल एसे घर विच ढुकदी ए, इक नुक़ते विच गल्ल मुकदी ए।
- ऐवें मत्था जिमीं घसाईदा, लंमा पा महराब दिखाईदा।
- पढ़ कलमा लोक हसाई दा, दिल अंदर समझ न लआईदा।
- कदी गल्ल सच्ची वी लुकदी ए, इक नुक़ते विच गल्ल मुकदी ए।
- कई हाजी बण बण आए जी, गल नीले जामे पाए जी।
- हज बेच टके लै खाए जी, भला एह गल्ल कीहनूं भाए जी।
- कदी गल्ल सच्ची वी लुकदी ए, इक नुक़ते विच गल्ल मुकदी ए।
- इक जंगल बहरीं जांदे नीं, इक दाणा रोज़ लै खांदे नी।
- बेसमझ वजूद थकांदे नी, घर आवण हो के मांदे नी।
- ऐवें चिल्हयां विच जिंद सुकदी ए, इक नुकते विच गल्ल मुकदी ए।
- फड़ मुरशद आबद ख़ुदाई हो, विच मस्ती बेपरवाही हो।
- बेख़ाहश बेनवाई हो, विच दिल दे खूब सफ़ाई हो।
- कदी गल्ल सच्ची वी लुकदी ए, इक नुक़ते विच गल्ल मुकदी ए।
21
- इक रांझा मैंनूं लोड़ीदा।
- कुन फयकूनों अग्गे दीआं लगी, नेहों न लगड़ा चोरी दा।
- आप छिड़ जांदा नाल मज्झीं दे, सानूं क्यों बेलयों मोड़ीदा।
- इक रांझा मैंनूं लोड़ीदा।
- रांझे जेहा मैनूं होर न कोई, मिनतां कर कर मोड़ीदा।
- माण वालियां दे नैण सलोने, सूहा दुपट्टा गोरी दा।
- इक रांझा मैनूं लोड़ीदा।
- अहद अहमद विच फरक न बुल्लया, इक रत्ती भेत मरोड़ी दा।
- इक रांझा मैंनूं लोड़ीदा।
22
- इल्मों बस करीं ओ यार। टेक।
- इल्म न आवे विच शुमार, इक्को अलफ़ तेरे दरकार।
- जांदी उमर नहीं इतबार, इल्मों बस करीं ओ यार।
- पढ़ पढ़ इल्म लगावें ढेर, कुरान किताबां चार चुफेर।
- गिरदे चानण विच अनेर, बाझों रहबर ख़बर न सार।
- पढ़ पढ़ शेख मशाइख होया, भर भर पेट नींदर भर सोया।
- जांदी वारी नैण भर रोया, डुब्बा विच उरार न पार।
- पढ़ पढ़ इल्म होया बौराना, बे इल्मां नूं लुट लुट खाना।
- एह की कीता यार बहाना, करें नाहीं कदे इनकार।
- पढ़ पढ़ नफ़ल नमाज़ गुज़ारें, उच्चियां बांगां चांघां मारें।
- मंबर चढ़ के वाअज़ पुकारें, तैनूं कीता हिरस खुआर।
- पढ़ पढ़ मुल्लां होय काज़ी, अल्लाह इल्मां बाझों राजी।
- होवे हिरस दिनों दिन ताज़ी, नफ़ा नीअत विच गुज़ार।
- पढ़ पढ़ मसले रोज़ सुणावें, खाना शक शुबह दा खावें।
- दस्सें होर ते होर कमावें, अंदर खोट बाहर सचयार।
- पढ़ पढ़ इल्म नजूम विचारें, गिणदा रासां बुरज सतारे ।
- पढ़े अज़ीमतां मंतर झाड़े, अबजद गिने तावीज शुमार ।
- इल्मों पए कज़ीए होर, अक्खीं वाले अन्ने कोर।
- फड़े साध ते छड्डे चोर, दोहीं जहानीं होया खुआर।
- इल्मों पए हज़ारां फस्ते, राही अटक रहे विच रस्ते।
- मारया हिजर होए दिल खस्ते, पेआ विछोड़े दा सिर भार।
- इल्मों मी जी कहावें, तंबा चुक चुक मण्डी जावें।
- धेला लै के छुरी चलावें, नाल कसाईयां बहुत प्यार।
- बहुता इल्म अज़ाज़ील ने पढ़या, झुग्गा झाहा ओसे दा सड़या।
- गल विच तौक लाअनत दा पड़या, आखिर गया ओह बाज़ी हार।
- जद मैं सबक इश्क़ दा पढ़या, दरया वेख वहदत दा वड्या।
- घुमण घेरां दे विच अड़या, शाह इनाइत लाया पार।
- बुल्ला न राफ़ज़ी है न सुंनी, आलम फ़ाज़ल न आलम जुनी।
- इक्को पढ्या इल्म लदुंनी, वाहद अलिफ़ मीम दरकार।
23
- इश्क़ असां नाल केही कीती, लोक मरेंदे ताअने। टेक।
- दिल दी वेदन कोई न जाणे, अन्दर देस बगाने।
- जिस नूं चाट अमर दी होवे, सोई अमर पछाणे ।
- एस इश्क़ दी औखी घाटी, जो चढ़या सो जाणे।
- आतश इश्क़ फ़राक तेरे ने, पल विच साड़ विखाईयां ।
- एस इश्क़ दे साड़े कोलों, जग विच देआं दुहाईआं ।
- जिस तन लग्गे सो तन जाणे, दूजा कोई न जाणे।
- मैं अनजाणी नेहों की जाणां, जाणे सुघ्घड़ सयाणी।
- एस माही दे सदके जावां, जिस दा कोई न सानी।
- रूप सरूप अनूप है उसदा, शाला जवानी माणे।
- हिजर तेरे ने झल्ली करके, कमली नाम धराया।
- सुमुन बुकमुन उमयुन होके, आपणा वकत लंघाया।
- कर हुण नज़र करम दी साईआं, न कर ज़ोर धगाने।
- हस्स बुलौणा तेरा जानी, याद करां हर वेले।
- पल पल दे विच हिजर दी पीड़ों, इश्क़ मरेंदा सेले।
- रो रो याद करां दिन रातीं, पिछले वकत विहाणे।
- इश्क़ तेरा दरकार असानूं, हर वेले हर हीले।
- पाक रसूल मुहम्मद सरवर, मेरे ख़ास वसीले ।
- बुल्लेशाह जे मिले प्यारा, लख करां शुकराने।
- इश्क़ असां नाल केही कीती, लोक मरेंदे ताने।
24
- इश्क़ दी नवियों नवीं बहार।
- जां मैं सबक इश्क दा पढ्या, मसजद कोलों जीउड़ा डरया।
- डेरे जा ठाकर दे वड़या, जित्थे वजदे नाद हज़ार।
- जां मैं रमज़ इश्क़ दी पाई, मैना तोता मार गवाई।
- अंदर बाहर होई सफ़ाई, जित वल वेखां यारो यार।
- हीर रांझे दे हो गए मेले, भुल्ली हीर ढूंडेंदी बेले।
- रांझा यार बुक्कल विच खेले, मैंनूं सुध बुध रही न सार।
- बेद कुरानां पढ़ पढ़ थक्के, सजदे करदयां घस गए मत्थे।
- न रब्ब तीरथ न रब्ब मक्के, जिस पाया तिस नूर अनवार।
- फूक मुसल्ला भंन सुट लोटा, न फड़ तसबी कासा सोटा।
- आशिक़ कैहन्दे दे दे होका, तरक हलालों खाह मुरदार।
- उमर गवाई विच मसीती, अन्दर भरया नाल पलीती।
- कदे नमाज़ तौहीद न कीती, हुण की करनां एं शोर पुकार।
- इश्क़ भुलाया सजदा तेरा, हुण क्यों ऐवें पावें झेड़ा।
- बुल्ला हुंदा चुप बथेरा, इश्क़ करेंदा मारो मार।
- इश्क़ दी नवियों नवीं बहार।
25
- सज्जणां दे विछोड़े कोलों तन दा लहू छाणीदा।
- दुखां सूलां कीता एका, ना कोई सहुरा ना कोई पेका।
- दर्द विहाणी पई दर तेरे, तू हैं दर्द रंझाणी दा।
- सज्जणां दे विछोड़े कोलों तन दा लहू छाणीदा।
- कढ़ कलेजा करनीं आं बेरे, इह भी नहीं है लाइक तेरे।
- होर तौफीक नहीं विच मेरे, पीउ कटोरा पाणी दा।
- सज्जणां दे विछोड़े कोलों तन दा लहू छाणीदा।
- हुण क्यों रोंदे नैण निरासे, आपे ओड़क फाही फासे।
- हुण तां छुटण औखा होइआ, चारा नहीं निमाणी दा।
- सज्जणां दे विछोड़े कोलों तन दा लहू छाणीदा।
- बुल्हा शौह पीआ हुण गज्जे, इश्क दमामे सिर ते वज्जे।
- चार दिहाड़े कोइल वासा, ओड़क कूच नक्कारे दा।
- सज्जणां दे विछोड़े कोलों तन दा लहू छाणीदा।
26
- सदा मैं साहवरियां घर जाणां नी मिल लओ सहेळड़ीओ।
- तुहां वी होसी अल्ला भाणा नी मिल लओ सहेळड़ीओ।
- रंग बरंगी सुल उपठे चंबड़ जावण मैन्नूं।
- दुख अगले मैं नाल लै जावां पिछले सौंपां केहनूं।
- इक विछोड़ा सइयां दा जिउं डारों कूंज विछुंनी।
- माप्यां मैन्नूं इह कुछ दित्ता इक चोली इक चुंनी।
- दाज इनहां दा वेख के हुण मैं हंझू भर भर रुंनी।
- सस्स नणां देवन ताहने मुश्किल भारी पुंनी।
- बुल्हा शौह सत्तार सुणींदा इक वेला टल जावें।
- अदल करे तां जा ना काई फज़लों बखरा पावें।
- सदा मैं साहवरियां घर जाणां नी मिल लओ सहेळड़ीओ।
- तुहां भी होसी अल्ला भाणा नी मिल लओ सहेळड़ीओ।
27
- सब इक्को रंग कपाहीं दा। टेक।
- ताणी ताणा पेटा नलियां, पीठ नड़ा ते छब्बां छल्लियां।
- आपो आपणे नाम जतावण, वक्खो वक्खी जाहीं दा।
- चौंसी पैंसी खद्दर धोतर, मलमल खाशा इक्का सूत्तर ।
- पूणी विच्चों बाहर आवे, भगवा भेस गोसाईं दा।
- कुड़ी हत्थीं छापां छल्ले, आपो आपणे नाम सवल्ले।
- सब्भा हिक्का चांदी आखो, कंगन चूड़ा बाहीं दा।
- भेड़ा बकरियां चारन वाला, ऊंठ मझीआं दा करे संभाला।
- रूड़ी उत्ते गद्दों चारे, ओह भी वागी गाईं दा।
- बुल्ला शौह दी जात की पुछनँ, शाकर हो रजाई दा।
- जे तूं लोड़े बाग बहारां, चाकर रहो अराइयां दा।।
28
- साईं छप तमाशे नूं आया, तुसीं रल मिल नाम ध्याओ। टेक।
- लटक सज्जण दी नाहीं छपदी, सारी खलकत सिकदी तपदी।
- तुसीं दूर न ढूंडण जाओ, तुसीं रल मिल नाम ध्याओ।
- रल मिल सईओ आतण पाओ, इक बंने विच जा समाओ।
- नाले गीत सज्जण दा गाओ, तुसीं रल मिल नाम ध्याओ।
- बुल्ला बात अनोखी एहा, नच्चण लगी तां घुंघट केहा।
- तुसीं परदा अख्खीं थीं लाहो, तुसीं रल मिल नाम ध्याओ।
29
- साडे वल्ल मुखड़ा मोड़ वे प्यारया, साडे वल्ल मुखड़ा मोड़। टेक।
- आपे पाईयां कुंडीयां तैं, ते आपे खिचदा हैं डोर।
- साडे वल्ल मुखड़ा मोड़ वे प्यारया, साडे वल्ल मुखड़ा मोड़।
- अरश कुरसी ते बांगां मिलियां, मक्के पै गया शोर ।
- साडे वल्ल मुखड़ा मोड़ वे प्यारया, साडे वल्ल मुखड़ा मोड़।
- बुल्ला शौह असां मरना नाहीं, मर जावे कोई होर।
- साडे वल्ल मुखड़ा मोड़ वे प्यारया, साडे वल्ल मुखड़ा मोड़।
30
- सानूं आ मिल यार प्यारया। टेक।
- दूर दूर असाथों गयों, असलाते आ के बह रहयों।
- की कसर कसूर विसारया, सानूं आ मिल यार प्यारया।
- मेरा इक अनोखा यार है, मेरा ओसे नाल प्यार है।
- कदे समझें वड परवारया, सानूं आ मिल यार प्यारया।
- जदों आपणी आपणी पै गई, धी मां नूं लुट के लै गई।
- मूँह बारहवीं सदी पसारया, सानूं आ मिल यार प्यारया।
- दर खुल्ला हशर-अज़ाब दा, बुरा हाल होया पंजाब दा ।
- डर हावीए दोजख मारया, सानूं आ मिल यार प्यारया।
31
- सुनो तुम इश्क़ की बाज़ी, मलायक हों कहां राजी।
- यहां बिरहों पर होगा जी, वेखां फिर कौन हारेगा।
- साजन की भाल हुण होई, मैं लहू नैण भर रोई।
- नच्चे हम लाह कर लोई, हैरत के पत्थर मारेगा।
- महूरत पूछ कर जाऊं, साजन को देखने पाऊं।
- उसे मैं ले गले लाऊं, नहीं फिर खुद गुजारेगा।
- इश्क़ की तेग से मूई, नहीं वोह जात की दुई।
- और पिया पिया कर मूई, मोयां फिर रूह चितारेगा।
- साजन की भाल सर दीआ, लहू मध अपना पीआ।
- कफ़न बाहों से सी लिया, लहद में पा उतारेगा।
- बुल्ला शौह इश्क़ है तेरा, उसी ने जी लिया मेरा।
- मेरे घर-बार कर फेरा, वेखां सिर कौण वारेगा।
32
- से वणजारे आए नी माए, से वणजारे आए।
- लालां दा ओह वणज करेंदे, होका आख सुणाए।
- लाल ने गहणे सोने साथी, माए नाल लै जावां ।
- सुणया होका मैं दिल गुज़री, मैं भी लाल ल्यावां ।
- इक न इक कंना विच पा के, लोकां नूं दिखलावां ।
- लोक जानण एह लालां वाली, लईयां मैं भरमाए।
- ओड़क जा खलोती ओहनां ते, मैं मनो सधराइयां ।
- भाई वे लालां वालयो मैं भी, लाल लैवन नूं आइयां।
- ओहनां भरे संदूक विखाले, मैंनूं रीझां आइयां।
- वेखे लाल सुहाने सारे, इक तों इक सवाए।
- भाई वे लालां वालया वीरा, इन्हां दा मुल दसाईं
- जे तूं आई हैं लाल ख़रीदण, धड़ तों सीस लुहाईं।
- डम्म कदी सूई दा न सहया, सिर कित्थों दिता जाई।
- नदामी हो के मुड़ घर आई, पुछण गवांढी आए।
- तूं जो गई सैं लाल ख़रीदण, उच्ची अड्डी चाई नी।
- कि केहड़ी मोहर ओथों रंने तूं, लै के घर आई नी।
- लाल सी भारे मैं सां हलकी खाली कंनी साई नी।
- भारा लाल अनमुल्ला ओथों, मैत्थों चुकया ना जाए।
33
- हजाब करें दरवेशी कोलों, कद तक हुकम चलावेंगा।
- गल अलफ़ी सिर पा बरहना, भलके रूप वटावेंगा।
- इस लालच नफ़सानी कोलों, ओड़क मूड मनावेंगा।
- घाट ज़कात मंगणगे पयादे, कौह की अमल विखावेंगा।
- आण बणी जद सिर पर भारी, अग्गों की बतलायेंगा।
- हक पराया जातो नाहीं, खा कर भार उठावेंगा।
- फेर न आ कर बदला देसें, लाखी खेत लुटावेंगा।
- दाअ ला के विच जग दे जूए, जित्ते दम हरावेंगा।
- जैसी करनी वैसी भरनी, प्रेम नगर वरतारा ए।
- एथे दोजख कट तूं दिलबर, अग्गे खुल बहारां ए।
- केसर बीज जो केसर जंमें, लसण बीज ठगावेंगा।
- करो कमाई मेरे भाई, एहो वकत कमावण दा।
- पौं सतारां पैंदे ने हुण, दाअ न बाज़ी हारन दा।
- उजड़ी खेड छपणगीआं नरदां, झाड़ दुकान उठावेंगा।
- खावें मास चबावें बीड़े, अंग पुशाक लगाइया ई।
- टेडी पगड़ी आकड़ चल्लें, जुत्ती पैर अड़ाइया ई।
- पलदा है तूं जम दा बकरा, आपणा आप कुहावेंगा।
- पल दा वासा वस्सण एथे, रहण नूं अग्गे डेरा ए।
- लै लै तोहफे घर नूं घल्लीं, एहो वेला तेरा ए।
- ओथे हत्थ न लगदा कुझ वी, एथों ही लै जावेंगा। कर्मचा
- पढ़ सबक मुहब्बत ओसे दा तूं, बेमूजब क्यों डुबणा एं।
- पढ़ पढ़ किस्से मग़ज़ खपावें, क्यों खुब्भण विच खुभणा एं।
- हरफ़ इश्क़ दा इक्को नुकता, काह को ऊठ लदावेंगा।
- भुक्ख मरेंदेआं नाम अल्ला दा, एहो बात चंगेरी ए।
- दोवें थोक पत्थर थीं भारे, औखी जही एह फेरी ए।
- आण बणी जद सिर पर भारी, अग्गों की बतलायेंगा।
- अंमां बाबा बेटी बेटा, पुच्छ वेखां क्यों रोंदे नी।
- रंनां कंजकां भैणां भाई, वारस आण खलोंदे नी।
- एह जो लुटदे तूं नहीं लुटदा, मर के आप लुटावेंगा।
- इक इकल्लयां जाणा ई तैं, नाल न कोई जावेगा।
- खवेश कबीला रोंदा पिटदा, राहों ही मुड़ आवेगा।
- शहरों बाहर जंगल विच वासा, ओथे डेरा पावेंगा।
- करां नसीहत वड्डी जे कोई, सुण कर दिल ते लावेंगा।
- मोए तां रोज़-हशर नूं उठण, आशिक़ ना मर जावेगा।
- जे तूं मरें मरन तों अग्गे, मरने दा मुल पावेंगा।
- जां राह शरा दा पकडेंगा, तां ओट मुहम्मदी होवेगी।
- कैहन्दी है पर करदी नाहीं, एहो ख़लकत रोवेगी।
- हुण सुत्तयां तैनूं कौण जगाए, जागदयां पछतावेंगा।
- जे तूं साडे आखे लग्गें, तैनूं तख़त बहावांगे।
- जिस नूं सारा आलम ढूंडे, तैनूं आण मिलावांगे।
- जुहदी हो के जुहद कमावें, लै पिया गल लावेंगा।
- ऐवें उमर गवाइआ औगत, आकबत चा रुढ़ाइआ ई।
- लालच कर कर दुनिया उत्ते, मुख सफ़ैदी आइया ई।
- अजे वी सुण जे तायब होवे, तां आशना सदावेंगा। जामट
- बुल्ला शौह दे चलना एं तां चल, केहा चिर लाया ई।
- जक्को तक्को की करने, जां वतनों दफ़तर आया ई।
- वाचदयां खत अकल गयो ई, रो रो हाल वंजावेंगा। करकर
- हजाब करें दरवेशी कोलों, कद तक हुकम चलावेंगा।
34
- हाजी लोक मक्के नूं जांदे, मेरा रांझा माही मक्का।
- नी मैं कमली हां।
- मैं तां मंग रांझे दी होईआं, मेरा बाबल करदा धक्का।
- नी मैं कमली हां।
- हाजी लोक मक्के नूं जांदे, मेरे घर विच नौशौह मक्का। नी मैं कमली हां।
- विच्चे हाजी विच्चे ग़ाज़ी, विच्चे चोर उचक्का।
- नी मैं कमली हां।
- हाजी लोक मक्के नूं जांदे, असां जाणा तख़त-हज़ारे ।
- नी मैं कमली हां।
- जित वल यार उते वल काअबा, भावें फोल किताबां चारे।
- नी मैं कमली हां।
35
- हिंदू नहीं न मुसलमान, बहीए त्रिंञण तज अभिमान। टेक।
- सुंनी ना नहीं हम शिया, सुल्हा कुल का मारग लीआ।
- भुक्खे ना नहीं हम रज्जे, नंगे ना नहीं हम कज्जे।
- रोंदे ना नहीं हम हसदे, उजड़े ना नहीं हम वसदे।
- पापी ना सुधरमी ना, पाप पुंन की राह ना जां।
- बुल्ले शाह जो हरि चित लागे, हिंदू तुरक दूजन त्यागे।
36
- हुण किस थीं आप छुपाइदा। टेक।
- किते मुल्ला हो बुलेंदे हो, किते सुंनत फ़रज़ दसेंदे हो।
- किते राम दुहाई देंदे हो, किते मत्थे तिलक लगाइदा।
- मैं मेरी है कि तेरी है, पर अंत भसम दी ढेरी है।
- ढेरी नूं हुण केरी है, ढेरी नूं नाच नचाइदा।
- किते बेसिर चूड़ा पाओगे, किते जोड़ा शान हंढाओगे।
- किते आदम हव्वा बण आओगे, कदी मैत्थों भी भुल जाइदा ।
- बाहर जाहर डेरा पायो, आपे डौँ डौं ढोल बजाइओ।
- जग ते आपणा आप लखायो, फिर अब्दुल्ला दे घर धाइदा।
- जो भाल तुसाडी करदा है, ओह मोयां तों अग्गे मरदा है।
- ओह मोयां वी तैत्थों डरदा है, मत मोयां नूं मार कुहाइदा।
- बिंदराबन में गऊआं चरावें, लंका चढ़ के नाद वजावें।
- मक्के दा बण हाजी आवें, वाह वाह रंग वटाइदा ।
- मनसूर तुसां ते आया ए, तुसां सूली पकड़ चढ़ाया ए।
- मेरा वीरनां बाबल जाया ए, खून तुसीं दिओ मेरे भाई दा।
- तुसीं सभनी भेसीं थींदे हो, आपे मध हो आपे पींदे हो।
- मैंनूं हर जा तुसीं दसींदे हो, आपे आप को आप चुकाइदा।
- हुण पास तुसाडे वस्सांगी, न बेदिल हो के नस्सांगी।
- सभ भेत तुसाडे दस्सांगी, क्यों मैनूं अंग न लाइदा।
- वाह जिस पर करम अवेहा है, तसदीक ओह भी तैं जेहा है।
- सच सही रवायत एहा है, तेरी नज़र मेहर तर जाइदा।
- विच भांबड़ बाग़ लवाईदा, जेहड़ा विच्चों आप खवाइदा।।
- जां अलफ़ों अहद बणाईदा, तां बातन क्या बतलाइदा ।
- बेली अल्ला वाली मालक हो, तुसीं आपणे आप सालक हो।
- आपे खलकत आपे ख़ालिक हो, आपे अमर मअरूफ़ कराइदा ।
- किधरे चोर ते किधरे काज़ी हो, किते मंबर ते बह वाअज़ी हो।
- किते तेग बहादर ग़ाज़ी हो, आपे आपणा कटक चढ़ाइदा।
- आपे यूसफ़ कैद करायो, यूनस मछली तों निगलायो।
- साबर कीड़े घत बहायो, फेर ओहह्नां तख़त चढ़ाइदा।
- बुल्ला शहु हुण सही संझाते हो, हर सूरत नाल पछाते हो।
- किते आते हो किते जाते हो, हुण मैत्थों भुल न जाइदा।
37
- हुण मैंनूं कौण पछाणे, हुण मैं हो गई नी कुझ होर। टेक।
- सागरी कम हादी मैंनूं सबक पढ़ाया, ओथे गैर न आया जाया।
- गले मुतलक जात जमाल विखाया, वहदत पाया नी शोर ।
- ई हुण मैंनूं कौण पछाणे, हुण मैं हो गई नी कुझ होर।
- अव्वल हो के लामकानी, जाहर बातन दिसदा जानी।
- रिहा ना मेरा नाम निशानी, मिट गया झगड़ा शोर ।
- नगर हुण मैंनूं कौण पछाणे, हुण मैं हो गई नी कुझ होर।
- प्यारा आप जमाल विखाले, मस्त कलंदर होण मतवाले।
- हंसां दे हुण वेख लै चाले, बुल्ला कागां दी भुल गई टोर।
- हुण मैंनूं कौण पछाणे, हुण मैं हो गई नी कुझ होर।
38
- हुण मैं लखया सोहणा यार,
- जिस दे हुसन दा गरम बज़ार। टेक।
- जद अहद इक इकल्ला सी, ना जाहर कोई तजल्ला सी।
- ना रब्ब रसूल ना अल्ला सी, ना जब्बार ते ना कहार।
- बेचून व बेचूगूना सी, बेशबीया बेनमूना सी।
- न कोई रंग न नमूना सी, हुण गूनां गूं हज़ार।
- प्यारा पहन पोशाकां आया, आदम अपना नाम धराया।
- अहद तों बण अहमद आया, नबीयां दा सरदार।
- कुन किहा फ़यीकून कहाया, बेचूनी से चून बणाया।
- अहद दे विच मीम रलाया, तां कीता ऐड पसार।
- तजूं मसीत, तजूं बुतख़ाना, बरती रहां ना रोज़ा जाणा ।
- भुल गया वुजू नमाज़ दुगाना, तैं पर जान करां बलहार।
- पीर पैग़म्बर इसदे बरदे, इनस मलायक सजदे करदे।
- सर कदमां दे उत्ते धरदे, सभ तों वड्डी ओह सरकार।
- जो कोई उस नूं लखया चाहे, बाझ वसीले लखया न जाए।
- शाह इनाइत भेत बताए, तां खुल्ले सभ इसरार।
39
- कत्त कुड़े न वत्त कुड़े, छल्ली लाह भड़ोले घत्त कुड़े। टेक।
- जे पूणी पूणी कत्तेंगी, तां नंगी मूल न वत्तेंगी।
- सौहरयां दे जे कत्तेंगी, तां काग मारेगा झुट कुड़े।
- विच ग़फ़लत जे तैं दिन जाले, कत्त के कुझ न लयो संभाले ।
- बाझों गुण शौह आपणे नाले, तेरी क्यों कर होसी गत्त कुड़े।
- मां प्यो तेरे गंढीं पाइयां, अजे ना तैनूं सुरतां आयां।
- दिन थोड़े ते चाअ मुकाईआं, न आसें पेके वत्त कुड़े।
- जे दाज विहूणी जावेंगी, तां किसे भली न भावेंगी।
- कि ओथे शौह नूं किवें रीझावेंगी, कुझ लै फ़क़रां दी मत्त कुड़े।
- तेरे नाल दीआं दाज रंगाए नी, ओहनां सूहे सालू पाए नी।
- तूं पैर उलटे क्यों चाए नी, जा ओथे लग्गी तत्त कुड़े।
- बुल्ला शौह घर आपणे आवे, चूड़ा बीड़ा सब सुहावे।
- गुण होसी तां गले लावे, नहीं रोसें नैनीं रत्त कुड़े।
40
- कदी आ मिल यार प्यारया, तेरियां वाटां तों सिर वारया। टेक।
- चढ़ बागी कोयल कूकदी, नित सोज़-अलम दे फूकदी।
- मैनूं ततड़ी को शाम विसारया, कदी आ मिल यार प्यारया।
- बुल्ला शौह कदी घर आवसी, मेरी बलदी भा बुझावसी।
- ओद्दी वाटां तो सिर वारया, कदी आ मिल यार प्यारया।
- तेरियां वाटां तों सिर वारया, कदी आ मिल यार प्यारया।
41
- कदी आ मिल बिरहों सताई नूं। टेक।
- इश्क़ लग्गे तां है है कूकें, तूं की जाणे पीड़ पराई नूं।
- कदी आ मिल बिरहों सताई नूं।
- जे कोई इश्क़ विहाजया लोड़े, सिर देवे पहले साईं नूं।
- कदी आ मिल बिरहों सताई नूं।
- अमलां वालियां लंघ लंघ गइयां, साडियां लज्जां माही नूं।
- कदी आ मिल बिरहों सताई नूं।
- ग़म दे वहण सितम दीआं कांगां, किसे कहर कप्पर विच पाई नूं।
- कदी आ मिल बिरहों सताई नूं।
- मां प्यो छड सइयां मैं भुल्ली आं, बलहारी राम दुहाई नूं।
- कदी आ मिल बिरहों सताई नूं।
42
- कदी आपणी आख बुलाओगे।
- बेगुण किआ गुण किया है, तन पीआ है मन पीआ है।
- ओह पीआ सु मोरा जिया है, पीआ पीआ से रल मिल जाओगे।
- कदी आपणी आख बुलाओगे।
- मैं फ़ानी आप को दूर करां, तैं बाकी आप हज़ूर करां।
- जे अज़हर वांग मनसूर करां, खड़ सूली पकड़ चढ़ाओगे।
- कदी आपणी आख बुलाओगे।
- मैं जागी सब जग सोइआ है, खुली पलक ते उठ के रोइआ है।
- जुज़ मस्ती काम ना होइआ है, कदी मस्त अलस्त बनाओगे।
- कदी आपणी आख बुलाओगे।
- जदो अनहद बन दो नैण धरे, अगले सिर बन धड़ के लाख पड़े।
- उच्छल रंगण दे दरिया चढ़े, मेरे लहू दी नदी वगाओगे।
- कदी आपणी आख बुलाओगे।
- किसे आशक ना सुख सोणा ए, असां रो रो के मुख धोणा ए।
- इह जादू है कि टूणा ए, इस रोग दा भोग बनाओगे।
- कदी आपणी आख बुलाओगे।
- कहो किआ सिर इश्क बिचारेगा, फिर किआ थीसी निर्वारेगा।
- जब दार उपर सिर वारेगा, तब पिछे ढोल वजाओगे।
- कदी आपणी आख बुलाओगे।
- मैं आपणा मन कबाब किया, आंखों का अरक शराब किया।
- रंग तारां हड्ड रुबाब किया, किआ मति का नाम बुलाओगे।
- कदी आपणी आख बुलाओगे।
- शकरंजी को किआ कीजिएगा, मन भाणा सौदा लीजिएगा।
- इह दीन दुनी किस दीजिएगा, मुझे अपना दरस बताओगे।
- कदी आपणी आख बुलाओगे।
- मैनूं आण नज़ारे ताइआ है, दो नैणां बरखा लाइआ है।
- बन रोज़ अनायत आइआ है, ऐवें आपणा आप जिताओगे।
- कदी आपणी आख बुलाओगे।
- बुल्हा शहु नूं वेखण जाओगे, इनहां अखियां नूं समझाओगे।
- दीदार तदांही पाओगे, बन शाह अनायत घर आओगे।
- कदी आपणी आख बुलाओगे।
43
- कदी मोड़ मुहारां ढोलिया तेरीआं वाठां तों सिर घोलिया।
- मैं न्हाती धोती रह गई, कोई गंढ सजन दिल बह गई।
- कोई सुख़न अवल्ला बोलिया, कदी मोड़ मुहारां ढोलिया।
- बुल्हा शहु कदी घर आवसी, मेरी बलदी भा बुझावसी।
- जीहदे दुखां ने मूंह खोलिया, कदी मोड़ मुहारां ढोलिया।
44
- कर कत्तण वल्ल ध्यान कुड़े। टेक।
- नित मत्तीं देंदी मां धीआ, क्यों फिरनी एं ऐवें आ धीआ।
- नी शरम हया न गवा धीआ, तूं कदी तां समझ नदान कुड़े।
- नहिंयों कदर मेहनत दा पाया, जद होया कंम असान कुड़े।
- चरखा मुफ़्त तेरे हत्थ आया, पलयों नहिंओं कुछ गवाया।
- चरखा बणया खातर तेरी, खेडण दी कर हिरस थुरेड़ी।
- होना नहिंयों होर वडेरी, मत कर कोई अज्ञान कुड़े।
- चरखा तेरा रंग रंगीला, रीस करेंदा सब कबीला।
- चलदे चारे कर लै हीला, हो घर दे विच अवादान कुड़े।
- इस चरखे दी कीमत भारी, तूं के जाणें कदर गवारी।
- उच्ची नज़र फिरें हंकारी, विच आपणी शान गुमान कुड़े।
- मैं कूकां कर खलीआं बाहीं, न हो ग़ाफ़िल समझ कदाई।
- ऐसा चरखा घड़ना नाहीं, फेर किसे तरखाण कुड़े।
- एह चरखा तूं क्यों गँवाया, क्यों तूं खेह दे विच रुलाया।
- जद दा हत्थ तेरे एह आया, तूं कदे न डाह्या आण कुड़े।
- नित मत्तीं दयां वलल्ली नूं, इस भोली कमली झल्ली नूं।
- जद पवेगा वख़त इकल्ली नूं, तद हाय हाय करसी जान कुड़े।
- मुड्ढों दी तूं रिज़क विहूणी, गोहड़यों न तूं कत्ती पूणी।
- हुण क्यों फिरनी एं निंमोझूणी, किस दा करें गुमान कुड़े।
- न तकला रास करावें तूं, न बायड़ माल्ह पवावें तूं।
- घड़ी मुड़ी क्यों चरखा चावें तूं, करनी एं आपणा ज़यान कुड़े।
- डिंगा तकला रास करा लै, नाल शताबी बायड़ पवा लै।
- ज्यों कर वगे तिवें वगा लै, मत कर कोई अज्ञान कुड़े।
- अज्ज घर विच नवीं कपाह कुड़े, तूं झब झब वेलणा डाह कुड़े।
- रूं वेल पंजावण जाह कुड़े, मुड़ कल न तेरा जाण कुड़े।
- जद रूं पंजा लिआवेंगी, सईयां विच पूणीयां पावेंगी।
- मुड़ आपे ही पई भावेंगी, विच सारे जग जहान कुड़े।
- तेरे नाल दीआं सभ सईयां नी, कत पूणीयां सभां लईआं नी।
- तैनूँ बैठी नूं पिच्छे पईआं नी, क्यों बैठी हुण हैरान कुड़े।
- दीवा आपणे पास जगावीं, कत्त कत्त सूत भड़ोली पावीं।
- अक्ी विच्चों रात लंघावीं, औखी करके जान कुड़े।
- राज पेका दिन चार कुड़े, न खेडो खेड गुजार कुड़े।
- न हो वेहली कर कार कुड़े, घर बार न कर वीरान कुड़े।
- तूं सुत्तयां रैण गुज़ार नहीं, मुड़ आणा दूजी वार नहीं।
- फिर बैहणा एस भंडार नहीं, विच इक्को जेडे हाण कुड़े।
- तूं सदा न पेके रैहणा एं, न पास अंबड़ी दे बैहणा ए।
- भा अंत बिछोड़ा सैणा ए, वस्स पएंगी सस्स ननाण कुड़े।
- कत्त लै नी कुझ कता लै नी, हुण ताणी तंद उणा लै नी।
- तूं आपणा दाज रंगा लै नी, तूं तद होवें परधान कुड़े।
- जद घर बेगाने जावेंगी, मुड़ वत्त न ओथों आवेंगी।
- ओथे जा के पछोतावेंगी, कुझ अगदों कर समयान कुड़े।
- अजे ऐडा तेरा कंम कुड़े, क्यों होई एं बे-ग़म कुड़े।
- के कर लैणा उस दम कुड़े, जद घर आए महमान कुड़े।
- जद सब सईयां टुर जाणगीआं, फिर ओथों मूल न आणगीआं।
- आ चरखे मूल न डाहणगीआं, तेरा त्रिंञण पया वीरान कुड़े।
- कर माण न हुसन जवानी दा, परदेस न रैण सीलानी दा।
- कोई दुनिया झूठी फ़ानी दा, न रहसी नाम निशान कुड़े।
- इक औखा वेला आवेगा, सब साक सैण भज जावेगा।
- कर मदद पार लंघावेगा, ओह बुल्ले दा सुल्तान कुड़े।
45
- क्यों ओहले बह बह झाकीदा, एह परदा किस तों राखीदा।
- कारन पीत मीत बण आया, मीम दा घूँघट मुख पर पाया।
- अहद ते अहमद नाम धराया, सिर छतर झुल्ले लौलाकी दा।
- तुसीं आपे आप ही सारे हो, क्यों कैन्दे तुसीं न्यारे हो।
- आए आपणे आप नज़ारे हो, विच बरज़ख रक्खया ख़ाकी दा।
- तुझ बाझों दूसरा केड़ा है, क्यों पाया उलटा झेड़ा है।
- एह डिठा बड़ा अंधेरा है, हुण आप नूं आपे आखी दा।।
- किते रूमी हो किते शामी हो, किते साहिब किते गुलामी हो।
- तुसीं आपे आप तमामी हो, कहुँ खोटा खरा सो लाखी दा।
- जिस तन विच इश्क़ दा सोज़ होया, ओह बेखुद ते बेहोश होया ।
- ओह क्योंकर रहे ख़ामोश होया, जिस प्याला पीता साक़ी दा।
- तुसीं आप असां नूं धाए जी, कद रैहन्दे छपे छपाए जी।
- तुसीं शाह इनाइत बण आए जी, हुण ला ला नैण झमाकी दा।
- बुल्ला शाह तन भा दी भट्ठी कर, अग बाल हड्डां तन माटी कर।
- एह शौक मुहब्बत बाकी कर, एह मधुवा इस बिध चाखीदा।
46
- क्यों इश्क असां ते आइआ ए।
- तूं आइआ है मैं पाइआ ए।
- इब्राहीम चा चिखा सुताइओ, ज़िक्रिये सिर कलवत्तर धराइओ।
- यूसुफ हट्टो हट्ट विकाइओ, कहु सानूं की लिआइआ ए।
- क्यों इश्क असां ते आइआ ए।
- शैख सुनआनौं खूक चराइओ, शम्स दी खल उलट लुहाइओ।
- क्यों इश्क असां ते आइआ ए।
- सूली ते मनसूर चढ़ाइओ, कर हाथ हुण मैं वल्ल धाइआ ए।
- जिस घर विच तेरा फेर होइआ, सो जल बल कोइला ढेर होइआ।
- जद राख उड्डी तद सेर होइआ,
- कहु किस गल दा सधराइआ ए।
- क्यों इश्क असां ते आइआ ए।
- बुल्हा शहु दे कारण करिए, तन भट्ठी मन अहरण करिए।
- परम हथौड़ा मारन करिए, दिल लोहा अग पंघाइआ ए।
- क्यों इश्क असां ते आइआ ए।
- तूं आइआ है मैं पाइआ ए…..
47
- कीहनूं ला-मकानी दसदे हो, तुसीं हर रंग दे विच वसदे हो।
- कुनफ़यीकून तैं आप कहाया, तैं बाझों होर केहड़ा आया।
- इश्कों सभ जहूर बणाया, आशिक़ हो के वसदे हो।
- पुच्छो आदम किस ने आंदा ए, कित्थों आया कित्थे जांदा ए।
- ओथे किस दा तैनूँ लांजा ए, ओत्थे खा दाणा उठ नसदे हो।
- आपे सुणें ते आप सुणावें, आपे गावें आप बजावें।
- हत्थों कौल सरोद सुणावें, किते जाहल हो के नसदे हो।
- तेरी वहदत तूएं पुचावें, अनलहक़ दी तार हिलावें।
- सूली ते मनसूर चढ़ावें, ओथे कोल खलो के हसदे हो।
- जिवें सिकंदर तरफ़ नौशाबां, हो रसूल लै आया किताबां ।
- यूसफ़ हो के अंदर ख़ुआबां, जुलेखा दा दिल खसदे हो।
- किते रूमी हो किते जंगी हो, किते टोपी-पोश फ़रंगी हो।
- किते मै-ख़ाने विच भंगी हो, किते मेहर मैहरी बण वसदे हो।
- बुल्ला शौह इनाइत आरफ़ है, ओह दिल मेरे दा वारस है।
- मैं लोहा ते ओह पारस है, तुसीं ओसे दे संग घसदे हो।
48
- की करदा नी की करदा नी, कोई पुच्छो खां दिलबर की करदा।
- इकसे घर विच वसदयां रसदयां, नहीं हुंदा विच परदा।
- विच मसीत नमाज गुज़ारे, बुत्तखाने जा वड़दा। कोई पुच्छो खां दिलबर की करदा।
- आप इक्को कई लक्ख घरां दे, मालक सब घर घर दा।
- जित वल वेखां उत्त वल ओहो, हर दी संगत करदा।
- कोई पुच्छो खां दिलबर की करदा।
- मूसा ते फ़रऔन बणा के, दो हो के क्यों लड़दा।
- हज़र नाज़र ओही हर थां, चूचक किस नूं खड़दा।
- कोई पूच्छो खां दिलबर की करदा।
- ऐसी नाजुक बात क्यों कैहन्दा, न कह सकदा न जरदा।
- बुल्ला शौह दा इश्क बघेला, रत्त पींदा गोशत चरदा।
49
- की जाणां मैं कोई वे अड़या, की जाणां मैं कोई। टेक।
- जो कोई अंदर बोले चाले, जात असाडी सोई।
- जिस दे नाल मैं नेहों लगाया, ओहो जेही होई।
- चिट्टी चादर लाह सुट कुड़ीए, पहन फ़क़ीरां दी लोई।
- चिट्टी चादर नूं दाग़ लगेगा, लोई नूं दाग़ न कोई।
- अलिफ़ पछाता बे पछाती, ते तलावत होई।
- सीन पछाता शीन पछाता, सादक साबर होई।
- कू कू करदी कुमरी आही, गल विच तौक पयोई।
- बस न करदी कू कू कोलों, कू कू अंदर मोई।
- जो कुझ करसी अल्ला भाणा, क्या कुझ करसी कोई।
- जो कुझ लेख मत्थे दा लिखया, मैं उस ते शाकर होई।
- आशिक़ बकरी माशूक कसाई, मैं मैं करदी कोही।
- ज्यों ज्यों मैं मैं बहुता करदी, त्यों त्यों मोई मोई।
- बुल्ला शाह इनाइत करके, शौक शराब दित्तोई।
- भला होया असीं दूरों छुट्टे, नेड़े आण लधोई।
50
- की बेदर्दा संग यारी, रोवण अक्खियां ज़ारो जारी।
- सानूं गए बेदर्दी छड्ड के, हिजरे सांग सीने विच गड के।
- जिस्मों जिंद नूं लै गए कढ के, एह गल्ल कर गए हैंसयारी।
- बेदर्दा दा की भरवासा, ख़ौफ़ नहीं दिल अंदर मासा।
- चिड़ियां मौत गवारां हासा, मगरों हस हस ताड़ी मारी।
- आवण कह गए फेर न आए, आवण दे सभ कौल भुलाए।
- मैं भुल्ली भुल्ल नैण लगाए, केहे मिले सानूं ठग बपारी।
- बुल्ले शाह इक सौदा कीता, पीता ज़हर प्याला पीता।
- न कुझ नफ़ा न टोटा लीता, दर्द दुक्खां दी गठड़ी भारी।
- की बेदर्दा संग यारी, रोवण अक्खियां जारो जारी।
51
- केहे लारे देना एं सानूं, दो घड़ियां मिल जाईं। टेक।
- नेड़े वस्सें थां न दस्सें, ढूंडां कित वल जाहीं ।
- आपे झाती पाई अहमद, वेखां तां मुड़ नाहीं।
- आख गयों मुड़ आयों नाहीं, सीने दे विच भड़कण भाईं।
- इकसे घर विच वसदयां रसदयां, कित वल कूक सुणाईं।
- पांधी जा मेरा देह सुनेहा, दिल दे ओले लुकदा केहा।
- नाम अल्ला दे न हो वैरी, मुख वेखन नूं न तरसाईं।
- बुल्ला शौह की लाया मैनूं, रात अद्धी है तेरी मैहमा।
- औझड़ बेले सभ कोई डरदा, शौह ढूंडां मैं चाईं चाईं।
- केहे लारे देना एं सानूं, दो घड़ियां मिल जाईं।
52
- कौन आया पहन लिबास कुड़े। तुस्सीं पुछो नाल इखलास कुड़े।
- हथ खूंडी मोढ़े कम्बल काला, अखियां दे विच वस्से उजाला।
- चाक नहीं कोई है मतवाला, पुछो बिठा के पास कुड़े।
- कौन आया पहन लिबास कुड़े।
- चाकर चाक न इस नूं आको, ए न खाली गज्जड़ी घातों।
- विछड़ियां होइयां पहली रातों, आया करन तलाश कुड़े।
- कौन आया पहन लिबास कुड़े।
- ना ए चाकर चाक कही दा, ना इस ज़र्रा शौक मही दा।
- ना मुश्ताक है दूध दही दा, ना उस भूख प्यास कुड़े।
- कौन आया पहन लिबास कुड़े।
- बुल्हा शह लुक बैठा ओहले, दस्से भेत न मुख सों बोले।
- बाबल वर खेड़ियां तों टोले, वर माहढ़ा माहढ़े पास कुड़े।
- कौन आया पहन लिबास कुड़े।
- तुस्सीं पुछो बिठा के पास कुड़े।
53
- ख़ाकी ख़ाक नूं रल जाना कुच्छ नहीं ज़ोर धझाणा।
- गए सो गए फेर नहीं आए मेरे जानी मीत पियारे।
- मेरे बाज्जों रहिंदे ना हीं हुन क्यूं असां विसारे।
- ख़ाकी ख़ाक नूं रल जाना।
- चित प्यार ना जाए साठों उभे सांस ना रहिंदे।
- असीं मोइयां दे परले पार जिउंदियां दे विच बहिंदे।
- ख़ाकी ख़ाक नूं रल जाना।
- ओथे मगर पियादे लगे तां असां एथे आए।
- एथे सानूं रहिण ना मिलदा आगे कित वल धाए।
- ख़ाकी ख़ाक नूं रल जाना।
- बुल्हा एथे रहिण ना मिलदा रोंदे पिटदे चले।
- इको नाम ओसे दा ख़र्ची पैसा होर ना पल्ले।
- ख़ाकी ख़ाक नूं रल जाना।
- ना कर ज़ोर धझाणा।
54
- खेड़ लै विच विहड़े घूमी-घूम।
- एस विहड़े विच आला सोंहदा आले दे विच ताकी।
- ताकी दे विच छेज़ विछावां नाल पीआ संग राती।
- एस विहड़े दे नौ दरवाज़े दसवां गुप्त राखाती।
- ओस गली दी मैं सार ना जाणां जहां आए पीआ जाति।
- एस विहड़े विच चरखा सोंहदा आले दे विच ताकी।
- आपणे पीआ नू याद करे सां चरखा दे हर फेरे।
- एस विहड़े विच मकना हाथी संगल नाल केहड़े।
- बुल्हा शह फकीर साईं दा जागदीआं तों छेड़े।
- खेड़ लै विच विहड़े घूमी-घूम।
55
- गुर जो चाहे सो करदा ए। टेक।
- मेरे घर विच चोरी होई, सुत्ती रही न जगाया कोई।
- मैं गुर फड़ सोझी होई, जो माल गया सो तरदा ए।
- पहले मख़फ़ी आप ख़ज़ाना सी, ओथे हैरत हैरतख़ाना सी।
- फिर वहदत दे विच आणा सी, कुल जुज़ दा मुजमल परदा ए।
- कुनफ़यीकून आवाज़ा देंदा, वहदत विच्चों कसरत लैंदा।
- पहन लिबास बंदा बण बैन्दा, कर बंदगी मसजद वड़दा ए।
- रोजेमीसाक अलस्त सुणावे, कालूबला अशहद न चाहवे।
- फिर कुझ अपणा आप छुपावे, ओह गिण-गिण वसतां धरदा ए।
- गुर अल्ला आप कहेंदा ए, गुर वली नबी हो बैहन्दा ए।
- हर हर दे दिल विच रैहन्दा ए, ओह खाली भांडे भरदा ए।
- बुल्ला शौह नूं घर विच पाया, जिस सांगी ने सांग बनाया।
- लोकां कोलों भेत छुपाया, ओह दरस पिरम दा पढ़दा ए।
56
- घर में गंगा आई संतो, घर में गंगा आई।
- आपे मुरली आपे घनइया आपे जादू राई ।
- आप गोबरीआ आप गडरिया आपे देत दिखाई।
- अनहद द्वार का आया गवरीआ कंगन दस्त चढ़ाई।
- मूंड मुंडा मोहे प्रीती को रेन कंनां में पाई।
- अमृत फल खा लिओ रे गोसाईं थोड़ी करो बडाई।
- घर में गंगा आई संतो, घर में गंगा आई।
57
- घुंघट चुक ओ सज्जणां वे, हुण शरमां काहनूं रखीआं वे। टेक।
- जुलफ़ कुंडल दा घेरा पाया, बिसीअर हो के डंग चलाया।।
- वेख अर्सा वल तरस न आया, कर के खूनी अक्खिआं वे।
- घुंघट चुक ओ सज्जणां वे, हुण शरमां काहनूं रखीआं वे।
- दो नैणां दा तीर चलाया, मैं आजज़ दे सीने लाया।
- घायल कर के मुख छुपाया, चोरियां एह किन दस्सीआं वे।
- घुंघट चुक ओ सज्जणां वे, हुण शरमां काहनूं रखीआं वे।
- बिरहों कटारी तूं कस के मारी, तद मैं होई बेदिल भारी।
- मुड़ न लई तैं सार हमारी, पत्तियां तेरियां कच्ची वे।
- घुंघट चुक ओ सज्जणां वे, हुण शरमां काहनूं रखीआं वे।
- नेहों लगा के मन हर लीता, फेर न अपणा दर्शन दीता।
- जहर प्याला मैं आपे पीता, अकलों सी मैं कच्चीआं वे।
- घुंघट चुक ओ सज्जणां वे, हुण शरमां काहनूं रखीआं वे।
- शाह इनाइत मुक्खों न बोलां, सूरत तेरी हर दिल टोलां।
- साबत हो के फेर क्यों डोलां, अज्ज कौलों मैं सच्ची वे।
- घुंघट चुक ओ सज्जणां वे, हुण शरमां काहनूं रखी वे।
58
- घड़याली देओ निकाल नी, अज्ज पी घर आया लाल नी। टेक।
- घड़ी घड़ी घड़याल बजावे, रैण वसल दी पया घटावे ।।
- मेरे मन दी बात जे पावे, हत्थों चा सट्टे घड़याल नी।
- अनहद वाजा वज्जे सुहाना, मुतरिब सुघड़ां तान तराना।
- नमाज़ रोज़ा भुल गया दुगाना, मध प्याला देण कलाल नी।
- मुख वेखण दा अजब नज़ारा, दुक्ख दिले दा उठ गया सारा।
- रैन वधे कुझ करो पसारा, दिन अग्गे धरो दीवाल नी।
- मैंनूं आपणी खबर न काई, क्या जाणां मैं कित व्याही।
- एह गल्ल क्योंकर छपे छपाई, हुण होया फ़ज़ल कमाल नी।
- टूणे कामन करे बथेरे, सेहरे आए वड वडेरे।
- हुण घर आया जानी मेरे, रहां लक्ख वरे एहदे नाल नी।
- बुल्ला शाह दी सेज प्यारी, नी मैं तारनहारे तारी।
- किवें किवें हुण आई वारी, हुण विछड़न होया मुहाल नी।
59
- घुंघट ओहले ना लुक सोहणियां। मैं मुश्ताक दीदार दी हाँ।
- जानी बाज़ दीवानी होई, टोकां करदे लोग सबहोई।
- जे कर यार करे दिलजोई, मैं तां फरियाद पुकारदी हाँ।
- मैं मुश्ताक दीदार दी हाँ।
- मुफ़्त विकांदी जानदी बांदी, मिल माहिया जिंद ऐवे जानदी।
- इकदम हिजर नहीं मैं सहिंदी, मैं बुलबुल इस गुलज़ार दी हाँ।
- मैं मुश्ताक दीदार दी हाँ।
60
- घुंघट चुक ओ सजणा, हुन शर्मां काहनू रखियां वे। टेक।
- घज़ुल्फ़ कुंडल दा घेरा पाया, बिसीअर हो के डंग चलाया।
- घवेख असां वल तरस ना आया, कर के खूनी अखियां वे।
- घघुंघट चुक ओ सजणा, हुन शर्मां काहनू रखियां वे।
- घदो नैनां दा तीर चलाया, मैं आज़ज़ दे सीने लाया।
- घघायल करके मुख छुपाया, चोरीआं एह किन दस्या वे।
- घघुंघट चुक ओ सजणा, हुन शर्मां काहनू रखियां वे।
- घबिरहों कटारी तूं कस के मारी, तद मैं होई बेदिल भारी।
- घमुड़ ना लई तैं सार हमारी, पत्तियां तेरीआं कच्चियां वे।
- घघुंघट चुक ओ सजणा, हुन शर्मां काहनू रखियां वे।
- घनेहुं लगा के मन हर लीता, फेर ना अपना दर्शन दीता।
- घज़हर प्याला मैं आपे पीता, अक्लों सी मैं कच्चियां वे।
- घघुंघट चुक ओ सजणा, हुन शर्मां काहनू रखियां वे।
- घशाह इना’इत मुख ना बोलां, सूरत तेरी हर दिल टोलां।
- घसाबित हो के फेर क्यूं डोलां, आज कोलों मैं सच्चियां वे।
- घघुंघट चुक ओ सजणा, हुन शर्मां काहनू रखियां वे।
61
- चलो देखिए उस मस्तानड़े नूं, जिद्दी त्रिंञणां दे विच पई ए धुंम।
- ओह ते मै वहदत विच रंगदा ए, नहीं पुछदा जात दे की हो तुम।
- जींदा शोर चुफ़ेरे पैंदा ए, ओह कोल तेरे नित रैहन्दा ए।
- नाले नाहन अक़रब कैहन्दा ए, नाले आखे वफ़ीआ-नफ़ोसा कुम।
- छड्ड झूठ भरम दी बस्ती नूं, कर इश्क़ दी क़ायम मस्ती नूं।
- गए पहुंच सज्जण दी हस्ती नूं, जेहड़े हो गए सुंम-बुकमुन-उम।
- न तेरा ए न मेरा ए, जग फ़ानी झगड़ा झेड़ा ए।
- बिना मुर्शिद रहबर केहड़ा ए, पढ़ फ़ाज़-करूनी-अज़-कुर-कुम।
- बुल्ले शाह एह बात इशारे दी, जिन्हां लग गई तांघ नज़ारे दी।
- दस्स पैंदी घर वणजारे दी, है यदुउल्ला-फ़ौका-ऐदी-कुम।
62
- चीना ईं छड़ींदा यार। चीना ईं…
- वज्जे अल्ला वाली तार।
- वज्जे मुरशद वाली तार। वज्जे साईंआं वाली तार,
- चीना ईं …
- कुन फ़यकून फ़रमाया जदां, असां कोल तुसाडे हासे।
- नफ़स पलीत पलीत कीता, असां असल पलीत न हासे।
- फुरकत खैर ख़राब कीता, ना तां जाती हासे खासे।
- चीना ईं छड़ींदा यार। वज्जे
- पहले उखली साफ़ कराईं, रोड़ा, मिट्टी, धूड़ हटाईं।
- फिर उखली विच चीना पाईं, छज्ज सबर दा रक्खीं त्यार।
- चीना ईं छड़ींदा यार। वज्जे …
- कां हरामी छड़न न दिंदा, उडदा पिच्छां झाट मरेंदा।
- कीता कंम ख़राब करेंदा, उड जा कावां विच पलकार।
- चीना ईं छड़ींदा यार। वज्जे
- उंगलियां दे विच चुब्भण छल्ले, भारी मोहली मूल न हल्ले।
- जे न छड़सें लगसण खल्ले, ओह ना रखदा मूल उधार।
- चीना ईं छड़ींदा यार। वज्जे
- इक हजूरों दूर थीए, कई दूरों रहण हजूरे।
- तांघ लग्गी दिल सांग मिसल, दिल भाले ओह नित ज़रूरे।
- जो दिल भाले तिस दा माही, ओह नहीं अक्खियां तों दूरे।
- सिकदे खैर कूं खैर मिलया, फिर ख़ुद खैर माही ओह नूरे।
- चीना ईं छड़ींदा यार। वज्जे
- आशक इश्क़ नमाज़ हमेशा, ला हरफों करन अदाईं।
- सुन्नत नफ़ल फ़रज़ वाजब, उन्नां समझ गिद्धी यकताई।
- चराग सकूत ते सजदा ख़ुफ़िया, एहो ख़ुफ़िया खाणा चाही।
- ख़बर इश्क़ दी खैर मिली, वल वल दी ख़बर ना काई।
- चीना ईं छड़ींदा यार। वज्जे
- तुर्सी वी उच्चे तुहाडी जात वी उच्ची, तुसीं विच उच्च दे रैन्दे।
- असर्सी कसूरी साडी जात कसूरी, असीं विच कसूर दे रैन्दे।
63
- जिस तन लगया इश्क़ कमाल, नाचे बेसुर ते बेताल। टेक।
- दर्दमंदां नूं कोई न छेड़े, जिसने आपे दुक्ख सहेड़े।
- जंमणा जिऊणां मूल उखेड़े, बूझे अपना आप ख़याल ।
- जिस तन लगया इश्क़ कमाल, नाचे बेसुर ते बेताल।
- जिस ने वेस इश्क़ दा कीता, धुर दरबारों फ़तवा लीता।
- जदों हजूरों प्याला पीता, कुझ न रिहा सवाल जवाब।
- जिस तन लगया इश्क़ कमाल, नाचे बेसुर ते बेताल।
- जिसदे अंदर वसया यार, उठया यारो यार पुकार।
- न ओह चाहे राग न तार, ऐवें बैठा खेडे हाल।
- जिस तन लगया इश्क़ कमाल, नाचे बेसुर ते बेताल।
- बुल्लया शौह नगर सच पाया, झूठा रौला सब मुकाया।
- सच्चयां कारन सच्च सुणाया, पाया उसदा पाक जमाल।।
- जिस तन लगया इश्क़ कमाल, नाचे बेसुर ते बेताल।
64
- जिचर न इश्क़-मजाज़ी लागे, सूई सीवे न बिन धागे।
- इश्क़ मजाज़ी दाता है, जिस पिच्छे मस्त हो जाता है।
- इश्क़ जिन्हां दी हड्डीं पैंदा, सोई नर जीवत मर जांदा।
- इश्क़ पिता ते माता ए, जिस पिच्छे मस्त हो जाता ए।
- आशिक़ दा तन सुकदा जाए, मैं खड़ी चंद पिर के साए ।
- वेख माशूकां खिड़ खिड़ हासे, इश्क़ बेताल पढ़ाता है।
- जिस ते इश्क़ एह आया है, ओह बेबस कर दिखलाया है।
- नशा रोम रोम में आया है, इस विच न रत्ती ओला है।
- हर तरफ दिसेंदा मौला है, बुल्ला आशिक़ वी हुण तरदा है।
- जिस फ़िकर पिया दे घर दा है, रब्ब मिलदा वेख उधरदा है।
- मन अंदर होया झाता है, जिस पिच्छे मस्त हो जाता है।
65
- जिंद कुड़ीक्की दे मुँह आई।
- आपे हैं तूं लहिमक लहिमी आपे हैं तूं न्यारा।
- गल्लां सुन सुन तेरीआं मेरा अकल गया उड्ड सारा।
- शरियत तो बे-शरियत करके भली खुब्बण विच पाई।
- जिंद कुड़ीक्की दे मुँह आई।
- ज़रा इश्क तुसाडा दिसदा पर्वत कोलों भारी।
- इक घड़ी दे वेखण कारण चुक लिया जग सारा।
- कीती मेहनत मिलदी नाहिं हुण की करे लुकाई।
- जिंद कुड़ीक्की दे मुँह आई।
- वा वेला की करना जिंद जु साड़े सु साड़े।
- सुखां दा इक पूला नाहिं दुखां दे खेलवाड़े।
- होणि सी जु उस दिन होई हुण की करिए भाई।
- जिंद कुड़ीक्की दे मुँह आई।
- सलाह ना मंनदा वात ना पूच्दा आख वेखां की करदा।
- कल मैं कमली ते उह कमला हुण क्यों मैथों डरदा।
- उहले बैठ के रामज़ चलाई दिल नू चोट लगाई।
- जिंद कुड़ीक्की दे मुँह आई।
- सीने बाण धंदालां गल विच इस हालत विच जालां।
- चा चा सिर भोएं ते मारां रो रो यार संभालां।
- अगे वी सईयां ने नेहू लगाई कि मैं ही प्रीत लगाई।
- जिंद कुड़ीक्की दे मुँह आई।
- जग्ग विच रोशन नां तुसाडा आशिक तों क्यों नसदे हो।
- वस्सो रस्सो विच बुक्कल दे अपना भेद ना द्सदे हो।
- विचोंकड़े विचकारों फड़के मैं कर उलटी लटकाई।
- जिंद कुड़ीक्की दे मुँह आई।
- अंदर वालिया बाहर आवीं बाहों पकड़ खोलवां।
- ज़ाहरा मैथों लुकण छिपण बातन कोले होवां।
- ऐसे बातन फटी जुलैखां मैं बातन बरलाइ।
- जिंद कुड़ीक्की दे मुँह आई।
- आखणियां सी आख सुनाईआं मचलां सुनदा नाहिं।
- हथ मरोड़ां फाटां तलियां रोवां ढाहिं ढाहिं।
- लैणे थीं मुड़ देना आया एह तेरी भलाइ।
- जिंद कुड़ीक्की दे मुँह आई।
- इक इक लहर अजिही आवे नाहिं दसणीयां सो द्सां।
- सच आखां तां सूली फाहा झूठ कहां तां वसां।
- ऐसी नाज़ुक बात क्यों आखां कहिंदियां होवे पराई।
- जिंद कुड़ीक्की दे मुँह आई।
- वही वसीला पाकां दा तुसिं आपे साडे होवे।
- जागदियां संग साडे जागो स्वां तां नाले सोवे।
- जिस ने तैन संग प्रीत लगाई कीहड़े सुख सुवाई।
- जिंद कुड़ीक्की दे मुँह आई।
- ऐसियां लीकां लाइआं मैनू होर कई घर गाले।
- उपरवारों पावें झाटी वतिं फिरें दुआले।
- लुकण छिपण ते छल जावण एह तेरी वडियाई।
- जिंद कुड़ीक्की दे मुँह आई।
- तेरा मेरा न्याय नबेड़े रूमो काजी आवे।
- खोल किताबां करे तस्सली दोहां इक बतावे।
- भरमिया काजी मेरे उते मैं काजी भरमाई।
- जिंद कुड़ीक्की दे मुँह आई।
- बुल्हा शोह तूं केहा जेहा हुण तूं कहां मैं कही।
- तैनू जो मैं ढूंढण लगी मैं भी आप ना रही।
- पाया ज़ाहिर बातन तैनू बाहर अंदर रश्नाई।
- जिंद कुड़ीक्की दे मुँह आई।
66
- जो रंग रंगया गूढ़ा रंगया, मुर्शिद वाली लाली ओ यार।
- अहद विच्चों अहमद होया, विच्चों मीम निकाली ओ यार।
- दूरें मआनी दी धूम मची है,
- नैणां तों घुंड उठालीं ओ यार।
- सूराह यासीन मुज़म्मल वाला, बदलां गरज संभाली ओ यार ।
- जुलफ़ स्याह दे विच यद-बेज़ा, दे चमकार विखाली ओ यार।
- मूतू क़बलंता मूतू होया, मोयां नूं फेर जवाली ओ यार।
- बुल्ला शौह मेरे घर आया, कर कर नाच वखाली ओ यार।
67
- टुक बूझ कौन छप आया ए, किसे भेखी भेख वटाया ए। टेक।
- जिस ना दर्द दी बात कही, उस प्रेम नगर ना झाट पई।
- उह डुब मोई सब घात गई, उस क्यूं चंद्रि ने आया ए।
- टुक बूझ कौन छप आया ए।
- मानिंद प्लास बनाइउ ई, मेरी सूरत चा लखाइउ ई।
- मुख काला कर दिखलाइउ ई, क्या स्याही रंग लखाया ए।
- टुक बूझ कौन छप आया ए।
- इक रब्ब दा नाम ख़ज़ाना ए, संग चोरां यारां दानां ए।
- उह रहमत दा खसमाना ए, संग ख़ौफ़ रकीब बनायआ ए।
- टुक बूझ कौन छप आया ए।
- दुई दूर करो कोई शोर नहीं, यह तुर्क हिंदू कोई और नहीं।
- सभी साध कहो कोई चोर नहीं, हर घट विच आप समाया ए।
- टुक बूझ कौन छप आया ए।
- ऐवें किसे काहनू घड़ना एं, ते गुलस्तां, बोस्तां पढ़ना एं।
- ऐवें बे-मूजब क्यों लड़ना एं, किस उलटा वेद पढ़ायआ ए।
- टुक बूझ कौन छप आया ए।
- शरियत साड़ी दाई ए, तरीकत साड़ी माय ए।
- अगों हक हकीकत आई ए, अते मारफतों कुछ पायआ ए।
- टुक बूझ कौन छप आया ए।
- है विरली बात बतावण दी, तुसीं समझो दिल ते लावण दी।
- कोई गत्त दसो इस बावण दी, एह काहनू भेत बनायआ ए।
- टुक बूझ कौन छप आया ए।
- यह पढ़ना इल्म ज़रूर होआ, पर बताना ना मंजूर होआ।
- जिस दस्या सो मनसूर होआ, उस सूली पकड़ चढ़ाया ए।
- टुक बूझ कौन छप आया ए।
- मैं ना कसब ना फिकर तमीज किया, दुख तन आरिफ़ बायज़ीद किया।
- कर ज़ुहद किताब मजीद किया, किसे बे-मिहनत नहीं पायआ ए।
- टुक बूझ कौन छप आया ए।
- इस दुख से किचरक भागेगा, रहें सुता कद तूं जागेगा।
- फेर उठदा रोण लागेगा, किसे ग़फलत मार सुलाया ए।
- टुक बूझ कौन छप आया ए।
- गैन एन दी सूरत ठहरा, इक नुक्ते दा है फरक पड़ा।
- जो नुक्ता दिल थों दूर करा, फेर ग़ैन वा एन जताया ए।
- टुक बूझ कौन छप आया ए।
- जिहड़ा मन विच लगा दुआ रे, यह कौन कहे मैं मूआ रे।
- तन सब इनायत हुआ रे, फेर बुल्हा नाम धराया ए।
- टुक बूझ कौन छप आया ए।
68
- ढिलक गई मेरे चरखे दी हत्थी, कत्तया मूल न जावे।
- तकले नूं वल पै पै जांदे, कौण लुहार लयावे।
- तकले तों वल लाहीं लुहारा, तंदी टुट टुट जावे।
- घड़ी घड़ी एह झोले खांदा, छल्ली इक न लाहवे।
- पीता नहीं जो बीड़ी बन्हां, बायड़ हत्थ न आवे ।
- चमड़यां उत्ते चोपड़ नाहीं, माल्ह पई बरड़ावे ।
- दिन चढ़या कद गुजरे, मैंनूं प्यारा मुख दिखलावे।
- माही छिड़ गया नाल महीं दे, हुण कत्तण किस नूं भावे।
- जित्त वल यार उत्ते वल अक्खियां, मेरा दिल बेले वल धावे।
- त्रिंञण कत्तण सद्दन सइयां, बिरहों ढोल बजावे।
- अरज एहो मैंनूं आण मिले हुण, कौण वसीला जावे।
- कि सै मणां दा कत्त लेआ बुल्लया, मैंनूं शौह गल लावे।
69
- ढोला आदमी बण आया। टेक ।
- आपे आहू आपे चीता, आपे मारन धाया।
- आपे साहिब आपे बरदा, आपे मुल्ल विकाया।
- ढोला आदमी बण आया।
- कदी हाथी ते असवार होया, कदी ठूठा डांग भवाया।
- कदी रावल जोगी भोगी हो के, सांगी सांग बणाया।
- ढोला आदमी बण आया।
- बाज़ीगर क्या बाज़ी खेली, मैंनूं पुतली वांग नचाया।
- मैं उस पड़ताली नचना हां, जिस गतमित यार लखाया।
- ढोला आदमी बण आया।
- हाबील काबील आदम दे जाए, आदम किस दा जाया।
- बुल्ला ओन्हां तों वी अग्गों आहा, दादा गोद खिडाया।
- ढोला आदमी बण आया।
70
- तांग माहि दी जलियाँ। नित काग उड़ावां खलियाँ।
- कौड़ी दमड़ी पल्ले ना काई पार वंझण नू मैं सधाई।
- नाल मलाहाँ दे नहीं आशनाई, झेड़ा करां वल्लीआँ।
- तांग माहि दी जलियाँ।
- नै चंदल दे शोर किनारे, घूमण घेर विच ठाठां मारे।
- डुब डुब मोए तारू भारी, जे शोर करां तां झल्ली आं।
- तांग माहि दी जलियाँ।
- नै चंदल दे डूंगे पाहे, तारू गोते खांदे आहे।
- माही मुंडे पार सिधाए, मैं केवल रहियाँ कल्लियाँ।
- तांग माहि दी जलियाँ।
- नै चंदल दीआं तारू फाटां, खाली उडीकां माहि दीआं वाटां।
- इश्क माहि दे लाईआं चाटां, जे कूकां तां मैं गलियाँ।
- तांग माहि दी जलियाँ।
- पार झनाओं जंगल बेले, ओथे खूनी शेर बघेले।
- झब रब्ब मैंनू माहि मेलें, मैं एस फिकर विच गलियाँ।
- तांग माहि दी जलियाँ।
- अधी रात लटके तारे, इक लटके इक लटकेणहारे।
- मैं उठ आई नदी किनारे, हुन पार लंघण नू खलियाँ।
- तांग माहि दी जलियाँ।
- मैं अन-तारू सार की जानां, वंझ चप्पा ना तुल्हा पुराणा।
- घूमण घेर ना टांग टिकाणा, रो रो फाटां तलियाँ।
- तांग माहि दी जलियाँ।
- बुल्हा शौह घर मेरे आवे, हार सिंगार मेरे मन भावे।
- मुँह मुकट माथे तिलक लगावे, जे वेखे तां मैं भलियाँ।
- तांग माहि दी जलियाँ।
- नित काग उड़ावां खलियाँ।
71
- तुस्सीं आओ मिलो मेरी प्यारी।
- मेरे टुर्ने दी होई तैयारी।
- सभी रल के टोरन आईआं, आईआं फुफियां चाचियां ताईंआं।
- सभी रोंदियाँ ज़ारो ज़ारी, मेरे टुर्ने दी होई तैयारी।
- सभी आखण एह गल जाणी रविं तूं हर दम हो निमाणी।
- ताहीं लगेंगी ओथे प्यारी, मेरे टुर्ने दी होई तैयारी।
- सभी टोर घरां नू मुड़ियाँ, मैं हो इक इकल्लड़ी टुरीआं।
- होई आं डारों मैं कुंज न्यारी, मेरे टुर्ने दी होई तैयारी।
- बुल्हा शौह मेरे घर आवे, मैं कूचज्जी नू लै गल लावे।
- इको शौह दी ए बात न्यारी, मेरे टुर्ने दी होई तैयारी।
72
- तुस्सीं करो असाड़ी कारी।
- केही हो गई वेदन भारी।
- उह घर मेरे विच आया, उस आ मैंनू भरमाया।
- पुछ जादू है कि साया, उस तों लै हकीकत सारी।
- तुस्सीं करो असाड़ी कारी।
- ओहो दिल मेरे विच वसदा, बैठा नाल असाडे हसदा।
- पुछां बातां ते उठ नसदा, लै बाज़ां वांऊ उड़ारी।
- तुस्सीं करो असाड़ी कारी।
- मैं शौह दरियावां पई आं, ठाठां लहरां दे मुँह गई आं।
- फड़ के घूमण घेर भवाई हां, पुर बरखा रैन अंधियारी।
- तुस्सीं करो असाड़ी कारी।
- सईयां ऐड छनिचर छाए, तारे खारियां हेठ छुपाए।
- मुंज दीआं रस्सियां नाग बनाएं, इन्हां सेहरां तों बलिहारी।
- तुस्सीं करो असाड़ी कारी।
- एह जो मुरली कान्ह वजाई, दिल मेरे नू चोट लगाई।
- तुस्सीं करो असाड़ी कारी।
- आह दे नारे करदी आही, मैं रोंवां ज़ारो ज़ारी।
- इश्क दीवाने लीकां लाईआं, डाढ़ियां घणियां सथां पाईआं।
- हां मैं बकरी कोल कसाईआं, रहिंदा सहिम हमेशा भारी।
- तुस्सीं करो असाड़ी कारी।
- इश्क रुहेला ना हीं छप्पदा, अंदर धरेया बन्नीं नचदा।
- मैनू दियों सुनेहड़ा सच दा, मेरी करो कोई ग़मखारी।
- तुस्सीं करो असाड़ी कारी।
- मैं की मेहर मुहब्बत जानां, सईयां करदियां ज़ोर धिंगाणा।
- गल गल मेवा की हदवाणा, की कोई वैद पसारी।
- तुस्सीं करो असाड़ी कारी।
- नौ शौह जिस दा बांस बरेली, टुट्टी ड़ालों रही इकली।
- कूके बेली बेली बेली, उहदी करे कोई दिलदारी।
- तुस्सीं करो असाड़ी कारी।
- बुल्हा शौह दे जे मैं जावां, आपणा सिर धड़ फेर ना पावां।
- ओथे जावां फेर ना आवां, एथे ऐवें उमर गुज़ारी।
- तुस्सीं करो असाड़ी कारी।
- केही हो गई वेदन भारी।
73
- तूहियों हैं मैं नाहीं वे सज्जणां, तूहियों हैं मैं नाहीं।
- खूहे दे परछावें वांगू, घुम रिहा मन माहीं।
- जां बोला तू नाले बोलें, चुप्प रह्वां मन माहीं ।
- से सौवां ते नाले सौवें, जे तुरां तूं राहीं।
- बुल्ला शौह घर आया मेरे, जिंदड़ी घोल घुमाईं।
- तूहियों हैं मैं नाहीं वे सज्जणा, तूहियों हैं मैं नाहीं।
74
- तेरे इश्क़ नचाइआं कर थइआ थइआ। टेक।
- तेरे इश्क़ ने डेरा मेरे अंदर कीता।
- भर के ज़हर प्याला मैं तां आपे पीता।
- झबदे बहुड़ीं वे तबीबा नहीं ते मैं मर गइआं।
- तेरे इश्क़ नचाइआं कर थइआ थइआ।
- छुप गया वे सूरज बाहर रह गई आ लाली।
- वे मैं सदके होवां देवें मुड़ जे वखाली।
- पीरा मैं भुल गइआं तेरे नाल न गइआं।
- तेरे इश्क़ नचाइआं कर थइआ थइआ।
75
- दिल लोचे माही यार नूं।
- इक हस हस गल्लां करदियां, इक रोंदियां धोंदियां मरदियां।
- कहो फुल्ली बसंत बहार नूं, दिल लोचे माही यार नूं।
- मैं न्हाती धोती रह गई, इक गंढ माही दिल बह गई।
- भाह लाईए हार शिंगार नूं, दिल लोचे माही यार नूं।
- मैं कमली कीती दूतियां, दुख घेर चुफेरों लीतियां ।
- घर आ माही दीदार नूं, दिल लोचे माही यार नूं।
- बुल्ला शौह मेरे घर आया, मैं घुट रांझण गल लाया।
- दुख गए समुंदर पार नूं, दिल लोचे माही यार नूं।
76
- न जीवां महाराज, मैं तेरे बिण न जीवां।
- इन्हां सुक्कयां फुल्लां विच बास नहीं।
- परदेस गयां दी कोई आस नहीं।
- जेहड़े साईं साजण साडे पास नहीं।
- न जीवां महाराज…
- तूं की सुत्ता एं चादर ताण के।
- सिर मौत खलोती तेरे आण के।
- कोई अमल न कीता जाण के ।
- न जीवां महाराज…
- की मैं खट्टया तेरी हो के।
- दोवें नैण गवाय रोके।
- तेरा नाम लइए मुख धो के।
- न जीवां महाराज…
- बुल्ले शौह बदेसों औंदा।
- सी के लिए हत्थ कंगणा ते बाहीं लटकौंदा।
- सिर सदका तेरे नाओं दा। न जीवां महाराज…
77
- नी सइओ मैं गई गवाची।
- खोल घुंघट मुख नाची।
- जित वल्ल वख्खां उत्त वल्ल ओही, कसम ओसे दी होर ना कोई।
- फहिव मुअउमर फिर गई धोई, जब पत्तरी मेरी बाची।
- नी सइओ मैं गई गवाची।
- नाम निशान ना मेरा सइओ, जो आखां तुस्सीं चुप कर रहियो।
- इह गल मूल किसे ना कहियो, बुल्हा खू़ब हकीकत जाची।
- नी सइओ मैं गई गवाची।
- खोल घुंघट मुख नाची।
78
- नी कुटीचल मेरा नां। टेक।
- मुल्लां मैंनूं सबक़ पढ़ाया, अलफ़ों अग्गे कुझ न आया।
- उस दीआं जुत्तियां खांदा सां, नी कुटीचल मेरा नां।
- किवें किवें दो अक्खियां लाइयां, रल के सइआं मारन आइयां।
- नाले मारे बाबल मां, नी कुटीचल मेरा नां।
- साहवरे सानूं वड़न न देंदे, नानक दादक घरों कढेंदे।
- मेरा पेके नहिओं थां, नी कुटीचल मेरा नां।
- पढ़न सेती सब मारन आहीं, बिन पढ़यां हुण छड्डदा नाहीं।
- नी मैं मुड़ के कित वल जां, नी कुटीचल मेरा नां।
- बुल्ला शौह की लाई मैंनूं, मत कुझ लग्गे ओह ही तैनूं।
- तद करेंगा तूं न्यां, नी कुटीचल मेरा नां।
79
- पत्तियां लिखां मैं शाम नूं, मैंनूं पिया नज़र न आवे। टेक।
- आंगन बणा डरौणा, कित बिधि रैण विहावे।
- पांधे पंडत जगत के, मैं पूछ रही आं सारे ।
- पोथी बेद क्या दोस है, जो उलटे भाग हमारे।
- भाइया वे जोतशिया, इक सच्ची बात भी कहिओ।
- जे मैं हीणी भाग दी, तुम चुप्प न रहिओ।
- भज्ज सकां ते भज्ज जावां, सब तज के करां फ़कीरी।
- पर दुलड़ी, तुलड़ी, चौलड़ी, है गल विच प्रेम जंजीरी।
- नींद गई कित देश नूं, ओह भी वैरन मेरी।
- कई मत सुपने विच मैं आण मिले, ओह नींदर केहड़ी।
- रो रो जीउ वलाउंदीआं, गम करनीआं दूणा।
- नैणों नीर भी न चल्लण, किसे कीता टूणा।
- साजन तुमारी प्रीत से, मुझ को हाथ की आया।
- छतर सूलां सिर लाया, पर तेरा पंथ न पाया।
- प्रेम नगर चल वसीए, जित्थे वस्से कंत हमारा।
- बुल्लया शौह तों मंगनी हां, जे दए नज़ारा।
80
- परदा किस तो राखी दा।
- क्यों ओहले बहि बहि झाकीदा।
- पहिलों आपे साजन साजे दा, हुण दसना एं सबक नमाज़े दा।
- हुण आया आप नज़ारे नू, विच लैला बण बण झाकीदा।
- परदा किस तो राखी दा।
- शाह शम्स दी खल्ल लुहायो, मनसूर नूं चा सूली दवायो।
- ज़करिये सिर कलवत्तर धरायो, की लेखा रहिया बाकी दा।
- परदा किस तो राखी दा।
- कुन्न कहा फयकून कहायो, बे-चूनी दा चून बणायो।
- खातर तेरी जगत बणायो, सिर पर छतर लौलाकी दा।
- परदा किस तो राखी दा।
- हुण साड्डे वल धायो ए, ना रहिंदा छुपा छुपायो ए।
- किते बुल्हा नाम धरायो ए, विच ओहला रखिया खाकी दा।
- परदा किस तो राखी दा।
- क्यों ओहले बहि बहि झाकीदा।
81
- पड़तालिउ हुण आशक किहड़े
- नेहुं लग्गा मत गई गवाती, नाहुन्नो-अकरब जात पछाती।
- साईं भी शाह रंग तो नेड़े, पड़तालिउ हुण आशक किहड़े।
- हीर हो मु़ड़ रांझा होई, इह गल विरला जाणे कोई।
- चुक पए सब झगड़े झेड़े, पड़तालिउ।
- लै बरातां रातीं जागण, नूर नबी दे बरसन लागण।
- उहो वेख असाड्डे झेड़े, पड़तालिउ।
- अनुलहक्क आप कहायो लोका, मनसूर ना देंदा आपे होका।
- मुल्लां बण बण आवन नेड़े, पड़तालिउ।
- बुल्हा शाह शरीअत काज़ी है, हकीकत पर भी राज़ी है।
- साईं घर घर नियाऊं नबेड़े, पड़तालिउ।
82
- पाया है कुछ पाया है,
- सतगुरु ने अलख लखाया है। टेक।
- कहूं वैर पड़ा कहूं बेली है, कहूं मजनूं है कहूं लेली है।
- कहूं आप गुरु कहूं चेली है, सभ अपना राह दिखाया है।
- कहूं चोर बणा कहूं साह जी है, कहूं मंबर ते बह वाअज़ी है।
- कहूं तेग बहादुर ग़ाज़ी है, कहूं आपणा पंथ बताया है।
- कहूं मसजद का वरतारा है, कहूं बणया ठाकुर द्वारा है।
- कहूं बैरागी जप धारा है, कहूं शेखन बण बण आया है।
- कहूं तुरक किताबां पढ़ते हो, कहूं भगत हिंदू जप करते हो।
- कहूं घोर गुफा में पड़ते हो, हर घर घर लाड लडाया है।
- बुल्ला शौह का मैं मुहताज होआ, महाराज मिले मेरा काज होआ।
- दर्शन पिया दा मेरा इलाज होआ, लग्गा इश्क़ तां एह गुण गाया है।
83 /p>
- पाणी भर भर गईयां स्भ्बे आपो आपणी वार।
- इक भर आईयां इक भर चलीयां इक खलियां बांह पसार।
- हार हमेलां पाईयां गल विच बाहीं छनके चूड़ा।
- कन्नीं बुक्क बुक्क मछरीआले स्भ अडंबर कूड़।
- अगे शौह ने झात नां पाई ऐवें गया सिंगार।
- पाणी भर भर गईयां स्भ्बे आपो आपणी वार।
- हथी महिंदी पैरिं महिंदी सिर ते धड़ी गुदाईं।
- तेल फुलेल पानां दा बीड़ा, दंदी मिस्सी लाई।
- कोई जू सद पईओ ने डाढ़ी विस्सरिया घर बार।
- पाणी भर भर गईयां स्भ्बे आपो आपणी वार।
- बुल्हा शौह दे पंध पवैं जे, तां तूं राह पछाणे।
- पउ सतारां पासियों मंगदा दाअ पिया त्रै काणे।
- गुंगी डौरी कमली होई जान दी बाज़ी हार।
- पाणी भर भर गईयां स्भ्बे आपो आपणी वार।
84
- प्यारया संभल के नेहों ला, पिच्छों पछतावेंगा। टेक।
- जांदा जाह न आवीं फेर, ओथे बेपरवाहियां ढेर।
- ओथे डहल खलोंदे शेर, तूं वी फंधया जावेंगा।
- प्यारया संभल के नेहों ला…
- खूह विच यूसफ़ पायो ने, फड़ विच बाज़ार विकायो ने।
- इक अट्टी मुल्ल पवायो ने, तूं कौडी मुल्ल पवावेंगा।
- प्यारया संभल के नेहों ला…
- नेहों ला वेख जुलैखा लए, ओथे आशिक़ तड़फण पए।
- मजनू करदा है है है, तूं ओथों की लिआवेंगा।
- प्यारया संभल के नेहों ला…
- ओथे इकना दे पोसत लुहाइदे, इक आरयां नाल चिराइदे।
- इक सूली पकड़ चढ़ाइदे, ओथे तूं वी सीस कटावेंगा।
- प्यारया संभल के नेहों ला…
85
- पिआरिया सानूं मिठड़ा नां लगदा शोर, हुण मैं ते राज़ी रहिणा।
- पिआरिया सानूं मिठड़ा नां लगदा शोर, मैं घर खिला शगुफ़ा होर वेखियां बाग बहारा होर।
- हुण मैंनूं कुछ नां कहिणा।
- पिआरिया सानूं मिठड़ा नां लगदा शोर…
- हुण मैं मोई नी मेरीए मां,
- पूणी मेरी लै गया कां।
- डों डों करदी मगरे जाण
- पूणी दे दईं साईं दे नां।
- पिआरिया सानूं मिठड़ा नां लगदा शोर…
- बुल्हा साईं दे नाल पिआर, मिहर अनाइत करे हज़ार।
- इहो कौल ते इहो करार, दिलबर दे विच रहिणा।
- पिआरिया सानूं मिठड़ा नां लगदा शोर…
86
- प्यारे ! बिन मसल्हत उठ जाणा, तूं कदी ते हो सयाणा।
- कर लै चावड़ चार दिहाड़े, थीसें अंत निमाणा।
- जुलम करें ते लोक सतावें, छड्ड दे लोक सताणा ।
- जिस जिस दा वी माण करें तूं, सो वी साथ न जाणा।
- शहर-ख़ामोशां नूं वेख हमेशा, जांणा विच जग समाणा।
- भर भर पूर लंघावे डाढा, मलकुन-मौत मुहाणा।
- ऐथे हैन तनते सभ, मैं अवगुणहार निमाणा।
- बुल्ला दुश्मन नाल बरे विच, है दुश्मन बल ढाणा ।
- महबूब-रबानी करे रसाई, खौफ़ जाए मलकाणा।
87
- पिया पिया करते हमीं पिया होए, अब पिया किस नूं कहीए।
- हिजर वसल हम दोनों छोड़े, अब किस के हो रहीए।
- मजनूं लाल दीवाने वांगू, अब लैला हो रहीए।
- बुल्ला शौह घर मेरे आए, अब क्यों ताअने सहीए।
88
- बस कर जी हुण बस कर जी,
- इक बात असां नाल हस्स कर जी। टेक।
- तुर्सी दिल मेरे विच वसदे हो, ऐवें साथों दूर क्यों नसदे हो।
- नाले घत्त जादू दिल खसदे हो, हुण कित वल जासो नस्स कर जी।
- तुसीं मोयां नूँ मार ना मुकदे सी, खिद्दो वांग खूंडीं नित कुट्टदे सी।
- गल्ल करदयां दा गल घुट्टदे सी, हुण तीर लगायो कस्स कर जी।
- तुर्सी छपदे हो असां पकड़े हो, असां नाल जुलफ़ दे जकड़े हो।
- तुर्सी अजे छपण नूं तकड़े हो, हुण जाण न मिलदा नस्स कर जी।
- बुल्ला शौह मैं तेरी बरदी हां, तेरा मुख वेखण नूं मरदी हां।
- नित्त सौ सौ मिंनतां करदी हां, हुण बैठ पिंजर विच धस्स कर जी।
89
- बेहद रमज़ां दस्दा नीं ढोलन माही।
- मीम दे ओहले वस्दा नीं ढोलन माही।
- औलिया मनसूर कहावे, रमज़ अनुलहक आप बतावे।
- आपे आप नूं सूली चढ़ावे, ते कोल खलो के हस्दा नीं ढोलन माही।
90
- बुल्ला की जाणे जात इश्क़ दी कौण। टेक।
- ना सूहां ना कंम बखेड़े, वंजे जागण सौण।
- रांझे नूं मैं गालियां देवां, मन विच करां दुआईं।
- मैं ते रांझा इक्को कोई, लोकां नूं अजमाईं।
- जिस बेले विच बेली दिस्से, उस दीआं लवां बलाईं।
- बुल्ला शौह नूं पासे छड्ड के, जंगल वल्ल न जाईं।
- बुल्ला की जाणे जात इश्क़ दी कौण।
91
- बुल्ले नूं समझावण आइयां, भैणां ते भरजाइयां। टेक।
- मंन लै बुल्लया कैहणा साडा, छड्ड दे पल्ला राइयां।
- आल नबी औलाद अली नूं, तूं क्यों लीकां लाइयां ।।
- जेहड़ा सानूं सैयद सद्दे, दोज़ख़ मिलण सज़ाइयां ।
- जो कोई सानूं राईं आखे, भिश्ती पीघां पाइयां ।
- राईं साईं सभनी थाईं, रब्ब दीआं बेपरवाहियां।
- सोहणियां परे हटाइयां, ते कोझियां लै गल लाइयां।
- जे तूं लोड़ें बाग़ बहारां, चाकर हो जा राइयां।
- बुल्लेशाह दी ज़ात की पुछणै, शाकर हो रजाइआं।
92
- भरवासा की अशनाई दा, डर लगदा बेपरवाही दा। टेक।
- इबराहीम चिखा विच पायो, सुलेमान तों भट्ठ झुकवाओ।
- यूनस मच्छी तों निगलायो, फड़ यूसफ़ मिसर विकाईदा ।
- जकरीआ सिर कलवत्तर चलायो, साबर दे तन कीड़े पायो।
- सुंनआं गल जुन्नार पवायो, किते उलटा पोश लुहाईदा ।
- पैगंबर ते नूर उपायो, नाम इमाम हुसैन धरायो।
- झूला जबराईल झुलायो, फिर प्यासा गला कटाईदा।
- जा जकरीआ रुक्ख छुपाया, छप्पना उस दा बुरा मनाया।
- आरा सिर ते चा वगाया, सणे रुक्ख चराईदा ।
- यईहा उस दा यार कहाया, नाल ओसे दे नेहों लगाया।
- राह शरहा दा उन्न बतलाया, सिर उस दा बाल कटाईदा।
- बुल्ला शौह हुण सही संञाते हैं, हर सूरत नाल पछाते हैं।
- किते आते हैं किते जाते हैं, हुण मैत्थों भुल न जाईदा।
93
- भावें जाण न जाण वे, वेहड़े आ वड़ मेरे।
- मैं तेरे कुरबान वे, वेहड़े आ वड़ मेरे।
- तेरे जेहा मैनूं होर न कोई, ढूंडां जंगल बेला रोही।
- ढूंडां तां सारा जहान वे, वेहड़े आ वड़ मेरे।
- लोकां दे भाणे चाक महीं दा, रांझा तां लोकां विच कहीदा।
- साडा तां दीन ईमान वे, वेहड़े आ वड़ मेरे।
- मापे छोड़ लग्गी लड़ तेरे, शाह इनाइत साईं मेरे।
- लाइयां दी लज्ज पाल वे, वेहड़े आ वड़ मेरे।
94
- भैणां मैं कतदी कतदी हुट्टी।
- पछ्छी पड़ी पिछवाड़े रह गई, हत्थ विच रह गई जुट्टी।
- अग्गे चरखा पिच्छे पीड़ा, मेरे हत्थों तंद तरुट्टी।
- भाँदा भौंदा ऊरा डिग्गा, चंब उलझी तंद टुट्टी।
- भला होया मेरा चरखा टुट्टा, मेरी जिंद अज़ाबों छुट्टी।
- दाज दहेज नूं उस की करना, जिस प्रेम कटोरी मुट्ठी।
- बुल्ला शौह ने नाच नचाए, धुंम पई कड़ कुट्टी।।
95
- मन अटक्यो शाम सुंदर सों। टेक।
- कहूं वेखूं बाहमण कहूं शेखा, आप आप करन सभ लेखा ।।
- क्या क्या खेलया हुनर सौं, मन अटक्यो शाम सुंदर सों।
- सूझ पड़ी तब राम दुहाई, हम तुम एक न दूजा काई।
- इस प्रेम नगर के घर सों, मन अटक्यो शाम सुंदर सों।
- पंडित कौण कित लिख सुणाए, न कहीं जाए न कहीं आए।
- जैसे गुर का कंगण कर सों, मन अटक्यो शाम सुंदर सों।
- बुल्ला शौह दी पैरीं पड़ीए, सीस काट कर अग्गे धरीए।
- हुण मैं हर देखा हर हर सों, मन अटक्यो शाम सुंदर सों।
96
- माही वे तैं मिलियां सभ दुख होवण दूर।
- लोकां दे भाणे चाक चुकटा साड्डा रब्ब ग़फ्फूर।
- माही वे तैं मिलियां सभ दुख होवण दूर।
- जीहदे मिलण दी खातर चश्मां बहिंदियां।
- सी नित झूर माही वे तों मिलियां सभ दुख होवण दूर।
- उठ गई हिजर जुदाई जिगरों ज़ाहर दिसदा नूर।
- माही वे तैं मिलियां सभ दुख होवण दूर।
- बुल्हा रमज़ समझ दी पाईआ नां नेड़े नां दूर।
- माही वे तैं मिलियां सभ दुख होवण दूर।
97
- माटी कुदम करेंदीं यार
- माटी जोड़ा माटी घोड़ा, माटी दा असवार।
- माटी माटी नूं दौड़ाए, माटी दा खड़कार।
- माटी कुदम करेंदीं यार।
- माटी माटी नूं मारन लग्गी, माटी दे हथियार।
- जिस माटी पर बहुती माटी, तिस माटी हंकार।
- माटी कुदम करेंदीं यार।
- माटी बाग बगीचा माटी, माटी दी गुलज़ार।
- माटी माटी नूं वेखन आई, माटी दी ए बहार।
- माटी कुदम करेंदीं यार।
- हस्स खेड मु़ड़ माटी होई, माटी पाओ पसार।
- बुल्हा इह बुझारत बु्झे, लाह सिरों भोएं मार।
- माटी कुदम करेंदीं यार।
98
- मितर पिआरे कारण नी मैं लोक उल्लामें लैणी हां।
- लग्गा नेहुं मेरा जिस सेती, सरहाणे वेख पलंघ दे जीती।
- आलम क्यूं समझावे रीती, मैं डिठ्ठे बाज नां रहिणी हां।
- मितर पिआरे कारण नी मैं लोक उल्लामें लैणी हां।
- तुस्सीं समझाओ वीरो भोरी, रांझण वेहंदा मैथों चोरी।
- जीहदे इश्क कीती मैं डौरी, मैं नाल आराम नां बहिणी हां।
- मितर पिआरे कारण नी मैं लोक उल्लामें लैणी हां।
- बिरहों आ वड़िया विच विहड़े, ज़ोरो ज़ोर देवे तन घेरे।
- दारू दर्द नां बाज़ों तेरे, मैं सजनां बाज मरेणी हां।
- मितर पिआरे कारण नी मैं लोक उल्लामें लैणी हां।
- बुल्हे शाह घर रांझण आवे, मैं तत्ती नूं लै गल लावे।
- नाल खुशी दे रैण विहावे, नाल खुशी दे रहिणी हां।
- मितर पिआरे कारण नी मैं लोक उल्लामें लैणी हां।
99
- मुरली बाज उठी अणघातां, सुण के भुल्ल गइयां सभ बातां। टेक।
- लग्ग गए अनहद बाण न्यारे, झूठी दुनिया कूड़ पसारे।
- साईं मुक्ख वेखण वणजारे, मैनूं भुल्ल गइयां सभ बातां।
- हुण मैं चंचल मिरग फहाया, ओसे मैनूं बंन्ह बहाया।
- सिरफ दुगाना इश्क़ पढ़ाया, रह गइयां त्रै चार रकातां ।
- बूहे आण खलोता यार, बाबल पुज्ज पेआ तकरार।
- कलमे नाल जे रहे विहार, नबी मुहम्मद भरे सफ़ातां।
- जिस पाया भेत क़लंदर दा, राह खोजया आपणे अंदर दा।
- ओह वासी है सुख मंदर दा, जित्थे चढ़दी है न लैहन्दी ए।
- एथे दुनियां विच अन्हेरा ए, अते तिलकण बाज़ी वेहड़ा ए।
- वड़ अंदर वेखो केहड़ा ए, बाहर ख़फ़तण पई ढूंडेंदी ए।
- बुल्ले शाह मैं हुण बरलाई, जद दी मुरली काहन बजाई।
- बावरी हो तुसां वल धाई, खोजीआं कित वल दसत बरातां ।।
100
- मुँह आई बात न रैहन्दी ए। टेक।
- झूठ आखां ते कुझ बच्चदा ए, सच आखयां भांबड़ मचदा ए।
- जी दोहां गल्लां तों जच्चदा ए, जच्च जच्च के जिहबा कैहन्दी ए।
- इक लाज़म बात अदब दी ए, सानूं बात मलूमी सभ दी ए।
- हर हर विच सूरत रब्ब दी ए, किते ज़ाहर किते छुपेंदी ए।
- एथे लेखा पाओं पसारा ए, एद्दा वखरा भेद न्यारा ए।
- इक सूरत दा चमकारा ए, जिवें चिणग दारू विच पैंदी ए।
- किते नाज-अदा दिखलाईदा, किते हो रसूल मिलाईदा।
- किते आशिक़ बण बण आईदा, ताहियों जान जुदाईआं सैहन्दी ए।
- जदों जाहर होए नूर हुरीं, जल गए पहाड़ कोह-तूर हुरीं।
- तदों दार चढ़े मनसूर हुरीं, ओथे शेखी मैंडी न तैंडी ए।
- जे जाहर करां असरार ताईं, सभ भुल्ल जावण तकरार ताईं।
- फिर मारन बुल्ले यार ताईं, ऐथे मख़फ़ी बात सोहेंदी ए।
- असां पढ़या इलम तहक़ीक़ी ए, ओथे इक्को हरफ़ हक़ीक़ी ए।
- होर झगड़ा सभ वधीकी ए, ऐवें रौला पा पा बैहन्दी ए।
- बुल्ला शौह असां थीं वख नहीं, बिन शौह थीं दूजा कख नहीं।
- पर वेखण वाली अक्ख नहीं, ताहीं जान पई दुख सैहन्दी ए।
101
- मेरा रांझा हुण कोई होर।
- तख्त मनवर बांगा मिलियां।
- तां सुणियां तख्त लाहौर।
- इश्के मारे ऐवें फिरदे।
- जिवें जंगल विच ढेर।
- रांझा तख्त हजारे दा साईं।
- हुण ओथों होइया चोर।
- बुल्हा शाह असां मरना नांहीं।
- कबर पाइ कोई होर।
- मेरा रांझा हुण कोई होर।
102
- मेरी बुक्कल दे विच चोर नी, मेरी बुक्कल दे विच चोर। टेक।
- कीहनूं कूक सुणावां नी, मेरी बुक्कल दे विच चोर।
- चोरी चोरी निकल गया, जग विच पै गया शोर।
- मुसलमान सड़ने तों डरदे, हिंदू डरदे गोर।
- दोवें एसे दे विच मरदे, एहो दोहां दी खोर ।
- किते रामदास किते फतह मुहम्मद, एहो कदीमी शोर।
- मिट गया दोहां दा झगड़ा, निकल पेआ कुझ होर।
- अरश-मुनव्वर बागां मिलियां, सुणियां तख़त लाहौर।
- शाह इनाइत कुंडीयां पाईयां, लुक छुप खिचदा डोर।
- जिस ढूंडया तिस ने पाया, न झुर झुर होया मोर।
- पीरां-पीर बगदाद असाडा, मुरशद तख़त लाहौर।
- एहो तुसीं वी आखो सारे, आप गुड्डी आप डोर।
- मैं दसनां तुसीं पकड़ ल्याओ, बुल्ले शाह दा चोर।
103
- मेरे घर आया पिया हमरा। टेक।
- वाह वाह वाहदत कीना शोर, अनहद बांसरी दी घंघोर।
- असां हुण पाया तख़त लाहौर, मेरे घर आया पिया हमरा।
- जल गए मेरे खोट निखोट, लग गई प्रेम सच्चे दी चोट।
- हुण सानूं ओस ख़सम दी ओट, मेरे घर आया पिया हमरा।
- हुण क्या कंने साल वसाल, लग गया मस्त प्याला हाथ।
- हुण मेरी भुल गई जात सफ़ात, मेरे घर आया पिया हमरा ।
- हुण क्या कंने बीस पचास, प्रीतम पाई असां वल झात । ठीक
- हुण सानूं सभ जग दिसदा लाल, मेरे घर आया पिया हमरा।
- हुण सानूं नहीं आस दी फास, बुल्ला शौह आया हमरे पास।
- साईं पुजाई साडी आस, मेरे घर आया पिया हमरा।
- मेरे नौशहु दा कित मोल। मेरे नौशहु दा कित मोल।
- अग्गले वल्ल दी खबर ना कोई रहि किताबां फोल।
- सच्चियां नूं पै वज्जण पौले, झूठियां करन कलोल।
- चंग चंगेरे परे परेरे, असी आईयां सी अनभोल।
- बुल्हा शाह जे बोलांगा हुण कौन सुने मेरे बोल।
- मेरे नौशहु दा कित मोल।
- मेरे नौशहु दा कित मोल।
- मेरे माही क्यूं चिर लाया ए।
- कह बुल्हा हुण प्रेम कहानी, जिस तन लग्गे सो तन जाणे।
- अंदर झिड़कां बाहर तान्हे, नेहुं ला इह सुख पाया ए।
- मेरे माही क्यूं चिर लाया ए।
- नैणां कार रोवण दा पकड़़ी, इक मरना दो जग दा फकड़़ी।
- बिरहों जिंद अवल्ली जकड़़ी, नी मैं रो रो हाल वजाया ए।
- मेरे माही क्यूं चिर लाया ए।
- मैं प्याला तहकीक लीता ए, जो भर मनसूर पीता ए।
- दीदार मअराज पीया लीता ए, मैं खू थों वजू सजाया ए।
- मेरे माही क्यूं चिर लाया ए।
- इश्क मुल्लां ने बांग दिवाई, शहु आवण दी गल सुनाई।
- कर नीयत सज्दे वल्ल धाई, नी मैं मूहं महराब लगाया ए।
- मेरे माही क्यूं चिर लाया ए।
- बुल्हा शहु घर लपट लगाईं, रस्ते मैं सभ बन तण जाईं।
- मैं वेखां आ इनायत साईं, जिस मैंनूं शहु मिलाया ए।
- मेरे माही क्यूं चिर लाया ए।
104
- मै उडीकां कर रही, कदी आ कर फेरा। टेक।
- मैं जो तैनूं आखया, कोई घल सुनेहड़ा।
- चशमां सेज विछाईआं दिल कीता डेरा।
- लटक चलंदा आंवदा शाह इनाइत मेरा।
- ओह अजेहा कौण है जा आखे जेहड़ा।
- मैं विच की तकसीर है मैं बरदा तेरा।
- तैं बाझों मेरा कौण है दिल ढाह न मेरा।
- ढूंढ शहर सभ भालया कासद घल्लां केहड़ा।
- चढ़ियां डोली प्रेम दी दिल धड़के मेरा।
- आओ इनाइत कादरी जी चाहे मेरा।
- पहली पौड़ी प्रेम दी पुलसराते डेरा।
- हाजी मक्के हज करन, मैं मुख वेखां तेरा।
- आ इनाइत कादरी हत्थ पकड़ीं मेरा।
- जल बल आहीं मारीआं दिल पत्थर तेरा।
- पा के कुंडी प्रेम दी दिल खिचयो मेरा।
- मैं विच कोई न आ पीआ विच परदा तेरा।
- दसत कंगण बाहीं चूड़ीयां गल नौरंग चोला।
- रांझण मैनूं कर गया कोई रावल-रौला।
- आण नवें दुःख पै गए कोई सूलां दा घेरा।
- मैं जाता दुख मैनूं आहा दुख पए घर सइयां।
- सिर सिर भांबड़ भड़क्या सभ तपदीआं गइयां।
- हुण आण बणी सिर आपणे सभ चुक गया झेड़ा।
- जेहड़ीआं साहवरे मंनीआं सोई पेके होवण।
- शौह जिन्हां ते मायल ए चढ़ सेजे सोवण ।
- जिस घर कौंत न बोलया सोई खाली वेढ़ा ।
- बुल्ला शौह दे वासते दिल भड़कन भाहीं।
- औखा पैंडा प्रेम दा सो घटदा नाहीं।
- दिल विच धक्के झेड़दे सिर धाईं मेरा।
- मैं उडीकां कर रही कदी आ कर फेरा।
105
- मैं क्योंकर जावां काअबे नूं, दिल लोचे तख़त हज़ारे नू। टेक ।
- लोकी सजदा काअबे नूं करदे, साडा सजदा यार प्यारे नूं।
- औगुण वेख न भुल मीआं रांझा, याद करीं उस कारे नूं।
- मैं अनतारू तरन न जाणां, शरम पई तुध तारे नूं।
- तेरा सानी कोई नहीं मिलया, ढूंढ लिआ जग सारे नूं।
- बुल्ला शौह दी प्रीत अनोखी तारे औगुणहारे नूं।
106
- मैं कुसुंबड़ा चुण-चुण हारी। टेक।
- एस कुसुंबे दे कंडे भलेरे अड़ अड़ चुनड़ी पाड़ी।
- एस कुसुंबे दा हाकम करड़ा जालम ए पटवारी।
- एस कुसुंबे दे चार मुकद्दम मुआमला मंगदे भारी।
- होरनां चुगया फुहिया फुहिया मैं भर लई पटारी।
- चुग चुग के मैं ढेरी कीता लत्थे आण बपारी।
- औखी घाटी मुशकल पैंडा, सिर पर गठड़ी भारी।
- अमलां वालीयां सभ लंघ गईआं, रह गई औगुणहारी।
- सारी उमरा खेड गवाई ओड़क बाज़ी हारी।
- अलसत केहा जद अक्खियां लाईआं, हुण क्यों यार विसारी।
- इक्को घर विच वसदेआं रसदेआं, हुण क्यों रही न्यारी।
- मैं कमीनी कुचज्जी, कोहजी, बेगुण कौन बिचारी।
- बुल्ला शौह दे लायक नाहीं, शाह इनायत तारी।
107
- मैं गल ओथे दी करदा हां, पर गल करदा वी डरदा हां। टेक।
- नाल रूहां दे लारा लाया, तुस्सीं चल्लो, मैं नाले आया,
- एथे पर्दा चा बनाया, मैं भरम भुलाया फिरदा हां।
- नाल हाकम दे खेल असाडी, जे मैं मीरी तां मैं फाड़ी।
- धरी धराई पूंजी तुहाडी, मैं अग्गला लेखा भरदा हां।
- दे पूंजी मूर्ख झुंझलाया, मगर चोरां दे पैड़ा लाया।
- चोरां दी मैं पैड़ लिया लिया, हर शब धाड़े धड़दा हां।
- ना नाल मेरे ओह रज्जदा ए, ना मिन्नत कीती सज्जदा ए।
- जां मु़ड़ बैठां तां भज्जदा ए, मु़ड़ मिन्नतजारी करदा हां।
- की सुख पाया मैं आण इथे, ना मंज़िल ना डेरे जिथे।
- घंटा कूच सुनावा किथे, नित ऊठ कचावे कड़दा हां।
- बुल्हे शाह बएंत डूंगाई, दो जग बीच ना लगदी काई।
- उरार पार दी खबर न काई, मैं बे सिर पैरीं तर्दा हां।
- मैं गल ओथे दी करदा हां, पर गल करदा वी डरदा हां।
108
- मैं चूहड़ेटड़ी आं सच्चे साहिब दी सरकारों। टेक।
- ध्यान दी छज्जली ज्ञान का झाडू, काम क्रोध नित झाड़ों।
- मैं चूहड़ेटड़ी आं सच्चे साहिब दी सरकारों।
- काज़ी जाणे हाकम जाणे फ़ारगखती बेगारों।
- दिनें रात मैं एहो मंगदी दूर न कर दरबारों।
- तुध बाझों मेरा होर न कोई, कैं वल्ल करूं पुकारों।
- बुल्ला शौह इनाइत करके बखरा मिले दीदारों।
109
- मैं पुच्छां शौह दीआं वाटां नी, कोई करे असां नाल बातां नी। टेक ।
- भुल्ले रहे नाम न जपया, ग़फ़लत अंदर यार है छपया।
- ओह सिध पुरखा तेरे अंदर धसया, लग्गियां नफ़स दीआं चार्टा नी।
- जप लै ना हो भोली भाली, मत तूं सद्दएं मुख मुकाली।
- उलटी प्रेम नगर दी चाली, भड़कण इश्क़ दीआं लाटां नी।
- भोली ना हो, हो सयाणी, इश्क़ नूर दा भर लै पानी।
- इस दुनिया दी छोड़ कहाणी, एह यार मिलण दीआं घातां नी।
- बुल्ला रब्ब बण बैठों आपे, तद दुनिया दे पए सयापे।
- कि दूती वेहड़े दुश्मन मापे, सब कड़क पईआं आफ़ातां नी।
110
- मैं बे कैद मैं बे कैद। ना रोगी ना वैद।
- ना मैं मोमिन ना मैं काफिर। ना सैय्यद ना सैद।
- चौहीं तबकीं सीर असाड़ा। किते ना हुंदा कैद।
- खराबात में चाल असाड़ी। ना शोभा ना ऐब।
- बुल्हा शहु दी जात की पुछनैं। ना पैदा ना पैद।
111
- मैनूं इश्क हुलारे देंदा। मुँह चढ़िया यार बुलेंदा।
- पुछदा है की जात सफ्फात मेरी, ओहो आदम वाली मीजा मेरी।
- नहन-अक़रब दे विच घात मेरी, विच रब्ब दा सिर झुलेंदा।
- मैनूं इश्क हुलारे देंदा।
- किते शईया ए किते सुन्नी ए, किते जटाधारी किते मुंनी ए।
- मेरी सब से फारग कुण्नी ए, जो कहां सो यार मनेंदा।
- मैनूं इश्क हुलारे देंदा।
- बुल्हा दूरों चल के आया जी, ओहदी सूरत ने भरमाया जी।
- ओसे पाक जमाल विखाया जी, ओह हिक दम ना भुलेंदा।
- मैनूं इश्क हुलारे देंदा।
- मुँह चढ़िया यार बुलेंदा।
112
- मैनूं की होइआ हुण मैथों गई गवाती मैं।
- मैनूं की होइआ क्यूं मैनूं कमली कहिंदी हैं।
- मैनूं की होइआ हुण मैथों गई गवाती मैं।
- मैं विच वेखा तां मैं नहीं हुंदी मैं विच दसना एं मैं।
- मैनूं की होइआ हुण मैथों गई गवाती मैं।
- सिर तों पैर तीक्कर वी तूं हैं अंदर बाहर हैं तैं।
- मैनूं की होइआ हुण मैथों गई गवाती मैं।
- छुट्ट पई उरारों पारों ना बेड़ी ना नै।
- मैनूं की होइआ हुण मैथों गई गवाती मैं।
- मनसूर प्यारे कहा अनुलहक कहो कहाया कैं।
- मैनूं की होइआ हुण मैथों गई गवाती मैं।
- बुल्हा शहु ओसे दा आशिक आपणा आप वंझाया तैं।
- मैनूं की होइआ हुण मैथों गई गवाती मैं।
113
- मैनूं दर्द अवल्लड़े दी पीड़।
- मैनूं दर्द अवल्लड़े दी पीड़।
- आ मियां रांझा दे दे नजारा मुआफ करीं तकीर।
- मैनूं दर्द अवल्लड़े दी पीड़।
- तख्त हज़ारिउं रांझा टुरिया हीर निमाणी दा पीर।
- मैनूं दर्द अवल्लड़े दी पीड़।
- होरना दे नौशहु आवे जावे की बुल्हे विच तकीर।
- मैनूं दर्द अवल्लड़े दी पीड़।
114
- मैं विच मैं ना रह गई राई, जब की पिया संग प्रीत लगाई।
- जद वसल वसाल बणाएगा, तद गूंगे दा गुड़ खाएगा।
- सिर पैर न आपणा पाएगा, मैं एह होर न किसे बणाई।
- होए नैण नैणां दे बरदे, दर्शन सै कोहां ते करदे ।
- पल पल दौड़न मारे डर दे, तैं कोई लालच घत्त भरमाई।
- हुण असां वहदत विच घर पाया, वासा हैरत दे संग आया।
- जीवन जंमण मरन वंजाया, आपणी सुध-बुध रही न काई।
- मैं जाता सी इश्क़ सुखाला, चौंह नदीआं दा वहण उछाला ।
- कदी ते अग्ग भड़के कदी पाला, नित बिरहों अग्ग लगाई।
- डठं डउं इश्क़ नक़्क़ारे वजदे, आशिक़ वेख उत्ते वल भजदे।
- तड़ तड़ तिड़क गए लड़ लज्ज दे, लग गया नेहों तां शर्म सिधाई।
- प्यारे बस कर बहुती होई, तेरा इश्क़ मेरी दिलजोई।
- तँ बिन मेरा सका न कोई, अंमा बाबल भैण न भाई।
- कदी जा असमानी बैहन्दे हो, कदी इस जग दा दुःख सैहन्दे हो।
- कदी पीरे-मुग़ां बण बैहन्दे हो, मैं तां इकसे नाच नचाई।
- तेरे हिजरे विच मेरा हुजरा ए, दुःख डाढा मैं पर गुज़रा ए।
- कदे हो मायल मेरा मुजरा ए, मैं तैथों घोल घुमाई।
- तुध कारन मैं ऐसा होया, नौ दरवाज़े बंद कर सोया।
- दर दसवें ते आण खलोया, कदे मंन मेरी अशनाई।
- बुल्ला शौह मैं तेरे वारे हां, मुख वेखण दे वणजारे हां।
- कुझ असीं वी तैनूं प्यारे हां, कि मैं ऐवें घोल घुमाई हां।
115
- मैं वैसां जोगी दे नाल मत्थे तिलक लगा के।
- मैं वैसां न रहसां होड़े, कौण कोई मैं जांदी नू मोड़े।
- मैनूं मुड़ना होया मुहाल, सिर ते मेहणा चा के।
- जोगी नहीं एह दिल दा मीता, भुल गई मैं प्यार न कीता।
- मैंनूं रही न कुझ संभाल, उस दा दर्शन पा के।
- एस जोगी मैंनूं कहीआं लाइयां, हेठ कलेजे कुंडी पाईआं ।
- इश्क़ दा पाया जाल, मिट्ठी बात सुणा के।
- मैं जोगी नूं खूब पछाता, लोकां मैंनूं कमली जाता।
- लुट्टी झंग सयाल, कंनीं मुंदरां पा के।
- जे जोगी घर आवे मेरे, मुक जावण सब झगड़े झेड़े।
- लां सीने दे नाल, लक्ख लक्ख शगन मना के।
- माए नी इक जोगी आया, दर साडे उस धूआं पाया।
- मंगदा हीर सयाल, बैठा भेस वटा के।
- ताअने ना दे फुफ्फी ताई, एथे जोगी नूं किसमत लियाई।
- हुण होया फ़ज़ल कमाल, आया है जोग सिधा के।
- माही नहीं कोई नूर इलाही, अनहद दी जिस मुरली वाही।
- मुठिओस सु हीर सयाल, डाहडे कामण पा के।
- लक्खां गए हज़ारां आए, उस दे भेत किसे न पाए।
- गल्लां तां मूसे नाल, पर कोह तूर चढ़ा के।
- आबदा रसूल कहाया, विच मअराज बुराक मंगाया।
- जबराईल पकड़ लै आया, हूरां मंगल गा के।
- एस जोगी दे सुणो अखाड़े, हसन-हुसैन नबी दे प्यारे।
- मारओस विच जद्दाल, पाणी बिन तरसा के।
- एस जोगी दी सुणो कहाणी, सोहणी डुब्बी डूंघे पाणी।
- फिर रलया महींवाल, सारा रखत लुटा के।
- डावां डोली लै चल्ले खेड़े, मुढ कदीमी दुश्मन जेहड़े।
- रांझा तां होया नाल, सिर ते टंमक बचा के।
- जोगी नहीं कोई जादू साया, भर भर प्याला जौक पलाया।
- मैं पी पी होई निहाल, अंग बिभूत रमा के।
- जोगी नाल करेंदे झेड़े, केहे पा बैठे काज़ी घेरे।
- विच कैदो पाई मुकाल, कूड़ा दोष लगा के।
- बुल्ला मैं जोगी नाल व्याही, लोकां कमलयां खबर न काई।
- मैं जोगी दा माल, पंजे पीर मना के।
116
- रौह रौह वे इश्क़ा मारया ई, कहु किस नूं पार उतारया ई।
- आदम कणकों मन्हां कराया, आपे मगर शैतान दुड़ाया।
- कढ बहिश्तों जमीन रूलाया, केड पसार पसारया ई।
- ईसा नूं बिन बाप जंमाया, नूहे पर तूफ़ान मंगाया।
- नाल पिओ दे पुत्तर लड़ाया, डोब ओहनां नूं मारया ई।
- मूसा नूं कोह-तूर चढ़ायो, अस्माइल नूं ज़िब्हा करायो।
- यूनस मच्छी तों निगलायो, की ओहनां नूं रुतबे चाढ़या ई।
- खवाब जुलैखा नूं दिखलायो, यूसफ़ खूह दे विच पवायो ।
- भाइआं नूं इलज़ाम दिवायो, तां मरातब चाढ्या ई।
- भट्ठ सुलेमान तों झुकायो, इब्राहिम चिखा विच पायो।
- साबर दे तन कीड़े पायो, हसन जहर दे मारया ई।
- मनसूर नूं चा सूली दित्ता, राहब दा कढवायो पित्ता।
- जकरीआ सिर कलवत्तर दित्ता, फेर ओहनां कंम की सारया ई।
- शाह सरमद दा गला कटायो, शमस ते जां सुखन अलायो।
- कुम-ब-इज़नी आप कहायो, सिर पैरो खल्ल उतारया ई।
- एस इश्क़ दे बड़े अडंबर, इश्क़ न छुपदा बाहर अंदर।
- इश्क़ कीता शाह शरफ कलंदर, बारां वरे दरिया विच ठारया ई।
- इश्क़ लैला दे धुंमां पाईयां, तां मजनू ने अक्खियां लाईंयां।
- ओहनूं धारां इश्क़ चुंघाईया, खूहे बरस गुज़ारया ई।
- इश्क़ होरी हीर वल धाए, तांहीएं रांझे कंन पड़वाए।
- साहिबां नू जद वयाहुण आए, सिर मिरजे दा वारया ई।
- सस्सी थलां दे विच रुलाई, सोहणी कच्चे घड़े रुढ़ाई।
- रोडे पिच्छे गल्ल गवाई, टुकड़े कर कर मारया ई।
- फौजां कतल कराईयां भाइयां, मश्कां चूहयां तों कटवाईयां।
- डिट्ठी कुदरत तेरी साईआं, सिर तैथों बलहारया ई।
- कौरों पांडों करन लड़ाइयां, अठारां खूहणीया तदों खपाइया।
- मारन भाई सक्यां भाइयां, की ओथे नयां नितारिया ई।
- नमरूद ने वी ख़ुदा सदाया, उस ने रब नूं तीर चलाया।
- मच्छर तों नमरूद मरवाया, कारूं जमीं निघारया ई।
- फरऔन ने जदों ख़ुदा कहाया, नील नदी दे विच आया।
- ओसे नाल अशटंड जगाया, खुदियों कर तन मारया ई।
- लंका चढ़ के नाद बजायो, लंका राम कोलों लुटवायो।
- हरनाकश कित्ता बहिश्त बनायो, ओह विच दरवाज़े मारया ई।
- सीता दहसर लई बेचारी, तद हनुवंत ने लंका साड़ी।
- रावण दी सभ ढाह अटारी, ओड़क रावण मारया ई।
- गोपियां नाल की चज्ज कमाया, मक्खण कान्ह तों लुटवाया।
- राजे कंस नूं पकड़ मंगाया, बोदियों पकड़ पछाड़या ई।
- आपे चा इमाम बणाया, उस दे नाल यजीद लड़ाया।
- चौधीं तबकीं शोर मचाया, सिर नेजे ते चाढ़या ई।
- मुगलां ज़हर प्याले पीते, भूरयां वाले राजे कीते।
- सभ अशराफ़ फिरन चुप्प कीते, भला ओन्हा नूं झाड़या ई।
- बुल्ला शाह फ़कीर विचारा, कर कर चलया कूच नगारा।
- रोशन जग विच नाम हमारा, नूरों सिरज उतारया ई।
117
- रातीं जागें करें इबादत । रातीं जागण कुत्ते, तैथों उत्ते।
- भौंकणौ बंद मूल न हुंदे। जा रूड़ी ते सुत्ते, तैत्थों उत्ते।
- ख़सम आपणे दा दर न छड्डदे। भावें वज्जण जुत्ते, तैत्थों उत्ते।
- बुल्ले शाह कोई वसत विहाज लै। नहीं ते बाज़ी लै गए कुत्ते, तैत्थों उत्ते।
118
- वत्त न करसां माण रंझेटे यार दा वे अड़या। टेक।
- इश्क अल्ला दी जात लोकां दा मेहणा।
- किहनूं करां पुकार किसे नहीं रैहणा।
- ओसे दी गल्ल ओहो जाणे।
- कौण कोई दम मारदा वे अड़या।
- अज अजोकड़ी रात मेरे घर वस्स खां वे अड़या।
- दिल दीआं घुंडी खोल असां नाल हस्स खां वे अड़या।
- दिलबर यार इकरार कीतोई।
- की इतबार सोहणे यार दा वे अड़या।
- जान करां कुरबान भेत नाहीं दस्सना एं वे अड़या।
- ढूंडां कई कई वार मैत्थों उठ नस्सना एं वे अड़या।
- रल मिल सईयां पुछदीआं फिरदीआं।
- वकत होया भंडार दा वे अड़या।
- हिक करदियां खुदी हंकार, ओहनां नूं तारनै एं वे अड़या।
- इक पिच्छे फिरन खुआर, सड़ीआं नूं साड़नैं एं वे अड़या।
- मैंडे सोहणे यार वे अड़या।
- की इतबार तेरे प्यार दा वे अड़या।
- चिक्कड़ भरीआं दे नाल नित झुंबर घत्तनां एं वे अड़या।
- लाया मैं हार शिंगार मैत्थों उठ नसना एं वे अड़या।
- बुल्ला शौह घर आओ प्यारे।
- वक्त होया दीदार दा वे अड़या।
119
- वाह सोहणियां तेरी चाल अजाइब लटकां नाल चलेंदे ओ।
- आपे ज़ाहिर आपे बातिन आपे लुक लुक बैठंदे ओ।
- आपे मुल्लां आपे काज़ी आपे इल्म पढ़दे ओ।
- वाह सोहणियां तेरी चाल अजाइब लटकां नाल चलेंदे ओ।
- घट ज़न्नार कुफ़र दा गल्ल विच बुतखाने वड़ बैठंदे ओ।
- लौलाक लमा अफ़लाक विचारो आपे धुंम मचेंदे ओ।
- वाह सोहणियां तेरी चाल अजाइब लटकां नाल चलेंदे ओ।
- ज़ात तों है अशराफ रंझेटा, लाइयां दी लाज रखेंदे ओ।
- बुल्हा शहु इनायत मैनूं पल पल दर्शन देंदे ओ।
- वाह सोहणियां तेरी चाल अजाइब लटकां नाल चलेंदे ओ।
120
- वाह वाह रमज़ सजन दी होर। आशिक बिना ना समझे कोर।
- कोठे ते चढ़ देवा होका, इश्क विहाजिओ कोई ना लोका।
- इस दा मूल ना खाना धोखा, जंगल बस्ती मिले ना ठौर।
- वाह वाह रमज़ सजन दी होर।
- आशिक दोहिं जहांनी मुठ्ठे, नाज़ मशूका दे ओह कुट्ठे।
- इश्क दा फट्टिया कोई ना छुट्टे, कीते सू बांदा फट्ट फ्लोर।
- वाह वाह रमज़ सजन दी होर।
- दे दीदार होइआ जद राही, अचनचेत पई गल फाही।
- डाढ़ी कीती लापरवाही, मैनूं मिल गया ठग लाहौर।
- वाह वाह रमज़ सजन दी होर।
- शीरी है बिरहों दा खाना, कोह चोटी फरहाद निमाणा।
- यूसुफ़ मिस्र बजार विकाणा, उस नूं नाहीं वेखण कौर।
- वाह वाह रमज़ सजन दी होर।
- लैला मजनूं दोवें बर्दे, सोहणी डुब्बी विच बहर दे।
- हीर वंझाए सब्बे घर दे, इस दी खिच्ची माही डोर।
- वाह वाह रमज़ सजन दी होर।
- आशिक फिरदे चुप चुपाते, जैसे मस्त सदा मध माते।
- दाम ज़ुल्फ़ दे अंदर फाथे, ओथे चले वस ना ज़ोर।
- वाह वाह रमज़ सजन दी होर।
- जे ओह आन मिले दिलजानी, उस तों जान करां कुर्बानी।
- सूरत दे विच यूसुफ़ सानी, आलम दे विच जिस दा शोर।
- वाह वाह रमज़ सजन दी होर।
- बुल्हा शहु नूं कोई ना वेखे, जो वेखे सो किसे ना लेखे।
- उस दा रंग ना रूप ना रेखे, ओह ई होवे हो के चोर।
- वाह वाह रमज़ सजन दी होर। आशिक बिना ना समझे कोर।
121
- वेखो नी शौह इनायत साईं, मैं नाल करदा किवें अदाईं।
- कदी आवे कदी आवे नाहीं, त्यों त्यों मैनूं भड़कण भाहीं।
- नाम अल्ला पैग़ाम सुणाईं, मुख वेखण नूं न तरसाईं।
- बुल्ले शौह केही लाई मैंनूं, रात हनेरे उठ दुरदी नैं नूं।
- जिस औझड़ तों सभ कोई डरदा, सो मैं ढूंडां चाईं चाईं।
122
- वेखो नी प्यारा मैनूं सफने में छल गया।
- मैं सोई होई मुठ्ठी आं, मैं वांग ज़ुलैखा कुट्ठी आं।
- चा इश्क ने मैं फट्टी आं, मेरा बंद बंद हल गया।
- वेखो नी प्यारा मैनूं सफने में छल गया।
- मैं सियाणियां सब बुलाइयां, मैं औसियां सब पवाइयां।
- जवाब दित्ता नजूमियां, मेरे नैणीं नीर उछल्ल गया।
- वेखो नी प्यारा मैनूं सफने में छल गया।
- नेड़े क्यों नहीं आइदा, सानूं दूरों नहीं दिखलाइदा।
- नज़ारे तों डराइदा, कोह तोर पहाड़ जल गया।
- वेखो नी प्यारा मैनूं सफने में छल गया।
- पीया ने नैण बाण ला के, बिरहों सूं चहि-चिहा के।
- फरहाद नूं कोह कटा के, शीरीं सूं रल गया।
- वेखो नी प्यारा मैनूं सफने में छल गया।
- बुल्हा आप तों लभाइदा, शहु अनायत है पाइदा।
- नेड़े ही पछोताइदा, बुल्हा अज शहु मिल गया।
- वेखो नी प्यारा मैनूं सफने में छल गया।
123
- अस्सू लिखूं संदेसड़ा वाचे मेरा पी।
- गमन किया तुम काहे को जो कल मल आया जी।
- अस्सू असां तुसाडी आस, साडी जिंद तुसाडे पास।
- जिगर मुढ प्रेम दी लास, दुक्खां हड्ड सुकाए मास, सूलां साड़ियां ।
- सूलां साड़ी रही बेहाल, मुट्ठी तदों न गइयां नाल।
- उलटी प्रेम नगर दी चाल, बुल्ला शौह दी करसां भाल, प्यारे मारियां।
124 बारमाह
आश्विन
- कहो कतक कैसी जो बणयो कठन से भोग।
- सीस कप्पर हत्थ जोड़ के मांगूं भीख संजोग।
- कत्तक क्या तुंबण कत्तण, लग्गी चाट तां होया अत्तण।
- दर दर लगे धंमा घत्तन, औखी घाट पुचाए पत्तण, शाम वास्ते।
- हुण मैं मोई बेदरद लोका, कोई देओ उच्ची चढ़ के होका।
- मेरा उन संग नेहों चरोका, बुल्ला शौह बिन जीवन औखा, जांदा पास ते।
125 कार्तिक
- मग्घर मैं कर रहीआं सोध के सभ ऊचे नीचे वेख।
- पढ़ पंडत पोथी भाल रहे हर हर से रहे अलेखातक भागी मग्घर मैं घर किद्दर जांदा, राकश नेहों हड्डां नूं खांदा।
- सड़ सड़ जीअ पया कुरलांदा, आवे लाल किसे दा आंदा, बांदी हो रहां।
- जो कोई सानूं यार मिलावे, सोजे अलम थीं सरद करावें।
- चिखा तों बैठी सती उठावे, बुल्ला शौह बिन नींद न आवे, भावें सो रहां।
126 मार्गशीष
- पोह हुण पूहूं जा के तुम न्यारे क्यों मीत।
- किस मोहन मन मोह लिया जो पत्थर कीनो चीत।
- पानी पोह पवन भट्ठ पइआं, लद्दे होत तां उघड़ गइआं।
- न संग मापे सज्जन सइआं, प्यारे इश्क चवाती लइआं, दुखां रोलिआं ।
- कड़ कड़ कप्पर कड़क डराए, मारू थल विच बेड़े पाए।
- जिउंदी मोई नी मेरी माए, बुल्ला शौह क्यों अजे न आए, हंझू डोहलिआं।
127 पौष
- माघी नहावन मैं चली जो तीरथ कर सामान।
- ने गज गज बरसे मेघला मैं रो रो करां स्नान।
- माघ महीने गए उलांघ, नवीं मुहब्बत बहुती तांघ,
- इश्क़ मुअज़न दित्ती बांग, पढ़ां निमाज़ पिया दी तांघ, दुआई की करां।
- आखां प्यारे मैं वल आ, तेरे मुख वेखण दा चाअ।
- भावें होर तत्ती नूं ताअ, बुल्ला शौह नूं आण मिला, तेरी हो रहां।
128 माघ
- फग्गण फूले खेत ज्यों वण तिण फूल शिंगार।
- हर डाली फुल पत्तियां गल फूलन के हार।
- होरी खेलन सइआं फग्गन, मेरे नैन झलारीं वग्गन।
- औखे जीउंदयां दे दिन तग्गन, सीने बाण प्रेम दे लग्गन, होरी हो रही।
- जो कुझ रोजे-अज़ल थीं होई, लिखी कलम ना मेटे कोई।
- दुक्खां सूलां दित्ती ढोई, बुल्ला शौह नूं आखो कोई, जिस नूं रो रही।
129 फाल्गुण
- चेत चमन विच कोयलां, नित कू कू करन पुकार।
- गार मैं सुण सुण झुर झुर मर रही, कब घर आवे यार।
- हुण की करां जो आया चेत, बण तिणण फूल रहे खेत।
- देंदे अपणा अन्त न भेत, साडी हार तुसाडी जेत, हुण मैं हारियां।
- हुण मैं हारियां अपणा आप, तुहाडा इश्क़ असाडा खाप।
- तेरे नेहों दा शूकया ताप, बुल्ला शौह की लाया पाप, कारे हारियां।
130 चैत्र
- बिसाखी दा दिन कठिन है जे संग मीत न हो।
- मैं किस के आगे जा कहूं इक मंडी भा दो।
- तां मन भावे सुख बसाख गुच्छीआं पइआं पक्की दाख।
- लाखी लै घर आया लाख तां मैं बात सकां आख काँतां वालियां।
- कौंतां वालियां डाहडा जोर, हुण मैं झुर झुर होई आं मोर।
- कंडे पुड़े कलेजे जोर, बुल्ला शौह बिन कोई न होर, जिन घत्त गालियां।
131 बैशाख
- जेठ जेही मोहे अगन है जब के बिछड़े मीत।
- सुण सुण घुण घुण झुर मरों जो तुमरी ये प्रीत।
- लोआं धुप्पां पैंदीआं जेठ, मजलिस बैहन्दी बागां हेठ।
- तत्ती ठंडी वग्गे पेठ, दफ़तर कढ्ढ पुराणे सेठ, महुरा खानी आं।
- अज्ज कल्ह सद्द होई अलबत्ता, हुण मैं आह कलेजा तत्ता।
- ना घर कौंत ना दाणा भत्ता, बुल्ला शौह होरां संग रत्ता, सीने कानी आं।
132 छठ गड ज्येष्ठ
- हाढ़ सोहे मोहे झट पटे जो लग्गी प्रेम की आग।
- जिस लागे तिस जल बुझे ज्यों भौर जलावे भाग।
- हुण की करां जो आया हाड़, तन विच इश्क़ तपाया भाड़।
- तेरे इश्क़ ने दित्ता साड़, रोवन अक्खियां करन पुकार, तेरे हावड़े।
- हाड़े घत्तां शामी अग्गे, कासद लै के पत्तर वग्गे।
- काले गए ते आए बग्गे, बुल्ला शौह बिन जरां न तग्गे, शामी बहवड़े।
133 आषाढ़
- सावण सोहे मेघला घट सोहे करतार।
- ठौर ठौर इनायत बस्से पपीहा करे पुकार।
- सोहन मलहारां सारे सावन, दूती दुःख लगे उठ जावण।
- नींगर खेडण कुड़ियां गावण, मैं घर रंग रंगीले आवण, आसां पुंनीआं।
- मेरियां आसां रब्ब पुचाइयां, मैं तां उन संग अक्खियां लाइयां।
- सईआं देण मुबारक आइयां, शाह इनायत आखां साइयां, आसां पुंनीआं।
134 श्रावण
- भादों भावे तब सखी जो पल पल होवे मिलाप।
- जो घट देखूं खोल के घट घट दे विच आप।
- आ हुण भादों भाग जगाया, साहिब कुदरत सेती आया।
- हर हर दे विच आप समाया, शाह इनायत आप लखाया, तां मैं लखया।
- आखर उमरे होई तसल्ला, पल पल मंगण नैन तजल्ला ।
- जो कुझ होसी करसी अल्ला, बुल्ला शौह बिन कुझ ना भल्ला, प्रेम रस चखया।
135 भाद्रपद
- बुल्ला भुल्ला नमाज़ दुगाना, जद सुनिया तान तराना।
- अकल कहे मैं ज़रा ना माना, इश्क कूकेंदा तारो तार।
- छनिछरवार उतावले वेख सजन दी सो।
- असां मुड़ घर फेर ना आवणा जो होग सो हो।
- वाह वाह छनिछरवार, वहेले दुख सजन दे मैं वल पेले।
- ढूंडां औझड़ जंगल बेले, ओहड़ा रैण कवल्लड़े वेले, बिरहों घेरीयां।
- खड़ी तांघ तुसाडियां तांघां, राती सुतड़े शेर उलांघां।
- ऊच्ची चढ़ के कूकां चांघां, सीने अंदर रड़कण सांगां, पियारे तेरीयां।
- एतवार सुनैत है जो जो कदम धरे।
- ओह वी आशिक ना करो सिर देंदा उज़र करे।
- एत एतवार भाइत, विच्चों जाइ हिजर दी साइत।
- मेरे दुख दी सुनो हिकायत, आ इनायत करे हिदायत, तां मैं तारियां।
- तेरी यारी जहि ना यारी, तेरे पकड़ विछोड़े मारी।
- इश्क तुसाडा क़यामत सारी, तां मैं होई आं वेदन भारी, कर कुछ कारियां।
136 अठवारा
- बुल्ला रोज़ सोमवार दे कया चल चल करे पुकार।
- अग्गे लाख करोड़ सहेलियां, मैं किस दी पानीहार।
- मैं दुखिआरी दुख सवार, रोणा अखियां दा रुज़गार।
- मेरी खबर ना लैंदा यार, हुण मैं जाता मुर्दे-मार, मोइयां नूं मारदा।
- मेरी ओसे नाल लड़ाई, जिस ने मैनूं बरछी लाई।
- सीने अंदर भाह भड़काई, कट कट खाई बिरहों कसाई, पछाइया यार दा।
137
- मंगल मैं गल पानी आ गया, लबां ते आवणहार।
- मैं घूमण घेऱां घेऱियां, ओह वेखे खला किनार।
- मंगल बंदीवान दिलां दे, छट्टे शहु दरियावां पांदे।
- कप्पर कड़क दुपहरी खांदे, वल वल गोतियां दे मुँह आन्दे, मेरे यार दे।
- कंडे वेखे खला तमाशा, साडी मरग ओहना दा हासा।
- दिल मेरे विच आया सूं आसां, वेखां देसी कदों दिलासा, नाल प्यार दे।
138
- बुध शुद्ध रही महबूब दी, शुद्ध अपनी रही ना होर।
- मैं बलिहारी ओस दे, जो खिच्चदा मेरी डोर।
- बुध शुद्ध आ गया बुधवार, मेरी खबर ना लए दिलदार।
- सुखा दुखां तों घटां वार, दुखां आन मिलाइया यार,
- पियारे तारियां।
- पियारे चलण न देसां चल्लिआ, लै के नाल ज़ुल्फ़ दे वल्लिआ
- जां ओह चल्लिआ तां मैं छल्लिआ, तां मैं रखसां दिल विच रल्लिआ,
- लैसां वारियां।
139
- जुमेरात सुहावणी दुख दर्द ना आहा पाप।
- ओह जामा साडा पहन के आया तमाशे आप।
- अग्गों आ गई जुमेरात, शराब गागर मिली बरात।
- लग गया मस्त प्याला हाथ, मैनूं भुल्ल गई जात-सफात,
- दीवानी हो रही।
- ऐसी ज़हमत लोक ना पावण, मुल्लां घोल तवीज़ पिलावण।
- पढ़ना अज़ीमत जिन बुलावण, सैयां शाह मदार खिलावण,
- मैं चुप हो रही।
140
- रोज़ जुमे दे बख्शियां मैं जेहियां औगुनुहार।
- फिर ओह क्यों बख्शसी, जिहड़ी पांच-मुकीम-गुज़ार।
- जुमे दी होर होर बहार, हुण मैं जाता सही सतार।
- बीबी बांदी बेड़ा पार, सिर ते कदम धरेँदा यार,
- सहागण हो रही।
- आशिक हो हो गल्लां दस्से, छोड़ मशूका कैं वल नस्से।
- बुल्ला शहु असाडे वस्से, नित्त उठ खेड़े नाले हस्से,
- गल लग सो रही।
141
- जुमे दी होरो होर बहार,
- पीर असानूं पीड़ा लाईंआं, मंगल मूल ना सुरतां आइयां।
- इश्क छनिछर घोल घुमाईंआं, बुध शुद्ध लैंदा नहिऊं यार,
- जुमे दी होरो होर बहार।
- पीर वार रोजे ते जावां, सब पैगंबर पीर मनावां।
- जद पिया दा दर्शन पावां, करदी हार शंगार।
- जुमे दी होरो होर बहार।
- मंतकमांहे पढ़ां न असलां, वाजिब फर्ज़ न सुन्नत नकलां।
- कम किस आइयां शरहां दीयां अकलां, कुछ नहीं बाजों दीदार।
- जुमे दी होरो होर बहार।
- बुल्ला भुल्ला नमाज़ दुगाना, जद दा सुनिया तान तराना।
- अकल कहे मैं ज़रा ना माना, इश्क कूकेंदा तारो तार।
- जुमे दी होरो होर बहार।
142 जुमा
- कहो सुरती गल्ल काज दी मैं गंढ़ां केतियां पाऊं?
- साहे ते जंज आवसी हुण चाहली घटाऊं।
- बाबल आखिया आण के, तैं साहवरियां घर जाना।
- रीत ओथों दी और है, मुड़ पैर ना एथे पाणा।
143 गंढ़ां
- गंढ़ पहली नूं खोल्ह के मैं बैठी बरलावां।
- ओड़क जावण जावणा, हुण मैं दाज रंगावां।
- देखूं तरफ बाज़ार दी, सब रस्ते लागे।
- पल्ले नाहीं रोकड़ी, सब मुझ से भागे।
144
- दूजी खोलूं किआ कहूं दिन थोड़े रहिंदे।
- सूल सब्बे रल आवंदे, सीने विच बहेन्दे।
- झल्ल वल्ली मैं होई, तुंब कत ना जाना।
- जंज ऐवें रल आवसी, जिउं चढ़दा ठाणा।
145
- तीजी खोल्हूं दुख से रोंदे नैन ना हट्दे।
- किस नूं पुछां जाइ के दिन जाण्दे घट्दे।
- गुण वालियां सब पिआरियां, मैं के गुण नाहीं।
- हथ मले मल सिर धरा, मैं रोवां ढाईं।
146
- पंजवीं खोल्हूं कुक के, कर सोज़ पुकारां।
- पहली रात डरावणी, किउं दिलों विसारां।
- मुद्दत थोहड़ी आ रही, किवें दाज बनावां?
- जा आखो घर साहवरे, गंढ़ लाग वधावां।
147
- याहरां गंढ़ां खोल्हलियां, मैं हिजरे मारी।
- गइयां सैयां साहवरे, हुण मेरी वारी।
- बांह सरहाणे दे, कदी असां मूल ना साऊंदे।
- फट्टां उत्ते लूण है, फट्ट सिमंदे लाऊंदे।
148
- सोल्हां गंढ़ी खोल्हलियां, मैं होई निमाणी।
- एथे पेश किसे ना जासी, ना अगले जाणी।
- एथे आवण केहा ए, होइआ जोगी दा फेरा।
- अग्गे जा के मारणा, विच कल्लर डेरा।
149
- बाई खोल्हूं पहुंच के, सब मीरा-मलकां।
- ओहना डेरा कूच है, मैं खोल्हलां पलकां।
- आपणा रहिणा की करां, किहड़े बाग दी मूली।
- खाली जग विच आइके, सुपने पर भूली।
150
- सताई खोल्ह सहेलीओ, सब जतन सिधाया।
- दो नैणां ने रोंदियां, मीन सावण लाया।
- इक इक साइत दुख दी, सौ जतन गुज़ारी।
- अग्गे जाणा दूर है, सिर गठड़ी भारी।
151
- बुल्हा पैंती खोल्हदी, शहु नेड़े आए।
- बदले इस अज़ाब दे, मत मुख दिखलाए।
- अग्गे थोड़ी पीड़ सी, नेहूं कीता दीवाणी।
- पी गली असाडी आ वड़े, तां होग आसानी।
152
- सैंती गंढ़ी खोल्हलियां, मैं महिंदी लाई।
- मलायम देही मैं करां, मत गले लगाई।
- ओहा घड़ी सुलखणी, जा मैं वल आवे।
- तां मैं गावां सोहिले, जे मैंनूं रावे।
153
- अठत्ती गंढ़ी खोल्हलियां, किह करने लेखे।
- ना होवे काज सुहावणा, बिन तेरे वेखे।
- तेरा भेत सुहाग है, मैं उस किह करसां।
- लैसां गले लगाइकें, पर मूल ना डरसां।
154
- उनताली गंढ़ी खोल्हलियां, सब सैयां रल के।
- इनायत सेज ते आवसी, हुण मैं वल फुल के।
- चूड़ा बाही सिर धड़ी, हथ सोहे कंगणा।
- रंगण चढ़ी शहु वसल दी, मैं तन मन रंगणा।
155
- कर बिस्मिल्लाह खोल्हलियां, मैं गंढ़ां चाली।
- जिस आपणा आप वंझाइआ, सो सुरजन वाली।
- जंज सोहणी मैं भाऊंदी, लटकेंदा आवे।
- जिस नूं इश्क है लाल दा, सो लाल हो जावे।
156
- अकल फिकर सब छोड़ के, शहु नाल सुधाए।
- बिन कहिणों गल गैर दी, असां याद ना काए।
- हुण इल-लिल्लाह आख के, तुम करो दुआईं।
- पिया ही सब हो गया, अब्दुल्ला नाहीं।
157
- आई रुत्त शगूफ़यां वाली, चिड़ियां चुगण आइयां।
- इकना नूं जुर्रयां फड़ खाधा, इकना फाहीआं लाइयां।
- इकना आस मुड़न दी आहे, इक सीख कबाब चढ़ाइयां।
- बुल्लेशाह की वस्स ओनां, जो मार तकदीर फसाइयां ।
- होर ने सभों गल्लड़ियां, अल्लाह अल्लाह दी गल्ल।
- कुझ रौला पाया आलमां, कुझ काग़ज़ां पाया झल्ल।
- बुल्लया मैं मिट्टी घुमयार दी, गल्ल आख न सकदी एक।
- ततड़ मेरा क्यों घड़या, मत जाए अलेक-सलेक।
- बुल्ला कसर नाम कसूर है, ओथे मूँहों ना सकण बोल।
- ओथे सच्चे गरदन-मारीए, ओथे झूठे करन कलोल ।
- बुल्लया कसूर बेदस्तूर, ओथे जाणा बणया जरूर।
- ना कोई पुंन दान है, ना कोई लाग दस्तूर।
- बुल्लया औंदा साजन वेख के, जांदा मूल ना वेख।
- मरी दरद फ़राक दे, बण बैठे बाहमण शेख ।
- बुल्लया अच्छे दिन तो पिच्छे गए, जब हर से किया न हेत।
- अब पछतावा क्या करे, जब चिड़ियां चुग गईं खेत ।
- बुल्लया कनक कौडी कामनी, तीनों की तलवार।
- आए थे नाम जपन को, और विच्चे लीते मार।
- कनक कौड़ी कामनी, तीनों की तलवार।
- आया सैं जिस बात को, भूल गई वोह बात।
- उस दा मुख इक जोत है, घुंघट है संसार।
- घुंघट में वह छिप गया, मुख पर आंचल डार।
- उन को मुख दिखलाए हैं, जिन से उस की प्रीत।
- उनको ही मिलता है वोह, जो उस के हैं मीत।
- मुँह दिखलावे और छपे, छल बल है जगदीस।
- पास रहे हर न मिले, इस को बिसवे बीस।
- ना खुदा मसीते लभदा, ना ख़ुदा विच काअबे ।
- ना खुदा कुरान किताबां, ना खुदा निमाज़े।
- ना खुदा मैं तीरथ डिट्ठा, ऐवें पैंडे झागे।
- बुल्ला शौह जद मुरशद मिल गया, छुट्टे सब तगादे।
- अरबा-अनासर महल बणायो, विच वड़ बैठा आपे।
- आपे कुड़ियां आपे नींगर, आपे बनना एं मापे।
- आपे मरें ते आपे जीवें, आपे करें सयापे। बुल्लया जो कुझ कुदरत रब्ब दी, आपे आप संञापे।
- बुल्लया धरमसाला धड़वाई रैहन्दे, ठाकर-द्वारे ठग।
- विच मसीतां कुसत्तीए रैहन्दे, आशिक़ रहण अलग।
- बुल्लया गैन ग़रूरत साड़ सुट, ते मान खूहे विच पा।
- तन मन दी सूरत गवा दे, घर आप मिलेगा आ।
- बुल्लया वारे जाइए ओन्हां तों, जेहड़े गल्लीं देण परचा।
- सूई सलाई दान करन, ते अहरण लैण छुपा।
- बुल्लया वारे जाइए ओहनां तों, जेहड़े मारन गप-शड़प्प।
- कौडी लब्धी देन चा, ते बुगचा घाऊं-घप्प।
- बुल्लया परसों काफ़र थी गयों, बुत्त पूजा कीती कल।
- असीं जा बैठे घर आपणे, ओथे करन न मिलिया गल।
- भट्ट नमाजां ते चिक्कड़ रोज़े, कलमे ते फिर गई सयाही।
- बुल्ले शाह शौह अंदरों मिलया, भुल्ली फिरे लोकाई।
- बुल्ले नूँ लोकीं मत्तीं देंदे, बुल्लया तू जा बहो विच मसीती।
- विच मसीतां की कुझ हुंदा, जे दिलों नमाज़ ना कीती। बाहरों पाक कीते की हुंदा, जे अंदरों ना गई पलीती। बिन मुर्शिद कामल बुल्लया, तेरी ऐवें गई इबादत कीती।
- बुल्लया हरिमंदर में आए के, कहो लेखा दियो बता।
- पढ़े पंडित पांधे दूर कीए, अहमक लिए बुला ।
- वहदत दे दरिया दसेंदे, मेरी वहदत कित वल्ल धाई।
- मुर्शिद कामिल पार लंघाया, बाझ तुल्हे सरनाही।
- बुल्ले जाह चल ओत्थे चल्लिए, जित्थे सारे होवण अन्हें।
- ना कोई साडी कदर पहचाने, ना कोई सानूं मंने।
- बुल्लया धरमसाला विच ना रहीं, जित्थे मोमन भोग पवाए।
- विच मसीतां धक्के मिलदे, मुल्लां तिओड़ी पाए।
- दौलतमंदा ने बूहयां उत्ते, चोबदार बहाए।
- पकड़ दरवाज़ा हरि सच्चे दा, जित्थों दुःख दिल दा मिट जाए।
- आपणे तन दी ख़बर न काई, साजन दी ख़बर लयावे कौण।
- न हूं ख़ाकी न हूं आतिश, न हूं पाणी पौण।
- कुप्पे दे विच रोड़ खड़कदा, मूरख आखण बोले कौण।
- बुल्ला साई घट घट रवया, ज्यों आटे विच लौण।
- बुल्ले शाह ओह कौण है, उत्तम तेरा यार।
- ओसे दे हत्थ कुरान है, ओसे गल जुनार।
- बुल्लया जैसी सूरत ऐन दी, तैसी गैन पछान।
- इक नुक़ते दा फेर है, भुल्ला फिरे जहान।
- बुल्लया खा हराम ते पढ़ शुकराना, कर तौबा तरक सवाबों।
- छोड़ मसीत ते पकड़ किनारा, तेरी छुटसी जान अज़ाबों।
- बुल्लया जे तूं ग़ाज़ी बनना ए, लक्क बन्ह तलवार।
- पहलों रंघड़ मार के, पिच्छों काफ़र मार।
- बुल्लया सभ मजाज़ी पौड़िआं, तूं हाल हक़ीक़त वेख ।
- जो कोई ओत्थे पहुंचया, चाहे भुल्ल जाए सलाम अलेक।
- बुल्लया काज़ी राज़ी रिश्वते, मुल्लां राज़ी मौत।
- आशिक़ राज़ी राम ते, न परतीत घट होत ।
- ठाकुर-द्वारे ठग्ग बसें, भाईद्वार मसीत।
- हरि के द्वारे भिक्ख बसें, हमरी एह परतीत।
158 दोहे
- लागी रे लागी बल बल जावे।
- इस लागी को कौन बुझावे।
- अलफ़ – अल्ला जिस दिल पर होवे, मुँह ज़र्दी आँखें लहू भर रोवे।
- जीवन अपने से हाथ धोवे, जिस को बिरहों आग लगावे।
- लागी रे लागी बल बल जावे।
- बे – बालण मैं तेरा होई इश्क़ नज़ारे आन वगोई।
- रोंदे नैन ना लेंदे ढोई, लूण फट्टां ते कीकर लावे।
- लागी रे लागी बल बल जावे।
- ते – तेरे संग प्रीत लगाई, जिउँ जामे दी कीती साई।
- मैं बकरी तुध कोल कसाई, कट कट मास हड्डां नूं खावे।
- लागी रे लागी बल बल जावे।
- मे – साबत नेहूं लाया मैनूं, दूजा कूक सुनावां कीहनूं।
- रात अद्धी उठ ठिलदी नैन नूं, कूंजां वांग पई कुरलावे।
- इस लागी को कौन बुझावे।
- जीम – जहानों होई सां न्यारी, लगा नेहूं तां होए भिखारी।
- नाल सरों दे बने पसारी, दूजा दे मिहणे जग तावे।
- इस लागी को कौन बुझावे।
- हे – हैरत विच शांत नाहीं, ज़ाहिर बातन मारन ढाही।
- झात घत्तन नूं लावण वाही, सीने सूल प्रेम की धावे।
- इस लागी को कौन बुझावे।
- खे – खूबी हुन ओह ना रहिआ! जब की सांग कलेजे सहिआ!
- आहीं नाल पुकारां कहिआ! तुध बिन कौन जो आन बुझावे।
- इस लागी को कौन बुझावे।
- दाल – दूरों दुख दूर ना होवे, फक्क़र फर्राको बहुता रोवे।
- तन भट्ठी दिल खिल्लां धनोवे, इश्क़ अख़ां विच मिर्चां लावे।
- इस लागी को कौन बुझावे।
- ज़ाल – ज़ोको दुनिया ते इत ना करना, ख़ौफ हशर दे थीन डरना।
- चलना नबी साहिब दे सरना, ओरक जा हिसाब करावे।
- इस लागी को कौन बुझावे।
- रे – रोज़ हशर कोई कहे न ख़ाली, लए हिसाब दो जग्ग दा वाली।
- ज़ेर ज़बर सब भुलण वाली, तिस दिन हज़रत आप छुटावें।
- इस लागी को कौन बुझावे।
- ज़े – ज़ुहद कमाई चंगी करिए, जेकर मरन तो अगे मरिए।
- फिर मोए भी उस तो डरिए, मत मोइयां नूं पकड़ मंगावें।
- इस लागी को कौन बुझावे।
- सीन – साईं बिन जा ना कोई, जित वल वेखां ओही ओही।
- होर किते वल मिले ना ढोई, मुरशद मेरा पार लंघावे।
- इस लागी को कौन बुझावे।
159 सीहर्फ़ी