-
Bhinay Malika
- Kis Biddhi Reejhat Hau Prabhu, Ka Kahi Teru Nath.
- Lahar Mehr Jab Hiin Karo, Tab Hiin Hou Sanath.
- Pairat Thaako He Prabhu, Soojhat Vaar Na Paar.
- Mehr Mauj Jab Hiin Karo, Tab Paaoon Darbaar.
- Karam Roop Dariyaav Se, Leejai Mohin Bachai.
- Charan Kamal Tar Rakhiye, Mehr Jahaj Chadhai.
- Jaise Sooraj Ke Udai, Sakal Timir Nas Jaai.
- Mehr Tumhaari He Prabhu, Kyun Agyaan Rahai.
- Ber Ber Chookat Gaiun, Dijai Gussa Bisaar.
- Miharbaan Hoi Raavre, Meri Or Nihaar.
- Chaurasi Charkhaan Ko, Dukh Saho Nahin Jaai.
- Dayadas Taatein Lai, Saran Tihari Aai.
- Karam Faans Chhootai Nahin, Thakit Bhaiyo Bal Mor.
- Ab Ki Ber Ubari Lo, Thakur Bandichhor.
- Jo Mere Karam Laakho, Tau Nahin Hot Ubaar.
- Dayadas Par Daya Kari, Dijai Chook Bisaar.
- Nahi Sanjam Nahin Sadhana, Nahi Teerth Vrat Daan.
- Maat Bharose Rahan Hai, Jiyon Baalak Nadaan.
- Teri Dis Aasha Lagi, Bhramat Firon Sab Deep.
- Shanti Mile Sanath Ho, Jaise Chaatrik Seep.
- Loha Paaras Ke Nikat, Kanchan Hi So Hoi.
- Jitna Chaahai Lai Karai, Loha Kahai Na Koi.
- Bhavjal Nadi Bhayaavani, Kis Biddhi Utroon Paar.
- Sahib Meri Arj Hai, Suniyai Baarambar.
- Thag Paapi Kapti Kutil, Ye Lachhan Mohin Maahin.
- Jaiso Taiso Ter Hi, Aru Kaahu Ko Nahin.
- Pooja Archana Bandagi, Nahin Sumiran Nahin Dhyaan.
- Prabhuji Ab Rakhe Bane, Birad Bane Ki Kaan.
- Houn Anath Tohih Binay Kari, Bhai Son Karoon Pukar.
- Dayadas Tan Her Prabhu, Ab Ke Paar Utar.
- Teen Lok Mein He Prabhu, Tum Hi Karo So Hoi.
- Sur Nar Muni Gandharv Je, Meti Sakai Nahin Koi.
-
बिनय मालिका
- किस बिधि रीझत हौ प्रभु, का कहि टेरूं नाथ।
- लहर मेहर जब हीं करो, तब हीं होऊं सनाथ॥
- पैरत थाको हे प्रभु, सूझत वार न पार।
- मेहर मौज जब हीं करो, तब पाऊं दरबार॥
- करम रूप दरियाव से, लीजै मोहिं बचाइ।
- चरण कमल तर राखिए, मेहर जहाज चढ़ाइ॥
- जैसे सूरज के उदया , सकल तिमिर नस जाइ।
- मेहर तुम्हारी हे प्रभु, क्यूं अज्ञान रहाइ॥
- बेर बेर चूकत गइउं, दीजै गुसा बिसार।
- मिहरबान होइ रावरे, मेरी ओर निहार॥
- चौरासी चर्खान को, दुख सहो नहिं जाइ।
- दयादास तातें लई, सरन तिहारी आइ॥
- करम फांस छूटै नहीं, थकित भयिओ बल मोर।
- अब की बेर उबारि लो, ठाकुर बंदीछोर॥
- जो मेरे करमन लखो, तौ नहिं होत उबार।
- दयादास पर दया करि, दीजै चूक बिसार॥
- नहि संजम नहिं साधना, नहिं तीर्थ ब्रत दान।
- मात भरोसे रहत है, जिउं बालक नादान॥
- तेरी दिस आशा लगी, भ्रमत फिरों सब दीप।
- शांति मिले सनाथ हो, जैसे चात्रिक सीप॥
- लोहा पारस के निकट, कंचन ही सो होइ।
- जितना चाहै लै करै, लोहा कहै न कोइ॥
- भवजल नदी भयावनी, किस बिधि उतरों पार।
- साहिब मेरी अरज है, सुनिए बारंबार॥
- ठग पापी कपटी कुटिल, ये लच्छन मोहिं माहिं।
- जैसो तैसो तेर ही, अरु काहू को नाहिं॥
- पूजा अर्चन बंदगी, नहिं सुमिरन नहिं ध्यान।
- प्रभूजी अब राखे बने, बिरद बाने की कान॥
- हौं अनाथ तोहिं बिनय करि, भय सों करूं पुकार।
- दयादास तन हेर प्रभु, अब के पार उतार॥
- तीन लोक में हे प्रभु, तुम हीं करो सो होइ।
- सुर नर मुनि गंधर्भ जे, मेटि सकै नहिं कोइ॥
-
ਬਿਨਯ ਮਾਲਿਕਾ
- ਸਾਧ ਸੰਗ ਸੰਸਾਰ ਮੇਂ ਦੁਰਲਭ ਮਨੁਸ਼ ਸਰੀਰ।
- ਸਤਸੰਗਤਿ ਸੂੰ ਮਿਟਤ ਹੈ ਤ੍ਰਿਬਿਧ ਤਾਪ ਕੀ ਪੀਰ॥
- ਸਾਧੂ ਸਿੰਹ ਸਮਾਨ ਹੈ ਗਰਜਤ ਅਨੁਭਵ ਗਿਆਨ।
- ਕਰਮ ਭਰਮ ਸਬ ਭਜਿ ਗਏ, ‘ਦਯਾ’ ਦਰਿਆ ਅਗਿਆਨ॥
- ਸਾਧ ਰੂਪ ਹਰੀ ਆਪ ਹੈਂ ਪਾਵਨ ਪਰਮ ਪੁਰਾਨ।
- ਮੇਟੈਂ ਦੁਬਿਧਾ ਜੀਵ ਕੀ ਸਬ ਕਾ ਕਰੈਂ ਕਲਿਆਨ॥
- ਸਾਧ ਸੰਗ ਛਿਨ ਏਕ ਕੋ ਪੁੰਨ ਨ ਬਰਨਿਓ ਜਾਇ।
- ਰਤਿ ਉਪਜੈ ਹਰੀ ਨਾਮ ਸੂ ਸਬਹੀ ਪਾਪ ਬਿਲਾਇ॥
- ਕੋਟਿ ਜਗ ਬ੍ਰਤ ਨੇਮ ਤਿਥਿ ਸਾਧ ਸੰਗ ਮੇਂ ਹੋਇ।
- ਬਿਸ਼ਯ ਬਿਆਧਿ ਸਬ ਮਿਟਤ ਹੈਂ ਸਾਂਤਿ ਰੂਪ ਸੁਖ ਜੋਇ॥
- ਸਾਧਨ ਕੇ ਸੰਸਾ ਨਹੀਂ ‘ਦਯਾ’ ਸਰਬ ਸੁਖ ਜਾਨ।
- ਮਨ ਕੀ ਦੁਬਿਧਾ ਮੇਟ ਕਰਿ ਕੀਓ ਰਾਮ-ਰਸ ਪਾਨ॥
- ਸੋਈ ਜਾਨੀਏ ਜਾਕੇ ਹਿਰਦੇ ਰਾਮ।
- ਸਾਧੂ ਮਾਨ ਬੜਾਈ ਛੋੜ ਕਰ ਸੁਮਿਰੈ ਆਠੌ ਜਾਮ ॥