ब्रह्म राम ते नामु बड़
- समुझत सरिस नाम अरु नामी।
- प्रीति परस्पर प्रभु अनुगामी॥
- नाम रूप दुई ईस उपाधी।
- अकथ अनादि सुसामुति साधी॥
- को बड़ छोट कहत अपराधू।
- सुनि गुण भेदु समुझिहहिं साधू॥
- देखिअहिं रूप नाम आधीना।
- रूप ग्यान नहिं नाम बिहीना॥
- रूप बिसेष नामु बिनु जाने।
- करतल गत न परहिं पहचानें॥
- सुमिरिअ नाम रूप बिनु देखें।
- आवत ह्रदयं सनेह बिसेषें॥
- नाम रूप गति अकथ कहानी।
- समूझत सुखद न परति बखानी॥
- अगुन सगुन बिच नाम सुसाखी।
- उभै प्रबोधक चतुर दु भाषी॥
- राम नाम मनिदीप धरु जीह देहरीं द्वार।
- तुलसी भीतर बाहेरहुं जौं चाहसि उजियार॥
- नाम जीहं जपि जागहिं जोगी।
- विरति बिरंचि प्रपंच बियोगी॥
- ब्रह्मसुखहि अनुभवहिं अनुपा।
- अकथ अनामय नाम न रूपा॥
- जाना चाहहिं गूड़ गति जेऊ।
- नाम जीहं जपि जानहिं तेऊ॥
- साधक नाम जपहिं लय लाएँ।
- होहिं सिद्ध अनिमादिक पाएँ॥
- जपहिं नामु जन आरत भारी मितहिं कुसंक्त होहिं सुखारी॥
- राम भगत जग चारि प्रकारा।
- सुकृती चारिओ अनघ उदारा॥
- चहू चतुर कहुं नाम अधारा।
- ज्ञानी प्रभुहि बिसेषि प्यारा॥
- चहुं युग चहुं षति नाम प्रभाऊ।
- कलि बिसेषि नहिं आन उपायू॥
- सकल कामना हीन जे राम भगती रस लीन।
- नाम सुप्रेम पियूष हिद तिन्हहुं किए मन मीन॥
- अगुन सगुन दुई ब्रह्म सरूपा।
- अकथ अगाध अनादि अनुपा॥
- मोरे मत बड़ नामु दुहू तों।
- कीए जेहिं युग निज बस निज बूतों॥
- प्रौढ़ि सुजन जनि जानहिं जन की।
- कहउं प्रतीति प्रीति रुचि मन की॥
- एकु दारूगत देखिअ एकु पावक सम युग ब्रह्म बिबेकू॥
- उभै अगम युग सुगम नाम तों।
- कहेउं नामु बड़ ब्रह्म राम तें॥
- ब्यापकु एकु ब्रह्म अबिनासी।
- सत चेतन घन आनंद रासी॥
- अस प्रभु ह्रदयं अछत अबिकारी।
- सकल जीव जग दीन दुखारी॥
- नाम निरूपन नाम जतन तें।
- सोउ प्रगटत जिमि मोल रतन तों॥
- निर्गुन तें एहि भांति बड़ नाम प्रभाउ अपार।
- कहेउं नामु बड़ राम तों निज बिचार अनुसार॥
- राम भगत हित नर तनु धारी।
- सहि संकत किए साधू सुखारी॥
- नामु सप्रेम जपत अन्यासा।
- भगत होहिं मुद मंगल बासा॥
- राम एक तापस तिय तारी।
- नाम कोटि खल कुमति सुधारी॥
- रिषी हित राम सुकेतुसुता की सहित सेन सुत कीन्हि बिबाकी॥
- सहित दोष दुख दास दुरासा।
- दलेइ नामु जिमि रबि निशि नासा॥
- भंजेओ राम आपु भव चापू।
- भव भय भंजन नाम प्रतापू॥
- दंडक बनु प्रभु कीन्हि सुहावन।
- जन मन अमित नाम किए पावन॥
- निशिचर निकर दले रघुनंदन।
- नामु सकल कलि कलष निकंदन॥
- सबरी गीध सुसेवकनि सुगति दीन्हि रघुनाथ।
- नाम उधारे अमित खल वेद बिदित गुण गाथ॥
- राम सुकंठ विभीषण दोऊ।
- राखे सरन जान सबु कोऊ॥
- नाम गरीब अनेक नेवाजे।
- लोक वेद बर बिरिद बिराजे॥
- राम भालु कपि कटकु बटोरा।
- सेतु हेतु श्रमु कीन्हि न थोड़ा॥
- नामु लेत भवसिंधू सुखाहीं।
- करहु बिचारु सुजन मन माहीं॥
- राम सकूल रन रावनु मारा।
- सीआ सहित निज पुर पगु धारा॥
- राजा रामु अवध रजधानी।
- गावत गुण सुर मुनी बर बानी॥
- सेवक सुमिरत नामु सप्रीती।
- बिनु श्रम प्रबल मोह दलु जीती॥
- फिरत सनेहं मगन सुख अपने।
- नाम प्रसाद सोच नहिं सपने॥
- ब्रह्म राम तों नामु बड़ बर दाइक बर दानि।
- रामचरित सत कोटि महं लीअ महेस जियं जानि॥
- ਸਮੁਝਤ ਸਰਿਸ ਨਾਮ ਅਰੁ ਨਾਮੀ। ਪ੍ਰੀਤਿ ਪਰਸਪਰ ਪ੍ਰਭੂ ਅਨੁਗਾਮੀ॥
- ਨਾਮ ਰੂਪ ਦੁਇ ਈਸ ਉਪਾਧੀ। ਅਕਥ ਅਨਾਦਿ ਸੁਸਾਮੁਤਿ ਸਾਧੀ ॥
- ਕੋ ਬੜ ਛੋਟ ਕਹਤ ਅਪਰਾਧੂ। ਸੁਨਿ ਗੁਨ ਭੇਦੁ ਸਮੁਝਿਹਹਿੰ ਸਾਧੂ॥
- ਦੇਖਿਅਹਿੰ ਰੂਪ ਨਾਮ ਆਧੀਨਾ। ਰੂਪ ਗਿਆਨ ਨਹਿੰ ਨਾਮ ਬਿਹੀਨਾ॥
- ਰੂਪ ਬਿਸੇਸ਼ ਨਾਮੁ ਬਿਨੁ ਜਾਨੇਂ। ਕਰਤਲ ਗਤ ਨ ਪਰਹਿੰ ਪਹਿਚਾਨੇਂ॥
- ਸੁਮਿਰਿਅ ਨਾਮ ਰੂਪ ਬਿਨੁ ਦੇਖੇਂ। ਆਵਤ ਹ੍ਰਦਯੰ ਸਨੇਹ ਬਿਸੇਸ਼ੇਂ॥
- ਨਾਮ ਰੂਪ ਗਤਿ ਅਕਥ ਕਹਾਨੀ। ਸਮੂਝਤ ਸੁਖਦ ਨ ਪਰਤਿ ਬਖਾਨੀ॥
- ਅਗੁਨ ਸਗੁਨ ਬਿਚ ਨਾਮ ਸੁਸਾਖੀ। ਉਭੈ ਪ੍ਰਬੋਧਕ ਚਤੁਰ ਦੁਭਾਸ਼ੀ ॥
- ਰਾਮ ਨਾਮ ਮਨਿਦੀਪ ਧਰੁ ਜੀਹ ਦੇਹਰੀਂ ਦ੍ਵਾਰ। ਤੁਲਸੀ ਭੀਤਰ ਬਾਹੇਰਹੂੰ ਜੌਂ ਚਾਹਸਿ ਉਜਿਆਰ॥
- ਨਾਮ ਜੀਹੰ ਜਪਿ ਜਾਗਹਿ ਜੋਗੀ। ਬਿਰਤਿ ਬਿਰੰਚਿ ਪ੍ਰਪੰਚ ਬਿਯੋਗੀ॥
- ਬ੍ਰਹਮਸੁਖਹਿ ਅਨੁਭਵਹਿੰ ਅਨੂਪਾ। ਅਕਥ ਅਨਾਮਯ ਨਾਮ ਨ ਰੂਪਾ॥
- ਜਾਨਾ ਚਹਹਿੰ ਗੂੜ ਗਤਿ ਜੇਊ। ਨਾਮ ਜੀਹੰ ਜਪਿ ਜਾਨਹਿੰ ਤੇਊ॥
- ਸਾਧਕ ਨਾਮ ਜਪਹਿੰ ਲਯ ਲਾਏਂ। ਹੋਹਿੰ ਸਿੱਧ ਅਨਿਮਾਦਿਕ ਪਾਏਂ॥
- ਜਪਹਿੰ ਨਾਮੁ ਜਨ ਆਰਤ ਭਾਰੀ ਮਿਟਹਿੰ ਕੁਸੰਕਟ ਹੋਹਿੰ ਸੁਖਾਰੀ॥
- ਰਾਮ ਭਗਤ ਜਗ ਚਾਰਿ ਪ੍ਰਕਾਰਾ। ਸੁਕ੍ਰਿਤੀ ਚਾਰਿਓ ਅਨਘ ਉਦਾਰਾ॥
- ਚਹੂ ਚਤੁਰ ਕਹੁੰ ਨਾਮ ਅਧਾਰਾ। ਗਿਆਨੀ ਪ੍ਰਭੁਹਿ ਬਿਸੇਸ਼ਿ ਪਿਆਰਾ॥
- ਚਹੁੰ ਜੁਗ ਚਹੁੰ ਸ਼ਤੀ ਨਾਮ ਪ੍ਰਭਾਊ। ਕਲਿ ਬਿਸੇਸ਼ਿ ਨਹਿੰ ਆਨ ਉਪਾਊ॥
- ਸਕਲ ਕਾਮਨਾ ਹੀਨ ਜੇ ਰਾਮ ਭਗਤੀ ਰਸ ਲੀਨ। ਨਾਮ ਸੁਪ੍ਰੇਮ ਪਿਯੂਸ਼ ਹਿਦ ਤਿਨ੍ਹਹੁੰ ਕੀਏ ਮਨ ਮੀਨ॥
- ਅਗੁਨ ਸਗੁਨ ਦੁਇ ਬ੍ਰਹਮ ਸਰੂਪਾ। ਅਕਥ ਅਗਾਧ ਅਨਾਦਿ ਅਨੂਪਾ॥
- ਮੋਰੇਂ ਮਤ ਬੜ ਨਾਮੁ ਦੁਹੂ ਤੋਂ। ਕੀਏ ਜੇਹਿੰ ਜੁਗ ਨਿਜ ਬਸ ਨਿਜ ਬੂਤੋਂ॥
- ਪ੍ਰੌੜ੍ਹਿ ਸੁਜਨ ਜਨਿ ਜਾਨਹਿੰ ਜਨ ਕੀ। ਕਹਉਂ ਪ੍ਰਤੀਤਿ ਪ੍ਰੀਤਿ ਰੁਚਿ ਮਨ ਕੀ॥
- ਏਕੁ ਦਾਰੂਗਤ ਦੇਖਿਅ ਏਕੁ ਪਾਵਕ ਸਮ ਜੁਗ ਬ੍ਰਹਮ ਬਿਬੇਕੂ।
- ਉਭੈ ਅਗਮ ਜੁਗ ਸੁਗਮ ਨਾਮ ਤੋਂ। ਕਹੇਉਂ ਨਾਮੁ ਬੜ ਬ੍ਰਹਮ ਰਾਮ ਤੇਂ॥
- ਬਿਆਪਕੁ ਏਕੁ ਬ੍ਰਹਮ ਅਬਿਨਾਸੀ। ਸਤ ਚੇਤਨ ਘਨ ਆਨੰਦ ਰਾਸੀ॥
- ਅਸ ਪ੍ਰਭੂ ਹ੍ਰਦਯੰ ਅਛਤ ਅਬਿਕਾਰੀ। ਸਕਲ ਜੀਵ ਜਗ ਦੀਨ ਦੁਖਾਰੀ॥
- ਨਾਮ ਨਿਰੂਪਨ ਨਾਮ ਜਤਨ ਤੇਂ। ਸੋਉ ਪ੍ਰਗਟਤ ਜਿਮਿ ਮੋਲ ਰਤਨ ਤੋਂ॥
- ਨਿਰਗੁਨ ਤੇਂ ਏਹਿ ਭਾਂਤਿ ਬੜ ਨਾਮ ਪ੍ਰਭਾਉ ਅਪਾਰ।
- ਕਹਉਂ ਨਾਮੁ ਬੜ ਰਾਮ ਤੋਂ ਨਿਜ ਬਿਚਾਰ ਅਨੁਸਾਰ॥
- ਰਾਮ ਭਗਤ ਹਿਤ ਨਰ ਤਨੁ ਧਾਰੀ। ਸਹਿ ਸੰਕਟ ਕੀਏ ਸਾਧੂ ਸੁਖਾਰੀ॥
- ਨਾਮੁ ਸਪ੍ਰੇਮ ਜਪਤ ਅਨਯਾਸਾ। ਭਗਤ ਹੋਹਿੰ ਮੁਦ ਮੰਗਲ ਬਾਸਾ॥
- ਰਾਮ ਏਕ ਤਾਪਸ ਤਿਯ ਤਾਰੀ। ਨਾਮ ਕੋਟਿ ਖਲ ਕੁਮਤਿ ਸੁਧਾਰੀ॥
- ਰਿਸ਼ੀ ਹਿਤ ਰਾਮ ਸੁਕੇਤੁਸੁਤਾ ਕੀ ਸਹਿਤ ਸੇਨ ਸੁਤ ਕੀਨ੍ਹਿ ਬਿਬਾਕੀ ॥
- ਸਹਿਤ ਦੋਸ਼ ਦੁਖ ਦਾਸ ਦੁਰਾਸਾ। ਦਲਇ ਨਾਮੁ ਜਿਮਿ ਰਬਿ ਨਿਸਿ ਨਾਸਾ॥
- ਭੰਜੇਓ ਰਾਮ ਆਪੁ ਭਵ ਚਾਪੂ। ਭਵ ਭੈ ਭੰਜਨ ਨਾਮ ਪ੍ਰਤਾਪੂ॥
- ਦੰਡਕ ਬਨੁ ਪ੍ਰਭੂ ਕੀਨ੍ਹ ਸੁਹਾਵਨ। ਜਨ ਮਨ ਅਮਿਤ ਨਾਮ ਕੀਏ ਪਾਵਨ॥
- ਨਿਸਿਚਰ ਨਿਕਰ ਦਲੇ ਰਘੁਨੰਦਨ। ਨਾਮੁ ਸਕਲ ਕਲਿ ਕਲਸ਼ ਨਿਕੰਦਨ
- ਸਬਰੀ ਗੀਧ ਸੁਸੇਵਕਨਿ ਸੁਗਤਿ ਦੀਨ੍ਹਿ ਰਘੁਨਾਥ।
- ਨਾਮ ਉਧਾਰੇ ਅਮਿਤ ਖਲ ਬੇਦ ਬਿਦਿਤ ਗੁਨ ਗਾਥ॥
- ਰਾਮ ਸੁਕੰਠ ਬਿਭੀਸ਼ਨ ਦੋਊ। ਰਾਖੇ ਸਰਨ ਜਾਨ ਸਬੁ ਕੋਊ॥
- ਨਾਮ ਗਰੀਬ ਅਨੇਕ ਨੇਵਾਜੇ। ਲੋਕ ਬੇਦ ਬਰ ਬਿਰਿਦ ਬਿਰਾਜੇ॥
- ਰਾਮ ਭਾਲੁ ਕਪਿ ਕਟਕੁ ਬਟੋਰਾ। ਸੇਤੁ ਹੇਤੁ ਸ੍ਰਮੁ ਕੀਨ੍ਹ ਨ ਥੋਰਾ॥
- ਨਾਮੁ ਲੇਤ ਭਵਸਿੰਧੂ ਸੁਖਾਹੀਂ। ਕਰਹੁ ਬਿਚਾਰੁ ਸੁਜਨ ਮਨ ਮਾਹੀਂ॥
- ਰਾਮ ਸਕੂਲ ਰਨ ਰਾਵਨੁ ਮਾਰਾ। ਸੀਆ ਸਹਿਤ ਨਿਜ ਪੁਰ ਪਗੁ ਧਾਰਾ॥
- ਰਾਜਾ ਰਾਮੁ ਅਵਧ ਰਜਧਾਨੀ। ਗਾਵਤ ਗੁਨ ਸੁਰ ਮੁਨੀ ਬਰ ਬਾਨੀ॥
- ਸੇਵਕ ਸੁਮਿਰਤ ਨਾਮੁ ਸਪ੍ਰੀਤੀ। ਬਿਨੁ ਸ਼੍ਰਮ ਪ੍ਰਬਲ ਮੋਹ ਦਲੁ ਜੀਤੀ॥
- ਫਿਰਤ ਸਨੇਹੰ ਮਗਨ ਸੁਖ ਅਪਨੇਂ। ਨਾਮ ਪ੍ਰਸਾਦ ਸੋਚ ਨਹਿੰ ਸਪਨੇਂ॥
- ਬ੍ਰਹਮ ਰਾਮ ਤੋਂ ਨਾਮੁ ਬੜ ਬਰ ਦਾਇਕ ਬਰ ਦਾਨਿ।
- ਰਾਮਚਰਿਤ ਸਤ ਕੋਟਿ ਮਹੰ ਲੀਅ ਮਹੇਸ ਜਿਯੰ ਜਾਨਿ॥