- माधव! मोह-फांस क्यूं टूटै।
- बाहर कोटि उपाइ करिय, अभियंतर ग्रंथ न छूटै॥
- घृतपूर्ण कराह अंतरगत ससि-प्रतिबिंब दिखावै।
- ईंधन अनल लगाइ कल्पस्त औटत नास न पावै॥
- तरु-कोटर महं बस बिहंग तरु काटे मरै न जैसे।
- साधन करिय विचार-हीन मन सुध होइ नहीं तैसे॥
- अंतर मलिन, बिषय मन अति, तन पावन करिय पखारे।
- मरइ न उरग अनेक जतन बल्मीकि बिभिध विधि मारे॥
- तुलसीदास हरि-गुरु-कर्णा बिनु बिमल बिवेक न होई।
- बिनु बिवेक संसार-घोर-निधि पार न पावै कोई॥
- ਮਾਧਵ! ਮੋਹ-ਫਾਂਸ ਕਿਉਂ ਟੂਟੈ।
- ਬਾਹਿਰ ਕੋਟਿ ਉਪਾਇ ਕਰਿਯ, ਅਭਿਅੰਤਰ ਗ੍ਰੰਥਿ ਨ ਛੂਟੈ॥
- ਘ੍ਰਿਤਪੂਰਨ ਕਰਾਹ ਅੰਤਰਗਤ ਸਸਿ-ਪ੍ਰਤਿਬਿੰਬ ਦਿਖਾਵੈ।
- ਈਂਧਨ ਅਨਲ ਲਗਾਇ ਕਲਪਸਤ ਔਟਤ ਨਾਸ ਨ ਪਾਵੈ॥
- ਤਰੁ-ਕੋਟਰ ਮਹੰ ਬਸ ਬਿਹੰਗ ਤਰੁ ਕਾਟੇ ਮਰੈ ਨ ਜੈਸੇ।
- ਸਾਧਨ ਕਰਿਯ ਬਿਚਾਰ-ਹੀਨ ਮਨ ਸੁੱਧ ਹੋਇ ਨਹਿੰ ਤੈਸੇ॥
- ਅੰਤਰ ਮਲਿਨ, ਬਿਸ਼ਯ ਮਨ ਅਤਿ, ਤਨ ਪਾਵਨ ਕਰਿਯ ਪਖਾਰੇ।
- ਮਰਇ ਨ ਉਰਗ ਅਨੇਕ ਜਤਨ ਬਲਮੀਕਿ ਬਿਬਿਧ ਬਿਧਿ ਮਾਰੇ॥
- ਤੁਲਸੀਦਾਸ ਹਰੀ-ਗੁਰੂ-ਕਰਨਾ ਬਿਨੁ ਬਿਮਲ ਬਿਬੇਕ ਨ ਹੋਈ।
- ਬਿਨੁ ਬਿਬੇਕ ਸੰਸਾਰ-ਘੋਰ-ਨਿਧਿ ਪਾਰ ਨ ਪਾਵੈ ਕੋਈ॥