- Ab ki rakhi lehu Bhagwaan.
- Hum anath baithi dram dariyaan, paaradhi saadhiyo baan.
- Taa ke dar nikasan chahat haun, upar rahiyo sachaan.
- Dou bhanti dukh bhiyo kripanidhi, kaun ubaarai praan.
- Sumirat hi ahi dasiyo paaradhi, laagiya tir sachaan.
- Soordas gun kahun lag barno, jai jai kripanidhaan.
- Deenanaath ab baar tumhaari.
- Patit-udhaar birad jaan ke, bigri lehu sawaari.
- Baalapan khelat hi khoiyo, juba vishay ras maate.
- Brih bhayo sudhi pragati mo ko, dukhit pukarat taa ten.
- Sutan tajiyo triya bhraat tajiyo sab, tan ten tucha bhayi niyaari.
- Shravan na sunat charan gati thaaki, nain bahe jal dhaari.
- Palit kes kaf kanth ab rundhiyo, kal na pare din raat.
- Maya moh na chhade trishna, yah dou dukhdaati.
- Ab yah biatha door karibe ko, aur na samarth kou.
- Soordas Prabhu karuna-sagar, tum te hoi so hoi.
- Prabhu, main peeche liyo tumhaarau.
- Tum tau deenadayal kahavat, sakal aapda taarau.
- Mahakubudhi kutil, aparadhi, augun bhar liyo bhaarau.
- Soor koor ki yah binati, lai charanni main daarau.
- अबकी राखि लेहु भगवान।
- हम अनाथ बैठी द्रम डरियाँ, पारधी साधियो बान॥
- ता के डर निकसन चाहत हौं, ऊपर रहिओ सचान।
- दोऊ भांति दुख भइओ कृपानिधी, कौन उबारै प्रान॥
- सुमिरत ही अहि डसियो पारधी, लागियो तीर सचान।
- सूरदास गुण कहं लग बरनौं, जै जै कृपानिधान॥
- दीनानाथ अब बार तुम्हारी।
- पतित-उधारण बिरद जानि के, बिगरी लेहु सवारी॥
- बालापन खेलत ही खोइओ, जुबा बिषै रस माते।
- बृध भए सुधि प्रगटी मो को, दुखित पुकारत ता तें॥
- सुतन तजियो त्रिय भ्रात तजियो सब, तन तें तुचा भई निआरी।
- श्रवन न सुनत चरण गति ठाकी, नैन बहे जल धारी॥
- पलित केस कफ कंठ अब रूंधियो, कल न परै दिन राती।
- माया मोह न छाड़ै तृषना, यह दोऊ दुखदाती॥
- अब यह बिअथा दूर करिबे को, और न समर्थ कोई।
- सूरदास प्रभू करुना-सागर, तुम ते होइ सो होई॥
- प्रभू, मैं पीछे लियो तुम्हारौ।
- तुम तौ दीनदयाल कहावत, सकल आपदा टारौ॥
- महाकुबुधि कुटिल, अपराधी, औगुन भरि लियो भारौ।
- सूर कूर की याही बिनती, लै चरणनि मैं डारौ॥
- ਅਬਕੀ ਰਾਖਿ ਲੇਹੁ ਭਗਵਾਨ।
- ਹਮ ਅਨਾਥ ਬੈਠੀ ਦ੍ਰਮ ਡਰੀਆਂ , ਪਾਰਧੀ ਸਾਧਿਓ ਬਾਨ॥
- ਤਾ ਕੇ ਡਰ ਨਿਕਸਨ ਚਾਹਤ ਹੌਂ , ਊਪਰ ਰਹਿਓ ਸਚਾਨ ।
- ਦੋਊ ਭਾਂਤੀ ਦੁਖ ਭਇਓ ਕ੍ਰਿਪਾਨਿਧੀ , ਕੌਨ ਉਬਾਰੈ ਪ੍ਰਾਨ॥
- ਸੁਮਿਰਤ ਹੀ ਅਹਿ ਡਸਿਓ ਪਾਰਧੀ , ਲਾਗਿਓ ਤੀਰ ਸਚਾਨ।
- ਸੂਰਦਾਸ ਗੁਨ ਕਹੰ ਲਗ ਬਰਨੌਂ , ਜੈ ਜੈ ਕ੍ਰਿਪਾਨਿਧਾਨ ॥
- ਦੀਨਾਨਾਥ ਅਬ ਬਾਰ ਤੁਮ੍ਹਾਰੀ।
- ਪਤਿਤ – ਉਧਾਰਨ ਬਿਰਦ ਜਾਨਿ ਕੇ , ਬਿਗਰੀ ਲੇਹੁ ਸੰਵਾਰੀ॥
- ਬਾਲਾਪਨ ਖੇਲਤ ਹੀ ਖੋਇਓ , ਜੁਬਾ ਬਿਸ਼ੈ ਰਸ ਮਾਤੇ ।
- ਬ੍ਰਿਧ ਭਏ ਸੁਧਿ ਪ੍ਰਗਟੀ ਮੋ ਕੋ , ਦੁਖਿਤ ਪੁਕਾਰਤ ਤਾ ਤੇਂ॥
- ਸੁਤਨ ਤਜਿਓ ਤ੍ਰਿਯ ਭ੍ਰਾਤ ਤਜਿਓ ਸਬ , ਤਨ ਤੇਂ ਤੁਚਾ ਭਈ ਨਿਆਰੀ।
- ਸ੍ਰਵਨ ਨ ਸੁਨਤ ਚਰਨ ਗਤੀ ਥਾਕੀ , ਨੈਨ ਬਹੇ ਜਲ ਧਾਰੀ॥
- ਪਲਿਤ ਕੇਸ ਕਫ ਕੰਠ ਅਬ ਰੂੰਧਿਓ , ਕਲ ਨ ਪਰੈ ਦਿਨ ਰਾਤੀ ।
- ਮਾਇਆ ਮੋਹ ਨ ਛਾੜੈ ਤ੍ਰਿਸਨਾ , ਯਹ ਦੋਊ ਦੁਖਦਾਤੀ॥
- ਅਬ ਯਹ ਬਿਅਥਾ ਦੂਰ ਕਰਿਬੇ ਕੋ , ਔਰ ਨ ਸਮਰਥ ਕੋਈ।
- ਸੂਰਦਾਸ ਪ੍ਰਭੂ ਕਰੁਨਾ – ਸਾਗਰ , ਤੁਮ ਤੇ ਹੋਇ ਸੋ ਹੋਈ ॥
- ਪ੍ਰਭੂ , ਮੈਂ ਪੀਛੌ ਲੀਓ ਤੁਮ੍ਹਾਰੌ।
- ਤੁਮ ਤੌ ਦੀਨਦਿਆਲ ਕਹਾਵਤ , ਸਕਲ ਆਪਦਾ ਟਾਰੌ॥
- ਮਹਾ ਕੁਬੁਧਿ ਕੁਟਿਲ , ਅਪਰਾਧੀ , ਔਗੁਨ ਭਰਿ ਲੀਓ ਭਾਰੌ।
- ਸੂਰ ਕੂਰ ਕੀ ਯਾਹੀ ਬਿਨਤੀ , ਲੈ ਚਰਨਨਿ ਮੈਂ ਡਾਰੌ ॥