ਵਿਵਿਧ ਦੋਹੇ
- ਭੀਖਾ ਭੂਖਾ ਕੋ ਨਹੀਂ, ਸਬ ਕੀ ਗਠੜੀ ਲਾਲ।
- ਗਿਰਹ ਖੋਲ ਨ ਜਾਨਸੀ, ਤਾਤੇ ਭਏ ਕੰਗਾਲ॥
- ਜੋਗ ਜੁਗਤੀ ਅਭਿਆਸ ਕਰਿ ਸੋਹੰ ਸਬਦ ਸਮਾਇ।
- ਭੀਖਾ ਗੁਰੂ ਪਰਤਾਪ ਤੋਂ ਨਿਜ ਆਤਮ ਦਰਸਾਇ॥
- ਨਾਮ ਪੜੈ ਜੋ ਭਾਵ ਸੋਂ ਤਾ ਪਰ ਹੋਹਿੰ ਦਇਆਲ।
- ਭੀਖਾ ਕੇ ਕਿਰਪਾ ਕੀਓ ਨਾਮ ਸੁਦ੍ਰਿਸ਼ਟੀ ਗੁਲਾਲ ॥
- ਜਾਪ ਜਪੈ ਜੋ ਪ੍ਰੀਤਿ ਸੋ ਬਹੁ ਬਿਧਿ ਰੁਚਿ ਉਪਜਾਇ।
- ਸਾਂਝ ਸਮੇਂ ਔ ਪ੍ਰਾਤ ਲਗ ਤੱਤ ਪਦਾਰਥ ਪਾਇ॥
- ਰਾਮ ਕੋ ਨਾਮ ਅਨੰਤ ਹੈ ਅੰਤ ਨ ਪਾਵੇ ਕੋਇ।
- ਭੀਖਾ ਜਸ ਲਘੁ ਬੁੱਧਿ ਹੈ ਨਾਮ ਤਵਨ ਸੁਖ ਹੋਇ॥
- ਏਕ ਸੰਪ੍ਰਦਾ ਸਬਦ ਘਟ ਏਕ ਦਵਾਰ ਸੁਖ ਸੰਚ।
- ਇਕ ਆਤਮ ਸਬ ਭੇਸ਼ ਮੇਂ ਦੂਜੋ ਜਗ ਪਰਪੰਚ॥
- ਭੀਖਾ ਕੇਵਲ ਏਕ ਹੈ ਕਿਰਤਿੰਮ ਭਯੋ ਅਨੰਤ।
- ਏਕੈ ਆਤਮ ਸਕਲ ਘਟ ਯਹ ਗਤਿ ਜਾਨਹਿੰ ਸੰਤ॥
- ਏਕੈ ਧਾਗਾ ਨਾਮ ਕਾ ਸਬ ਘਟ ਮਨੀਆ ਮਾਲ।
- ਫੇਰਤ ਕੋਈ ਸੰਤ ਜਨ ਸਤਿਗੁਰੂ ਨਾਮ ਗੁਲਾਲ॥
- ਆਰਤੀ ਹਰੀ ਗੁਰੂ ਚਰਨ ਕੀ ਕੋਇ ਜਾਨੇ ਸੰਤ ਸੁਜਾਨ।
- ਭੀਖਾ ਮਨ ਬਚ ਕਰਮਨਾ ਤਾਹਿ ਮਿਲੈ ਭਗਵਾਨ॥