- सुनहु राम रघुबीर गुसाईं, मन अनीति-रत मेरो।
- चरण-सरोज बिसारि तिहारे, निसिदिन फिरत अनेरो॥
- मानत नाहिं निगम-अनुसासन, त्रास न काहू केरो।
- भूलिओ सूल करम-कोलुन्ह तिल जिउँ बहु बारनि पेरो॥
- जहं सतसंग कथा माधवकी, सपनेहुं करत न फेरो।
- लोभ-मोह-मद-काम-कोह-रत, तिन्हसों प्रेम घनेरो॥
- पर-गुन सुनत दाह, पर-दूषण सुनत हरख बहुतेरो।
- आप पापको नगर बसावत, सहि न सकत पर खेरो॥
- साधन-फल, षति-सार नाम तव, भव सरिता कहं बेरो।
- सो पर-कर कांकिनी लागि सठ, बेंचि होत हठि चेरो॥
- कबहूं हौं संगति-प्रभावतो, जाऊं सुमारग नेरो।
- तब करि क्रोध संग कुमनोरथ देत कठिन भटभेरो॥
- इक हौं दीन मलीन, हीनमति बिपतिजाल अति घेरो।
- तापर सहि न जाइ करुनानिधि, मनको दुसह दरेरो॥
- हारि परिओ करि जतन बहुत बिधि, तातें कहत सबेरो।
- तुलसीदास यह त्रास मिटै जब हिर्दे करहु तुम डेरो॥
- ਸੁਨਹੁ ਰਾਮ ਰਘੁਬੀਰ ਗੁਸਾਂਈਂ, ਮਨ ਅਨੀਤਿ-ਰਤ ਮੇਰੋ।
- ਚਰਨ-ਸਰੋਜ ਬਿਸਾਰਿ ਤਿਹਾਰੇ, ਨਿਸਿਦਿਨ ਫਿਰਤ ਅਨੇਰੋ ॥
- ਮਾਨਤ ਨਾਹਿੰ ਨਿਗਮ-ਅਨੁਸਾਸਨ, ਤ੍ਰਾਸ ਨ ਕਾਹੂ ਕੇਰੋ।
- ਭੂਲਿਓ ਸੂਲ ਕਰਮ-ਕੋਲੁਨ੍ਹ ਤਿਲ ਜਿਉਂ ਬਹੁ ਬਾਰਨਿ ਪੇਰੋ॥
- ਜਹੰ ਸਤਿਸੰਗ ਕਥਾ ਮਾਧਵਕੀ, ਸਪਨੇਹੁੰ ਕਰਤ ਨ ਫੇਰੋ।
- ਲੋਭ-ਮੋਹ-ਮਦ-ਕਾਮ-ਕੋਹ-ਰਤ, ਤਿਨ੍ਹਸੋਂ ਪ੍ਰੇਮ ਘਨੇਰੋ॥
- ਪਰ-ਗੁਨ ਸੁਨਤ ਦਾਹ, ਪਰ-ਦੂਸ਼ਨ ਸੁਨਤ ਹਰਖ ਬਹੁਤੇਰੋ।
- ਆਪ ਪਾਪਕੋ ਨਗਰ ਬਸਾਵਤ, ਸਹਿ ਨ ਸਕਤ ਪਰ ਖੇਰੋ॥
- ਸਾਧਨ-ਫਲ, ਸ਼ਤਿ-ਸਾਰ ਨਾਮ ਤਵ, ਭਵ ਸਰਿਤਾ ਕਹੰ ਬੇਰੋ।
- ਸੋ ਪਰ-ਕਰ ਕਾਂਕਿਨੀ ਲਾਗਿ ਸਠ, ਬੇਂਚਿ ਹੋਤ ਹਠਿ ਚੇਰੋ ॥
- ਕਬਹੁੰਕ ਹੌਂ ਸੰਗਤਿ-ਪ੍ਰਭਾਵਤੋਂ, ਜਾਉਂ ਸੁਮਾਰਗ ਨੇਰੋ।
- ਤਬ ਕਰਿ ਕ੍ਰੋਧ ਸੰਗ ਕੁਮਨੋਰਥ ਦੇਤ ਕਠਿਨ ਭਟਭੇਰੋ ॥
- ਇਕ ਹੌਂ ਦੀਨ ਮਲੀਨ, ਹੀਨਮਤਿ ਬਿਪਤਿਜਾਲ ਅਤਿ ਘੇਰੋ।
- ਤਾਪਰ ਸਹਿ ਨ ਜਾਇ ਕਰੁਨਾਨਿਧਿ, ਮਨਕੋ ਦੁਸਹ ਦਰੇਰੋ ॥
- ਹਾਰਿ ਪਰਿਓ ਕਰਿ ਜਤਨ ਬਹੁਤ ਬਿਧਿ, ਤਾਤੇਂ ਕਹਤ ਸਬੇਰੋ ।
- ਤੁਲਸੀਦਾਸ ਯਹ ਤ੍ਰਾਸ ਮਿਟੈ ਜਬ ਹਿਰਦੇ ਕਰਹੁ ਤੁਮ ਡੇਰੋ॥